ᐅᖃᓚᐅᑎᓯᐅᑏᑦ

You are here

ᑎᕆᒐᓂᐊᒧᑦ ᑮᔭᐅᔪᖃᖅᑐᖅ ᓴᓂᕋᔭᖕᒥ

ᓯᑎᐱᕆ 25, 2018

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᐅᖃᐅᔾᔨᒋᐊᕐᓂᖅ

ᑎᕆᒐᓂᐊᒧᑦ ᑮᔭᐅᔪᖃᖅᑐᖅ ᓴᓂᕋᔭᖕᒥ


ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᑎᑦᑎᔪᒪᕗᑦ ᓴᓂᕋᔭᖕᒥᐅᓂᒃ ᒪᕐᕉᖕᓂᒃ ᓴᓂᕋᔭᖕᒥᐅᑖᖕᓂᒃ ᑎᕆᒐᓂᐊᒧᑦ ᑮᔭᐅᔪᖃᖅᓯᒪᓕᕐᒪᑦ. ᐱᖦᖤᙱᓴᖅᑐᖃᑐᐃᓐᓇᕆᐊᖃᕐᓂᖓᓄᑦ ᓴᓂᕋᔭᖕᒥᐅᓕᒫᑦ ᐅᖃᐅᑎᔪᒪᕙᕗᑦ ᐅᔾᔨᖅᓱᖃᑦᑕᖁᓗᒋᑦ ᑎᕆᒐᓂᐊᕐᓂᒃ ᖃᓂᒋᔮᓂ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐃᓅᓕᓴᖅᑕᐅᓯᑲᐅᑎᒋᔭᕆᐊᓕᒃ. ᐆᒪᔪᒥᒃ ᑕᑯᒍᕕᑦ ᐃᓕᖅᑯᓯᖅᓱᙱᑦᑐᒥᒃ, ᐱᓱᒡᒐᖅᑐᒥᒃ, ᖃᓂᒃᑯᑦ ᖃᐳᐊᒃᑐᒥᒃ, ᐊᓂᖅᓵᖅᑐᒡᒐᖅᑐᒥᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᔪᒥᒃ, ᑕᐃᒪ ᐱᖦᖤᙱᓴᑐᐃᓐᓇᕆᐊᖃᖅᐳᖅ. ᓂᕐᔪᑎ ᓱᖁᑎᒋᙱᓪᓗᒍ ᐅᖃᐅᓯᕆᓗᒍᓗ ᐆᒪᔪᕐᓂᐊᖅᑎᒧᑦ.

ᑎᕆᒐᓂᐊᖅ ᓂᐊᖅᑭᕆᒐᓗᐊᖅᐸᑦ ᐅᓇᖅᑰᔨᔪᓐᓇᖅᐳᖅ. ᓄᑕᖅᑲᑦ ᐱᙳᐊᖃᑎᖃᕆᐊᖃᙱᑦᑐᑦ ᑎᕆᒐᓂᐊᓂᒃ ᐊᓯᖏᓐᓂᒡᓘᓐᓃᑦ ᐆᒪᔪᓂᒃ. ᕿᒻᒦᑦ ᓯᓚᒥᐅᑕᑦ ᐃᐱᖅᓯᒪᑏᓐᓇᕐᓗᒋᑦ, ᖃᐅᔨᓴᖅᐸᒡᓗᒋᓪᓗ ᐱᐅᓯᖏᑦ ᐊᓯᔾᔨᙱᒃᑲᓗᐊᕐᒪᖔᑕ ᐊᒻᒪ ᐱᖦᖤᙱᓴᓕᙱᒃᑲᓗᐊᕐᒪᖔᑕ.

ᑎᕆᒐᓂᐊᑦ ᐊᒻᒪ ᐊᒪᕈᐃᑦ ᐱᖦᖤᙱᓴᓲᖑᕗᑦ ᓄᓇᕗᒻᒥ, ᓯᐊᒻᒪᒃᑎᕈᓐᓇᖅᖢᑎᒡᓗ ᕿᒻᒥᓄᑦ ᑮᔭᐅᓐᓂᕌᖓᑕ ᐱᖦᖤᙱᓴᖅᑐᒧᑦ ᑎᕆᒐᓂᐊᒧᑦ ᐅᕝᕙᓘᓐᓃᑦ ᐊᒪᖅᑯᒧᑦ. ᐃᓄᐃᑦ ᐱᖦᖤᙱᓴᖅᑐᒧᑦ ᑮᔭᐅᓐᓂᖅᐸᑕ, ᑕᓪᓕᒃᑕᐅᓐᓂᖅᐸᑕ ᐅᕝᕙᓘᓐᓃᑦ ᐊᓗᐱᖅᑕᐅᓐᓂᖅᐸᑕ ᐊᐃᑦᑐᕐᓗᒡᕕᐅᔪᓐᓇᖅᑐᑦ. ᐃᓄᖕᒥᑦ ᐱᖦᖤᙱᓴᖅᑐᖃᓕᕈᓐᓇᖅᐳᖅ ᐱᖦᖤᙱᓴᖅᑐᕕᓂᕐᒥᒃ ᓂᕐᔪᑎᒥᒃ ᓂᕿᓕᕆᒍᓂ/ᐊᒥᓕᕆᒍᓂ.

ᑕᑯᒍᕕᑦ ᑎᕆᒐᓂᐊᒥᒃ ᐊᒪᖅᑯᒥᒡᓘᓐᓃᑦ ᓄᓇᓕᖕᓂᑦ, ᕿᒻᒦᓪᓘᓐᓃᑦ ᐊᐳᖅᑕᐅᓯᒪᒃᐸᑦ ᑎᕆᒐᓐᓂᐊᒧᑦ ᐊᒪᖅᑯᒧᓪᓘᓐᓃᑦ, ᐆᒪᔪᓕᕆᔨᒧᑦ ᐅᖃᓗᑲᐅᑎᒋᓗᑎᑦ ᐅᕗᖓ ᕿᑭᖅᑖᓘᑉ ᐅᐊᖕᓇᖓᓂ 867-899-7360.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒐᕕᓐ ᓴᑦᑕᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
gsutton@gov.nu.ca