ᐅᖃᓚᐅᑎᓯᐅᑏᑦ

You are here

ᐊᐅᓚᑦᑎᔨ, ᑮᓇᐅᔭᓕᐊᑦ ᐊᐅᓚᔾᔪᑎᖏᓐᓄᑦ

Groups: 
ᑮᓇᐅᔭᓕᕆᔨᒃᑯᑦ
ᓄᓇᓕᒃ: 
ᐃᖃᓗᖕᓂ
ᓇᓗᓇᐃᒃᑯᑖ: 
03-501631
ᐃᒪᓐᓇᐃᑦᑑᓂᖓ ᐃᖃᓇᐃᔭᖅ: 
ᐃᖃᓇᐃᔭᖅᑎᐅᑲᐃᓇᖅᑐᖅ
ᑮᓐᓇᐅᔭᒃᓵᖓ: 
$93,951.00
ᑐᓴᕆᐊᕐᕕᒃᓴᖅ: 
$15,016.00
ᑖᓐᓇ ᐃᖅᑲᓇᐃᔮᖅ ᐃᒡᓗᖃᖅᑎᑕᐅᔪᖅ
Closing Date: 
ᐄᐳᕈ 25, 2014

ᐊᐅᓚᑦᑎᔨ, ᑮᓇᐅᔭᓕᐊᑦ ᐊᐅᓚᔾᔪᑎᖏᓐᓄᑦ

ᑮᓇᐅᔭᓕᕆᔨᒃᑯᑦ

ᐃᖃᓗᐃᑦ, ᓄᓇᕗᑦ

 

ᐊᖓᔪᖅᑳᓕᒃ ᑐᑭᒧᐊᒃᑎᑦᑎᔨᒥᑦ ᑮᓇᐅᔭᓕᐊᑦ ᐊᐅᓚᔾᔪᑎᖏᓐᓄᑦ, ᐊᐅᓚᑦᑎᔨ ᑮᓇᐅᔭᓕᐊᑦ ᐊᐅᓚᔾᔪᑎᖏᓐᓄᑦ ᓇᓗᓇᐃᖅᑎᐅᕗᖅ ᓄᓇᕗᑦ ᒐᕙᒪᖓᑦᑕ (GN) ᑮᓇᐅᔭᖁᑎᖏᑦ ᐸᐸᑕᐅᒐᓗᐊᕐᒪᖔᑦ ᑎᑎᕋᖅᑕᐅᑦᑎᐊᖃᑦᑕᕋᓗᐊᕐᒪᖔᓪᓗ, ᓄᓇᕗᑦ ᒐᕙᒪᒃᑯᓐᓄ ᐊᑭᓕᒐᒃᓴᙳᖅᐸᒃᑐᓕᒫᑦ ᓂᐅᕕᖅᑎᓄᑦ ᑕᒻᒪᖅᓯᒪᙱᒃᑲᓗᐊᕐᒪᖔᑦ ᑭᖑᕙᙱᒃᑲᓗᐊᕐᒪᖔᓪᓗ, ᐊᑭᓖᔭᕆᐊᓕᓕᒫᓪᓗ ᖃᐅᔨᒋᐊᕐᕕᐅᖃᑦᑕᕐᒪᖔᑦ ᐊᑭᓖᓂᐊᕐᓂᖓᓄᑦ. ᑕᒪᒃᑯᐊ ᐊᐅᓚᔾᔪᑕᐅᔪᑦ ᓇᓗᓇᐃᕈᑕᐅᕗᖅ ᓄᓇᕗᑦ ᒐᕙᒪᒃᑯ ᑮᓇᐅᔭᓕᐊᖏᑦ ᐊᐅᓚᓂᕆᔭᖏᓪᓗ ᐊᑐᕐᓂᖅᐹᖑᒐᓗᐊᕐᒪᖔᑦ.

 

ᐊᐅᓚᑦᑎᔨ ᐱᓕᕆᐊᒃᓴᖃᖅᐳᖅ ᑎᓴᒪᓂᒃ ᐱᒻᒪᕆᐅᔪᓂᒃ ᑮᓇᐅᔭᓕᕆᔨᒃᑯᓐᓄ ᓄᓇᕗᑦ ᒐᕙᒪᒃᑯᓐᓂ. ᓯᕗᓪᓕᕐᒥᒃ, ᐊᖓᔪᖅᑳᖑᓪᓗᓂ ᑮᓇᐅᔭᓕᐊᖑᔪᓕᕆᔨᒻᒪᕆᖕᒧᑦ, ᐊᐅᓚᑦᑎᔨ ᑕᒻᒪᖅᑕᖅᓯᒪᙱᑦᑐᒥᒃ ᐅᓂᒃᑳᓕᐅᖅᑎᐅᕗᖅ ᑮᓇᐅᔭᓂᒡᓗ ᐃᓕᓯᔨᐅᓪᓗᓂ ᐱᓕᕆᕝᕕᓕᒫᓄᑦ ᐃᖃᓗᖕᓂ. ᑭᖑᓪᓕᖓᓂ, ᐊᖓᔪᖅᑳᖑᓪᓗᓂ ᒪᕐᕉᖕᓄ ᑮᓇᐅᔭᓕᐊᖑᔪᓕᕆᔨᓄᑦ, ᐊᐅᓚᑦᑎᔨ ᑲᒪᒋᔭᖃᖅᐳᖅ ᐊᑭᓕᒐᒃᓴᓕᕆᓂᕐᒧᑦ ᐱᓕᕆᕝᕕᓕᒫᓄᑦ ᐃᖃᓗᖕᓂ. ᐱᖓᔪᖓᓂ, ᐊᖓᔪᖅᑳᖑᓪᓗᓂ ᐊᑭᓕᒃᓴᓄᑦ ᑲᒪᔨᒻᒪᕆᖕᒧᑦ ᒪᕐᕉᖕᓄᓪᓗ ᐊᑭᓕᒃᓴᓂᑦ ᑲᒪᔨᓄᑦ, ᐊᐅᓚᑦᑎᔨ ᓇᓗᓇᐃᖃᑦᑕᕆᐊᖃᖅᐳᖅ ᑭᖑᕙᙱᒃᑲᓗᐊᕐᒪᖔᑦ ᐊᑭᓕᒃᓴᕆᔭᐅᔪᑦ ᐱᓕᕆᐊᖑᓂᖏᑦ ᑮᓇᐅᔭᓕᕆᔨᒃᑯᓐᓄ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᓪᓗ ᒪᓕᒃᑕᐅᑦᑎᐊᕐᓗᓂ ᐊᑐᐊᒐᐅᔪᑦ ᑮᓇᐅᔭᓕᕆᓂᕐᒧ ᐊᐅᓚᑦᑎᔾᔪᑎᓄᑦ ᒪᓕᒃᑕᐅᔭᕆᐊᓖᓪᓗ. ᑭᖑᓪᓕᕐᒥᑦ, ᐊᐅᓚᑦᑎᔨ ᐅᐸᓗᖓᐃᔭᖅᓯᒪᔪᒥᒃ ᑐᑭᒧᐊᒃᑎᑦᑎᓲᖑᕗᖅ ᐊᕕᒃᑐᖅᓯᒪᓂᐅᑉ ᐃᓗᐊᓂ ᐊᑐᖅᑕᐅᔾᔪᓯᓕᐅᖅᑎᓪᓗᒋᑦ ᐱᓕᕆᐊᒃᓴᓕᕆᓂᕐᒧᓪᓗ; ᐃᖏᕐᕋᓂᕐᒧᓪᓗ ᑐᕌᒐᖃᖅᑎᑦᑎᕙᒃᖢᓂ ᐃᖅᑲᓇᐃᔭᖅᑎᖁᑎᒋᔭᖏᓐᓄᑦ, ᑭᖑᕙᙱᓪᓗᓂ ᐱᓕᕆᐊᖑᕙᓪᓕᐊᔪᓂᒃ ᖃᐅᔨᓴᖅᐸᒡᓗᓂ, ᐱᓕᕆᖃᑎᖃᖅᐸᒡᓗᓂ ᐊᕐᕌᒎᑉ ᓄᙳᐊᓂ ᐱᓕᕆᐊᖑᕙᒃᑐᓂ ᐃᑲᔪᖅᐸᒡᓗᓂᓗ ᑐᑭᒧᐊᒃᑎᑦᑎᔨᒥᑦ ᐃᑲᔪᕆᐊᖃᕌᖓ.

 

ᐃᖅᑲᓇᐃᔮᖅᑖᕋᓱᐊᖅᑐᖅ ᓴᖅᑭᔮᖅᑎᑦᑎᔭᕆᐊᓕᒃ ᖃᐅᔨᒪᒻᒪᕆᖕᓂᕐᒥᓂᒃ ᐊᑐᖅᑐᐊᕐᓂᕐᒧᑦ ᐊᑮᑦᑐᓄᓪᓗ ᐱᔪᓐᓇᐅᑎᒋᔭᐅᔪᓂᒃ ᑲᓇᑕᒥ/ᓄᓇᕗᒻᒥ ᐊᕐᕌᒎᖕᓄᓪᓗ ᑕᓪᓕᒪᓄᑦ ᐊᑭᓕᒃᓴᓕᕆᓂᕐᒧᑦ ᐱᓕᕆᓯᒪᓗᓂ. ᑮᓇᐅᔭᓕᕆᓂᕐᒧᑦ ᐅᓂᒃᑳᕐᓂᒃ ᖃᐅᔨᓴᖃᑦᑕᖅᓯᒪᓗᓂ ᐊᑐᖅᑕᐅᕙᒃᑐᑦ ᖃᐅᔨᓴᕐᓂᕐᒧᑦ ᐊᑐᖅᑐᐊᕋᓱᐊᖅᑐᖅ ᐊᑐᖅᑐᐊᕈᓐᓇᕐᒪᖔᑦ, ᖃᕆᑕᐅᔭᓕᕆᔪᓐᓇᑦᑎᐊᕆᐊᖃᕆᓪᓗᓂ. ᐊᕐᕌᒎᖕᓄ ᐱᖓᓱᓄᑦ ᐊᖓᔪᖅᑳᖑᓂᑰᓗᓂ ᐃᖅᑲᓇᐃᔭᖅᑎᓄᑦ ᑮᓇᐅᔭᓕᐊᓂᒃ ᐱᓕᕆᕙᒃᑐᓄᑦ; ᐱᓕᕆᐊᖑᕙᓪᓕᐊᔪᓂ ᖃᐅᔨᓴᖃᑦᑕᕐᓂᑰᓗᓂ, ᐃᖅᑲᓇᐃᔭᖅᑎᓄᑦ ᑐᕌᒐᕆᔭᖃᖅᑎᑦᑎᕙᒡᓗᓂ ᐃᖅᑲᓇᐃᔭᖅᑐᓕᕆᓂᕐᒧᑦ ᐊᐅᓚᑦᑎᔨᐅᓂᑰᔭᕆᐊᖃᕆᕗᖅ, ᐃᓚᓕᐅᑎᓯᒪᓗᓂᓗ ᐃᓕᑕᕆᔭᐅᓯᒪᔪᒥᒃ ᑲᓇᑕᒥ ᓯᓚᑦᑐᖅᓴᕐᕕᖕᒥᑦ/ᓯᓚᑦᑐᖅᓴᕐᕕᒡᔪᐊᕐᒥᑦ ᐊᓂᒍᐃᔾᔪᑎᖃᕐᓗᓂ ᓇᖕᒥᓂᖃᕐᓂᕐᒧᑦ ᐊᐅᓚᑦᑎᓂᕐᒥᑦ. ᐊᔾᔨᐸᓗᖓᓂᓘᓐᓃ ᐊᓂᒍᐃᓯᒪᒍᓂ ᐃᓱᒪᒋᔭᐅᔪᓐᓇᖅᑐᖅ. ᑮᓇᐅᔭᓕᕆᔨᒻᒪᕆᐅᒍᓂᑦ ᓯᕗᒻᒧᐊᖅᓯᒪᔪᒥᒡᓘᓐᓃ ᐃᓕᓐᓂᐊᖅᓯᒪᒍᓂ ᐊᑲᐅᓇᔭᖅᐳᖅ. ᐃᓄᒃᑑᕋᓐᓇᕈᓂ ᐊᑲᐅᓇᔭᕆᕗᖅ.

 

ᑖᓐᓇ ᐃᖅᑲᓇᐃᔮᖅ ᐃᓚᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑎᑦ ᑲᑐᔾᔨᖃᑎᒌᓄᑦ ᑮᓇᐅᔾᔭᒃᓴᓂᖓ ᐱᒋᐊᕐᕕᖃᕋᔭᕐᖢᓂ $93,951.00 ᐊᕐᕌᒍᑕᒫᒧᑦ, ᐅᑭᐅᖅᑕᖅᑐᒥᐅᑕᐅᓂᖓᓄᑦ ᐃᓚᒋᐊᖅᓯᒪᓗᓂ $15,016.00 ᐊᕐᕋᒍᑕᒫᕐᒧᑦ.

 

ᓇᓗᓇᐃᒃᑯᑖ: 03-501631        ᒪᑐᕝᕕᒃᓴᖓ: April 25 2014 (12ᒥᑦ ᐅᓐᓄᐊᒃᑯᑦ)

 

ᐃᑲᔫᓯᐊᖅᓯᒪᔪᖅ ᐃᖅᑲᓇᐃᔭᖅᑎᓄᑦ ᐃᒡᓗᒃᓴᖅ ᐱᑐᐃᓐᓇᐅᔪᖅ

ᑐᓴᕆᐊᕐᕕᒃᓴᖅ: 
ᑮᓇᐅᔭᓕᕆᔨᒃᑯᑦ (Department of Finance Iqaluit)

ᓄᓇᕗᑦ ᒐᕙᒪᒃᑯᑦ
PO Box 1000, Station 430, Iqaluit, Nunavut X0A 0H0
ᐅᖃᓘᑖ: (867) 975-6222
ᐊᑭᖃᙱᑦᑐᖅ: 1-888-668-9993
ᓱᒃᑲᔪᖅ: (867) 975-6220
ᐃᕐᖐᓐᓇᖅ: gnhr@gov.nu.ca
www.gov.nu.ca/finance