ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᓇᓄᕋᐃᑦ ᓂᐅᕕᐊᒃᓴᑦ ᓴᖅᑭᑕᐅᓂᐊᖅᑐᑦ ᓯᑎᐱᕆ 28-ᒥ

ᓯᑎᐱᕆ 21, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᓇᓄᕋᐃᑦ ᓂᐅᕕᐊᒃᓴᑦ ᓴᖅᑭᑕᐅᓂᐊᖅᑐᑦ ᓯᑎᐱᕆ 28-ᒥ

ᐊᕙᑎᓕᕆᔨᒃᑯᑦ ᓇᓄᕋᕐᓂᒃ ᓂᐅᕐᕈᑎᖃᑲᑕᓛᖅᑐᑦ ᓯᑎᐱᕆ 28-ᖑᓕᖅᐸᑦ. ᐊᑎᓕᐅᖅᑕᐅᖃᑕᐅᔪᒪᔪᓐᓇᖅᐳᓯ ᒫᓐᓇ ᓇᓄᐃᑦ ᐱᓕᕆᐊᖑᕙᓪᓕᐊᔪᒪᔪᑦ ᐃᑭᐊᖅᑭᕕᖓᓐᓄᑦ (https://nanuit.ca) ᓂᐅᕕᖃᑕᐅᔪᒪᒍᕕᑦ ᓇᓄᕋᕐᒥᒃ ᐅᑎᖅᑎᑕᐅᓂᑯᒥᒃ ᐊᒥᓕᕆᕝᕕᖕᒥ ᐊᑭᑦᑐᕋᐅᑕᐅᕙᒃᑐᓂᒃ.
ᓂᐅᕕᐊᒃᓴᖃᕐᕕᐅᓂᐊᖅᑐᑦ ᓄᓇᕗᒥᐅᑕᑐᐊᑦ ᐃᒪᐃᓕᖓᑎᑕᐅᓂᐊᖅᑐᖅ ᐃᒡᓗᒥᐅᖃᑎᒌᑦ ᐊᑕᐅᓯᕐᒥᒃ ᓇᓄᕋᐅᑎᒥᒃ ᓂᐅᕕᕈᓐᓇᖅᑎᑕᐅᓗᑎᒃ.

ᐊᑐᐃᓐᓇᐅᕝᕕᒋᓗᒋᑦ ᓂᐅᕕᕈᓐᓇᖅᑎᓪᓗᒋᑦ, ᐊᒧᔭᐅᔪᖃᓛᖅᑐᖅ ᓂᐅᕕᖅᐸᓪᓕᐊᔪᑦ ᐱᔪᓐᓇᖅᑎᓪᓗᒋᑦ ᐊᑕᐅᓯᕐᒥᒃ ᓇᓄᕋᐅᑎᒥᒃ ᑖᒃᑯᓇᙵᑦ ᓇᓄᕋᕐᓂᒃ. ᐊᑎᕐᒥᒃ ᐊᒧᔭᐅᔪᖃᕌᖓᑦ, ᐊᒧᔭᐅᔪᖅ ᖃᐅᔨᒋᐊᕐᕕᐅᖃᑦᑕᕐᓂᐊᖅᑐᖅ ᐃᑲᕐᕋᓄᓪᓗ 72-ᓄᑦ ᐱᕕᖃᖅᑎᑕᐅᓂᐊᖅᐳᖅ ᐊᑭᓖᔪᓐᓇᖅᑎᑕᐅᓗᓂ. ᐊᑭᓖᑎᓪᓗᒍ, ᓇᓄᕋᐃᑦ ᓇᒃᓯᐅᔾᔭᐅᖃᑦᑕᕐᓂᐊᖅᑐᑦ ᓂᐅᕕᖅᑐᓄᑦ ᖃᖓᑦᑕᐅᑎᖏᑦ ᐊᑭᖃᙱᓪᓗᑎᒃ ᐆᒪᔪᕐᓂᐊᖅᑎᒃᑯᖏᑦᑕ ᑎᑎᕋᕐᕕᖏᓐᓄᑦ ᓇᓄᕋᖅᑖᖅᑐᑦ ᖃᐅᔨᒃᑲᖅᑕᐅᖃᑦᑕᕐᓂᐊᖅᑐᑦ.

ᓂᐅᕕᐊᕆᔭᐅᔪᓕᒫᑦ ᑭᖑᓪᓕᖅᐹᕆᓗᒍ ᓂᐅᕕᐊᖑᓛᖅᐳᑦ ᓇᓄᕋᓕᒫᓪᓗ ᓂᐅᕐᕈᑕᐅᖃᑦᑕᕐᓂᐊᖅᐳᑦ ᖃᓄᐃᓕᖓᓂᑎᒃ ᒪᓕᒡᓗᒋᑦ. ᓇᓄᕋᐃᑦ ᐱᐅᓯᕆᔭᐅᔪᖅᑎᒍᑦ ᐸᓂᖅᑎᓯᒪᔪᑦ (ᕿᑐᓕᓴᖅᓯᒪᙱᑦᑐᑦ) ᐊᔾᔨᒌᒃᐸᙱᖦᖢᑎᒡᓗ ᐱᐅᓂᖏᑦ ᐃᓚᖏᑦ ᐱᐅᔪᒻᒪᕆᐊᓘᓪᓗᑎᒃ ᐃᓚᖏᑦ ᐱᐅᙱᑦᑎᐊᖅᖢᑎᒃ. ᐱᔭᒃᓴᐅᓂᐊᕐᒥᔪᑦ ᐊᖏᔫᓗᑎᒃ ᐅᕝᕙᓘᓐᓃᑦ ᐊᖏᔪᒻᒪᕆᐅᓗᑎᒃ, ᐊᑭᖃᖅᑎᒋᓗᑎᒃ $200−ᒥᒃ $800−ᒧᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᖃᐅᔨᒋᐊᕈᓐᓇᖅᐳᓯ ᔮᓐ ᓃᓕ−ᒧᑦ ᐅᕗᖓ ᑎᑎᕋᕐᕕᒋᓗᒍ jneely@gov.nu.ca ᐅᕝᕙᓘᓐᓃᑦ ᐅᕗᖓ ᐅᖃᓗᒡᕕᒋᓗᒍ 867-975-7782.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᓯ ᓚᓱᑦ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
clessard3@gov.nu.ca