ᐅᖃᓚᐅᑎᓯᐅᑏᑦ

You are here

ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ ᓇᓗᓇᐃᖅᑕᐅᓯᒪᓪᓚᕆᒃᑐᒥᒃ ᑲᖏᖅᖠᓂᕐᒥᑦ

ᓄᕕᐱᕆ 11, 2020

ᐱᕙᓪᓕᐊᔪᖅ ᓴᖅᑭᑕᖅ

ᓴᖅᑭᖅᑕᐅᑲᐅᑎᒋᔭᕆᐊᓕᒃ

ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ ᓇᓗᓇᐃᖅᑕᐅᓯᒪᓪᓚᕆᒃᑐᒥᒃ ᑲᖏᖅᖠᓂᕐᒥᑦ

ᐃᖃᓗᐃᑦ, ᓄᓇᕗᑦ (ᓅᕖᕝᕙ 11, 2020) − ᓘᒃᑖᖅ. ᒪᐃᑯᓪ ᐹᑐᓴᓐ, ᓄᓇᕗᒻᒥ ᓘᑦᑕᑦ ᐊᖓᔪᖅᑳᖓ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓂ, ᓇᓗᓇᐃᖅᓯᓯᒪᓕᖅᐳᖅ ᐊᐃᑉᐱᖅᓯᒪᓕᕐᒪᑦ ᓄᕙᒡᔪᐊᕐᓇᖅ-19−ᒥᒃ ᖃᐅᔨᓴᖅᑕᐅᔾᔪᑎᖓ ᓇᓗᓇᐃᖅᑕᐅᔪᖅ ᐋᓐᓂᐊᓕᖅᓯᒪᔪᖃᕐᓂᖓᓂᒃ ᑲᖏᖅᖠᓂᕐᒥᑦ.

"ᐱᒋᐊᖅᑎᑦᑎᓯᒪᓕᖅᑐᒍᑦ ᖃᐅᔨᓴᕐᓂᕐᒥᑦ ᓄᓇᓕᒻᒥᑦ ᐋᓐᓂᐊᔪᒧᑦ ᐊᐃᑦᑐᑐᐃᓐᓇᕆᐊᖃᖅᑕᖏᑦ ᑭᓇᒃᑰᒻᒪᖔᑕ, ᐊᒻᒪ ᐱᓕᕆᐊᕆᕙᓪᓕᐊᔭᕗᑦ ᑐᐊᕕᕐᓗᑕ ᓇᓗᓇᐃᖅᑕᐅᔪᓐᓇᖁᓪᓗᒋᑦ ᑭᓇᒃᑯᑦ ᐅᓗᕆᐊᓇᖅᑐᒦᓐᓂᖅᐸᐅᒻᒪᖔᑕ ᐊᐃᑦᑐᖅᑕᐅᑐᐃᓐᓇᕆᐊᓖᑦ. ᑲᖏᖅᖠᓂᕐᒥᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᓕᕆᔨᖃᑦᑎᐊᕐᒪ ᑕᐃᑲᓃᑦᑐᓂᑦ, ᑭᓯᐊᓂ ᑖᒃᑯᐊ ᐋᓐᓂᐊᓯᐅᖅᑏᑦ ᑐᐊᕕᕐᓇᖅᑐᓕᕆᔨᖏᑦ ᐊᑐᐃᓐᓇᒪᔪᑦ ᐃᑲᔪᕆᐊᕈᓐᓇᖅᑐᓂᑦ ᑖᓐᓇ ᑲᒪᒋᔭᐅᑎᓪᓗᒍ ᖃᓄᐃᓐᓂᐅᔪᖅ ᐱᔭᕆᐊᖃᑐᐊᖅᐸᑕ," ᐅᖃᖅᑐᖅ ᓘᑦᑖᖅ. ᐹᑐᓴᓐ. "ᑲᖏᖅᖠᓂᕐᒥᐅᑦ ᐊᖏᕐᕋᖅᓯᒪᐃᓐᓇᖁᕙᕗᑦ ᐊᔪᕐᓇᖏᑐᐊᖅᐸᑦ ᐊᓂᖏᑕᐃᓐᓇᕐᓗᓯ ᐊᓂᔭᕆᐊᖃᙱᑯᔅᓯ ᐊᒻᒪ ᐃᓅᖃᑎᓐᓂᑦ ᑲᑎᒻᒪᑦᑕᐃᓕᒪᓗᓯ, ᑖᒃᑯᐊᓗ ᐱᖃᑕᐅᔪᑦ ᐃᓚᒋᔭᓯ ᐃᓪᓗᒥᐅᑕᐅᖃᑎᒋᙱᒃᑯᔅᓯᐅᒃ ᑲᑎᒻᒪᑦᑕᐃᓕᓗᒋᑦ. ᒪᓕᑦᑕᐅᔭᕆᐊᖃᓪᓚᕆᓕᖅᑐᑦ ᑖᒃᑯᐊ ᐋᓐᓂᐊᖅᑕᐃᓕᒪᑎᑦᑎᓂᕐᒧᑦ ᐋᖅᑭᓱᖅᐅᓯᒪᔪᑦ ᐃᓄᓕᒫᓄᑦ ᑖᓐᓇ ᓱᑲᑦᑐᒥᑦ ᓄᖅᑲᖅᑎᑕᐅᒋᔪᓐᓇᕐᓂᐊᕋᑦᑎᒍ ᓯᐊᒻᒪᑐᐃᓐᓇᕆᐊᖃᕐᓂᖓ ᓄᓇᓕᒻᒥᑦ."

ᑖᓐᓇ ᐃᓄᒃ ᐃᓄᑑᑎᑕᐅᔪᖅ ᐊᒻᒪ ᖃᓄᐃᙱᑦᑐᖅ. ᐊᐅᓪᓚᖃᑦᑕᕐᓂᐅᔪᖅ ᑕᐃᑯᖓ ᐊᒻᒪ ᑕᕝᕙᙵᑦ ᑲᖏᖅᖠᓂᕐᒥ ᒫᓐᓇ ᐊᑐᖁᔭᐅᙱᑲᐃᓐᓇᖅᑐᖅ. ᑭᓇᑐᐃᓐᓇᖅ ᑕᐃᑯᖓ ᑲᖏᖅᖠᓂᕐᒧᐊᖅᓯᒪᑉᐸᑦ ᐅᕙᓗ ᐊᖅᑯᓵᕐᓗᑎᑦ ᑲᖏᖅᖠᓂᕐᒧᑦ, ᑕᐃᑲᓃᑦᑕᕆᐊᖃᖅᓯᒪᑉᐸᑕ ᐅᓪᓗᓄᑦ ᑎᓴᒪᓄᑦ ᐅᕙᓗ ᐅᖓᑖᓄᑦ ᓄᕕᐱᕆ 5ᒥᑦ ᐱᒋᐊᕐᓗᒍ ᐅᓪᓗᐊ, ᐃᒻᒥᓂᒃ ᖃᐅᔨᓴᖃᑦᑕᕆᐊᓕᒃ ᐅᓪᓗᓄᑦ 14ᓄᑦ ᑕᐃᑲᙵᑦ ᑲᖏᖅᖠᓂᕐᒦᖔᓚᐅᖅᑎᓪᓗᒍ. ᑖᒃᑯᐊ ᑭᓯᐊᓂ ᐱᑕᖃᕆᐊᖃᓪᓚᕆᑦᑐᑦ ᐱᔨᑦᑎᕐᕕᐅᔪᑦ ᒪᑐᐃᙶᖅᑐᖅ ᑖᒃᑯᐊᓗ ᓂᐅᕕᕐᕕᐅᔪᑦ ᐃᑲᕐᕋᖏᑦ ᓇᐃᓪᓕᒋᐊᖅᐅᓗᑎᑦ. ᐃᓪᓗᒥᑦ ᑲᑎᙵᖃᑦᑕᕐᓂᐅᔪᑦ ᓄᖅᑲᖅᑎᑕᐅᔪᑦ ᒫᓐᓇ, ᓯᓚᒥᓪᓗ ᑲᑎᙵᖃᑦᑕᕈᓐᓇᖅᑐᑦ ᒥᑭᒋᐊᖅᐅᕗᑦ ᑕᓪᓕᒪᓄᑦ ᐅᕙᓗ ᑐᖔᓃᓪᓗᑎᑦ ᑲᑎᒻᒪᔪᓐᓇᖅᑐᑦ. ᓄᓇᖃᖅᑎᐅᔪᑦ ᒪᑐᐊᕐᒥᑦ ᐊᑐᖃᑦᑕᖁᔭᐅᓕᖅᑐᑦ ᐊᓃᖅᐸᑕ ᐊᖏᕐᕋᓯᒪᙱᑉᐸᑕ.

"ᑖᒃᑯᓄᖓ ᑲᖏᖅᖠᓂᕐᒥᐅᓄᑦ ᓄᓇᕗᒻᒥᐅᓕᒫᓄᓪᓗ, ᐅᐃᒪᔮᖅᐃᓕᒪᓗᓯ ᐊᒻᒪ ᐃᑉᐱᒋᖃᑦᐅᑕᑎᑦᑎᐊᕐᓗᓯ. ᓇᒡᓕᒍᓱᖕᓂᖃᕐᓂᕐᓗᓯ ᐊᒻᒪ ᑐᑭᓯᐅᒪᑦᑎᐊᕐᓂᖃᕐᓗᓯ ᐃᑲᔪᕐᓂᐊᖅᑐᖅ ᐅᕙᑦᑎᓐᓂᒃ ᑕᒪᓐᓇ ᐊᑐᖅᑎᓪᓗᑎᒍᑦ," ᐅᖃᖅᑐᖅ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᓗᐊᓐ ᑯᓱᒐᖅ. "ᒫᓐᓇ ᐃᓅᖃᑎᓐᓂ ᖃᓂᒃᓴᓗᐊᖅᑕᐃᓕᒪᔭᕆᐊᖃᕐᓂᖅ ᒪᓕᑦᑕᐅᔭᕆᐊᖃᕐᓂᖓ ᑕᕝᕙ ᐊᑐᕆᐊᓪᓚᕆᓕᖅᐳᖅ, ᐊᒡᒐᒃ ᐃᕐᒥᖅᑐᑦᑎᐊᖃᑦᑕᕐᓗᒋᑦ, ᐊᒻᒪᓗ ᐊᖏᕐᕋᓯᒪᑐᐃᓐᓇᕐᓗᓯ. ᑖᓐᓇ ᖃᓄᐃᑦᑐᓐᓃᖅᓴᕋᐃᖁᕙᕋ ᐋᓐᓂᐊᔪᖅ, ᐊᔪᙱᑎᑕᐅᓗᑎᓪᓗ ᑲᖏᖅᖠᓂᕐᒥᐅᑦ ᑕᒪᕐᒥᒃ."
ᓇᓗᓇᐃᖅᑕᐅᓯᒪᔪᖃᓕᕐᓂᖓᓄᑦ ᐋᓐᓂᐊᔪᒥᑦ ᐊᑦᑐᐃᖏᑦᑐᖅ ᑕᐃᔅᓱᒥᖓ ᐊᐅᓪᓚᕈᓐᓇᕐᕕᐅᑎᐅᔪᒥᑦ ᑰᒡᔪᐊᕌᓗᒃ, ᑯᒡᔪᐊᕐᒧᑦ ᒫᓂᑑᐸ. ᑐᑭᓯᓇᖅᓯᑎᑕᐅᓯᒪᔪᑦ ᐊᑦᑐᖅᑕᐅᓯᒪᓂᖓ ᐊᐅᓪᓚᕈᓐᓇᕐᕕᐅᐅᑕᔪᖅ ᑕᐃᑯᖓ ᓄᓇᑦᓯᐊᕐᒧᑦ ᑐᓴᖅᑎᑦᑎᔾᔪᐅᒋᐊᓂᐊᖅᑐᖅ ᐅᐊᑦᑎᐊᖅ.

ᑭᓇᑐᐃᓐᓇᖅ ᐊᐃᑦᑐᖅᑕᐅᓯᒪᓇᓱᒋᑉᐸᑦ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖃᐅᔾᔨᖁᔭᐅᕗᖅ ᐅᖄᓚᓗᓂ ᓄᕙᒡᔪᐊᕐᓇᖕᒧᑦ ᐅᖄᓚᕕᒻᒧ ᐅᕗᖓ 1-888-975-8601 ᐅᑯᐊ ᐃᑲᕐᕋᖏᓐᓂᑦ 10ᒥ ᐅᓪᓛᒃᑯᑦ ᐊᒻᒪᓗ 6ᒧ ᐅᓐᓄᒃᑯᑦ. ᑲᓇᖕᓂᕐᒥᐅᑦ ᖃᐅᔨᓴᐅᑎᖓᑎᒍᑦ, ᖃᐅᔨᑎᓪᓗᒍᓘᓐᓃᑦ ᓄᓇᓕᖕᒥᓂ ᐋᓐᓂᐊᕕᓕᐊᕐᕕᒃᑎᒃ ᖃᐅᔨᑎᑲᐅᑎᒋᓗᒍ, ᐃᒻᒥᓂᒡᓗ ᐅᐸᒃᑕᐅᑦᑕᐃᓕᒪᑎᓯᑲᐅᑎᒋᓗᓂ ᐊᖏᕐᕋᒥᓂ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ.
ᐊᖃᒍᑦ ᐱᕙᓪᓕᐊᔪᓂᒃ ᑐᓴᒐᒃᓴᓕᐅᖅᐅᓯᒪᔪᓂᑦ ᑐᓴᖅᑎᑦᑎᓂᖃᒃᑲᓐᓂᓛᖅᑐᑦ 11ᒥᑦ ᐅᓪᓛᓴᒃᑯᑦ, ᑎᓴᕐᒥᖅ, ᓄᕕᐱᕆ 12.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca