You are here

ᐸᖕᓂᖅᑑᒥᑦ ᐳᕙᒡᓗᖕᓂᖅ ᓯᐊᒻᒪᒃᐸᓪᓕᐊᓂᖓᓄ ᑐᓴᖅᑎᑦᑎᒋᐊᒃᑲᓐᓂᕈᑎᑦ

ᓄᕕᐱᕆ 25, 2022

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ
ᐸᖕᓂᖅᑑᒥᑦ ᐳᕙᒡᓗᖕᓂᖅ ᓯᐊᒻᒪᒃᐸᓪᓕᐊᓂᖓᓄ ᑐᓴᖅᑎᑦᑎᒋᐊᒃᑲᓐᓂᕈᑎᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᐅᔾᔪᐃᖕᒪᑕ ᓯᐊᒻᒪᒃᐸᓪᓕᐊᓂᖓ ᐳᕙᒡᓗᖕᓂᖅ ᓇᓗᓇᐃᕐᑕᐅᓚᐅᕐᑐᖅ ᐸᖕᓂᖅᑑᒥᑦ ᓄᕕᐱᕆ 25, 2021, ᓱᓕᐅᖕᒪᑦ.

ᔮᓄᐊᕆ 2021−ᒥᓂᑦ, 37 ᐃᓄᐃᑦ ᐳᕙᒡᓗᒃᓯᒪᓕᕐᑐᑦ 147−ᓗ ᐃᓄᐃᑦ ᐆᒻᒪᕆᙱᑦᑐᓂᑦ ᐳᕙᒡᓗᒃᑐᐃᑦ ᓄᓇᓕᖕᓂᑦ.

ᓄᓇᓖᑦ ᐃᓄᖏᑦ ᐋᓐᓂᐊᓕᖅᓯᒪᔪᒧᑦ ᐳᕙᓪᓗᓐᓇᖅᑐᓕᒻᒧᑦ, ᐅᕝᕙᓘᓐᓃᑦ ᐳᕙᓪᓗᓐᓇᖅᑐᒧᑦ ᐋᓐᓂᐊᕈᑕᐅᖃᑦᑕᖅᑐᓂᑦ ᐃᑉᐱᓐᓂᐊᒋᔭᖃᖅᐸᑕ ᐋᓐᓂᐊᕕᓕᐊᕆᐊᖃᖅᑐᑦ ᖃᐅᔨᓴᖅᑕᐅᓂᐊᖓᑕ. ᒪᑯᐊᖑᕗᑦ ᐋᓐᓂᐊᕈᑕᐅᖃᑦᑕᖅᑐᖅ ᐳᕙᓪᓗᓐᓇᖅᑐᖃᖅᑎᓪᓗᒋᑦ:

  • ᖁᐃᖅᓱᖃᑦᑕᖅᑐᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ.
  • ᑕᖃᖅᓯᒪᕐᔪᐊᖅᖢᑎᒃ.
  • ᓂᕐᕆᕐᓗᓕᕐᓂᖅ.
  • ᐆᑎᕐᓇᑲᑕᒃᖢᑎᒃ ᐅᕝᕙᓘᓐᓃᑦ ᐅᓐᓄᐊᒃᑯᑦ ᑭᐊᒃᑎᓯᒪᑲᑕᒃᖢᑎᒃ.

ᑭᓇᑐᐃᓐᓇᖅ ᑖᒃᑯᓂᖓ ᐋᓐᓂᐊᕈᑕᐅᖃᑦᑕᖅᑐᓂᑦ ᓇᓪᓕᐊᓐᓂᑐᐃᓐᓇᖅ ᐃᑉᐱᒋᔭᖃᖃᑦᑕᑉᐸᑦ ᐋᓐᓂᐊᕐᕕᓕᐊᕆᑦᑕᐅᑎᒋᔭᕆᐊᓕᒃ ᖃᐅᔨᓴᖅᑕᐅᒋᐊᖅᑐᕐᓗᓂᔭ. ᐳᕙᓪᓗᖕᓇᖅᑐᖅ ᖃᓄᐃᒍᓐᓃᕈᑕᐅᔪᓐᓇᖅᑐᑦ ᐃᓅᓕᓴᐅᑎᓄᑦ ᐊᑐᐃᓐᓇᐅᓪᓗᑎᓪᓗ ᓄᓇᓕᒻᒥ. ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕐᓂᕈᕕᑦ ᐋᓐᓂᐊᕐᕕᖕᒧᑦ ᐅᖄᓚᔪᓐᓇᖅᐳᑎᑦ.

ᐆᒻᒪᕆᙱᑦᑐᖅ ᐳᕙᒡᓗᒃ ᐊᐃᑦᑐᕐᑕᐅᔪᓐᓇᙱᑦᑐᖅ ᑭᓯᐊᓂ ᐃᓅᓕᓴᕐᑕᐅᔪᓐᓇᕐᑐᖅ ᐆᒻᒪᖁᓇᒍ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᐃᑲᔪᐃᓐᓇᕐᓂᐊᖅᑐᑦ ᐊᒻᒪᓗ ᐃᑲᔪᕈᑎᔅᓴᓂᑦ ᐊᑐᐃᓐᓇᖃᐃᓐᓇᕐᓂᐊᖅᑐᑦ ᑖᒃᑯᐊ ᓈᒻᒪᑦᑐᓂᑦ ᐱᖃᖁᓪᓗᒋᑦ ᖃᐅᔨᓴᕈᑎᓂᑦ, ᐃᓕᓐᓂᐊᖅᑎᑦᑎᓂᕐᒥᑦ, ᐊᒻᒪᓗ ᐃᔭᒐᕐᓂᑦ ᐃᑲᔪᕐᓂᕐᒥᓪᓗ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐳᕙᒡᓗᓂᖕᒥᑦ ᐊᒻᒪᓗ ᐃᓅᓕᓴᕐᑕᐅᑎᑦ, ᐅᕗᙵᐅᓗᑎᑦ www.gov.nu.ca/iu/aanniaqangnanngittulirijikku/information/puvaglungnaqtuq.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ 
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949
cpuglia@gov.nu.ca