ᐅᖃᓚᐅᑎᓯᐅᑏᑦ

You are here

ᑕᓪᓕᒪᓂᒃ ᓄᑖᓂᑦ ᓄᕙᕐᔪᐊᕐᓇᖅ-19−ᒧᑦ ᐱᑕᖃᓕᕐᐳᖅ ᐊᕐᕕᐊᓂ

ᕕᕝᕗᐊᓕ 16, 2021

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ

ᑕᓪᓕᒪᓂᒃ ᓄᑖᓂᑦ ᓄᕙᕐᔪᐊᕐᓇᖅ-19−ᒧᑦ ᐱᑕᖃᓕᕐᐳᖅ ᐊᕐᕕᐊᓂ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 16, 2021) − ᐅᓪᓗᒥ, ᓄᓇᕗᒻᒥ ᑕᓪᓕᒪᓂᒃ ᓇᓗᓇᐃᖅᑕᐅᓯᒪᔪᖃᓕᖅᐳᖅ ᓄᕙᒃᔪᐊᕐᓇᖅ-19−ᖃᖅᑐᓂᑦ. 23-ᖑᕗᑦ ᓇᓗᓇᐃᖅᑕᐅᓯᒪᔪᑦ ᓄᕙᒡᔪᐊᓕᖅᑐᑦ ᓄᓇᕗᒻᒥ, ᑕᒪᕐᒥᒡᓗ ᐊᕐᕕᐊᒦᖦᖢᑎᒃ.

"ᐊᕐᕕᐊᕐᒥᐅᑦ, ᓄᓇᕗᒻᒥᐅᖑᖃᑎᕗᑦ ᐃᑲᔪᖅᑐᕆᐊᖃᓕᖅᐸᕗᑦ ᓇᓗᓇᐃᖅᓯᓗᑕᓗ ᓄᕙᒡᔪᐊᕐᓇᖅ ᓯᐊᒻᒪᒃᐸᓪᓕᐊᔪᖅ ᓄᖅᑲᖅᑎᑦᑐᓐᓇᕐᓂᑦᑎᓐᓂᒃ ᓄᓇᓕᖕᓂ," ᓘᒃᑖᖅ ᒪᐃᑯᓪ ᐹᑐᓴᓐ, ᐅᖃᖅᑐᖅ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ. "ᓱᓕᒃᑲᓐᓂᖅ, ᑭᒃᑯᓕᒫᑦᑎᐊᑦ ᐱᓕᕆᖃᑕᐅᖁᕙᒃᑲ ᐊᖏᕐᕋᖅᓯᒪᐃᓐᓇᕐᓗᑎᒡᓗ ᐊᔪᕐᓇᙱᓐᓂᓕᒫᖓᓂ. ᓄᕙᒡᔪᐊᖅᑐᓂᒃ ᐅᓄᖅᓯᕙᓪᓕᐊᔪᓐᓃᖅᑎᑦᑎᔪᓐᓇᖅᐳᒍᑦ ᑭᓯᐊᓂ ᑲᑎᙵᓗᐊᑲᑕᙱᓪᓗᑕ ᓯᐊᒻᒪᒃᐸᓪᓕᐊᑎᑦᑎᔪᓐᓃᕐᓗᑕᓗ. ᑐᕌᒐᖃᐃᓐᓇᖅᑕ ᑎᑭᑦᑐᒪᔭᑦᑎᓐᓂᒃ, ᐊᐃᑦᑐᕐᓗᖃᑦᑕᐅᑎᔪᑦ ᐃᓱᓕᑲᐅᑦᑐᕈᓐᓇᕐᓂᐊᕐᒪᑦ ᕿᓚᒻᒥᐅᓂᖅᐹᒃᑯᑦ.

ᑖᒃᑯᐊ ᑕᒪᕐᒥᒃ ᖃᓄᐃᙱᑉᐳᑦ, ᐅᐸᒃᑕᐅᑦᑕᐃᓕᒪᓪᓗᑎᒡᓗ ᐊᖏᕐᕋᒥᓂ ᑲᑎᙵᖃᑎᒋᔭᐅᓚᐅᖅᑐᓪᓗ ᓱᓕ ᖃᐅᔨᓴᖅᑕᐅᕙᓪᓕᐊᓪᓗᑎᒃ. ᕕᕗᐊᕆ 16−ᒥ ᐱᒋᐊᖅᖢᓂ, ᐊᕐᕕᐊᓂ ᖃᐅᔨᓴᖅᑕᐅᔪᑦ 2063−ᓂᒃ ᐱᑕᖃᙱᓐᓂᕋᖅᑕᐅᔪᓂᒃ ᓴᖅᑭᑎᑦᑎᕗᑦ ᖃᐅᔨᓴᖅᑕᐅᔾᔪᑎᖏᑦ.

ᓄᓇᕗᒻᒥᑦ ᑐᐊᕕᕐᓇᖅᑐᓕᕆᔨᒃᑯᑦ ᓱᓕ ᐃᑲᔪᖅᑐᐃᔪᑦ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔨᖏᓐᓂᒃ. ᑭᓇᑐᐃᓐᓇᖅ ᐊᕐᕕᐊᓄᑦ ᓂᐅᕐᕈᓚᐅᖅᑐᖅ ᐊᕐᕕᐊᓂᙶᓚᐅᖅᑐᕐᓗ ᔮᓄᐊᕆ 12-ᒥ ᐱᒋᐊᕐᓗᓂ ᐃᓄᖕᓄᑦ ᑲᑎᙵᓗᐊᑲᑕᖁᔭᐅᙱᑉᐳᑦ ᓇᖕᒥᓂᕐᓗ−ᖃᐅᔨᓴᖁᔭᐅᓪᓗᑎᒃ ᖃᓂᒻᒪᒃᐸᓪᓕᐊᖕᒪᖔᑦ. ᖃᐅᔨᒋᐊᖁᔭᐅᕗᑦ ᐋᓐᓂᐊᕕᖏᓐᓄᑦ ᐃᖃᓗᖕᓂᓪᓘᓐᓃᑦ ᐅᖁᒪᐃᓐᓂᕐᓂᐊᕐᕕᖓᓄᑦ, ᓄᓇᓕᐸᐅᔭᒦᑉᐸᑕ, ᐃᑲᔪᕐᓂᐊᕐᓗᑎᒃ ᑲᑎᙵᖃᑎᒋᔭᐅᓚᐅᖅᑐᑦ ᖃᐅᔨᓇᓱᓕᖅᐸᑕ ᖃᐅᔨᓴᖅᐸᓪᓕᐊᓕᖅᐸᑕᓗ. ᓱᓕ ᐊᕐᕕᐊᓕᐊᖅᑐᖃᕆᐊᖃᙱᑦᑐᖅ ᐊᕐᕕᐊᓂᓪᓗ ᐊᐅᓪᓚᖅᑐᖃᕆᐊᖃᙱᖦᖢᓂ, ᑭᓯᐊᓂ ᑐᐊᕕᕐᓇᖅᑐᖃᖅᐸᑦ ᐱᔭᕆᐊᖃᓪᓚᕆᑦᑐᖃᕐᐸᓪᓘᓐᓃᑦ.

ᐊᕐᕕᐊᕐᒥᐅᑦ ᓄᕙᒡᔪᐊᕐᓇᖅ−19-ᒧᑦ ᑲᐱᔭᐅᔪᒪᔪᑦ ᐋᓐᓂᐊᕕᖕᒧᑦ ᐅᖄᓚᔪᓐᓇᖅᐳᑦ ᐃᓂᒃᓴᓕᐅᕈᒪᓗᑎᒃ. ᒫᓐᓇᒧᑦ ᑎᑭᖦᖢᒍ, 6645 ᓄᓇᕗᒻᒥᐅᑦ ᐊᑕᐅᓯᕐᒥᒃ ᑲᐱᔭᐅᓯᒪᓕᖅᐳᑦ Moderna ᑲᐴᑎᒧᑦ. ᑲᐱᓯᑲᑕᖕᓂᐊᖅᑐᑦ ᑕᒫᓂ ᐅᑭᐅᖅᑕᖅᑐᒥ ᓱᓕ ᑲᔪᓯᕗᑦ.

ᑭᓇᑐᐃᓐᓇᑦᑎᐊᖅ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ−19-ᓕᖕᒧᑦ ᐅᖄᓚᖁᔭᐅᕗᖅ ᓄᕙᕐᔪᐊᕐᓇᒧᑦ−ᐅᖄᓚᕝᕕᒃᓴᒧᑦ ᐅᕗᖓ 1-888-975-8601 10:00−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6:00−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐊᓂᑦᑕᐃᓕᒪᓯᑲᐅᑎᒋᓗᓂᓗ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca/health/information/covid-19-novel-coronavirus.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ ᒫᓐᓇᓗ ᐋᓐᓂᐊᖅᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ, ᐅᕗᙵᕐᓗᓯ: https://www.gov.nu.ca/health/information/nunavuts-path

ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ www.gov.nu.ca/health/information/covid-19-vaccination

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑕᐃᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca