ᐅᖃᓚᐅᑎᓯᐅᑏᑦ

You are here

ᒫᓐᓇᑲᐅᑎᒋ ᐱᒋᐊᕐᖢᓂ: ᐃᓚᒋᐊᕐᑕᐅᔪᖅ ᕿᑭᖅᑖᓗᖕᒥᑦ ᑐᒃᑐᑕᐅᔪᓐᓇᕐᑐᑦ

ᔪᓚᐃ 22, 2022

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ

ᒫᓐᓇᑲᐅᑎᒋ ᐱᒋᐊᕐᖢᓂ: ᐃᓚᒋᐊᕐᑕᐅᔪᖅ ᕿᑭᖅᑖᓗᖕᒥᑦ ᑐᒃᑐᑕᐅᔪᓐᓇᕐᑐᑦ

ᒥᓂᔅᑕ ᐊᕙᑎᓕᕆᔨᒃᑯᓐᓄᑦ ᐊᖏᕈᑎᖃᓚᐅᕐᒪᑦ ᐃᓱᒪᓕᐊᖑᔪᒧᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᑦ ᐃᓚᒋᐊᕐᑕᐅᓂᖏᑦ ᐊᖑᓇᓱᒃᑕᐅᔪᓐᓇᕐᑐᑦ ᕿᑭᖅᑖᓗᖕᒥᑦ ᑐᑐᒃᑐᐃᑦ ᐱᒋᐊᑲᐅᑎᒋᓪᓗᓂ ᒫᓐᓇ 2022-2023 ᐊᖑᓇᓱᖕᓇᒧᑦ.

ᐊᖑᓇᓱᖕᓇᒥᑦ ᔪᓚᐃ 1, 2022−ᒥᑦ ᔫᓂ 30, 2023−ᒧᑦ, ᐃᓚᒋᐊᓛᕐᑐᑦ 250-ᒥᑦ 350−ᒧᑦ ᓂᕕᖓᑖᑦ ᕿᑭᖅᑖᓘᑉ ᑐᒃᑐᖏᓐᓄᑦ. ᑕᒡᕙᙵᑦ 350 ᓂᕕᖓᑖᕐᓂᑦ, 75 ᐊᑐᕐᑕᐅᔪᓐᓇᕐᓂᐊᕐᑐᑦ ᐊᕐᓇᓪᓗᑲᕐᓄᑦ.

ᐃᓚᒋᐊᓛᕐᒥᔪᖅ 50 ᓂᕕᖓᑖᕐᓂᑦ ᐊᖑᓇᓱᖕᓇᓂ 20 ᐳᓴᓐᑎᖓ ᐊᖑᓇᓱᒃᑕᐅᔪᓐᓇᕐᑐᑦ ᐊᕐᓇᓪᓗᑲᐅᓗᑎᒃ. ᑕᒪᓐᓇ ᑕᐃᒪᐃᓐᓂᐊᕐᑐᖅ ᐊᕐᕌᒍᓄᑦ 8−ᓄᑦ ᐅᕝᕙᓘᓐᓃᑦ ᓄᑖᓂ ᑐᓴᖅᑕᐅᔪᒃᓴᖅᑕᖃᓕᕐᐸᑦ ᐊᓯᔾᔨᖅᓯᔪᓐᓇᕐᑐᓂᑦ ᐊᖑᓇᓱᒃᑕᐅᔪᓐᓇᕐᑐᓂᑦ.

ᑲᑎᓪᓗᒋᑦ ᐊᖑᓇᓱᒃᑕᐅᔪᓐᓇᖅᑐᑦ ᓴᖅᑭᑕᐅᓯᒪᔪᑦ ᐃᑲᔪᖅᑐᐃᓪᓗᑎᒃ ᕿᑭᖅᑖᓘᑉ ᑐᒃᑐᖏᑦ ᐊᒥᓲᓂᖏᑦ ᐅᑎᖅᐸᓪᓕᐊᓕᖅᑎᓪᓗᒋᑦ ᐊᒻᒪᓗ ᐱᕕᒡᔪᐊᖑᓪᓗᓂ ᐊᐅᓚᑦᑎᖃᑎᒌᖕᓂᕐᒧᑦ ᐊᔪᐃᓐᓈᖑᔪᒧᑦ ᐃᓛᒃᑰᓕᖓᓂᖏᑦ ᐅᓄᖅᓯᒋᐊᕐᓂᖏᑦ ᐊᒻᒪᓗ ᐊᖑᓇᓱᖕᓂᖅ ᓂᕐᔪᑎᓂᒃ ᐱᕕᒃᓴᖃᖅᑎᑕᐅᓗᓂ ᓯᕗᓂᒃᓴᑦᑎᓐᓄᑦ ᐊᖑᓇᓱᒍᓐᓇᕐᓂᐊᕐᒪᑕ ᓂᕐᔪᑎᓂᒃ

ᓄᓇᕗᒻᑦ ᐊᖏᕈᑎᐊᓂ, ᐊᖑᓇᓱᒃᑕᐅᔪᓐᓇᕐᑐᑦ ᓯᐊᒻᒪᒃᑕᐅᕙᖕᓂᖏᑦ ᑲᒪᒋᔭᐅᕗᑦ ᕿᑭᖅᑖᓗᖕᒥᑦ ᐆᒪᔪᓕᕆᔨᒃᑯᑦ ᑲᑎᒪᔨᖏᓐᓂᑦ. ᐊᖑᓇᓱᒃᑐᓕᕆᔨᒃᑯᑦ ᐱᔪᓐᓇᕐᓂᖃᕐᐳᑦ ᓴᓂᕐᕙᐃᓂᐊᕐᓗᑎᒃ ᐊᖑᓇᓱᒍᓐᓇᕐᑕᖏᓐᓄᑦ ᒪᓕᒐᒃᓴᓕᐅᕐᑕᐅᓂᐊᕐᓗᑎᒃ ᐊᖑᓇᓱᒃᑕᐅᓲᓂ ᐃᓚᖏᓐᓄᑦ.

ᐊᖑᓇᓱᒃᑐᑎᑦ ᕿᑭᖅᑖᓘᑉ ᑐᒃᑐᖏᓐᓂᑦ ᐊᖑᓇᓱᒍᒪᒃᐸᑕ, ᖃᐅᔨᒋᐊᕐᕕᒋᓗᒋᑦ ᐊᖑᓇᓱᒃᑐᓕᕆᔨᒃᑯᔅᓯ ᑐᑭᓯᒋᐊᒃᑲᓐᓂᖁᓪᓗᓯ ᓯᐊᒻᒪᒃᑕᐅᕙᒃᑐᓂᑦ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᐃᔅᑕᓚ ᐊᒍᐃᓚᕐ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7746
eaguilar2@gov.nu.ca