ᓂᕆᐅᒋᔭᐅᔪᓄᑦ ᑎᓕᓯᔾᔪᑕᐅᔪᓂᓪᓗ

ᓄᓇᕗᒻᒥᐅᑦ – ᐃᑲᔪᖅᑐᖅᑕᐅᓪᓗᑎᒃ ᐊᕙᑎᓕᕆᔨᒃᑯᓐᓂᑦ – ᓴᐳᔾᔨᓯᒪᕙᒃᐳᑦ, ᐅᔾᔨᕐᓇᖅᓯᑎᑦᑎᕙᒃᐳᑦ ᐱᐅᓯᒋᐊᖅᑎᑦᑎᕙᒃᐳᓪᓗ ᑲᔪᓯᐊᖏᓐᓇᕈᓐᓇᖅᑐᒥᒃ ᐊᑐᕈᓐᓇᕐᓂᕐᒥᒃ ᐊᕙᑎᑦᑎᓐᓂᒃ ᑕᒫᓂᕐᒥᐅᑕᑐᖃᖏᓐᓂᒡᓗ ᐃᓕᖅᑯᓯᑐᖃᒃᑯᓪᓗ ᐊᑐᖅᑕᐅᔪᓐᓇᖅᑐᓄᑦ. ᑕᒪᓐᓇ ᑲᔪᓯᑎᑕᐅᕙᒃᐳᖅ ᑲᔪᓯᑎᑦᑎᓪᓗᓂ ᖃᓄᐃᙱᑦᑎᐊᖅᑐᒥᒃ ᓄᓇᒥᒃ, ᑲᔪᓯᐊᖏᓐᓇᕈᓐᓇᖅᑐᓂᒃ ᓂᕐᔪᑎᓂᒃ, ᖁᕕᐊᒋᔭᐅᔪᓐᓇᖅᑐᓂᒃ ᒥᕐᙳᐃᖅᓯᕐᕕᖕᓂᒃ, ᓴᓗᒪᔪᒥᒃ ᐊᕙᑎᖃᕐᓂᕐᒥᒃ, ᐃᓕᓯᒪᑎᑦᑎᓂᕐᒥᒃ ᑭᒃᑯᑐᐃᓐᓇᓂᒃ ᓴᖅᑭᑎᑦᑎᓂᕐᒥᒡᓗ ᖃᓄᐃᙱᑦᑎᐊᖅᑐᓂᒃ ᑲᔪᓯᐊᑦᑎᐊᕈᓐᓇᖅᑐᓂᒡᓗ ᓄᓇᓕᖕᓂᒃ

ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ

ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑐᙵᕕᖏᑦ ᐊᕙᑎᓕᕆᓂᖕᒧᑦ ᑲᒪᔨᐅᓂᖕᒧᑦ, ᐅᔾᔨᕈᓱᒃᑎᑦᑎᓂᐅᕗᖅ ᐃᓄᐃᓪᓗ ᓄᓇᓪᓗ ᐃᓛᒋᒻᒪᕆᖕᓂᖏᓐᓂᒃ.  ᐊᕐᕌᒍᒐᓴᒻᒪᕆᖕᓄᑦ ᐊᒥᓱᐊᓗᖕᓄᑦ, ᓄᓇᕗᒻᒥᐅᑦ ᐊᑐᓗᐊᕋᑎᒃ ᐃᓅᓯᖃᓚᐅᕐᐳᑦ ᑲᒪᒋᑦᑎᐊᕐᖢᓂᔾᔪ ᐊᒻᒪᓗ ᐸᖅᑭᑦᑎᐊᕐᖢᓂᔾᔪᒃ ᓄᓇ, ᓂᕐᔪᑎᖏᑦ ᐊᒻᒪᓗ ᐊᕙᓗᐊᓂ.

ᐊᕙᑎᓕᕆᔨᒃᑯᑦ ᐃᑲᔪᖅᑐᐃᕗᑦ ᐊᑐᓗᐊᙱᓐᓂᕐᒥᑦ ᓄᓇᒥ ᐅᓪᓗᒥ ᖁᕝᕙᖅᑎᕆᓪᓗᑎᒃ ᐱᔭᐅᓂᖓᓂ ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖕᒥᑦ ᓄᓇᕘᓕᒫᒥᑦ.  ᐃᑲᔪᕈᓐᓇᖁᓪᓗᒋᑦ ᐃᓚᐅᑎᑕᐅᓂᖏᑦ ᐃᓄᐃᑦ ᐅᒃᐱᕈᓲᓯᖏᑦ, ᐱᒻᒪᕆᐅᓂᖏᑦ ᐊᒻᒪᓗ ᑐᙵᕕᖏᑦ ᐱᓕᕆᐊᑦᑎᓐᓄᑦ, ᐊᕙᑎᓕᕆᔨᒃᑯᑦ ᓴᖅᑭᑦᑎᓕᓚᐅᕐᐳᑦ ᐊᕙᑎᓕᕆᓂᖕᒧᑦ ᐃᓐᓇᑐᖃᐃᑦ ᐅᖃᐅᔾᔨᔨᖏᑦᑕ ᑲᑎᒪᔨᖏᓐᓂᒃ, ᐱᓕᕆᐊᖃᖅᑐᓪᓗ ᐅᖃᐅᔾᔪᐃᓂᖕᒥᑦ ᒥᓂᔅᑕᒋᔭᐅᔪᒧᑦ ᐊᕙᑎᓕᕆᓂᖕᒧᑦ ᐱᔾᔪᑎᖃᖅᑐᓂ ᓂᕐᔪᑎᑦ ᐊᒻᒪᓗ ᐊᕙᑎᒧ ᑲᒪᔨᐅᓂᖕᒧᑦ.

 
ᖃᓄᕐᓕ ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ ᑐᑭᖃᖅᐸ ᐃᓕᖕᓄᑦ?

ᐊᕙᑎᓕᕆᓂᖕᒧᑦ ᑲᒪᔨᐅᓂᖅ ᑐᕿᖃᖅᑐᖅ ᐊᔾᔨᒌᖏᑦᑐᓂ ᐊᔾᔨᒌᖏᑦᑐᓄᑦ ᐃᓄᖕᓄᑦ ᓯᓚᕐᔪᐊᓕᒫᒥᑦ.  ᐊᔾᔨᒌᖏᒃᑲᓗᐊᕐᖢᑎᒃ ᓴᐳᒻᒥᓂᕗᑦ ᐊᒻᒪᓗ ᐊᑐᓗᐊᖅᑕᐃᓕᒪᓂᕗᑦ ᐊᕙᑎᑦᑎᓐᓂᒃ ᑭᖑᕚ

ᕇᓄ, ᐱᒻᒪᕆᐅᑎᑦᑎᓂᖅ ᐊᒻᒪᓗ ᑲᒪᑎᐊᕈᒪᓂᖏᑦ ᐊᔾᔨᒌᒃᐳᑦ.

ᐅᕝᕙ ᐆᒃᑑᑎᒐᓚᐃᑦ ᖃᓄᖅ ᐊᕙᑎᑦᑎᓐᓂᒃ ᑲᒪᑦᓯᐊᕐᓂᖅ ᑐᑭᖃᖕᒪᖔᑦ ᓄᓇᕗᒻᒥᐅᑕᓄᑦ.  ᐃᓕᖕᓄᓪᓕ ᖃᓄᖅ ᑐᑭᖃᖅᐸ ᑎᑎᕋᕐᓗᑎᑦ ᐅᕗᖓ environment@gov.nu.ca ᐃᓱᒪᒋᔭᖕᓂ, ᐊᒻᒪᓗ ᑐᓐᓂᖅᑯᓯᐊᖕᓂᐊᕋᕕᑦ ᐊᕙᑎᒧᑦ ᑐᙵᓇᖅᑐᒥ ᐱᓕᕆᕝᕕᖕᒥᑦ!

"ᓴᐳᒻᒥᒃᖠᓂᖅ ᐊᒻᒪᓗ ᐱᑦᑎᐊᖕᓂ ᓄᓇᒥᑦ ᐊᒻᒪᓗ ᐊᕙᑎᐊᓂᒃ ᑭᖑᕚᒃᓴᑦᑎᓐᓄᑦ" - ᓴᐃᒪᓐ ᐊᕙ, ᐃᖃᓗᐃᑦ

"ᑐᑭᖃᖅᑐᑦ ᐊᒃᑕᖅᑐᙱᓐᓂᕐᒥᑦ ᐊᒻᒪᓗ ᓄᓇᕗᑦ ᐊᒃᑕᑯᖃᖅᑎᓐᓇᒍ" -ᓵᓖᓐ ᐲᓂᔅ, ᖁᕐᓗᖅᑐᑦ

"ᓯᕗᓕᑦᑎᓐᓂᒃ ᐅᖃᐅᔾᔭᐅᕙᓚᐅᖅᐳᒍᑦ ᓄᓇᒥᑦ ᑲᒪᒋᑦᑎᐊᖁᔭᐅᓪᓗᓂ...ᖃᓄᐃᓕᐅᖅᑕᐃᑦ ᓄᓇᒧᑦ, ᓄᓇᒧᑦ ᖃᓄᐃᓕᐅᖅᑕᐅᓂᐊᕐᕆᕗᑎᑦ." - ᒪᐅᕆᐋᓅ ᐊᐅᐱᓛᕐᔪᒃ, ᑲᖏᖅᖠᓂᖅ

"ᐅᕙᓐᓄᑦ ᑐᑭᖃᖅᑐᑦ ᑲᒪᑦᑎᐊᕐᓂᖕᒥᑦ ᑭᓱᓕᒫᓂ ᐃᓚᐅᓪᓗᑎᒃ ᓄᓇ, ᐃᒪᖅ ᐊᒻᒪᓗ ᓂᕐᔪᑎᓂᑦ." ᒪᐃᓇ ᐃᓱᓗᑕᖅ, ᐃᖃᓗᐃᑦ