You are here

ᑎᕆᒐᓂᐊᕐᓗ ᕿᒻᒥᕐᓗ ᑎᒍᐊᕆᔭᐅᔪᖅ ᐃᖃᓗᖕᓂ ᐱᖦᖤᙱᓴᖅᑑᒃ ᖃᐅᔨᔭᐅᕗᑦ

ᒫᑦᓯ 16, 2022

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᑎᕆᒐᓂᐊᕐᓗ ᕿᒻᒥᕐᓗ ᑎᒍᐊᕆᔭᐅᔪᖅ ᐃᖃᓗᖕᓂ ᐱᖦᖤᙱᓴᖅᑑᒃ ᖃᐅᔨᔭᐅᕗᑦ


ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖃᓗᖕᒥᐅᓂᒃ ᑐᓴᖁᔨᕗᑦ ᑎᕆᒐᓂᐊᕐᓗ ᕿᒻᒥᕐᓗ ᑎᒍᐊᕆᔭᐅᔪᖅ ᐱᖦᖤᙱᓴᕋᓱᒋᔭᐅᓚᐅᖅᑑᒃ, ᐅᖃᐅᓯᐅᓚᐅᖅᓯᒪᔫᒃ ᒫᑦᓯ 8-ᖑᑎᓪᓗᒍ ᑕᒪᕐᒥᒃ ᐱᖦᖤᙱᓴᕐᓂᕐᒪᑎᒃ ᖃᐅᔨᔭᐅᓚᐅᖅᐳᑦ. ᐅᓗᕆᐊᓇᖕᓂᖏᓐᓄᑦ ᐱᖦᖤᙱᓴᖅᑐᑦ, ᐃᖃᓗᖕᒥᐅᑦ ᐅᖃᐅᑎᔪᒪᕙᕗᑦ ᐅᔾᔨᖅᓱᖁᓪᓗᒋᑦ ᑎᕆᒐᓂᐊᓂᒃ ᑕᑯᓐᓂᖅᐸᑕ ᖃᓂᑦᑐᒥᑦ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᔭᕆᐊᖃᖅᐳᖅ ᑮᔭᐅᓐᓂᕈᓂ, ᐱᖦᖤᙱᓴᖅᑐᒧᑦ ᐊᐃᑦᑐᕐᓗᒃᑕᐅᔪᑦ ᐊᑦᑕᕐᓇᖅᑐᒦᕐᔪᐊᓕᕋᔪᖕᒪᑕ.

ᑎᒍᐊᕆᔭᐅᔪᑦ ᐃᐱᖅᓯᒪᐃᓐᓇᐅᔭᖅᑐᑦ ᓯᓚᒥ ᖃᐅᔨᓴᖅᑕᐅᖃᑦᑕᕆᐊᖃᖅᐳᑦ ᐃᓕᖅᑯᓯᖓ ᐊᓯᔾᔨᖅᓯᒪᖕᒪᖔᑦ ᐊᒻᒪ ᐱᖦᖤᙱᓴᖅᑰᔨᖕᒪᖔᑦ.

ᐱᖦᖤᙱᓴᖅᑐᑦ ᐃᒪᐃᑦᑐᓐᓇᖅᐳᑦ ᐃᓕᖅᑯᓯᖅᓱᕈᓐᓃᕐᓗᑎᒃ, ᐱᓱᒡᒐᕐᓗᑎᒃ, ᖃᓂᒃᑯᑦ ᖃᐳᐊᒡᓗᑎᒃ, ᐊᓂᖅᓵᖅᑐᒡᒐᕐᓗᑎᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᓗᑎᒃ. ᐆᒪᔪᒥᒃ ᑕᐃᒪᐃᓕᖓᔪᒥᒃ ᑕᑯᒍᕕᑦ ᓱᖁᑎᒋᔭᕆᐊᖃᙱᑕᑦ ᐅᖃᐅᓯᕆᓗᒍᓗ ᐊᕙᑎᓕᕆᔨᒃᑯᑦ ᑎᑎᕋᕐᕕᖓᓄᑦ ᐅᕝᕙᓘᓐᓃᑦ ᐆᒪᔪᕐᓂᐊᖅᑎᒧᑦ. ᑎᕆᒐᓂᐊᕐᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᒦᑦᑐᒥᒃ ᑕᑯᓐᓂᕈᕕᑦ, ᑐᓴᖅᑎᑦᑕᕆᐊᖃᖅᑐᑦ ᐆᒪᔪᕐᓂᐊᖅᑎ ᐅᕗᖓ ᐅᖄᓚᕝᕕᒋᓗᒍ 867-975-7780. ᕿᒻᒦᑦ ᖃᓂᕝᕕᓯᐅᕐᓂᕈᓂ ᑎᕆᒐᓂᐊᕐᒧᑦ ᐊᒪᖅᑯᒧᓪᓘᓐᓃᑦ, ᐅᖄᓚᓗᑎᑦ ᐊᕕᒃᑐᖅᓯᒪᔪᓂ ᐊᕙᑎᓕᕆᔨᒧᑦ ᐅᕗᖓ 867-975-4817.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca