ᐅᖃᓚᐅᑎᓯᐅᑏᑦ

You are here

ᓄᑖᙳᕆᐊᖅᓯᒪᔪᖅ: ᖁᐃᖅᓱᕐᔪᐊᕐᓇᖅᑐᖃᐃᓐᓇᕐᑐᖅ ᓴᓂᑭᓗᐊᕐᒥᑦ

ᔫᓂ 26, 2020

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑦ

ᓄᑖᙳᕆᐊᖅᓯᒪᔪᖅ: ᖁᐃᖅᓱᕐᔪᐊᕐᓇᖅᑐᖃᐃᓐᓇᕐᑐᖅ ᓴᓂᑭᓗᐊᕐᒥᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓂᑦ ᐅᔾᔨᖅᓱᖁᔨᕗᑦ, ᐱᓗᐊᖅᑐᒥᑦ ᓄᑕᕋᓛᖃᖅᑐᓂᑦ, ᐊᒻᒪ ᓄᑕᕋᑯᓗᖕᓂᑦ, ᓇᓗᓇᐃᖅᑕᐅᓯᒪᔪᖃᐃᓐᓇᕐᑐᖅ ᖁᐃᖅᓱᑰᔨᑲᑕᒃᑐᒥᒃ ᓄᕙᖕᓇᒥᑦ (ᖁᐃᖅᓱᑰᔨᓂᖅ) ᓴᓂᑭᓗᐊᕐᒥ. ᑭᓇᑐᐃᓐᓇᖅ ᖁᐃᖅᓱᑰᔨᑲᑕᒍᓐᓇᖅᐳᖅ, ᑭᓯᐊᓂ ᓄᕙᓕᕐᓂᖅᐹᖑᖃᑦᑕᖅᑐᑦ ᓄᑕᕋᐃᑦ ᐅᑭᐅᖅᑖᖅᓯᒪᙱᑦᑐᑦ ᓱᓕ.

ᖁᐃᖅᓱᑰᔨᓐᓇᖅᑐᖅ ᐃᒡᒋᐊᕐᓗᓕᕐᓇᖅᑐᖅ ᐳᕙᒃᑯᓪᓗ ᐋᓐᓂᐊᕐᓇᖅᖢᓂ ᐊᒻᒪ ᐊᐃᑦᑐᕐᓘᑕᐅᓴᕋᐃᓐᓇᖅᖢᓂ ᐃᓄᖕᒧᑦ. ᐋᓐᓂᐊᕈᕕᑦ ᕿᑐᕐᖓᐃᓪᓘᓐᓃᑦ ᐋᓐᓂᐊᕈᓂ, ᐊᖏᕐᕋᖅᓯᒪᑐᐃᓐᓇᕐᓂᐊᖅᐳᓯ ᐊᒻᒪ ᐃᓄᖕᓄᐊᑲᑕᙱᓪᓗᓯ ᑭᓯᐊᓂ ᐋᓐᓂᐊᑲᑕᒍᓐᓃᕈᕕᑦ. ᑕᐃᒫᒃ ᖃᓂᒪᓐᓇᒥᒃ ᐊᐃᑦᑐᕐᓗᐃᖏᓐᓂᖅᓴᐅᓂᐊᖅᐳᓯ.

ᖃᐅᔨᔭᐅᓴᕋᐃᓪᓗᓂ ᐋᓐᓂᐊᕈᑎᖓᓂᑦ ᐊᒻᒪ ᐃᓅᓕᓴᐅᑎᒨᖅᑎᑕᐅᓗᓂ ᐱᒻᒪᕆᐅᔪᖅ. ᐋᓐᓂᐊᕐᕕᖕᒧᑦ ᐅᖃᓗᖕᓂᐊᖅᐳᑎᑦ ᑭᓇᑐᐃᓐᓇᖅ ᐃᒡᓗᒥᐅᖃᑏᑦ ᑖᒃᑯᓂᖓ ᐋᓐᓂᐊᑲᑕᓕᖅᐸᑦ:

  • ᖁᐃᖅᓱᖃᑦᑕᖅᑐᑦ ᐱᓇᓱᐊᕈᓯᑦ ᐱᖓᓱᑦ ᐅᖓᑖᓂ;
  • ᖁᐃᖅᓱᖅᑎᓪᓗᒍ ᐊᒻᒪ ᓂᐱᒧᑦ ᑭᖑᓂᖓᒍᑦ ᓂᐱᑕᖃᖅᐸᑦ ᐊᔾᔨᐅᓐᖏᑦᑐᒥᑦ ᓲᕐᓗ "ᐆᑉ";
  • ᐊᓂᕐᓂᑭᓪᓗᑎᑦ;
  • ᒥᕆᐊᖃᑦᑕᖅᑲᑦ ᖁᐃᖅᓱᓚᐅᖅᑎᓪᓗᒍ;
  • ᐅᓐᓄᐊᒃᑯᑦ ᖁᐃᖅᓱᕐᓂᖅᓴᐅᖃᑦᑕᕐᓗᓂ
  • ᐆᓇᕐᓂᖓ ᖁᕙᓯᓗᐊᓕᖅᐸᑦ (39°C ᐅᖓᑖᓂᓗ) ᐅᓪᓗᑦ ᐱᖓᓱᑦ ᐅᖓᑖᓄᑦ.

ᖁᐃᖅᓱᕐᔪᐊᕐᓇᖅᑐᒥᑦ ᓄᕙᖕᓇᒥᑦ ᐊᐃᑦᑐᖅᑕᐅᑦᑕᐃᓕᒪᔪᓐᓇᖅᐳᑎᑦ ᑲᐱᔭᐅᓗᑎᑦ ᐋᓐᓂᐊᓕᕇᒃᑯᑎᓕᖕᒧᑦ. ᐃᓄᐃᑦ ᑐᑭᓯᒋᐊᕆᐊᓖᑦ ᐋᓐᓂᐊᓕᕇᒃᑯᑎᒧᑦ ᑲᐱᔭᐅᕕᒃᓴᖏᓐᓄᑦ ᐊᙳᒻᒪᑎᒐᓗᐊᕐᒪᖔᑕ. ᐃᒫᑦᑕᐅᖅ ᐱᔾᔭᐃᖅᓯᒪᔪᓐᓇᖅᑐᑦ:

  • ᐊᒡᒐᑎᑦ ᐃᕐᕈᖅᑐᒪᓚᐃᓐᓇᕐᓗᒋᑦ;
  • ᐊᐃᕐᓄᑦ ᒪᑐᐊᕐᓗᑎᑦ ᖁᐃᖅᓱᖅᐸᒡᓗᑎ ᐅᕝᕙᓘᓐᓃᑦ ᑲᒃᑭᐅᑎᒃᓴᒧᑦ
  • ᓂᕆᔭᑎᑦ, ᐃᒥᖅᑕᑎᑦ ᐊᒥᖅᑳᖅᐸᙱᓪᓗᒋᑦ, ᓂᕆᔾᔪᑎᑎᑦ ᐅᕙᓗ ᑭᒍᑎᓯᐅᑎᑎᑦ ᐊᓯᖕᓄᑦ ᐊᑐᖅᑕᐅᑎᑦᑕᐃᓕᓗᒋᑦ.

ᖁᐃᖅᓱᑰᔨᓐᓇᖅᑑᑉ ᒥᒃᓵᓄᑦ ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ ᐅᑯᐊ ᐅᖃᓕᒫᕈᓐᓇᖅᑕᑎᑦ ᐅᕙᓂ ᖁᐃᖅᓱᑰᔨᓐᓇᖅᑑᑉ ᖃᓄᐃᑦᑑᓂᖓᐊᑐᐃᓐᓇᔪᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑭᐊᖅᑭᕕᖓᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓯᒃᑲᑎ ᕼᐃᑦᔅᑳᒃᔅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
shitchcox@gov.nu.ca