ᐅᖃᓚᐅᑎᓯᐅᑏᑦ

You are here

ᐳᕙᒡᓗᖕᓇᒥ ᐊᐃᑦᑐᕐᓗᒃᑕᐅᓯᒪᔪᖃᑐᐃᓐᓇᕆᐊᓕᒃ ᐊᕐᕕᐊᑦ ᐸᐃᕆᕝᕕᖓᓂ

ᔪᓚᐃ 30, 2020

ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ ᐋᓐᓂᐊᓇᐅᑉ ᒥᔅᓵᓄᑦ

ᐳᕙᒡᓗᖕᓇᒥ ᐊᐃᑦᑐᕐᓗᒃᑕᐅᓯᒪᔪᖃᑐᐃᓐᓇᕆᐊᓕᒃ ᐊᕐᕕᐊᑦ ᐸᐃᕆᕝᕕᖓᓂ

ᐊᓐᓂᐊᖃᕐᓇᙱᑦᑐᓕᕆᔨᒻᒪᕆᒃ ᐊᕐᕕᐊᕐᒥᐅᓂᒃ ᐅᖃᐅᔾᔨᕗᖅ ᐊᕐᕕᐊᕐᒥᐅᓂᑦ ᓄᑕᖅᑲᑦ ᐸᐃᕆᕝᕕᖕᒦᖃᑦᑕᖅᑐᑦ ᐳᕙᒡᓗᖕᓇᒥ ᐊᐃᑦᑐᕐᓗᒃᑕᐅᓯᒪᑐᐃᓐᓇᕆᐊᖃᕐᒪᑕ ᐸᐃᕆᕝᕕᖕᒥ. ᐃᖅᑲᓇᐃᔭᖅᑎᖏᑦ ᓄᑕᖅᑲᓪᓗ ᐸᐃᕆᕝᕕᖕᒦᑲᑕᓚᐅᖅᑐᑦ ᖃᐅᔨᓴᖅᑕᐅᔭᕆᐊᖃᖅᐳᑦ ᐳᕙᒡᓗᖕᓂᕐᒧᑦ.
ᐱᖃᕐᓂᕋᖅᑕᐅᔪᖅ ᐳᕙᒡᓗᖕᓇᒥ ᐃᒪᐃᑉᐳᖅ ᐃᓄᒃ ᐊᑕᐅᓯᕐᒦᖃᑎᖃᖅᖢᓂ ᐆᒻᒪᕐᒥᑦ ᐳᕙᒡᓗᒃᑐᒥᑦ ᐊᓂᖅᓵᕐᕕᒋᔭᖓᓃᖦᖢᓂ. ᐳᕙᒡᓗᖕᓇᖅ ᑎᒥᑦᑎᓐᓄᐊᖃᑦᑕᖅᐳᖅ ᑭᓇᑐᐃᓐᓇᖅ ᖁᐱᕐᕈᐊᔪᖕᒥᑦ ᓂᐅᕈᓂ, ᓯᐊᒻᒪᒍᓐᓇᙱᑦᑐᒥᒃ ᐳᕙᒡᓗᓕᕈᓐᓇᖅᖢᓂ. ᖁᐱᕐᕈᐃᑦ ᑎᒥᒦᑐᐃᓐᓇᕆᐊᓖᑦ, ᑭᓯᐊᓂ ᖃᓂᒻᒪᒍᑕᐅᔪᓐᓇᕋᔭᙱᑦᑐᖅ

ᐅᕝᕙᓘᓐᓃᑦ ᐊᓯᒥᓄᑦ ᐊᐃᑦᑐᕐᓗᐃᔾᔪᑕᐅᓗᓂ. ᓯᐊᒪᒍᓐᓇᙱᑦᑐᖅ ᐳᕙᒡᓗᖕᓂᖅ ᐃᓅᓕᓴᖅᑕᐅᙱᑉᐸᑦ, ᐆᒻᒪᕐᒥᑦ ᐳᕙᒡᓗᓕᕈᓐᓇᖅᑐᖅ. ᐊᑯᓂᐅᓂᖅᓴᖅ ᐊᒻᒪ/ᐅᕝᕙᓘᓐᓃᑦ ᐊᑯᓚᐃᑦᑐᒥᑦ ᑭᓇᑐᐃᓐᓇᕐᒥᑦ ᐆᒻᒪᕐᒥᑦ ᐳᕙᒡᓗᒃᑐᒥᑦ ᐊᒃᑐᖅᑕᐅᔪᖃᖅᐸᒡᓗᓂ ᐊᐃᑦᑐᕐᓗᒃᑕᐅᑐᐃᓐᓇᕆᐊᖃᕐᓂᖅᓴᐅᕗᖅ.

ᐸᐃᕆᕝᕕᖕᒥ ᐃᖅᑲᓇᐃᔭᖅᑏᑦ ᓄᑕᖅᑲᓪᓗ ᐸᐃᕆᕝᕕᖕᒦᑉᐸᒃᑐᑦ ᐳᕙᒡᓗᖕᓂᕐᒧᑦ ᖃᐅᔨᓴᖅᑕᐅᓚᐅᙱᑦᑐᑦ ᑕᒪᑐᒪᓂ ᐊᕐᕌᒍᒥ ᐋᓐᓂᐊᕐᕕᖕᒧᑦ ᖃᐅᔨᒋᐊᖁᔭᐅᕗᑦ. ᐆᒻᒪᕐᒥᑦ ᐳᕙᒡᓗᒃᑐᑦ ᐃᒪᐃᓲᖑᔪᑦ:

  • ᖁᐃᖅᓱᖃᑦᑕᖅᑐᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ.
  • ᑕᖃᖓᔪᐊᓘᓗᑎᒃ.
  • ᓂᕆᔪᒪᑦᑎᐊᑲᑕᙱᓪᓗᑎᑦ.
  • ᐆᑎᕐᓇᕐᓗᑎᑦ ᐅᕝᕙᓘᓐᓃᑦ ᐅᓐᓄᐊᒃᑯᑦ ᑭᐊᒃᑎᖃᑦᑕᕐᓗᑎᒃ.

ᑭᓇᑐᐃᓐᓇᖅ ᑖᒃᑯᓂᖓ ᖃᓂᒪᑲᑕᒃᑐᑦ ᐋᓐᓂᐊᕐᕕᓕᐊᑲᐅᑎᒋᔭᕆᐊᖃᖅᐳᖅ. ᐳᕙᒡᓗᖕᓇᖅ ᖃᓂᒪᓐᓇᐅᕗᖅ ᐃᓅᓕᓴᖅᑕᐅᔪᓐᓇᖅᖢᓂ ᐊᖏᕐᕋᖅᓯᒪᐃᓐᓇᕋᓗᐊᕐᓗᓂ. ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᐋᓐᓂᐊᕐᕕᖕᒧᑦ ᐅᖄᓚᔪᓐᓇᖅᐳᑎᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca