You are here

ᑐᖑᔪᐊᖓᔪᕐᒥᑦ ᐊᑐᕆᑦ ᐃᓕᓴᕆᖁᓪᓗᒍ ᓄᓇᕐᔪᐊᒥᑦ ᐄᔭᒐᓗᐊᕐᓂᖕᒧᑦ ᐅᔾᔨᕈᓱᖕᓇᐅᑉ ᐅᓪᓗᖓᓂ

ᐊᒐᓯ 24, 2022

ᑭᒃᑯᓕᒫᓄᑦ ᑐᓴᒐᒃᓴᖅ

ᑐᖑᔪᐊᖓᔪᕐᒥᑦ ᐊᑐᕆᑦ ᐃᓕᓴᕆᖁᓪᓗᒍ ᓄᓇᕐᔪᐊᒥᑦ ᐄᔭᒐᓗᐊᕐᓂᖕᒧᑦ ᐅᔾᔨᕈᓱᖕᓇᐅᑉ ᐅᓪᓗᖓᓂ

ᐊᐅᒡᒍᓯ 31 ᓄᓇᕐᔪᐊᒥ ᐄᔭᒐᓗᐊᕐᓂᖕᒧᑦ ᐅᔾᔨᕈᓱᖕᓇᐅᑉ ᐅᓪᓗᕆᖕᒪᒍ. ᐊᕐᕌᒍᑕᒫᑦ, ᖃᓄᐃᓕᐅᕐᑎᑦᑎᖃᑦᑕᕐᒪᑕ ᓄᓇᕐᔪᐊᕐᒥ ᐅᔾᔨᖅᓱᓕᖅᐹᓪᓕᕐᑎᑦᑎᓇᓱᒃᖢᑎᒃ ᐄᔭᒐᓗᐊᕐᐸᖕᓂᐅ ᒥᒃᓵᓄᑦ. ᐃᖅᑲᐅᒪᓗᓯ ᑕᓗᕈᒃᑯᑎᙱᓪᓗᒋ ᑐᖁᓯᒪᔪᑦ ᐅᖃᐅᓯᕆᓗᒋᓪᓗ ᕿᒃᓵᒃᑐᑦ ᐃᓚᒌᑦ ᐱᖃᓐᓇᕆᔭᓪᓗ ᕿᒪᒃᑕᐅᔪᑦ.

ᐄᔭᒐᓗᐊᖃᑦᑕᕐᐳᑦ ᑐᖁᓐᓇᕐᑐᓂ ᐃᓅᓕᓴᐅᑎᓂᒃ, ᐊᔾᔨᒌᙱᑦᑑᑎᓂᓪᓘᓐᓃᑦ ᐃᓅᓕᓴᐅᑎᓂᒃ, (ᐃᓚᒋᓪᓗᒍ ᐃᒥᐊᓄᒃ), ᑎᒥᒧᑦ ᐊᒃᓱᕈᕐᓇᕈᑕᐅᓕᕐᐸᖕᒪᑦ. ᐃᓅᓕᓴᐅᑎᓕᒫᑦ, ᐃᓚᐅᓪᓗᑎᒃ ᓘᒃᑖᒥᙶᓲᑦ, ᐄᔭᒐᓗᐊᕈᑕᐅᔪᓐᓇᕐᐳᑦ. ᐱᒻᒪᕆᐅᕗᖅ ᓘᒃᑖᒥᑦ ᐄᔭᒐᖁᔭᓂ ᐱᖃᑦᑕᕐᓗᑎᑦ. ᒪᓕᒃᓗᒋᑦ ᖃᓅᔭᕆᐊᖃᕐᓂᖏᑦ ᐄᔭᒐᐃᑦ ᐄᔭᒐᖅᑖᕐᕕᖕᒥᓪᓗ ᐄᔭᒐᑦ ᓇᓕᖅᑲᖏᓐᓂᑦ, ᓈᓚᒃᐸᒃᓗᑎᓪᓗ ᐋᓐᓂᐊᓯᐅᑎᐅᑉ ᒪᓕᖁᔭᖏᓐᓂᑦ ᖃᓄᑐᐃᓐᓇᖅ.

ᑕᒪᑐᒪᓂ ᐊᕐᕌᒍᒥ, ᓴᖅᑭᔮᕐᑎᔾᔪᒃ ᐃᑲᔪᖅᑐᐃᓃᑦ ᐊᑐᕐᓗᑎ ᑐᖑᒧᐊᖓᔪᕐᒥᑦ ᐃᖅᑲᐃᓯᔾᔪᑎᐅᓂᐊᕐᓗᓂ ᐃᓅᓯᖅ ᐱᕐᔪᐊᖑᓂᖓᓂ ᐅᒃᑯᐃᖓᕚᓪᓕᓕᕐᓗᑎᒃᓗ ᓱᓕᔪᓂ ᐅᖃᖃᑎᒌᖕᓂᖕᓂᑦ ᐊᑲᐅᙱᓕᐅᕈᑕᐅᓕᕐᐸᒃᑐᓂᑦ ᐋᖓᔮᕐᓇᕐᑐᓂᑦ. ᑭᓇᑐᐃᓐᓇᖅ ᐄᔭᒐᓗᐊᕈᓐᓇᕐᐳᖅ. ᐅᖃᓪᓚᖃᑎᒌᑦᑎᐊᖃᑦᑕᕐᓂᖅ ᑐᓴᐅᒪᑦᑎᐊᖃᑎᒌᖕᓂᕐᓗ ᓱᓕᔪᓂ ᐋᖓᔮᕐᓇᕐᑐᑦ ᒥᒃᓵᓄ ᐃᓅᓕᒃᓯᔪᓐᓇᕐᐳᖅ.

ᐅᒃᐱᕈᓱᒃᕕᑦ ᐃᒡᕕᑦ ᐊᓯᖕᓂᓪᓘᓐᓃᑦ ᖃᐅᔨᒪᔭᕐᓂᑦ ᐄᔭᒐᓗᐊᓕᕐᑐᒥᑦ, ᑐᐊᕕᖕᓇᖅᑐᓕᕆᔨᒃᑯᑦ ᖃᐅᔨᑎᓪᓗᒋᑦ ᐋᓐᓂᐊᕕᓕᐊᕐᓗᑎᓪᓘᓐᓘᓐ ᒫᓐᓇᑲᐅᑎᒋ. ᐃᓱᒪᒋᔭᖃᕈᕕᑦ ᐊᑐᖅᓯᒪᔪᒥᑦ ᐄᓯᔪᒥᓂᕐᒥᓘᓐᓃᑦ ᐄᔭᕋᕐᓂ ᓲᕐᓗ ᐸᓐᑎᓈᓪ, ᐋᓐᓂᐊᕐᕖᑦ ᐱᓕᕆᔾᔪᑎᖃᖅᑐᑦ ᑐᖁᓐᓇᖅᑐᖅᑐᒧᑦ ᖃᓄᐃᑦᑐᓐᓃᕈᑕᐅᓇᓱᒍᑎᓂᑦ Naloxone. ᐊᔪᕈᑎᖃᕈᕕᑦ ᐅᕝᕙᓘᓐᓃᒃ ᖃᐅᔨᒪᔭᖃᕈᕕᑦ ᐊᒃᓱᕉᑎᖃᖅᑐᒥᒃ ᐋᖓᔮᕐᓇᕐᑐᓂ, ᐃᑲᔪᖅᑕᐅᔪᓐᓇᑦᑎᐊᖅᑐᓯ. ᐅᖄᓚᓗᑎᑦ ᐋᓐᓂᐊᕕᔅᓯᓐᓄᙵᐅᓗᓯᓘᓐᓃᑦ, ᐅᖃᖃᑎᖃᕐᓗᑎᓪᓘᓐᓃᑦ ᐱᖃᓐᓇᕆᔭᖕᓂᑦ, ᐃᓚᒋᔭᖕᓂᑦ, ᐃᓐᓇᖕᒥᑦ ᐃᓅᓯᓕᕆᔨᒥᒡᓘᓐᓃᑦ.

ᐃᕝᕕᓪᓘᓐᓃᑦ ᑭᓇᒥᒡᓘᓐᓃᑦ ᖃᐅᔨᒪᔭᕐᓂᒃ ᐊᒃᓱᕈᖅᑐᖃᖅᐸᑦ, ᐳᐃᒍᖅᑕᐃᓕᒋᑦ ᐃᓄᑑᙱᓐᓂᕐᓂ. ᑭᓇᐅᓂᕐᓂᒃ ᖃᐅᔨᔭᐅᙱᒃᑲᓗᐊᕐᓗᑎᒃ ᐃᑲᔪᖅᑕᐅᓂᕐᒧᑦ, ᐅᑯᐊ ᖃᐅᔨᒋᐊᕐᕕᒋᓗᒋᑦ:

  • ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᓄᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ)
    • ᐅᖄᓚᓗᑎᑦ ᐅᕗᒐ, 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ, 1-800-265-3333
  • ᒪᒥᓴᕐᓂᖅ ᐅᖃᓪᓚᖕᓂᒃᑯᑦ.
    • ᐊᑭᖃᙱᑦᑐᒃᑯᑦ ᐅᖃᓘᑎᒃᑯᑦ ᐃᓅᓯᓕᕆᔭᐅᓐᓇᕐᒥᔪᖅ ᐊᑐᐃᓐᓇᕈᖅᑎᑕᐅᔪᓂᒃ ᓄᓇᕗᑦ ᒐᕙᒪᒃᑯᓐᓄᑦ. ᐋᓐᓂᐊᕕᔅᓯᓐᓄᐊᕈᓐᓇᖅᐳᓯ ᑐᑭᓯᒋᐊᒃᑲᓐᓂᕈᒪᒍᔅᓯ ᐃᕐᖐᓐᓈᖅᑕᐅᒃᑯᓪᓘᓐᓃᑦ ᐅᑯᓄᖓ ᑎᑎᕋᕐᓗᓯ healing@gov.nu.ca.
  • ᐃᖅᑲᓇᐃᔭᖅᑏᑦ ᐃᓚᒌᓐᓄᑦ ᐃᑲᔫᑎᑦ.
    • ᐃᑲᔪᖅᑕᐅᔪᒪᒍᕕᑦ, ᐅᕗᖓ ᐅᖄᓚᓗᑎᑦ 1-800-663-1142. ᐊᑐᐃᓐᓇᐅᓲᑦ ᖃᐅᑕᒫᑦ ᐃᑲᕐᕋᓄᑦ 24−ᓄᑦ, ᐅᓪᓗᓄᑦ 7-ᓄᑦ ᐱᓇᓱᐊᕈᓯᕐᒥ.
  • ᐊᒃᓱᕈᕐᓇᖅᑐᒃᑰᖅᑐᓄᑦ ᐱᔨᑦᑎᕋᐅᑎᑦ ᑲᓇᑕᒥ:
    • ᐅᖄᓚᓗᑎᒃ ᑎᑎᕋᕐᕕᒋᓗᒋᓪᓘᓐᓃᑦ ᐅᖄᓚᐅᑎᕋᓛᒃᑯᑦ ᐅᕗᖓ, 1-833-456-4566. ᐊᑐᐃᓐᓇᐅᓲᑦ ᖃᐅᑕᒫᑦ ᐃᑲᕐᕋᓄᑦ 24−ᓄᑦ, ᐅᓪᓗᓄᑦ 7-ᓄᑦ ᐱᓇᓱᐊᕈᓯᕐᒥ.
    • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.crisisservicescanada.ca.
  • Youthspace.ca.
    • ᐅᖃᓗᒡᓗᑎᑦ 1-833-456-4566−ᒧᑦ.
    • ᐅᖄᓚᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ, 778-783-0177.
    • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.youthspace.ca.
    • ᐅᓇ ᐱᔨᑦᑎᕋᐅᑎ ᐊᑐᐃᓐᓇᐅᔪᖅ ᖃᐅᑕᒫᑦ 4−ᒥᑦ ᐅᓪᓗᒃᑯᑦ 10−ᒧᐊᕋᓱᖕᓂᖓᓂ ᐅᓐᓄᒃᑯᑦ. ᑲᓇᖕᓇᖓᓂ
    • ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᖃᐅᔾᔪᖅᑕᐅᓂᖅ ᒪᓂᒪᕗᖅ ᐅᕗᖓ ᐅᖄᓚᔪᖃᕐᓗᓂ,  250-478-8357−ᒧᑦ ᐅᕗᖓᓘᓐᓃᑦ ᐊᑭᓕᕆᐊᖃᙱᑦᑐᒧᑦ 
    • 1-866-478-8357.
  • ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
    • ᑕᑯᔭᖅᑐᕐᓗᒍ ᐃᑭᐊᖅᑭᕕᒃ ᐅᓇ, www.inuusiq.com ᑐᓴᖅᑕᐅᒃᑲᓐᓂᒐᒃᓴᓄᑦ ᐃᑲᔪᖅᑐᖅᑕᐅᓂᕐᒧᓪᓗ.
  • ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖃᓗᒡᕕᒃᓴᖅ
    • ᐅᖃᓗᒡᓗᑎᑦ 1-800-668-6868−ᒧᑦ.
    • ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᒪᓂᒪᕗᖅ ᐅᕙᓂ, kidshelpphone.ca
    • ᐅᖄᓚᐅᑎᕋᓛᒃᑯᑦ ᑎᑎᕋᕐᕕᒋᓗᒍ ᐅᓇ,  'CONNECT'  ᐅᕗᖓ, 686868 ᑕᕝᕙᑲᐅᑎᒋ ᐅᖃᖃᑎᖃᕋᔭᕐᓂᕐᒥᒃ ᐅᖄᓚᐅᑎᕋᓛᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᐅᓇ,
    • ᐊᑐᐃᓐᓇᐅᓲᑦ ᖃᐅᑕᒫᑦ ᐃᑲᕐᕋᓄᑦ 24−ᓄᑦ, ᐅᓪᓗᓄᑦ 7-ᓄᑦ ᐱᓇᓱᐊᕈᓯᕐᒥ.

ᐃᕝᕕᑦ ᖃᐅᔨᒪᔭᕐᓂᒡᓘᓐᓃᑦ ᐊᒃᓱᕈᓐᓇᖅᑐᖅᓯᐅᒃᐸᑦ, ᐅᖄᓚᕝᕕᒋᓗᒋᑦ ᐸᓖᓯᒃᑯᑦ, ᓄᓇᔅᓯᓐᓂᓘᓐᓃᑦ ᐋᓐᓂᐊᕐᕕᔅᓯ ᐅᐸᒡᓗᒍ ᐋᓐᓂᐊᕕᐊᓗᓕᐊᓯᑲᐅᑎᒋᓗᑎᓪᓘᓐᓃᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca