ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᖅ ᓄᓇᕗᒻᒥ

ᒪᐃ 14, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᑲᓇᑕᓕᒫᒥ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᖅ ᓄᓇᕗᒻᒥ

ᑲᓇᑕᓕᒫᒥ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᐅᑎᓪᓗᒍ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᖁᕕᐊᓲᑎᖃᖅᐳᑦ ᐅᔭᕋᖕᓂᐊᒐᒃᓴᑦ ᓴᓇᕕᖏᓐᓂ ᐃᑲᔫᑎᖏᓐᓂᒃ ᓄᓇᕗᒻᒧᐊᖅᑕᐅᖃᑦᑕᖅᑐᓂᑦ ᐊᔪᕈᓐᓃᖅᓴᖅᑎᑦᑎᓂᒃᑯᑦ, ᐃᖅᑲᓇᐃᔭᖅᑎᑦᑎᓂᒃᑯᑦ, ᐊᒻᒪ ᓇᖕᒥᓂᓕᖕᓄᑦ ᐃᑲᔫᑕᐅᔪᓂᑦ.

ᓴᖅᑭᔮᖅᑎᑦᑐᒪᓪᓗᒍ ᐅᔭᕋᖕᓂᐊᕐᓂᕐᒧᑦ ᐱᓇᓱᐊᕈᓯᖅ, ᓄᑖᒥᒃ ᐃᑭᐊᖅᑭᕕᒃᑯᑦ ᓄᓇᕗᒻᒥ ᐅᔭᕋᖕᓂᐊᕐᕕᑦ ᐅᖃᓕᒫᒐᖓᓂᑦ ᓴᖅᑭᑎᑕᐅᔪᖅᐳᖅ ᒪᒃᑯᒃᑐᓄᑦ ᑐᕌᖓᔪᒥᒃ ᓄᓇᕘᓕᒫᒥ, ᐱᕙᓪᓕᐊᔪᓕᕆᔨᒃᑯᓐᓂ ᐃᖏᕐᕋᔪᓕᕆᔨᒃᑯᓐᓂᓗ ᐊᒻᒪ ᐅᔭᕋᖕᓂᐊᕐᕕᓕᕆᔨᑦ ᐅᑭᐅᖅᑕᖅᑐᒥ ᐃᑲᔪᖅᑐᖅᑕᐅᓪᓗᑎᒃ. ᐃᑭᐊᖅᑭᕕᒃᑯᑦ ᐅᖃᓕᒫᒐᖅ ᖃᔅᓯᑲᓪᓚᖕᓂᒃ ᐊᓕᐊᓇᐃᑦᑐᓂᒃ ᑐᓴᐅᒪᔾᔪᑎᒃᓴᓂᓪᓗ ᐱᓕᕆᐊᒃᓴᓂᒃ ᐱᖃᓯᐅᔾᔨᕗᖅ ᖃᐅᔨᒃᑲᓐᓂᖁᓪᓗᒋᑦ ᐅᔭᕋᖕᓂᐊᒐᒃᓴᓂᑦ ᐱᓕᕆᐊᖑᕙᒃᑐᑦ ᒥᒃᓵᓄᑦ ᐃᓅᓯᑦᑎᓐᓂ. ᖃᕆᓴᐅᔭᒃᑯᑦ ᐱᔪᒪᒍᕕᐅᒃ ᓄᓇᕗᒻᒥ ᐅᔭᕋᖕᓂᐊᕐᓂᕐᒧᑦ ᐅᖃᓕᒫᒐᖅ, ᑕᑯᒋᐊᕐᓗᒍ ᐅᔭᕋᖕᓂᐊᕐᕕᑦ ᐅᑭᐅᖅᑕᖅᑐᒥ ᐱᓕᕆᐊᖑᔪᑦ!.

ᓵᓚᒃᓴᖃᑕᐅᓇᓱᒍᓐᓇᖅᐳᑎᑦ ᑕᓪᓕᒪᐅᓪᓗᑎᒃ ᓵᓚᒃᓴᒐᒃᓴᑦ, ᐅᑯᓂᖓ ᓇᖕᒪᒑᖅ ᓇᓴᕐᓂᒃ ᑕᑖᖅᖢᓂ, ᒎᓘᓪᓗᓂ ᖃᕆᓴᐅᔭᕐᒧᑦ ᑲᑉᐳᑎᓲᖅ, ᐅᖃᓘᑎᕋᓛᒧᑦ ᓴᙱᒃᑎᓴᐅᑎ, ᑕᖅᓯᖅᓲᑎᑦ, ᑎᑎᕋᐅᑎᑦ, ᐊᒻᒪ ᑎᑎᕋᕐᕕᒃᓴᑯᓗᐃᑦ.

ᖃᕆᓴᐅᔭᒃᑯᑦ ᐱᓚᐅᕐᓗᒍ ᑎᑎᖅᑲᓕᐅᕐᓗᒍ ᓄᓇᕗᒻᒥ ᐱᓕᕆᐊᒃᓴᑦ ᐅᖃᓕᒫᒐᑯᓗᒃ, ᖃᐅᔨᒪᔭᓕᒫᑎᑦ ᐱᓕᕆᐊᕆᓗᒋᑦ ᐊᒻᒪ ᑭᐅᔪᓐᓇᖅᑕᓕᒫᑎᑦ ᐊᐱᖅᑯᑎᑦ ᑭᐅᓗᒋᑦ, ᐊᔾᔨᓕᐅᕐᓗᒍ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᐊᔾᔨᓕᐅᕐᓗᒍ, ᐃᕐᙲᓐᓈᖅᑕᐅᒃᑯᑦ ᐊᐅᓪᓚᖅᑎᓕᕐᓗᒍ ᓵᓚᒃᓴᐅᑎᒋᓇᓱᒃᑕᐃᑦ ᐅᕗᖓ generalmanagernu@miningnorth.com

ᖁᕕᐊᓱᒋᑦ, ᐅᖃᖃᑎᒌᒃᐸᓪᓕᐊᓗᓯ ᐊᒻᒪ ᐱᓕᕆᐊᕆᔭᐃᑦ ᓇᒃᓯᐅᑎᓗᒍ ᓵᓚᒃᓴᖃᑕᐅᓇᓱᒡᓗᑎᑦ!

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓘᐃᔅ ᕚᓪᑭᓇ ᒪᑲᐃ
ᑐᑭᒧᐊᒃᑎᑦᑎᔨ, ᐊᑐᐊᒐᓕᕆᓂᕐᒧᑦ, ᐱᕙᒌᔭᕐᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
867-975-7878
LMackay@gov.nu.ca