ᑲᑎᒪᔨᑖᕆᐊᖃᖅᑐᑦ ᓄᓇᕗᒻᒥ ᓯᓚ ᐊᓯᔾᔨᖅᐸᓪᓕᐊᓂᖓᓄᑦ ᒪᒃᑯᒃᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᓄᑦ

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᑲᑎᒪᔨᑖᕆᐊᖃᖅᑐᑦ ᓄᓇᕗᒻᒥ ᓯᓚ ᐊᓯᔾᔨᖅᐸᓪᓕᐊᓂᖓᓄᑦ ᒪᒃᑯᒃᑐᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᓄᑦ

ᓄᓇᕗᑦ ᒐᕙᒪᒃᑯᑦ (GN) ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᖓ ᕿᓂᕐᒪᑕ ᒪᒃᑯᒃᑐᓂᒃ ᐅᑭᐅᓕᖕᓂᒃ 16-ᒥᑦ 35-ᒧᑦ ᐱᔨᑦᑎᕋᖁᓪᓗᒋᑦ ᓄᓇᕗᒻᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᒪᒃᑯᒃᑐᓄᑦ ᐅᖃᐅᔾᔪᐃᔨᑦ ᑲᑎᒪᔨᕋᓛᖏᓐᓄᑦ. ᑲᑎᒪᔨᕋᓛᑦ ᐱᑎᑦᑎᓂᐊᖅᐳᑦ ᑐᕌᑲᐅᑎᒋᔪᓂᒃ ᑐᑭᖃᑦᑎᐊᖅᑐᓂᒡᓗ ᐃᓱᒪᒋᔭᐅᔪᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐊᒃᑐᐊᓂᓕᖕᓄᑦ ᐱᒋᐊᖅᑕᐅᓯᒪᔪᓄᑦ ᓄᓇᕘᓕᒫᒥ.

ᐃᓚᒋᔭᐅᔪᑦ ᐃᒪᐃᓕᐅᕈᓐᓇᖅᓯᓂᐊᖅᐳᑦ:

ᐅᔾᔨᕆᔭᐅᓕᖅᑎᓪᓗᒋᑦ ᓄᓇᕗᒥᐅᑦ ᓯᓚ ᐊᓯᔾᔨᖅᐸᓪᓕᐊᔪᒧᑦ ᐱᔾᔪᑕᐅᔪᑦ ᐊᒃᑐᐃᔾᔪᑕᐅᓲᑦ ᓄᓇᖏᓐᓄᑦ.
ᐱᑎᑦᑎᕙᒡᓗᑎᒃ ᒪᒃᑯᒃᑐᑦ ᐃᓱᒪᒋᔭᖏᓐᓂᒃ ᐅᖃᐅᓯᖃᕐᕕᒋᔭᖏᓐᓂᒡᓗ ᓄᓇᕗᑦ ᒐᕙᒪᖓᑕ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᐱᓕᕆᐊᖑᕙᒃᑐᓄᑦ, ᐊᑐᐊᒐᕐᓄᑦ ᐱᓕᕆᐊᒃᓴᓄᓪᓗ.
ᑐᓴᖅᑎᑉᐸᒡᓗᒋᑦ ᓄᓇᕗᑦ ᒐᕙᒪᒃᑯᑦ ᓴᖅᑭᑉᐸᓪᓕᐊᔪᓂᒃ ᓯᓚ ᐊᓯᔾᔨᖅᐸᓪᓕᐊᔪᒧᑦ ᐃᓱᒪᒋᔭᒃᓴᓄᑦ ᐃᓱᒫᓘᑕᐅᔪᓄᑦ ᓄᓇᕗᒻᒥ ᒪᒃᑯᒃᑐᓄᑦ.
ᑭᒡᒐᖅᑐᕐᓗᒋᑦ ᓄᓇᕗᒻᒥ ᒪᒃᑯᒃᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑲᑎᒪᓂᐅᖃᑦᑕᕐᓂᐊᖅᑐᓄᑦ.
ᐱᕕᖃᕐᓗᑎᒃ ᐃᓚᒋᔭᐅᔪᓐᓇᖅᓯᓗᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᓯᕗᓕᖅᑎᓂᑦ ᓄᓇᕗᒻᒥ.

ᐱᓇᔪᖃᑕᐅᔪᒪᒍᕕᑦ, ᐅᕗᙵᕐᓗᑎᑦ www.climatechangenunavut.ca ᑕᑯᔭᖅᑐᕐᓗᑎᓪᓘᓐᓃᑦ ᓄᓇᔅᓯᓐᓂ ᒐᕙᒪᒃᑯᓐᓂᒃ ᑐᓴᐅᒪᑎᑦᑎᔨᐅᑉ ᑎᑎᕋᕐᕕᐊᓄᑦ ᖁᑦᑎᖕᓂᖅᓴᓪᓘᓐᓃᑦ ᐃᓕᓐᓂᐊᕐᕕᖕᒧᑦ. ᐃᓱᒪᒃᓴᖅᓯᐅᑦᑎᐊᖅᓯᒪᓗᓂ ᐱᓇᔫᑎᑦ ᐱᔭᐅᙱᒃᑲᓗᐊᕐᓗᑎᒃ ᓱᖁᑕᐅᙱᑦᑐᖅ ᑭᓯᐊᓂ ᑎᓕᐅᕆᔾᔪᑕᐅᔪᑦ!

ᐱᓇᔪᒃᑐᑦ ᐊᖏᖅᑕᐅᖃᑦᑕᕐᓂᐊᖅᑐᑦ ᓯᕗᓪᓕᐅᓗᑎᒃ ᐱᔨᑦᑎᕋᖅᑕᐅᖅᑳᕐᓗᑎᒃ, ᐃᖅᑲᓇᐃᔮᒃᓴᓕᒫᑦ ᐃᓐᓄᒃᑕᐅᒃᐸᑕ ᑭᓯᐊᓂ.  ᐱᔪᒪᔭᐅᖅᑳᕐᓂᐊᖅᑐᑦ ᓄᓇᕗᒻᒥ ᐃᓄᐃᑦ ᐊᑎᓕᐅᖅᓯᒪᔪᑦ ᓄᓇᕗᒻᒥ ᐊᖏᕈᒻᒥᑦ. ᐃᓚᐅᖃᑕᐅᔪᑦ ᐊᑭᓕᖅᓱᖅᑕᐅᓇᔭᖅᑐᑦ ᐃᓚᐅᓂᖏᓐᓄᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᐊ ᐃᕐᖐᓐᓇᖅᑕᐅᒃᑯᑦ ᐅᕗᖓ climatechange@gov.nu.ca ᐅᖄᓚᓗᑎᓪᓘᓐᓃᑦ ᐅᕗᖓ 867-975-7733.

ᐱᓇᓱᐊᖅᑐᓄᑦ ᐃᓱᓕᕝᕕᓴᖃᖅᑐᖅ ᒫᑦᓯ 31, 2023−ᒥ.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᓖᑲᓐ ᑖᒪᔅ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
lthomas8@gov.nu.ca