ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅ-19ᒧᑦ ᐋᓐᓂᐊᔪᑦ ᐊᒥᓱᕈᖅᐸᓪᓕᐊᓂᖏᓐᓄ ᒫᓂᑑᐸᒥᑦ ᐊᑦᑐᐃᓂᖃᑐᐃᓐᓇᕆᐊᓕᒃ ᑭᕙᓪᓕᕐᒥᐅᑦ ᐋᓐᓂᐊᕕᓕᐊᖅᑐᑦ ᐊᐅᓪᓚᖃᑦᑕᕐᓂᕆᔭᖏᓐᓂᑦ

ᐊᒃᑐᐸ 31, 2020

ᓄᕙᒡᔪᐊᕐᓇᖅ-19ᒧᑦ ᐋᓐᓂᐊᔪᑦ ᐊᒥᓱᕈᖅᐸᓪᓕᐊᓂᖏᓐᓄ ᒫᓂᑑᐸᒥᑦ ᐊᑦᑐᐃᓂᖃᑐᐃᓐᓇᕆᐊᓕᒃ ᑭᕙᓪᓕᕐᒥᐅᑦ ᐋᓐᓂᐊᕕᓕᐊᖅᑐᑦ ᐊᐅᓪᓚᖃᑦᑕᕐᓂᕆᔭᖏᓐᓂᑦ

 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑭᕙᓪᓕᕐᒥᐅᓂᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᖅᑐᓄᑦ ᑐᓴᖅᑎᑦᑎᔪᒪᓪᓗᑎᑦ ᖃᐅᔨᒃᑲᐃᖃᑦᑕᕐᓂᐊᖅᑐᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᕐᓂᐊᖅᑐᓄᑦ.

ᓄᕙᕐᔪᐊᕐᓇᖅ-19ᒧᑦ ᐋᓐᓂᐊᓕᖅᑐᑦ ᐊᒥᓱᕈᖅᐸᓪᓕᐊᑐᐃᓐᓇᑎᓪᓗᒋᑦ ᒫᓂᑑᐸᒥᑦ ᐊᓯᔾᔨᖅᓯᔭᕆᐊᖃᓕᖅᓯᒪᒻᒪᑕ ᐱᔨᑦᑎᕈᑎᒋᖃᑦᑕᖅᑕᖏᓐᓂᑦ ᐃᓚᖏᑦ ᒪᑐᔭᐅᕙᓪᓕᐊᓪᓗᑎᑦ, ᑕᒪᓐᓇ ᐃᓚᖓᒍᑦ ᐊᒃᑐᐃᖃᑐᐃᓐᓇᕆᐊᖃᖅᑐᓂ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᕆᐊᓕᓐᓄᑦ ᐅᐃᓂᐸᐃᒻᒧᑦ.

ᑖᒃᑯᐊ ᐱᓪᓗᒋᑦ, ᐋᓐᓂᐊᕐᕕᒻᒥ ᐱᓕᕆᔨᖏᑦ ᕿᒥᕐᕈᖃᑦᑕᕐᓂᐊᖅᑐᑦ ᐊᐅᓪᓚᕐᕕᔅᓴᖏᑕ ᐅᓪᓗᖏᓐᓂᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓚᕆᐊᖃᖅᓯᒪᔪᓄᑦ ᑭᕙᓪᓕᕐᒦᑦᑐᓂᑦ. ᐋᓐᓂᐊᕕᓕᐊᕆᐊᖃᖅᓯᒪᔪᑦ ᖃᐅᔨᒃᑲᖅᑕᐅᓂᐊᖅᑐᑦ ᐋᓐᓂᐊᕐᕕᒃᑯᖏᑎᒍᑦ ᐋᓐᓂᐊᕕᒻᒧᑦ ᐊᐅᓪᓚᕐᕕᓛᖅᑕᖏᑕ ᖃᓄᐃᓕᐅᖓᓂᐊᕐᒪᖔᑕ.

ᐊᐱᖅᑯᑎᒃᓴᖃᕈᕕᑦ ᐊᐅᓪᓚᕆᐊᖃᕐᓂᕆᓛᖅᑕᕕᑦ ᒥᒃᓵᓄᑦ ᐋᓐᓂᐊᕐᕕᒻᒧᑦ ᖃᐅᔨᒋᐊᕐᕕᖃᕈᓐᓇᖅᑐᑎᑦ. ᑖᒃᑯᐊ ᐅᖃᕐᕕᒋᖔᕐᓗᒋᑦ ᐋᓐᓂᐊᕐᕕᒋᔭᓯ ᑭᕙᓪᓕᖅ ᐃᓄᐃᑦ ᐱᔨᑦᑎᕋᖅᑎᒃᑯᖏᓐᓅᖏᖔᖅᑐᖅ.

 

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ       
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca