ᐅᖃᓚᐅᑎᓯᐅᑏᑦ

You are here

ᖁᐱᕐᕈᖃᕐᓂᕐᒧᑦ ᑐᓴᐅᒪᑎᑦᑎᔾᔪᑎ ᓴᓂᑭᓗᐊᕐᒧᑦ

ᓯᑎᐱᕆ 27, 2018

ᑭᒃᑯᑐᐃᓐᓇᑦ ᖃᓄᐃᙱᑦᑎᐊᖁᓪᓗᒋᑦ ᐅᖃᐅᔾᔨᒋᐊᕐᓂᖅ

ᖁᐱᕐᕈᖃᕐᓂᕐᒧᑦ ᑐᓴᐅᒪᑎᑦᑎᔾᔪᑎ ᓴᓂᑭᓗᐊᕐᒧᑦ

ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᓴᓂᑭᓗᐊᕐᒥᐅᓂᑦ ᑐᓴᖁᔨᕗᑦ ᐊᐃᕝᕙᒃᑕᐅᓚᐅᖅᑐᖅ ᖃᐅᔨᓴᖅᑕᐅᓚᐅᕋᒥᑦ ᖁᐱᕐᕈᖃᖅᖢᓂ.

ᓂᕆᓯᒪᒍᕕᑦ ᐆᓯᒪᙱᑦᑐᒥᑦ ᐊᐃᕕᕕᓂᕐᒥᑦ ᓈᙳᓯᒪᓗᑎᒡᓗ, ᓄᑭᒃᑎᑦ ᒪᐃᓪᓗᑎᒃ, ᐊᕿᑦᑐᖅᓱᕐᓗᑎᒃ, ᐃᔨᑎᑦ ᐳᓪᓕᕐᓗᑎᒃ, ᐊᐅᒪᔮᕐᓗᑎᑦ ᓄᑭᑭᓪᓗᑎᒃ, ᖁᐱᕐᕈᒧᑦ ᐊᐃᑦᑐᕐᑕᐅᓯᒪᑐᐃᓐᓇᕆᐊᖃᖅᐳᑎᑦ, ᐆᒪᔫᖃᑎᒥᓂᒃ ᐆᒪᕕᖃᕐᓂᐅᔪᖅ ᑯᒪᒃᑖᕐᓇᖅᑐᖅ ᐋᓐᓂᐊᖑᔪᖅ.

ᐋᓐᓂᐊᕕᓕᐊᕆᑦ ᓂᕆᓐᓂᕈᕕᑦ ᐊᐃᕕᕕᓂᕐᒥᑦ ᐆᓯᒪᙱᑦᑐᒥᑦ ᖃᓄᐃᒐᓚᒡᓗᑎᓪᓗ.

ᖃᐅᔨᓴᕐᓗᒋᑦ ᐊᐃᕕᖅᑐᓚᐅᙱᓐᓂᕐᓂ ᐱᓗᐊᖅᑎᑦᑎᑦᑕᐃᓕᓂᕐᒧᑦ ᖁᐱᕐᕆᔾᔪᑕᐅᓲᓂᒃ. ᓂᕆᔭᐅᓚᐅᙱᓐᓂᖓᓂ ᐊᐃᕝᕙᒃᑕᐅᔪᖅ, ᐊᐱᖅᓱᕐᓗᑎᑦᖃᐅᔨᓴᖅᑕᐅᓚᐅᕐᒪᖔᑦ. ᖁᐊᖅᓰᓗᓂ ᐅᕝᕙᓗᓃᑦ ᐃᒍᓇᖅᓰᓗᓂ ᓂᕿᒥᒃ ᖁᒪᖕᓂᑦ ᖁᐱᕆᓐᓇᖅᑐᓂᑦ ᑐᖁᑦᑎᔪᓐᓇᖏᒻᒪᑕ, ᖁᒪᐃᑦ ᑐᖁᔪᓐᓇᖅᑐᑦ ᑭᓯᐊᓂ ᓂᖀᑦ ᐆᑦᑎᓗᒋᑦ. ᖃᐅᔨᓴᕐᓂᖃᕈᓐᓇᖅᑐᑦ ᐊᐃᕖᑦ ᐅᖃᖏᓐᓄᑦ ᐊᑐᐃᓐᓇᐅᔪᑦ. ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒋᑦ ᐆᒪᔪᕐᓂᐊᖅᑎᑦ, ᐊᖑᓇᓱᒃᑐᓕᕆᔨᒃᑯᑦ ᐅᕝᕙᓘᓐᓃᑦ ᐊᕙᑎᑦᑎᓐᓂ ᐋᓐᓂᐊᖃᕐᓇᖏᑦᑐᓕᕆᔩᑦ.

ᖃᐅᔨᒋᐊᕐᕕᐅᔪᓐᓇᖅᑐᖅ ᖁᒪᐃᑦ ᖁᐱᕐᕆᔾᔪᑕᐅᔪᓐᓇᖅᑐᑦ ᒥᒃᓵᓄ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᐊᓂᑦ ᐅᕙᓂ: ᖁᐱᕐᕆᔾᔪᑕᐅᓲᓂᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒐᕕᓐ ᓴᑦᑕᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
gsutton@gov.nu.ca