ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᖃᓂᒪᓐᓇᖅ-19 ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ

ᒪᐃ 28, 2020

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒪᐃ 28, 2020

ᐅᑭᐅᖅᑕᖅᑐᒥ ᐊᕕᒃᓯᒪᓂᕐᒥ ᒥᕐᙳᐃᖅᓯᕐᕖᑦ ᓄᓇᕗᒻᒥ ᒪᑐᐃᒃᑲᓐᓂᓛᖅᑐᑦ ᔫᓂ 1, 2020−ᒥ. ᑕᒪᕐᑎᐊᖅ ᒥᕐᙳᐃᖅᓯᕐᕖᑦ ᐃᒡᓗᕐᔪᐊᖁᑎᖏᑦ ᒪᑐᓯᒪᐃᓐᓇᕐᓂᐊᖅᑐᑦ, ᒥᕐᙳᐃᕐᓯᕐᕖᓪᓗ ᒪᓂᒪᓂᐊᖅᐳᑦ ᑭᓯᐊᓂ ᓯᓚᒥ ᐱᙳᐊᖅᑕᐅᔪᓐᓇᖅᑐᑐᐊᓄᑦ. ᓄᓇᕗᒻᒥ ᐃᓱᖃᖅᑎᑦᑎᓃᑦ 25-ᓄᑦ ᐃᓄᖕᓄᒃ ᓯᓚᒥ ᑲᑎᑉᐸᒃᑐᓄᑦ ᐊᑐᕐᓂᐊᕆᕗᑦ ᐊᕕᒃᓯᒪᓂᕐᓂ ᒥᕐᙳᐃᖅᓯᕐᕕᖕᓂᑦᑕᐅᖅ.


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 30, 2020

ᐱᓕᕆᕝᕕᒋᔭᐅᔪᖅ ᓄᖅᑲᖅᑎᑦᑎᕗᖅ ᓂᐅᕕᖅᐸᖕᓂᕐᒥᓂᒃ ᕿᓯᖕᓂᒃ/ᐊᒥᕐᓂᒃ ᑕᐃᒪᐃᔾᔪᑎᖃᖅᖢᓂ ᑕᒪᓐᓇ ᓇᓗᓇᐃᖅᑕᐅᓪᓚᑦᑖᖅᑐᖃᕐᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ ᒥᑦᑎᒪᑕᓕᖕᒥ. ᐊᕙᑎᓕᕆᔨᒃᑯᑦ ᑲᔪᒡᓯᓐᓇᕐᓂᐊᖅᐳᑦ ᓂᐅᕕᖃᑦᑕᕐᓂᕐᒥᒃ ᐊᒥᕐᓂᒃ/ᕿᓯᖕᓂᒃ ᐊᓯᖏᓐᓂ ᓄᓇᓕᖕᓂ.


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 3, 2020

ᓄᓇᕗᑦ ᒐᕙᒪᒃᑯᑦ ᑲᔪᓯᑎᑦᑎᔪᑦ ᐱᕐᔪᐊᒥᑦ ᑯᕕᔪᒧᑦᑭᒡᒍᓯᐅᔪᓐᓇᖅᑐᒥᒃ. ᑭᒃᑯᑐᐃᓐᓇᑦ ᐃᖅᑲᐃᓯᔭᐅᕗᑦ ᑯᕕᔪᖃᖅᐸᑦ ᐅᖃᐅᓯᐅᔭᕆᐊᖃᕐᒪᑕ ᓄᓇᕗᒻᒥ ᑯᕕᔪᖃᖅᐸᑦ ᐅᖄᓚᕝᕕᒃᓴᒧᑦ ᐅᕗᖓ 867-920-8130, ᖃᖓᓕᒫᑦᑎᐊᖅ:
https://www.gov.nu.ca/environment/documents/spill-response

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐃᓕᓐᓂᐊᖅᑎᑦᑎᓂᐊᓚᐅᖅᑐᖅ ᐊᕙᑎᑦᑎᓐᓂ ᓴᐳᔾᔨᓂᕐᒧᑦ ᐱᓕᕆᔨᑦ ᑐᐊᕕᕐᓇᖅᑐᓄᑦ ᑯᕕᔪᖃᖅᐸᑦ ᐋᖅᑭᒃᑕᐅᓯᒪᓚᐅᖅᑐᖅ ᐊᐃᕐᕆᓕ 2020-ᒥ ᒫᓐᓇ ᐅᖓᕙᕆᐊᖅᑕᐅᕗᖅ. 


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 2, 2020

ᓄᑖᑦ (ᑮᓇᐅᔭᑎᒍᑦ) ᐊᕐᕌᒍᒋᔭᐅᔪᒥ ᐊᖏᖃᑎᒌᒍᑕᐅᓯᒪᔪᑦ ᐋᖅᑭᒃᓱᖅᑕᐅᓂᐊᖅᐳᑦ ᑲᔪᓯᑎᑦᑎᔪᒪᓂᕐᒧᑦ ᐊᐅᓚᑦᑎᓂᕐᒧᑦ ᐊᔪᙱᓐᓂᕆᔭᑦᑎᓐᓂᒃ ᐊᒻᒪᓗ/ᐅᕝᕙᓗᓃᑦ ᑭᐅᓯᓂᐊᕐᓗᑎᒃ 2020-21−ᒧᑦ ᐱᓕᕆᐊᖃᕐᓂᐊᕐᓂᕐᒧᑦ ᐱᕙᒌᔭᖅᓯᒪᔪᓄᑦ ᓯᕗᓪᓕᖅᐸᐅᑦᑎᔭᐅᓯᒪᔪᓄᑦ.

ᐊᕙᑎᓕᕆᓂᕐᒧᑦ ᓴᐳᔾᔨᓯᒪᓂᕐᒧᑦ ᐱᓕᕆᕝᕕᒃ ᐱᓕᕆᐊᖃᖅᐳᖅ ᒐᕙᒪᑐᖃᒃᑯᓐᓂᒃ, ᐊᕕᒃᓯᒪᓂᓂᕐᓂ ᒐᕙᒪᒋᔭᐅᔪᓂᒃ, ᑲᓇᑕᒥᓗ ᐊᕕᒃᑐᖅᓯᒪᓂᕐᓂᒃ ᐱᓕᕆᖃᑎᒋᕙᒃᑕᒥᓂᒃ ᑎᑎᕋᖅᓯᒪᓕᖅᑎᑦᑎᔪᒪᓪᓗᑎᒃ ᒥᑭᒡᓕᒋᐊᖅᑐᓂᒃ ᐃᓯᐊᕿᑎᑕᐅᕙᒃᑐᓂᒃ ᑕᐃᒪᐃᔾᔪᑎᖃᖅᖢᑎᒃ ᖃᓂᒪᕐᔪᐊᕐᓇᖅᑐᒧᑦ ᑭᐅᓯᔪᒪᓂᖕᓂᒃ.

ᐱᓕᕆᕝᕕᒋᔭᐅᔪᒥ ᐃᖅᑲᓇᐃᔭᖅᑏᑦ ᐊᖏᕐᕋᒥᓂ ᐃᖅᑲᓇᐃᔭᖅᐳᑦ ᐱᓕᕆᐊᒃᓴᓂᖕᓗ ᑲᔪᓯᑎᑦᑎᕙᖕᓂᖅ ᑲᔪᓰᓐᓇᖅᐳᖅ.


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᐄᐳᕈ 1, 2020

ᐊᕙᑎᓕᕆᓂᕐᒧᑦ ᓴᐳᔾᔨᓯᒪᓂᕐᒧᑦ ᐱᓕᕆᕝᕕᒃ ᐱᓕᕆᐊᖃᖅᐳᖅ ᒐᕙᒪᑐᖃᒃᑯᓐᓂᒃ, ᐊᕕᒃᓯᒪᓂᓂᕐᓂ ᒐᕙᒪᒋᔭᐅᔪᓂᒃ, ᑲᓇᑕᒥᓗ ᐊᕕᒃᑐᖅᓯᒪᓂᕐᓂᒃ ᐱᓕᕆᖃᑎᒋᕙᒃᑕᒥᓂᒃ ᑎᑎᕋᖅᓯᒪᓕᖅᑎᑦᑎᔪᒪᓪᓗᑎᒃ ᒥᑭᒡᓕᒋᐊᖅᑐᓂᒃ ᐃᓯᐊᕿᑎᑕᐅᕙᒃᑐᓂᒃ ᑕᐃᒪᐃᔾᔪᑎᖃᖅᖢᑎᒃ ᖃᓂᒪᕐᔪᐊᕐᓇᖅᑐᒧᑦ ᑭᐅᓯᔪᒪᓂᖕᓂᒃ.


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 31, 2020

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᓄᑖᓂᒃ ᖃᐅᔨᓴᖅᓯᓂᕐᒧᑦ ᐱᔪᓐᓇᐅᑎᓂᒃ ᑐᓂᓯᔪᖃᑦᑕᔮᙱᑦᑐᖅ ᒪᑐᔭᐅᓯᒪᓕᕐᓂᖏᓐᓄᑦ ᐊᖑᓇᓱᒃᑐᓕᕆᔩᑦ ᓇᒧᙵᐅᓂᕐᒧᓪᓗ ᐃᓱᓕᑦᑕᖅᑎᑕᐅᔪᓄᑦ ᐊᒃᑐᐊᓂᓕᖕᓄᑦ ᓄᕙᒡᔪᐊᕐᓇᖅ-19−ᒧᑦ.

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 30, 2020

ᓄᓇᓕᓐᓄᑦ ᐊᖑᓇᓱᑦᑎᓐᓄᑦ ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎ ᐱᓕᕆᐊᖑᓯᒪᓕᖅᑐᑦ ᐊᒻᒪ ᐊᑭᓕᐅᖅᑕᐅᓂᐊᖅᑐᑦ ᒫᓐᓇ ᐱᒋᐊᖅᑎᑕᐅᕙᓪᓕᐊᓕᖅᑐᑦ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᑕᒪᕐᒥᑦᑎᐊᖅ ᐱᕙᒌᔭᖅᑕᐅᓯᒪᔪᑦ ᐆᒪᔪᓂᒃ ᖃᐅᔨᓴᖅᓯᓂᕐᒧᑦ ᐱᓕᕆᐊᖑᕙᒃᑐᑦ ᓄᖅᑲᖅᑎᑕᐅᓯᒪᕗᑦ, ᐊᒃᑐᐊᓂᓖᓪᓗ ᖃᖓᑕᓂᒃᑯᑦ ᓵᑕᕆᔭᐅᔪᑦ ᓄᖅᑲᖅᑎᑕᐅᒋᓪᓗᑎᒃ. ᑕᒪᕐᒥᑦᑎᐊᖅ ᐅᒪᔪᓕᕆᔩᑦ ᐃᖅᑲᓇᐃᔭᖅᐳᑦ ᐊᖏᕐᕋᒥᓂ ᐱᔾᔪᑎᖃᓪᓗᐊᑕᓕᖅᖢᑎᒡᓗ ᖃᐅᔨᓴᖅᓯᓂᕐᒥᒃ ᑭᖑᓂᑦᑎᓐᓂ ᑲᑎᑕᐅᓯᒪᔪᓂᒃ ᑎᑎᕋᙳᖅᑎᑕᐅᓯᒪᔪᓂᒃ, ᑭᖑᓪᓕᖅᒡᐹᖅᓯᐅᑎᖏᓐᓂᒡᓗ ᐱᓕᕆᐊᖃᖅᖢᑎᒃ ᐱᐊᓂᒃᑕᐅᓯᒪᙱᑦᑐᓂᒃ ᖃᐅᔨᓴᖅᓯᓂᕐᒧᑦ ᐅᓂᒃᑳᓂᒃ.

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 27, 2020

ᓄᓇᓕᓐᓄᑦ ᐊᖑᓇᓱᑦᑎᓐᓄᑦ ᐃᑲᔫᓯᐊᖅᑎᑦᑎᓂᕐᒧᑦ ᐊᖏᕈᑎ ᐱᓕᕆᐊᖑᓯᒪᓕᖅᑐᑦ ᐊᒻᒪ ᐊᑭᓕᐅᖅᑕᐅᓂᐊᖅᑐᑦ ᒫᓐᓇ ᐱᒋᐊᖅᑎᑕᐅᕙᓪᓕᐊᓕᖅᑐᑦ. 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᓄᓇᕗᒻᒥᑦ ᒥᕐᖑᐃᖅᓯᕐᕕᓕᒫᑦ ᑕᒪᕐᒥᒃ ᒪᑐᓯᒪᔪᑦ: ᐃᓚᒋᔭᐅᓪᓗᓂ ᐃᖃᓗᐃᑦ ᑰᖓ ᒥᕐᖑᐃᖅᓯᕐᕕᒃ, ᐊᒻᒪ ᑲᑕᓐᓂᓕᒃ ᓄᓇᕗᒻᒥ ᒥᕐᖑᐃᖅᓯᕐᕕᒃ ᑭᒻᒥᕈᓪᓗ ᐃᖃᓗᐃᓪᓗ ᐊᑯᕐᖓᓐᓃᑦᑐᖅ.
  • ᓄᓇᕗᑦ ᓯᓚᑖᓃᖔᖓᔪᑦ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕆᐊᖅᑎᑕᐅᖃᑦᑕᖅᑐᑦ ᓄᖅᑲᖅᑎᑕᐅᓯᒪᔪᑦ, ᐃᓚᒋᓪᓗᒋᑦ ᑖᒃᑯᐊ ᑎᑭᑎᑕᐅᓂᐊᖅᓯᒪᔫᒐᓗᐊᑦ ᐃᑲᔪᕆᐊᕐᓗᑎᑦ  ᓄᓇᕗᒻᒥ ᐊᑦᑐᐃᓂᐊᕐᓂᕐᒧᑦ ᕿᒥᕐᕈᔩᑦ ᑲᑎᒪᔨᖏᑦ ᓄᓗᔮᓂᑦ ᐅᔭᕋᓐᓂᐊᕐᕕᒻᒥᑦ ᐱᓕᕆᐊᔅᓴᖓᑕ ᐊᐃᑉᐸᖓ ᑐᔅᓯᕋᐅᑕᐅᓯᒪᔪᒧᑦ ᑲᑎᒪᓂᔅᓴᐅᔪᖅ (ᐃᖃᓗᓐᓂ), ᖁᕐᓗᖅᑐᕐᒥᓗ ᐊᓂᕐᓂᖃᕐᓇᐅᑉ ᖃᓄᐃᓐᓂᖓᓂᑦ ᖃᐅᔨᓴᕈᑎᖏᑕ ᐋᖅᑭᒋᐊᖅᑕᐅᓂᖏᑦ.

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 26, 2020

ᒫᑦᓯ 26-ᒥ ᐱᒋᐊᖅᖢᓂ, ᓄᓇᓕᖕᓂ ᐊᖑᓇᓱᒃᑎᓄᑦ ᐃᑲᔫᑎᑦ 21−ᓄᑦ ᓄᓇᓕᖕᓄᑦ ᐱᓕᕆᐊᖑᓯᒪᓕᖅᐳᑦ, ᐊᑭᓕᖅᑕᐅᓛᖅᖢᑎᒡᓗ ᒫᑦᓯ 27-ᒥᑦ. ᑕᐃᒃᑯᐊ ᐱᑎᑕᐅᓂᐊᖅᑐᑦ ᐃᕐᖐᓈᖅᑕᐅᒃᑯᑦ ᓇᒃᓯᐅᔾᔨᕝᕕᐅᖃᑦᑕᖅᑐᑦ ᐊᑭᓕᖅᑕᐅᑲᐅᑎᒋᓂᐊᖅᐳᑦ. ᐊᓯᖏᓪᓕ ᑎᑎᖅᑲᖅᑯᕕᒃᑯᑦ ᑮᓇᐅᔭᒃᓴᖏᑦ ᓇᒃᓯᐅᔾᔭᐅᓂᐊᖅᖢᑎᒃ, ᑭᖑᕙᕆᐊᖅᓯᒪᓂᐊᖅᖢᑎᒃ ᑮᓇᐅᔭᖅᑖᕆᓂᐊᖅᑕᖏᑦ.


ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 24, 2020

  • ᑮᓇᐅᔭᖃᖅᑎᑦᓯᓂᕐᒧᑦ ᐊᖏᖃᑎᒌᒍᑏᑦ ᓄᓇᓕᓐᓂ ᐊᖑᓇᓱᑦᑎᑦᓯᓂᕐᒧᑦ ᐃᑲᔫᑎᓄᑦ ᐊᐅᓪᓚᖅᑎᑕᐅᓚᐅᖅᑐᑦ ᒫᑦᓯ 23.

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 23, 2020

  • ᐱᓕᕆᕝᕕᒋᔭᐅᔪᖅ ᑭᖑᓪᓕᖅᐹᖅᓯᐅᑎᓂᑦ ᑐᓐᓂᖅᑯᑕᐅᕙᒃᑐᓄᑦ ᐅᓂᒃᑳᕐᕕᒋᔭᕆᐊᖃᖅᖢᒋᑦ ᐋᖅᑭᒃᓱᐃᓯᒪᓕᖅᐳᖅ, ᐊᑕᐅᓯᐊᕐᓗᓂ ᑐᓂᓯᓇᔭᕐᓂᕐᒥᓂᒃ $25,000.-ᓂᒃ ᐊᑕᐅᓯᕐᒧᑦ ᓄᓇᓕᖕᓂ ᐊᖑᓇᓱᖕᓂᕐᒧᑦ ᐱᓕᕆᐊᖑᔪᒧᑦ. ᑖᒃᑯᐊ ᐅᓪᓗᒥ ᓇᒃᓯᐅᔾᔭᐅᓂᐊᖅᑐᑦ.

ᐊᕙᑎᓕᕆᔨᒃᑯᓐᓂᑦ ᓄᑖᙳᕆᐊᖅᑎᑕᐅᔪᑦ - ᒫᑦᓯ 19, 2020

ᐱᓕᕆᕝᕕᒋᔭᐅᔪᖅ ᐃᓱᒪᒃᓴᖅᓯᐅᕈᑎᖃᖅᐳᖅ ᐊᑐᖅᑕᐅᔪᓐᓇᕋᔭᖅᑐᓂᒃ ᑲᔪᓰᓇᖅᑎᑦᑎᓗᑎᒃ ᐱᔨᑦᑎᕋᕐᕆᔭᐅᕙᒃᑐᓂᒃ ᑕᐃᒪᐃᓕᐅᕐᓂᕐᒥᓂᓗ ᑲᔪᓯᑎᑦᑎᓗᑎᒃ ᓄᕙᒡᔪᐊᕐᓇᖅ-19−ᒧᑦ ᖁᐊᖅᓵᓇᖅᑕᐃᓕᒪᓂᕐᒧᑦ ᐊᑐᖅᑕᐅᕙᓪᓕᐊᕙᒃᑐᓂᒃ.

ᐊᑐᖅᑕᐅᔭᕆᐊᖃᒻᒪᕆᒃᐸᒃᑐᑦ ᐱᔨᑦᑎᕋᕐᓂᕆᔭᐅᔪᑦ ᓲᕐᓗ ᐊᑲᐅᙱᓕᐅᖅᑎᑦᑎᔪᓂᒃ ᓂᕐᔪᑎᓂᒃ ᐱᓕᕆᐊᖃᓕᕐᓂᖅ ᑯᕕᔪᖃᖅᑎᓪᓗᒍᓗ ᑭᐅᓯᓂᖅ ᑲᔪᓰᓐᓇᕐᓂᐊᖅᐳᒃ ᐊᑐᖅᑕᐅᕙᒃᑐᑎᑐᑦ.

ᐅᖃᐅᓯᐅᒃᐸᑦ ᑭᓯᐊᓂ, ᐱᓕᕆᕝᕕᖕᒥ ᐱᔨᑦᑎᕋᐅᑎᑦ ᐊᒥᐊᒃᑯᑐᐊᖑᓕᖅᑐᑦ ᐊᐅᓚᔾᔪᓯᕆᕙᒃᑕᒥᓂᒃ ᐊᐅᓚᐃᓐᓇᕐᓂᐊᖅᐳᑦ. ᖃᐅᑕᒫ ᑐᓴᒐᒃᓴᓂᒃ ᓴᖅᑭᑎᑦᑎᑲᑕᒃᑐᑦ. 
 

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

  • ᐃᓕᓐᓂᐊᕐᕖᑦ ᒪᑐᔭᐅᓂᖏᓐᓄᑦ ᐸᐃᕆᕝᕖᓪᓗ ᒪᑐᔭᐅᓂᖏᓐᓄᑦ, ᐅᑯᐊ ᐆᒪᔪᕐᓂᐊᖅᑎᒃᑯᑦ ᑎᑎᕋᕐᕕᖏᑦ ᒪᑐᔭᐅᕗᑦ
    • ᐃᒃᐱᐊᕐᔪᒃ, ᑲᖏᖅᑐᒑᐱᒃ, ᓴᓂᑭᓗᐊᖅ, ᖃᒪᓂ'ᑐᐊᖅ, ᐃᒡᓗᓕᒑᕐᔪᒃ,ᓇᐅᔮᑦ, ᑰᒑᕐᔪᒃ, ᑕᓗᕐᔪᐊᖅ.
    • ᑖᒃᑯᓇᓂ ᓄᓇᓕᖕᓂ, ᐊᖑᓇᓱᒃᑐᓕᕆᔨᒃᑯᑦ ᑐᓴᐅᒪᑎᑕᐅᕗᑦ ᖃᓄᖅ ᖃᐅᔨᒋᐊᕐᕕᖃᕈᓐᓇᕋᔭᕐᒪᖔᖏᑦᑎᒃ ᐱᓕᕆᕝᕕᒋᔭᐅᔪᒥᒃ ᑐᐅᕕᕐᓇᖅᑐᖅᑕᖃᓕᕐᓂᖅᐸᑦ ᓲᕐᓗ ᑯᕕᔪᖃᕐᓂᖅᐸᑦ ᐊᑲᐅᙱᓕᐅᕈᑎᒋᔭᐅᔪᒥᒡᓘᓐᓃᑦ ᓂᕐᔪᑎᒥᒃ ᐱᑕᖃᓕᕐᓂᖅᐸᑦ.