ᐅᖃᓚᐅᑎᓯᐅᑏᑦ

You are here

ᑮᓇᐅᔭᐃᑦ ᐊᐃᑦᑑᑏᑦ ᐊᑐᐃᓐᓇᐅᔪᑦ ᐋᖅᑭᔅᓱᐃᔾᔪᑎᓄᑦ ᓯᓚᒧᑦ ᐆᒻᒪᖅᑯᑎᓄᑦ ᐃᓪᓗᕋᓛᓄᑦ ᐊᒻᒪᓗ ᐊᖏᕐᕋᕆᔭᐅᔪᓄᑦ

ᔪᓚᐃ 25, 2022

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᑮᓇᐅᔭᐃᑦ ᐊᐃᑦᑑᑏᑦ ᐊᑐᐃᓐᓇᐅᔪᑦ ᐋᖅᑭᔅᓱᐃᔾᔪᑎᓄᑦ ᓯᓚᒧᑦ ᐆᒻᒪᖅᑯᑎᓄᑦ ᐃᓪᓗᕋᓛᓄᑦ ᐊᒻᒪᓗ ᐊᖏᕐᕋᕆᔭᐅᔪᓄᑦ

ᐃᑲᔪᕈᑏᑦ ᓄᓇᕗᒻᒥ ᑐᕚᖃᕈᓐᓃᖅᐹᓪᓕᐊᖅᑎᑦᑎᓂᕐᒧᑦ ᐅᖅᓱᐊᓗᒃᓴᒨᖅᑐᓂᑦ ᐊᒻᒪᓗ ᐃᓯᐊᕿᔪᓂᑦ ᓱᕈᕐᓇᖅᑐᓂᑦ ᓄᖑᑎᑦᑎᕚᓪᓕᕐᓂᕐᒧᑦ ᐆᒻᒪᖅᑯᑎᔅᓴᑦᑖᕐᓂᒃᑯᑦ ᓯᓚᒥ ᐱᓯᒪᔪᓂᑦ ᐃᓪᓗᕋᓛᓐᓄᑦ ᐊᖏᕐᕋᓄᓪᓘᓐᓃᑦ.

ᐃᓪᓗᕋᓛᖁᑎᖃᖅᑐᑦ ᐱᓇᓱᐊᖃᑕᐅᔪᓐᓇᖅᑐᑦ ᐊᕙᑎᓕᕆᔨᒃᑯᑦ ᐱᓕᕆᕝᒐᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᒃ ᐊᑕᐅᓯᐊᖅᑐᒥᑦ ᐊᐃᑦᑑᑎᒥᑦ ᑮᓇᐅᔭᖅᑖᕈᓯᐊᔅᓴᓄᑦ ᑎᑭᖅᑲᔪᓐᓇᖅᑐᑦ $5,000ᓄᑦ ᐋᖅᑭᔅᓱᐃᔾᔪᑎᓄᑦ ᓯᕿᓂᕐᒥᑦ ᐅᕝᕙᓘᓐᓃᑦ ᐊᓄᕆᒧᑦ ᐆᒻᒪᖅᑯᑎᓕᕈᑎᓄᑦ.

ᓇᒻᒥᓂᖃᖅᑎᐅᔪᓂᑦ ᐃᓪᓗᖏᓐᓂᑦ ᕼᐋᒻᒪᓚᐅᑉ ᑭᓪᓕᖏᑕ ᐃᓗᐊᓃᑦᑐᑦ ᓄᓇᕗᒻᒥ ᐱᓇᓱᐊᖃᑕᐅᔪᓐᓇᖅᑐᑦ ᓄᓇᕗᒻᒥ ᐃᒡᓗᓕᕆᔨᕐᔪᐊᒃᑯᓐᓄᑦ ᐊᑕᐅᓯᐊᖅᑐᒥᑦ ᐊᐃᑦᑑᓯᐊᕈᑎᔅᓴᓂᑦ ᐊᑭᖓᑕ ᐊᕝᕙᖏᓐᓄᑦ ᐊᑭᓕᐅᑎᔅᓴᒥᑦ, ᑭᓪᓕᖃᕐᓗᒍ $30,000ᓗᑦ, ᓯᕿᓂᕐᒥᑦ ᐊᐅᓚᔪᓐᓇᐅᑦ ᐆᒻᒪᖅᑯᑎᑖᕈᑎᓄᑦ.

ᐋᖅᑭᔅᓱᐃᓚᐅᙱᓂᓐᓂᑦ ᓯᓚᒧᑦ ᐆᒻᒪᖅᑯᑎᓕᐅᕈᑎᓄᑦ, ᓇᒻᒥᓂᖁᑎᖃᖅᑎᐅᔪᑦ ᐃᓪᓗᖏᓐᓂᑦ ᐊᖏᖅᑕᐅᓯᒪᔭᕆᐊᓖᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓄᑦ ᑖᒃᑯᓂᖓ ᐃᓕᔭᐅᖃᑕᐅᒐᔭᕐᒪᑕ ᓇᒻᒥᓂᖅ ᐊᐅᓚᔪᓐᓇᐅᑎᓕᓐᓄᑦ ᐱᓕᕆᐊᕐᒧᑦ, ᑖᒃᑯᐊ ᓯᓚᒥᑦ ᐆᒻᒪᖅᑯᑎᓕᐅᕈᑎᓄᑦ ᐊᐅᓚᑎᖃᕐᓂᕐᒧᑦ ᐊᑭᓖᑎᑦᑎᙱᒍᑕᐅᒐᔭᖅᑐᓂᑦ ᑖᒃᑯᐊ ᓇᒻᒥᓂᖅ ᐆᒻᒪᖅᑯᑎᓕᐅᖅᓯᒪᓂᖏᓐᓄᑦ ᐊᐅᓚᐅᑎᖏᓐᓄᑦ.

ᑖᓐᓇ ᐊᑐᕐᓗᒍ ᐱᓕᕆᖃᑎᒌᖕᓂᖅ/ᐃᑲᔪᖃᑎᒌᓐᓂᑦ, ᖃᓄᖅᑑᕐᓂᑦ, ᐊᒻᒪᓗ ᐊᕙᑎᑦᑎᓐᓂᒃ ᑲᒪᑦᑎᐊᕐᓂᖅ, ᐱᓕᕆᖃᑎᒌᑐᐃᓐᓇᐅᔭᕆᐊᖃᕋᑦᑕ ᕿᓂᕐᓗᑕ ᖃᓄᖅᑑᕐᓂᒃᑯᑦ ᐊᕙᑎᑦᑎᓐᓂᑦ ᑲᒪᑦᑎᐊᕈᓐᓇᖁᓪᓗᑕ ᐊᒻᒪᓗ ᓇᒻᒥᓂᖅᓱᕈᓐᓇᖅᓯᕙᓪᓕᐊᓂᖅᓴᐅᖁᓪᓗᑕ.

ᑐᑭᓯᒃᑲᓐᓂᕈᒪᒍᕕᑦ ᐱᓕᕆᐊᖑᔫᑉ ᒥᔅᓵᓄᑦ ᐊᒻᒪᓗ ᐱᓇᓱᐊᖃᑕᐅᔪᒪᓗᑎᑦ ᐊᐃᑦᑑᑎᓂᑦ, ᐅᕗᙵᕐᓗᑎᑦ ᐃᑭᐊᖅᑭᕕᒻᒧᑦ climatechangenunavut.ca ᐅᕝᕙᓘᓐᓃᑦ www.nunavuthousing.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᐃᔅᑕᓚ ᐊᒍᐃᓚᕐ
ᑐᓴᐅᒪᔪᓕᕆᔨᒃᑯᓐᓄᑦ ᐊᐅᓚᑦᑎᔨᐅᓚᐅᑲᒃᑐᖅ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᐊᒻᒪ ᑐᓴᐅᒪᑎᑦᑎᔨᒃᑯᓐᓄᑦ
ᐊᕙᑎᓕᕆᔨᒃᑯᑦ
867-975-7746
eaguilar2@gov.nu.ca