ᐅᖃᓚᐅᑎᓯᐅᑏᑦ

You are here

ᐱᖦᖤᖏᓴᖅᑐᖅ/ᓯᖏᖅᓯᔪᖅ ᑲᖏᖅᖠᓂᕐᒥᑦ

ᒫᑦᓯ 24, 2020

ᐋᓐᓂᐊᖃᕐᓇᙱᑦᑐᓕᕆᓂᒧᑦ ᑭᒃᑯᑐᐃᓐᓇᕐᓄᑦ ᓇᓗᓇᐃᔭᐅᑦ

ᐱᖦᖤᖏᓴᖅᑐᖅ/ᓯᖏᖅᓯᔪᖅ ᑲᖏᖅᖠᓂᕐᒥᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖃᐅᔨᒃᑲᐃᔪᒪᕗᑦ ᒥᑦᑎᒪᑕᓕᖕᒥᐅᓂᒃ ᑎᕆᒐᓐᓂᐊᒥᑦ ᖃᐅᔨᔭᐅᔪᖃᖅᓯᒪᓕᕐᓂᖓᓂᒃ ᐱᖦᖤᙱᓴᖅᑐᖅ/ᓯᖏᖅᓯᓂᕋᖅᑕᐅᔪᒥ. ᑖᓐᓇ ᑎᕆᒐᓐᓂᐊᖅ ᐊᒃᑐᓯᔪᒥᓂᖅ ᕿᒻᒥᒥᑦ ᐊᑕᐅᓯᕐᒥᑦ ᓄᓇᓂᖏᓐᓂᑦ. ᐱᖦᖤᙱᓴᖅᑐᖃᑐᐃᓐᓇᕆᐊᖃᕐᓂᖓᓄᑦ, ᑕᓗᕐᔪᐊᕐᒥᐅᓕᒫᑦ ᐅᖃᐅᑎᔪᒪᕙᕗᑦ ᐅᔾᔨᖅᓱᖃᑦᑕᖁᓗᒋᑦ ᑎᕆᒐᓂᐊᕐᓂᒃ ᖃᓂᒋᔭᖏᓐᓂᑦ.

ᑮᔭᐅᓐᓂᕈᕕᑦ ᑕᓪᓕᒃᑕᐅᓐᓂᕈᕕᓪᓘᓐᓃᑦ ᑎᕆᒐᓂᐊᒧᑦ ᕿᒻᒥᕐᒧᓪᓘᓐᓃᑦ, ᐋᓐᓂᐊᕕᓕᐊᕐᓗᑎᑦ ᖃᓄᐃᓕᐅᖅᑕᐅᓂᕆᔭᐃᓪᓗ ᐅᖃᐅᓯᕆᑲᐅᑎᒋᓗᒍ. ᐱᖦᖤᖏᓴᕐᓂᕈᓂᑦ ᑲᒪᒋᔭᐅᑲᐅᑎᒋᔭᕆᐊᖃᖅᐳᖅ. ᑎᕆᒐᓐᓂᐊᖅ ᐋᓐᓂᐊᖃᕋᓗᐊᖅᐸᑦ ᓄᔪᐊᙱᑦᑑᔪᓐᓇᖅᐳᖅ. ᓄᑕᖅᑲᑦ ᐱᙳᐊᖃᑎᖃᕆᐊᖃᙱᑦᑐᑦ ᑎᕆᒐᓐᓂᐊᓂᒃ ᐊᓯᖏᓐᓂᒡᓘᓐᓃᑦ ᐆᒪᔪᓂᒃ. ᕿᒻᒦᑦ ᓯᓚᒥᐅᑕᑦ ᐃᐱᖅᓯᒪᑏᓐᓇᕐᓗᒋᑦ, ᖃᐅᔨᓴᖅᐸᒡᓗᒋᓪᓗ ᐱᐅᓯᖏᑦ ᐊᓯᔾᔨᙱᒃᑲᓗᐊᕐᒪᖔᑕ ᐊᒻᒪ ᐱᖦᖤᙱᓴᓕᙱᒃᑲᓗᐊᕐᒪᖔᑕ.

ᑎᕆᒐᓂᐊᑦ ᐊᒻᒪ ᐊᒪᕈᐃᑦ ᐱᖦᖤᙱᓴᓲᖑᕗᑦ ᓄᓇᕗᒻᒥ, ᓯᐊᒻᒪᒃᑎᕈᓐᓇᖅᖢᑎᒡᓗ ᕿᒻᒥᓄᑦ ᑮᔭᐅᓐᓂᕌᖓᑕ ᐱᖦᖤᙱᓴᖅᑐᒧᑦ ᑎᕆᒐᓂᐊᒧᑦ ᐅᕝᕙᓘᓐᓃᑦ ᐊᒪᖅᑯᒧᑦ. ᐃᓄᐃᑦ ᐱᖦᖤᙱᓴᖅᑐᒧᑦ ᑮᔭᐅᓐᓂᖅᐸᑕ, ᑕᓪᓕᒃᑕᐅᓐᓂᖅᐸᑕ ᐅᕝᕙᓘᓐᓃᑦ ᐊᓗᐱᖅᑕᐅᓐᓂᖅᐸᑕ ᐊᐃᑦᑐᕐᓗᒡᕕᐅᔪᓐᓇᖅᑐᑦ. ᐃᓄᖕᒥᑦ ᐱᖦᖤᙱᓴᖅᑐᖃᓕᕈᓐᓇᖅᐳᖅ ᐱᖦᖤᙱᓴᖅᑐᕕᓂᕐᒥᒃ ᓂᕐᔪᑎᒥᒃ ᓂᕿᓕᕆᒍᓂ/ᐊᒥᓕᕆᒍᓂ.

ᐆᒪᔪᒥᒃ ᑕᑯᒍᕕᑦ ᐃᓕᖅᑯᓯᖅᓱᙱᑦᑐᒥᒃ, ᐱᓱᒡᒐᖅᑐᒥᒃ, ᖃᓂᒃᑯᑦ ᖃᐳᐊᒃᑐᒥᒃ, ᐊᓂᖅᓵᖅᑐᒡᒐᖅᑐᒥᒃ ᐅᕝᕙᓘᓐᓃᑦ ᓂᐱᒋᙱᑕᒥᓂᒃ ᓂᓪᓕᐊᔪᒥᒃ, ᑕᐃᒪ ᐱᖦᖤᙱᓴᑐᐃᓐᓇᕆᐊᖃᖅᐳᖅ. ᓂᕐᔪᑎ ᐅᐸᒃᑕᐃᓕᓗᒍᑦ ᐅᖄᓚᓗᑎᓗ

ᐆᒪᔪᕐᓂᐊᖅᑎᒧᑦ ᐅᕗᖓ 867-645-8083 ᐅᕝᕙᓗ ᐊᕙᑎᑦᑎᓐᓂᒃ ᖃᓄᐃᖏᑦᑎᐊᕋᓱᐊᖅᑐᓕᕆᔨᒧᑦ ᐅᕗᖓ 867-645-8071, ᐃᕐᖐᓐᓇᖅ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
cpuglia@gov.nu.ca
867-975-5762