ᐅᖃᓚᐅᑎᓯᐅᑏᑦ
LogoHome

You are here

ᐊᖓᔪᖅᑳᖅ, ᐊᑭᓕᖅᑐᕆᐊᓕᓐᓄᑦ ᐊᑭᓕᑦᓴᐃᔭᖅᑎᑦᓯᓂᕐᒧᓪᓗ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)

Community: 
ᖃᒪᓂᕐᑐᐊᒥ
Reference number: 
QEC-19-035
Salary: 
$104,500 to $123,864
Northern Allowance: 
$24,381

ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᑲᒪᒋᔭᖃᕐᒪᑦ ᐊᑐᐃᓐᓇᐅᑎᑦᓯᓂᕐᒥᒃ ᐊᑦᑕᓇᙱᑦᑐᒥᒃ, ᓱᖏᖅᑑᑕᐅᒍᓐᓇᖅᑐᓂᒃ ᐊᐅᒪᓕᐅᕈᑎᓂᒃ ᐊᑭᓕᖅᑐᐃᔪᓕᒫᓄᑦ ᓄᓇᕗᒥ. ᓇᒻᒥᓂᕆᔭᐅᑦᓱᓂ ᒐᕙᒪᒃᑯᖏᓐᓄᑦ ᓄᓇᕗᑦ ᐊᐅᓚᑕᐅᑦᓱᓂᓗ ᐃᒻᒥᑰᖓᔪᒧᑦ ᐊᕕᑦᑐᖅᓯᒪᔪᓂ ᑎᒥᖁᑕᐅᔪᒧᑦ, ᖁᓪᓕᖅ ᐆᒻᒪᖅᑯᑎᓕᕆᔨᖏᑦᑕ ᑎᒥᖁᑖ ᐊᑐᐃᓐᓇᐅᑎᑦᓯᔨᓪᓗᐊᑕᐅᕗᖅ ᐊᐅᒪᓕᐅᕈᑎᓂᒃ ᐊᕕᑦᑐᖅᓯᒪᔪᓂᓗ ᐅᖅᑰᓴᐅᑎᓅᖓᔪᓂᒃ ᓄᓇᕗᒻᒥ. ᑕᑯᓐᓈᖅᓱᒋᑦ ᐊᓯᓕᒫᖏᑦ ᐊᐅᓚᔾᔪᑎᓕᕆᔩᑦ ᑲᓇᑕᒥ, ᖁᓪᓕᖅ ᐆᖅᒪᖅᑯᑎᓕᕆᓂᕐᒧᑦ ᑎᒥᖁᑖ ᐊᔾᔨᐅᖏᑦᑐᓂᒃ ᓵᙵᑦᓯᒋᐊᖃᖃᑦᑕᕐᒪᑦ ᐊᐅᓚᑦᓯᒻᒪᑕ 25−ᓂᒃ ᐃᒻᒥᒃᑰᖓᔪᓂᒃ ᐅᖅᓱᐊᓗᑐᐃᓐᓇᑐᖅᑐᓂᒃ ᐊᐅᒪᓕᐅᕈᑎᓂᒃ ᐃᓪᓗᓂᒃ ᐊᐅᒪᖃᖅᑎᑦᓯᔾᔪᑎᓂᓪᓗ ᐊᑐᓂᑦ ᓄᓇᕗᒻᒥ ᓄᓇᓕᓐᓂ.

QEC-19-035 ᐊᖓᔪᖅᑳᖅ, ᐊᑭᓕᖅᑐᕆᐊᓕᓐᓄᑦ ᐊᑭᓕᑦᓴᐃᔭᖅᑎᑦᓯᓂᕐᒧᓪᓗ (ᓴᖅᑭᔮᖅᑎᑕᐅᒃᑲᓐᓂᖅᑐᖅ)

ᐊᓪᓚᕕᒻᒪᕆᖃᖅᓱᑎᒃ ᖃᒪᓂᑦᑐᐊᕐᒥ, ᓄᓇᕗᒻᒥ ᐊᖓᔪᖅᑳᖃᖅᓱᑎᓪᓗ ᑮᓇᐅᔭᓕᕆᔨᒻᒪᕆᒻᒥᒃ, ᐊᖓᔪᖅᑳᖅ ᐊᑭᓕᖅᑐᕆᐊᓕᓐᓄᑦ ᐊᑭᓕᑦᓴᐃᔭᖅᑎᑦᓯᓂᕐᒧᓪᓗ ᑎᒍᒥᐊᖅᑐᑦ ᐸᕐᓇᓂᕐᒥᒃ, ᑐᑭᒧᐊᑦᑎᑦᓯᓂᕐᒥᒃ ᐊᐅᓚᑦᓯᓂᕐᒥᓪᓗ ᐊᑭᓕᖅᑐᐃᔪᓂᒃ ᑲᒪᒋᔭᖃᕐᓂᕐᒥᒃ. ᑖᓐᓇ ᐃᖅᑲᓇᐃᔮᖅ ᖃᐅᔨᓴᕐᓂᖃᓲᖅ ᐊᐅᓚᓂᐅᒋᐊᓕᓐᓂᒃ ᐊᕕᑦᑐᖅᓯᒪᔫᑉ ᐃᓗᐊᓂ, ᐱᖃᓯᐅᑎᑦᓱᑎᒃ ᐊᑭᓕᖅᑐᕆᐊᓖᑦ, ᐊᑭᓕᕋᑦᓴᐃᑦ, ᐊᑭᓕᑦᓴᐃᔭᖅᑎᑦᓯᓃᑦ ᐊᒻᒪᓗ ᐊᑭᓕᖅᑐᐃᔪᓂᒃ ᐱᔨᑦᓯᕐᓂᕐᒥᒃ ᖃᐅᔨᓴᑦᓯᐊᐸᑦᓱᑎᓪᓗ ᐃᖅᑲᓇᐃᔮᖑᔪᓕᒫᓂᒃ ᐃᓗᐊᓐᓂ ᐊᕕᑦᑐᖅᓯᒪᓂᐅᑉ ᑐᙵᕕᐅᑦᓱᑎᒃ ᐊᑑᑎᔪᓕᒫᑦ ᒪᓕᒐᕐᔪᐊᕐᒥ ᒪᓕᒐᕐᓂᓗ.

ᑲᒪᒋᒋᐊᓖᑦ ᑎᒍᒥᐊᖅᑕᐅᔪᓪᓗ:

  • ᐸᕐᓇᐃᕐᓂᖅ, ᐋᖅᑭᑦᓱᐃᓂᖅ, ᐃᖅᑲᓇᐃᔮᓄᑦ ᒪᓕᒐᓕᐅᕐᓂᖅ, ᑎᓕᓯᓂᖅ ᐊᒻᒪᓗ ᐊᖓᔪᖅᑳᕆᔭᐅᑦᓱᓂ ᐃᖅᑲᓇᐃᔭᖅᑎᓄᑦ ᐊᑭᓕᕋᑦᓴᓕᕆᔨᓂ, ᐊᑭᓕᑦᓴᓕᕆᔨᓂ, ᐊᑭᓕᑦᓴᐃᔭᖅᑎᑦᓯᔨᓂ ᐊᑭᓕᖅᑐᐃᔨᓂᓪᓗ ᐱᔨᑦᓯᕋᐅᑎᓂ.
  • ᖃᐅᔨᓴᑦᓯᐊᓲᖅ ᐊᑐᐃᓐᓇᐅᑎᑕᐅᓯᐊᕋᓗᐊᕐᒪᖔᑕ ᑲᔪᓯᓂᖃᑦᓯᐊᕐᓗᑎᒃ ᐱᐅᔪᒻᒪᕆᐊᓗᐃᑦ ᕿᓚᒥᒃᑯᓪᓗ ᐊᐅᓚᔾᔭᒋᐊᕈᑎᖃᓲᑦ ᐱᔨᑦᓯᕈᑕᐅᒋᐊᓕᓐᓂᒃ ᑎᒥᐅᔫᑉ ᐃᓄᓕᕆᐊᖏᓐᓂᒃ ᑭᐅᕙᑦᓱᑎᓪᓗ ᕿᓚᒥᒃᑯᑦ ᐊᐱᖅᑯᑕᐅᔪᓂᒃ.
  • ᐊᐅᓚᑦᓯᓲᖅ ᓴᓇᔭᐅᓂᖏᓐᓂᒃ ᐊᑭᓕᕋᑦᓴᐃᑦ ᑲᓱᖅᑎᑦᓯᕙᑦᓱᓂᓗ ᐃᑲᔪᖅᓯᒍᑎᓅᖓᔪᓂᒃ.
  • ᐊᑐᓕᖅᑎᑦᓯᓲᖅ ᑲᔪᓯᑎᑦᓯᑦᓱᓂᓗ ᐱᐅᔪᒻᒪᕆᓐᓂᒃ ᐊᐅᓚᓂᐅᔪᓂᒃ ᖃᐅᔨᓴᕈᑎᒋᑦᓱᒍ ᓈᒻᒪᓈᕋᓗᐊᕐᒪᖔᑕ ᑭᖑᕙᐅᖅᑲᖏᒃᑲᓗᐊᕐᒪᖔᑕᓗ ᑎᑎᕋᖅᑕᐅᓂᖏᑦ ᑮᓇᐅᔭᐃᑦ ᐃᑖᔪᑦ, ᐊᑭᓕᖅᑐᕆᐊᓖᑦ ᓇᓕᖅᑲᐃᓪᓗ.
  • ᖃᐅᔨᓴᓲᖅ ᐊᑭᓕᕋᑦᓴᓂᒃ, ᐊᑭᓕᑦᓴᐃᔭᖅᑎᑦᓯᓂᕐᒥᒃ ᐊᒻᒪᓗ ᐊᑭᓕᑦᓴᓂᒃ.
  • ᐊᐅᓚᑦᓯᓲᖅ ᐊᑭᓕᖅᑐᐃᔪᑦ ᐃᓕᓯᔾᔪᑎᖏᓐᓄᑦ ᑎᑎᕋᕐᕕᓐᓂᒃ.
  • ᐊᐅᓚᑦᓯᓲᖅ ᐊᑭᓕᖅᑐᐃᑎᑦᓯᓂᕐᒥᒃ ᑐᙵᕕᐅᑦᓱᑎᒃ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑎᖓᑕ ᒪᓕᒐᖏᓐᓂᒃ ᐱᔨᑦᓯᕐᓂᕐᒧᑦ.
  • ᐸᕐᓇᐃᓲᖅ ᑭᓪᓕᓯᓂᐊᖅᓯᒪᔪᓂᒃ ᐅᓂᒃᑳᓂᒃ ᓲᕐᓗ ᐊᑦᑐᐊᔪᓂᒃ ᐊᑭᓕᕋᑦᓴᓅᖓᔪᓄᑦ ᐊᐅᒪᓕᐅᓂᕐᒧᓪᓗ ᐊᒻᒪᓗ ᐅᓪᓗᐃᑦ ᐊᑭᓕᕋᑦᓴᓅᖓᔪᓄᑦ, ᐊᓯᖏᓪᓗ.

ᐱᔪᓐᓇᕐᓂᐅᒋᐊᓕᓐᓄᑦ ᐱᖃᓯᐅᑎᔪᑦ:

  • ᐃᓕᓐᓂᐊᖅᓯᒪᓗᓂ ᐃᓕᑕᕆᔭᐅᔾᔪᑎᖃᕐᓗᓂ ᐱᓇᓱᐊᕐᕕᓐᓂᒃ ᐊᐅᓚᑦᓯᓂᕐᒨᖓᔪᒥᒃ ᑐᕌᖓᓗᐊᙳᐊᕐᓗᑎᒃ ᑮᓇᐅᔭᓕᕆᓂᕐᒧᑦ ᐃᓕᑕᕆᔭᐅᓯᒪᔪᒥ ᓯᓚᑦᑐᓴᕐᕕᔾᔪᐊᕐᒥ.
  • ᑮᓇᐅᔭᓕᕆᔨᒻᒪᕆᐅᓗᓂ ᐅᕝᕙᓗ ᐃᓗᓕᖅᑐᔪᒥᒃ ᐱᓕᒻᒪᑦᓯᒪᓗᓂ GAAP−ᒧᑦ ᐊᓪᓚᒡᒐᐃᑦᑐᒥᓪᓗ ᐱᕙᓪᓕᐊᓂᖃᖅᓯᒪᓗᓂ ᐱᔭᕇᖅᐸᓪᓕᐊᓂᕐᒥᒃ ᑮᓇᐅᔭᓕᕆᓂᕐᒥᒃ.
  • 7−ᓂᒃ ᐊᕐᕌᒍᓂᒃ ᐱᓕᒻᒪᑦᓯᒪᓗᓂ ᐊᑭᓕᖅᑐᐃᔪᓄᑦ ᐱᔨᑦᓯᕐᓂᕐᒥᒃ ᐊᑭᓕᑦᓴᐃᔭᖅᑎᑦᓯᓂᕐᒥᓪᓗ, ᐱᖃᓯᐅᑎᑦᓱᓂ ᐊᑖᓂᐅᙱᑦᑐᖅ ᐊᕐᕌᒍᐃᑦ ᓯᑕᒪᑦ ᐊᖓᔪᖅᑳᖑᓯᒪᓗᓂ ᐃᖅᑲᓇᐃᔮᒻᒪᕆᒻᒥ.
  • ᑲᒪᒍᓐᓇᑦᓯᐊᕐᓗᓂ ᖃᕆᑕᐅᔭᒃᑯᑦ ᐅᑯᓇᙵᑦ Microsoft Office, Adobe ᐊᒻᒪᓗ ᖃᕆᑕᐅᔭᓕᕆᓂᕐᒥᒃ ᑕᖅᑲᐅᖓᖓᔪᓂᒃ.
  • ᑕᑯᑦᓴᐅᑎᑦᓯᓯᒪᓗᓂ ᖃᐅᔨᒪᓂᕐᒥᒃ ᐱᓕᒻᒪᑦᓯᒪᓂᕐᒥᓪᓗ ᑲᑎᖅᓱᖅᓯᒪᔪᓅᖓᔪᓂᒃ ᑮᓇᐅᔭᓕᕆᔾᔪᑎᓂᓪᓗ.

ᐃᑲᔪᖅᓯᔪᑦ:

  • ᐱᓕᒻᒪᑦᓯᒪᒍᓂ ᖃᕆᑕᐅᔭᕐᒨᖓᔪᓂᒃ Microsoft Dynamics Great Plains.
  • ᖃᐅᔨᒪᓂᖃᕐᓗᓂ ᓄᓇᕗᒥᒃ, ᓄᓇᒥᒃ, ᐅᖃᐅᓯᕐᒥᒃ, ᐱᖅᑯᓯᕐᒥᓪᓗ.
  • ᐅᖃᖃᑕᐅᒍᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᑦ ᐊᒻᒪᓗ/ᐅᕝᕙᓗ ᐅᐃᕖᑎᑐᑦ.

ᐊᔾᔨᖏᓐᓂᑦᓈᒻᒪᒋᔭᐅᔪᑦᒪᑯᐊᖑᔪᓐᓇᖅᑐᑦ,ᐃᓕᓐᓂᐊᖅᓯᒪᓂᖓ,ᐃᖅᑲᓇᐃᔭᖃᑦᑕᖅᓯᒪᓂᖓ,ᖃᐅᔨᒪᓂᖓ,ᐊᔪᙱᓐᓂᖏᑦᐊᒻᒪᐱᔪᓐᓇᖅᑕᖏᑦᐃᓱᒪᒋᔭᐅᓇᔭᕐᒥᔪᑦ.

ᒪᓂᒪᑎᑦᓯᕗᒍᑦ ᑮᓇᐅᔾᔭᑦᓵᑦᓴᓂᒃ ᒥᑦᓵᓂ $104,500 − $123,864, ᐅᑭᐅᖅᑕᖅᑐᒦᑦᑐᖅᓯᐅᑏᑦ $24,381 ᐊᕐᕌᒍᑕᒫᑦ, ᐆᕙᑕᐃᕈᓐᓇᖅᓱᓂ, ᐃᓗᓕᖅᑐᔪᓂᒃ ᐃᑲᔫᑎᑕᓕᒃ ᐱᖃᓯᐅᑎᑦᓱᑎᒃ ᓇᓗᓇᐃᔭᖅᓯᒪᔪᑦ ᐱᕚᓪᓕᕈᑎᑦᓴᐃᑦ ᐃᑲᔫᑎᓕᓐᓂᓪᓗ ᐃᖅᑲᓇᐃᔭᖅᑎᓄᑦ ᐃᓪᓗᑕᖃᖅᓱᓂ. ᑖᓐᓇ ᐃᖅᑲᓇᐃᔮᖅ ᐃᓚᒋᔭᐅᙱᑦᑐᖅ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᖏᓐᓄᑦ.  

ᐱᔭᐅᒍᒪᓗᐊᙳᐊᖅᑐᖅ ᐃᖅᑲᓇᐃᔮᖅᑖᕋᓱᐊᖅᑐᑦ ᐃᓄᐃᑦ ᓄᓇᕗᒻᒥ.

ᖃᕆᑕᐅᔭᒃᑯᑦ ᑎᑎᖅᑲᑎᒍᓪᓘᓐᓃᑦ careers@qec.nu.ca ᐃᖅᑲᓇᐃᔮᖅᑖᕋᓱᐊᕈᕕᑦ ᑐᕌᖅᑎᓪᓗᒋᑦ ᐅᕗᖓ: ᐃᖅᑲᓇᐃᔭᖅᑐᓕᕆᔨᒃᑯᑦ, ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑖ, ᑎᑎᖅᑲᒃᑯᕕᐊ 420, ᖃᒪᓂᑦᑐᐊᖅ, ᓄᓇᕗᑦ X0C 0A0

ᒪᑐᐃᖓᔪᖅ ᐃᓐᓄᓚᐅᖏᓐᓂᓕᒫᖓᓂᑦ−

ᐃᖅᑲᓇᐃᔮᖅᑖᕋᓱᐊᕈᑏᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᑦᑎᓐᓂ ᐃᖅᑲᓇᐃᔮᑦᓴᓄᑦ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑎᒥᖁᑎᖓᓐᓂ.

ᖁᔭᓐᓇᒦᖅᑕᕗᑦ ᐃᖅᑲᓇᐃᔮᖅᑖᕋᓱᐊᖅᑐᓕᒫᑦ; ᑭᓯᐊᓂ, ᑕᐃᒃᑯᐊ ᐊᐱᖅᓱᖅᑕᐅᒍᒪᔪᑦ ᑐᓴᖅᑎᑕᐅᔪᑑᒍᒫᖅᐳᑦ.

Contact: 
Expiry Options: 
ᒪᑐᐃᖓᐃᓐᓇᕐᓂᐊᖅᑐᖅ ᐃᓐᓄᒐᓱᓐᓂᖓᓂ