ᐅᖃᓚᐅᑎᓯᐅᑏᑦ

You are here

ᖃᐅᔨᓴᐃᓐᓇᕐᑐᑦ ᓴᖅᑭᔮᙱᑐᐃᓐᓇᕆᐊᓕᖕᒥᑦ ᓯᐊᒻᒪᒃᐸᓪᓕᐊᓂ ᐊᕐᕕᐊᓂ

ᓯᑎᐱᕆ 19, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᖃᐅᔨᓴᐃᓐᓇᕐᑐᑦ ᓴᖅᑭᔮᙱᑐᐃᓐᓇᕆᐊᓕᖕᒥᑦ ᓯᐊᒻᒪᒃᐸᓪᓕᐊᓂ ᐊᕐᕕᐊᓂ

ᐃᖃᓗᐃᑦ, ᓄᓇᕗᑦ (ᓯᑦᑎᒻᕙ 19, 2021) −ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥᐅ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᐅᑯᓂᖓ ᓴᖅᑭᑦᑎᖅᑲᐅᕗᖅ:

“ᐸᓴᒋᔭᐅᑐᐃᓐᓇᕆᐊᓕᖕᒥᑦ ᓄᕙᒡᔪᐊᕐᓇᖅ-19−ᖃᕐᑐᒥ ᓇᓗᓇᐃᕐᑕᐅᔪᖅ IDNow Point of Care ᖃᐅᔨᓴᕈᑎᒧᑦ, ᐱᑕᖃᓚᐅᙱᓚᖅ ᖃᐅᔨᓴᕐᕕᖕᒥᑦ ᑲᖏᖅᖠᓂᖕᒥᑦ ᐅᓐᓄᑐᖃᖓᓂ ᓯᑎᐱᕆ 17−ᒥᑦ. ᓲᖃᐃᒻᒪ ᖃᐅᔨᓴᕐᑕᐅᓚᐅᕐᑐᖅ ᐃᓱᐊᓂ ᖃᓂᒪᑎᓪᓗᒍ, ᓇᓗᓇᕐᑐᖅ ᓇᓗᓇᐃᕆᐊᒃᓴᖅ IDNow ᖃᐅᔨᓴᕈᑎ ᓱᓕᓚᐅᙱᓚᖅ. ᐱᑕᖃᙱᒃᑲᓗᐊᕆᐊᒃᓴᖓᓂ ᓴᖅᑭᔮᙱᑐᐃᓐᓇᕆᐊᓕᖕᒥᑦ ᓯᐊᒻᒪᖕᓂᖅ ᐊᕐᕕᐊᓂᑦ, ᖃᐅᔨᓴᒃᑲᓐᓂᕐᐸᓪᓕᔪ ᖃᐅᔨᓴᕆᐊᖃᕐᖢᑎᒃᓗ ᐱᑕᖃᙱᒃᑲᓗᐊᕆᐊᒃᓴᖓᓂ ᓴᖅᑭᔮᙱᑦᑐᒥᑦ ᓄᕙᒡᔪᐊᕐᓇᖅ-19 ᓯᐊᒻᒪᓕᙱᒃᑲᓗᐊᕆᐊᒃᓴᖓᓂ.

ᑭᓯᐊᓂ ᐱᓕᕆᐊᓂᒃᐸᑕ ᖃᐅᔨᔪᓐᓇᕐᓂᐊᕐᑐᒍ ᐊᑦᑕᕐᓇᖕᓂᖓᓂ ᓄᕙᒡᔪᐊᕐᓇᖅ-19 ᓯᐊᒻᒪᖕᓂᖓ ᐊᑦᑎᖕᓂᖓᓂ, ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᐊᑐᕐᑕᐅᔭᕆᐊᖃᖕᓂᐊᕐᑐᖅ ᐊᒥᓱᓄᑦ. ᐃᓕᓐᓂᐊᖏᓐᓇᖁᓪᓗᒋᑦ ᐸᐃᕆᕕᓪᓗ ᐅᒃᑯᐃᕈᓐᓇᕐᑐᑦ ᒪᑐᐊᕐᓯᒪᔭᕆᐊᖃᕐᓗᑎᒃ.

ᐅᔾᔨᕈᓱᒃᑐᖓ ᑕᒪᓐᓇ ᑐᓴᒐᒃᓴᖅ ᐊᒃᓱᕈᕐᓇᕐᑐᖅ, ᑭᓯᐊᓂᓕ ᐊᕐᕕᐊᒥᐅᑦ ᒪᓕᑦᑎᐊᖁᕙᒃᑲ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᖕᓂᑦ ᖁᔭᓕᕙᒃᑲᓗ ᕿᓄᐃᓵᕐᓂᖏᓐᓄᑦ. ᑕᐃᒫᒃ ᐃᑲᔫᑎᓂᐊᕐᑐᖅ ᓄᕙᒡᔪᐊᕐᓇᖅ-19−ᑕᖃᙱᒃᑲᓗᐊᕆᐊᒃᓴᖓᓂ ᓄᓇᓕᖕᓂᑦ.

ᐃᖅᑲᐃᓯᔾᔪᑎ, ᐊᐅᓪᓚᕆᐊᓖᑦ ᐊᕐᕕᐊᓄᑦ ᑕᕝᕙᖓᓪᓗ ᐊᕐᕕᐊᓂᑦ ᒫᓐᓇ ᓄᖅᑲᖓᖁᔭᐅᕗᑦ. ᑭᓇᑐᐃᓐᓇᖅ ᐊᕐᕕᐊᓂᑦ ᐊᐅᓪᓚᓚᐅᖅᑐᖅ ᓯᑎᐱᕆ 6ᒥ, ᐊᒻᒪᓗ ᑲᐱᔭᐅᓯᒪᙱᓪᓗᓂᒃ ᑕᒪᒃᑮᓐᓂᒃ ᐋᓐᓂᐊᓕᕇᒃᑯᑎᒥᑦ, ᐊᓂᑦᑕᐅᓕᖁᔭᐅᕗᖅ ᐅᓪᓗᓄᑦ 14ᓄᑦ ᐅᓪᓗᖓᓐᓂᒃ ᐱᒋᐊᕐᓗᑎᑦ ᐊᐅᓪᓚᕐᕕᒋᓚᐅᖅᑕᖏᓐᓂᑦ ᐊᕐᕕᐊᕐᒥᑦ. ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᓐᓂᐊᓕᕐᓂᕈᕕᑦ, ᐅᖄᓚᓗᑎᑦ ᓄᓇᕗᒻᒥ ᓄᕙᕐᔪᐊᕐᓇᖅ-19 ᐅᖄᓚᕝᕕᖓᓐᓄᑦ 1-888-975-8601. ᑕᒪᐃᓐᓂᒃ ᑲᐱᔭᐅᓯᒪᒍᕕᑦ, ᐊᓂᑦᑕᐃᓕᔭᕆᐊᖃᙱᓚᑎᑦ, ᑭᓯᐊᓂ ᒪᑐᐊᕐᓯᒪᓗᑎᑦ ᐅᓪᓗᓄ 14−ᓄᑦ ᐊᕐᕕᐊᓂᖔᕈᕕᑦ.

ᑲᔪᖏᖅᓴᕐᐸᒃᑲ ᑭᒃᑯᓕᒫ ᒪᓖᓐᓇᕐᓗᑎᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᖕᓂᑦ, ᐊᒡᒐᑎᑦ ᐅᐊᓴᒐᔪᒃᓗᒋᑦ, ᐊᐃᓯᒪᓗᑎᑦ ᖃᓂᒪᒍᕕᑦ. ᐊᒻᒪᓗ, ᐱᔪᓐᓇᕈᕕᑦ, ᑲᐱᔭᐅᓗᑎᑦ. ᑲᐴᑎ ᐱᐅᓛᖑᕗᖅ ᒪᓂᒪᓪᓗᓂ ᓴᐳᔾᔨᓯᒪᔪᓐᓇᖅᖢᓂ ᓄᕙᒡᔪᐊᕐᓇᖅ-19−ᒥᑦ."

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca