ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥᑦ ᓇᖕᒥᓂᖃᖅᑐᓂᑦ ᐃᑲᔪᖅᑏᑦ ᓇᖕᒥᓂᖃᕐᓂᕐᒧᑦ ᑎᑎᕋᖅᑕᐅᓯᒪᕕᖓᓃᖃᑕᐅᓕᕈᒪ ᖃᓄᐃᑦᑐᓂᒃ ᐱᕙᓪᓕᖁᑎᑖᕋᔭᖅᐳᖓ?

ᓄᓇᕗᒻᒥᑦ ᓇᖕᒥᓂᖃᖅᑐᓂᑦ ᐃᑲᔪᖅᑏᑦ ᓇᖕᒥᓂᖃᕐᓂᕐᒧᑦ ᑎᑎᕋᖅᑕᐅᓯᒪᕕᖓᓃᖃᑕᐅᓕᕈᒪ ᖃᓄᐃᑦᑐᓂᒃ ᐱᕙᓪᓕᖁᑎᑖᕋᔭᖅᐳᖓ?

ᓄᓇᕗᒻᒥ ᓇᖕᒥᓂᖃᖅᑐᓂᑦ ᐃᑲᔪᖅᑏᑦ ᓇᖕᒥᓂᖃᕐᓂᕐᒧᑦ ᑎᑎᕋᖅᑕᐅᓯᒪᕕᖓᓂᖃᑕᐅᒍᓂ ᑕᐃᔭᐅᖃᑕᐅᔪᓐᓇᕐᓯᒐᔭᖅᑐᖅ "ᓄᓇᕗᒻᒥ ᓇᖕᒥᓂᕆᔭᐅᔪᖅ" ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔪᖅᑎᖏᓐᓂ ᐊᑑᑎᖃᑕᐅᔪᓐᓇᕐᓯᓗᓂ. ᓄᓇᕗᒻᒥ ᓇᖕᒥᓂᕆᔭᐅᔪᖅ ᑎᑎᕋᖅᑕᐅᓯᒪᕕᖓᓃᖃᑕᐅᓗᓂ ᐱᖃᑕᐅᔪᓐᓇᓕᕋᔭᖅᑐᖅ ᒪᑯᓂᖓ ᐅᓄᓕᐅᑎᓂᕐᒧᑦ ᒪᓂᔨᔾᔪᑎᓄᑦ ᐊᕿᒋᐊᕈᑎᑖᖃᑕᐅᔪᓐᓇᕐᓯᓗᓂ ᓄᓇᕗᑦ ᒐᕙᒪᖓᓄᑦ ᐅᓄᓕᐅᑎᓂᕐᒧᑦ ᒪᓂᔨᒍᑎᓕᐅᓕᕈᓂ ᑲᓐᑐᕌᒃᑕᐅᓇᓱᒃᑐᓄᑦ ᒪᓕᒡᓗᑎᒃ ᐱᒃᑯᒪᓂᖅᐹᓄᑦ ᐅᓄᓕᐅᑎᓂᕐᒧᑦ ᐊᑐᐊᒐᖏᓐᓂᒃ ᑕᓐᓇ ᐊᕿᒃᑕᐅᓯᒪᔪᖅ ᓄᓇᒋᔭᐅᔫᑉ ᒐᕙᒪᖓᓄᑦ ᓇᖕᒥᓂᓕᖕᓄᑦ ᐊᕿᒃᑕᐅᓯᒪᓂᖃᖅᖢᑎᒃ ᓄᓇᕗᒻᒥ ᓇᖕᒥᓂᓖᑦ ᐃᖏᕐᕋᑎᑕᐅᓂᖏᓐᓄᑦ.

ᒐᕙᒪᒃᑯᑦ ᑲᓐᑐᕌᒃᑕᕆᓇᓱᒃᑕᖏᑦ ᐅᑯᑎᒎᓇᖅᖢᑎᒃ ᐊᑭᑦᑐᕋᐅᑎᖃᑕᐅᔪᒪᓂᕐᒧᑦ ᑐᒃᓯᕋᐅᑏᑦ ᐊᑑᑎᔭᐅᔭᕆᐊᓖᑦ ᐊᕿᒋᐊᖅᑕᐅᔾᔪᑎᖏᑦ ᐃᒪᐃᑉᐳᑦ:

  • 7%-ᒥᒃ ᐊᑭᒡᓕᒋᐊᖅᑕᐅᓗᓂ ᐋᕿᒋᐊᖅᑕᐅᒐᔭᖅᑐᖅ ᐅᓄᓕᐅᑎᔾᔪᑎᓕᐊᖓ ᐃᓄᖕᓄᑦ ᓇᖕᒥᓂᕆᔭᐅᓂᖓᓄᑦ ᓇᓗᓇᐃᒃᑯᑕᓕᒃ
  • 7%-ᒥᒃ ᐊᑭᒡᓕᒋᐊᖅᑕᐅᓗᓂ ᐋᕿᒋᐊᖅᑕᐅᒐᔭᖅᑐᖅ ᐅᓄᓕᐅᑎᔾᔪᑎᓕᐊᖓ ᓄᓇᕗᒻᒥᑦ ᓇᖕᒥᓂᖃᕐᓂᕐᒧᑦ ᓇᓗᓇᐃᒃᑯᑕᓕᒃ ​
  • 7%-ᒥᒃ ᐊᑭᒡᓕᒋᐊᖅᑕᐅᓗᓂ ᐋᕿᒋᐊᖅᑕᐅᒐᔭᖅᑐᖅ ᐅᓄᓕᐅᑎᔾᔪᑎᓕᐊᖓ ᓄᓇᓕᖕᒥᑦ ᓇᖕᒥᓂᖃᕐᓂᕐᒧᑦ ᓇᓗᓇᐃᒃᑯᑕᓕᒃ 

ᒐᕙᒪᒃᑯᓐᓄᑦ ᑲᓐᑐᕌᒃᑕᖅᑎᑕᐅᔪᑦ ᑐᒃᓯᕋᕈᒪᔪᓄᑦ ᒪᓂᒪᓴᐅᑎᒃᑰᖅᖢᑎᒃ, ᓄᓇᕗᒻᒥ ᓇᒻᒥᓂᖃᖅᑐᓂᒃ ᐃᑲᔪᖅᑎᖓᓂ ᑎᑎᕋᖅᓯᒪᕗᖅ ᐃᒫᒃ ᒥᑭᓐᓂᖅᐹᕆᔪᓐᓇᖅᑕᖓ 15% ᖃᐅᔨᓴᖅᑕᐅᓂᒃᑯᑦ ᐊᑐᖅᑕᐅᔭᕆᐊᖃᖅᑎᑦᑎᓯᒪᒻᒪᑦ ᑐᕌᖓᓂᐊᕐᓗᓂ ᐃᓅᖕᓄᑦ (10%-ᖓ ᐃᓄᖕᓂᒃ ᐃᖃᓇᐃᔭᖅᑎᖃᕆᐊᖃᕐᓂᖅ ᐊᒻᒪᓗ 5%-ᖓ ᐃᓄᖕᓄᑦ ᓇᖕᒥᓂᕆᔭᐅᔪᒥᒃ ᐊᑐᕆᐊᓕᒃ). ᑐᒃᓯᕋᐅᑏᑦ ᒪᓂᒪᓴᐅᑎᒃᑰᖅᑐᑦ ᓇᓗᓇᖏᑦᓯᐊᖅᑐᒥᒃ ᐊᑭᒋᓂᐊᖅᑕᖓᓄᑦ ᐊᑐᖅᑕᐅᔭᕆᐊᖃᖅᑐᑰᖅᑐᐃᑦ, ᐅᓄᓕᐅᑎᔪᓄᑦ ᐊᕿᒋᐊᖅᑕᐅᔾᔪᑎᖓ ᓇᓕᒧᖃᕐᐳᖅ ᓇᓚᐅᑦᓴᖅᑕᐅᔪᓄᑦ ᐊᑐᖅᑕᐅᓂᐊᕐᓗᓂ ᐊᑭᖓᑕ ᐃᓚᖓᓄᑦ ᖃᐅᔨᓴᖅᑕᐅᔪᑎᐊᓄᑦ.

ᐃᖃᓇᐃᔭᖅᑎᖃᕐᓂᕐᒧᑦ ᐃᓗᓕᕆᓂᐊᖅᑕᖏᑦ ᓇᓚᐅᑦᑖᕈᑏᑦ ᐊᕿᒋᐊᖅᑕᐅᔾᔪᑎᖏᑦ ᓇᐃᓴᖅᑕᐅᔾᔪᑎᖃᓲᖑᕗᑦ ᒪᓕᒃᖢᑎᒃ ᐃᖃᓇᐃᔭᖅᑑᑉ ᐃᓅᑉ ᓄᓇᖓᓂᒃ (ᓄᓇᓕᖓ/ᓄᓇᕗᑦ) ᐊᒻᒪᓗ ᐃᓚᐅᔫᔾᔪᑎᓖᑦ ᓄᓇᕗᑖᕐᓂᕐᒧᑦ (ᐃᓄᐃᑦ) ᓇᓗᓇᐃᒃᑯᑕᓖᑦ. ᐅᓄᓕᐅᑎᓂᕐᒧᑦ ᐊᕿᒋᐊᖅᑕᐅᔾᔪᑏᑦ ᐃᖃᓇᐃᔭᖅᑎᖃᕐᓂᕐᒨᖓᖏᑦᑐᓕᒫᑦ ᓇᓚᐅᑦᑕᕈᑎᒃᓴᓄᑦ ᓇᐃᓴᖅᑕᐅᓯᒪᓲᖑᕗᑦ ᒪᓕᒃᖢᑎᒃ ᓇᖕᒥᓂᕆᔭᐅᔫᑉ ᖃᓄᐃᑦᑑᓂᖓᓂᒃ.

ᑐᑭᓯᒋᐊᑦᑎᐊᑲᓐᓂᕐᕕᒃ:​ nni.gov.nu.ca