ᐅᖃᓚᐅᑎᓯᐅᑏᑦ

You are here

ᑕᓪᓕᒪᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᓄᕕᐱᕆ 28, 2020

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᑕᓪᓕᒪᓂᑦ ᓄᑖᓂᑦ ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᓯᒪᔪᖃᓕᖅᐳᖅ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 28, 2020) − ᐅᓪᓗᒥ, ᓄᓇᕗᑦ 131ᓂᑦ ᓇᓗᓇᐃᖅᑕᐅᓯᒪᓪᓚᑦᑖᖅᑐᓂᑦ ᓄᕙᒃᔪᐊᕐᓇᖅ-19ᖃᕐᒪᖔᑕ ᖃᐅᔨᓴᖅᑕᐅᓯᒪᔪᑦ ᓇᓗᓇᐃᖅᑕᐅᕗᑦ. ᑕᓪᓕᒪᑦ ᓄᑖᑦ ᓇᓗᓇᐃᖅᑕᐅᕗᑦ ᐊᕐᕕᐊᓂᑦ ᐋᓐᓂᐊᓕᖅᓯᒪᓂᖏᓐᓂᑦ, ᐊᕐᕕᐊᓂᑦ, ᑖᒃᑯᐊ ᓄᓇᖓᓐᓂᒃ ᐊᒥᓲᓂᖏᑦ ᓇᓗᓇᐃᖅᐅᓯᒪᓪᓚᑦᑖᖅᑐᑦ ᐋᓐᓂᐊᓕᖅᓯᒪᓂᖏᑦ 106ᖑᓕᖅᐳᑦ. ᓄᓇᕗᒻᒥ ᑲᑎᖦᖢᒋᑦ 33−ᖑᓕᖅᑐᑦ ᒫᓐᓇᒧᑦ ᐋᓐᓂᐊᓚᐅᖅᑐᑦ ᖃᓄᐃᒍᓐᓃᖅᓯᒪᓕᖅᑐᑦ. "ᑕᐃᒫᑦᑎᐊᖅ ᐱᕗᒍᑦ ᑖᔅᓱᒪ ᓯᐊᒻᒪᐸᓪᓕᐊᓂᖓ ᓄᖅᑲᖓᑎᓐᓇᓱᑦᑎᓪᓗᑎᒍ ᓄᕙᕐᔪᐊᕐᓇᖅ-19 ᓄᓇᕗᒻᒥ," ᐅᖅᑲᖅᑐᖅ ᓗᑦᑖᖅ ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ.

"ᖃᐅᑕᒫᑦ, ᐃᓄᒃ ᐃᓱᒪᓕᐅᕋᒥ ᒪᓕᓐᓂᐊᕐᓂᕐᒥᓂᒃ ᒪᓕᒐᕐᓂᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒐᕐᓂᑦ ᐊᑑᑎᖃᓪᓚᕆᑦᑐᖅ ᑲᔪᓯᓂᖃᑦᑎᐊᕈᓐᓇᖁᓪᓗᑕ ᐊᒻᒪᓗ ᓄᓇᕗᒻᒥᐅᑦ ᐃᓇᒋᐊᒃᑲᓐᓂᖅᐸᒃᑲ ᓱᓕ ᑲᔪᓰᓐᓇᑦᑎᐊᖁᓪᓗᒋᑦ ᐊᑐᖅᑕᒻᒥᓐᓂᒃ ᐱᓇᓱᕐᓂᕆᔭᖏᓐᓂᑦ ᑖᒃᑯᓂᖓ".

ᑖᒃᑯᐊ ᑕᒪᕐᒥᒃ ᓄᕙᒃᔪᐊᕐᓇᖅ-19ᑖᖅᓯᒪᔪᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᙱᑦᑐᑦ, ᐋᓐᓂᐊᓗᐊᙱᑦᑐᑦ ᐊᒻᒪ ᐋᓐᓂᐊᕈᑕᐅᖃᑦᑕᖅᑐᖅ ᓇᓗᓇᐃᒃᑯᑎᖏᑦ ᑕᑯᒍᑦᑎᒍ ᐱᓗᐊᙱᑦᑐᑦ ᐋᓐᓂᐊᕆᔭᖏᑦ. ᖃᐅᔨᓴᖅᑕᐅᔪᑦ ᑭᓇᒃᑯᑦ ᑲᑎᓯᓯᒪᓐᓂᕐᒪᖔᑕ ᓄᓇᓕᖕᓂᑦ ᓱᓕ ᑲᔪᓯᕙᓪᓕᐊᖏᓐᓇᖅᑐᖅ ᐊᒻᒪᓗ ᑖᒃᑯᐊ ᐋᓐᓂᐊᕕᖕᓂᑦ ᐱᓕᕆᔨᖏᑦ ᐅᔾᔨᖅᑐᖅᐸᓪᓕᐊᖏᓐᓇᖅᑐᑦ ᑖᒃᑯᓂᖓ ᐃᓄᑑᑎᑕᐅᔪᓂᒃ ᑕᒪᐃᓐᓂᒃ.

ᓄᕕᐱᕆ 27ᒥᑦ ᐱᒋᐊᖅᖢᒍ, 196ᓂᑦ ᖃᐅᔨᓴᖅᑕᐅᔪᖃᖅᓯᒪᔪᖅ ᑲᖏᖅᖠᓂᕐᒥ ᑖᒃᑯᐊ ᑕᒪᕐᒥᒃ ᐱᑕᖃᕐᓂᕋᖅᑕᐅᖏᑦᑐᑦ ᖃᐅᔨᓴᖅᑕᐅᔾᔪᑎᖏᑦ. ᐊᕐᕕᐊᓂᑦ ᖃᐅᔨᓴᖅᑕᐅᔾᔪᑎᐅᓯᒪᔪᑦ 481 ᐱᑕᖃᕐᓂᕋᖅᑕᐅᓯᒪᙱᑦᑐᑦ ᖃᐅᔨᓴᖅᑕᐅᓯᒪᔪᑦ. ᖃᐅᔨᖅᑕᐅᔪᑦ ᑎᑭᕋᕐᔪᐊᕐᒥ 89ᓂᑦ ᖃᐅᔨᓴᖅᑕᐅᓯᒪᔪᖃᓕᖅᑐᖅ ᑖᒃᑯᐊ ᐱᑕᖃᕐᓂᕋᖅᑕᐅᓯᒪᖏᑦᑐᑦ. ᐅᔾᔨᖅᑐᖅᑕᐅᔪᑦ ᓴᓂᑭᓗᐊᕐᒥᑦ ᓱᓕ ᒫᓐᓇ ᑲᔪᓯᔪᖅ.

ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10−ᒥᑦ ᐅᓪᓛᒃᑯᑦ ᐊᒻᒪᓗ 6−ᒧᑦ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/health/information/covid-19-novel-coronavirus.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᒫᓐᓇᓕᓴᕐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᓂᒃ, ᐅᕗᙵᕈᓐᓇᖅᐳᓯ: https://www.gov.nu.ca/health/information/nunavuts-path

ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ 11−ᒥ ᐅᓪᓗᒥ. ᑲᓇᓐᓂᕐᑦᒥ, ᓇᒡᒐᔾᔭᐅ, ᓅᕖᕝᕙ 30.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca