ᓯᑕᒪᑦ ᓄᑖᑦ ᓄᕙᔾᔪᐊᕐᓇᖅ 19-ᑖᖅᓯᒪᔪᑦ ᓄᓇᕗᒻᒥ

ᐱᕙᓪᓕᐊᔪᑦ ᑐᓴᕋᑦᓴᑦ

ᓯᑕᒪᑦ ᓄᑖᑦ ᓄᕙᔾᔪᐊᕐᓇᖅ 19-ᑖᖅᓯᒪᔪᑦ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᓄᕕᐱᕆ 23, 2020) - ᐅᓪᓗᒥ, ᓄᓇᕗᒻᒥ 132 ᓇᓗᓇᐃᖅᑕᐅᓯᒪᔪᑦ ᓄᕙᔾᔪᐊᕐᓇᖅ 19-ᓖᑦ. ᑲᖏᖅᖠᓂᕐᒥ ᐱᖓᓱᑦ ᓄᑖᑦ ᓇᓗᓇᐃᖅᑕᐅᓯᒪᔪᑦ, ᓄᓇᖓᓐᓂ ᑲᑎᓕᒫᖅᑐᒋᑦ 18 ᓇᓗᓇᐃᖅᑕᐅᓯᒪᔪᑦ. ᐊᑕᐅᓯᖅ ᓄᑖᖅ ᓇᓗᓇᐃᖅᑕᐅᓯᒪᔪᖅ ᑎᑭᕋᕐᔪᐊᕐᒥ ᑲᑎᓕᒫᖅᑐᒋᑦ 16 ᓄᓇᖓᓐᓂ.

“ᐊᑕᖏᖅᑐᑕ ᐱᕕᖃᖅᑐᐃᓐᓇᐅᔪᒍᑦ ᓄᖅᑲᖅᑎᑦᓯᒍᓐᓇᓂᕐᒧᑦ ᓯᐊᕐᒪᐸᓪᓕᐊᓂᖓᓂᒃ ᓄᕙᔾᔪᐊᕐᓇᖅ,” ᐅᖃᖅᓯᒪᔪᖅ ᓘᑦᑖᖅ ᐸᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃ. “ᐊᓂᑦᑕᐃᓕᒪᓂᖅ ᓴᐳᒻᒥᑦᓯᒍᑎᒋᒍᓐᓇᓂᖅᐹᕗᑦ ᐱᕕᔾᔪᖃᖑᑎᑕᐅᒋᐊᖃᖅᑐᓂᓗ. ᒪᓕᑦᓯᐊᕆᑦᓯ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᐃᖅᑲᐅᒪᓗᓯᓗ, ᑖᒃᑯᐊ ᐊᑐᐊᒐᐃᑦ ᓴᐳᒻᒥᑦᓯᒍᑕᐅᒻᒪᑕ ᐃᓕᓐᓂᒃ, ᓴᐳᒻᒥᑦᓯᒍᑕᐅᒻᒪᑕ ᐃᓚᑦᓯᓐᓂᒃ ᓄᓇᖅᑲᑎᑦᓯᓂᓪᓗ.”

ᓱᓕ ᓇᓗᓇᐃᖅᑕᐅᓯᒪᙱᑦᑐᖅ ᓄᓇᓕᓐᓂ ᓯᐊᕐᒪᐸᓪᓕᐊᓂᖓᓂᒃ ᑲᖏᖅᖠᓂᕐᒥ ᑎᑭᕋᕐᔪᐊᒥᓗ. ᐃᓘᓐᓇᑎᒃ ᓄᕙᔾᔪᐊᕐᓇᖅ 19-ᑖᖅᓯᒪᔪᑦ ᖃᐅᔨᒋᐊᖅᑕᐅᖏᓐᓇᖅᑐᑦ ᐊᓂᑦᑕᐃᓕᑎᓪᓗᒋᑦ ᓱᓕᓗ ᖃᓄᐃᒐᑎᒃ, ᐃᓚᖏᑦ ᖃᓄᐃᒍᑎᖃᒑᓛᑦᑐᑎᒃ.

ᓄᕕᐱᕆ 22-ᒧᓄᑦ, 150 ᖃᐅᔨᓴᖅᑕᐅᓯᒪᔪᑦ ᑲᖏᑦᖠᓂᕐᒥ ᓄᕙᔾᔪᐊᕐᓇᖅᑐᖃᙱᑦᑐᑦ. ᐊᕐᕕᐊᓂ ᖃᐅᔨᓴᖅᑕᐅᓯᒪᔪᑦ 353 ᓄᕙᔾᔪᐊᕐᓇᖅᑐᖃᙱᑦᑐᑦ. ᖃᐅᔨᓴᖅᑕᐅᓯᒪᔪᑦ ᑎᑭᕋᕐᔪᐊᒥ 47 ᓄᕙᔾᔪᐊᕐᓇᖅᑐᖃᙱᑦᑐᑦ. ᖃᐅᔨᓴᖅᑕᐅᕙᓪᓕᐊᖏᓐᓇᖅᑐᑦ ᓴᓂᑭᓗᐊᕐᒥ.

ᑭᓇᑐᐃᓐᓇᖅ ᖃᓂᒋᔭᖃᖅᑐᒥᓂᐅᓱᕆᒍᓂ ᓄᕙᔾᔪᐊᕐᓇᖅ 19-ᓕᒻᒧᑦ ᐅᖄᓚᖁᔭᐅᔪᖅ ᓄᕙᔾᔪᐊᕐᓇᐅᑉ ᒥᑦᓵᓄᑦ ᐅᖃᓚᕕᒻᒧᑦ 1-888-975-8601 ᐊᑯᓐᓂᖏᓐᓂ 10 ᐅᓪᓛᓴᒃᑯᑦ ᐊᒻᒪᓗ 6 ᐅᓐᓄᓴᒃᑯᑦ, ᖃᐅᔨᒃᑲᐃᑦᓴᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕐᕕᖓᓄᑦ, ᐊᓂᑦᑕᐃᓕᑦᓴᐅᑎᒋᓕᕐᓗᑎᓪᓗ ᐊᖏᕐᕋᒥᓐᓂᒃ ᐅᓪᓗᓂᒃ 14-ᓂᒃ. ᐅᐸᒍᑎᑦᑕᐃᓕᓗᑎᒃ ᐋᓐᓂᐊᕐᕕᒻᒧᑦ.

ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐃᑲᔫᑎᑦᓴᐃᓪᓗ ᒥᑦᓵᓄᑦ ᓄᕙᔾᔪᐊᕐᓇᖅ 19 ᓄᓇᕗᒻᒥ, ᐅᕗᖓᕐᓗᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒋᐊᓕᓐᓂᒃ, ᐅᕗᖓᕐᓗᑎᑦ: https://www.gov.nu.ca/health/information/nunavuts-path

ᑐᓴᖅᑎᑦᓯᒋᐊᓚᖓᔪᑦ ᐱᕙᓪᓕᐊᔪᓕᕆᔨᓂᒃ ᖃᐅᔨᒃᑲᐃᓕᖅᑲᑕ 11:00 ᐅᓪᓛᓴᒃᑯᑦ ᑲᓇᓐᓇᕐᒥ ᓯᕿᕐᖑᔭᖓᒍᑦ, ᐅᓪᓗᒥ, ᓄᕕᐱᕆ 23.

###

ᐱᕙᓪᓕᐊᔪᓕᕆᔨᓄᑦ ᖃᐅᔨᒋᐊᕐᕕᑦᓵᒃ:

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca