ᐅᖃᓚᐅᑎᓯᐅᑏᑦ

You are here

ᓄᓇᕗᑦ ᒐᕙᒪᖓ ᓴᓂᕐᕙᐃᔪᑦ $3.25 ᒥᓕᐊᓐ ᓄᓇᓕᖕᓄᑦ ᐱᓕᕆᐊᖑᕙᓪᓕᐊᔪᒪᔪᓂᑦ

ᔭᓐᓄᐊᓕ 27, 2022

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᖓ ᓴᓂᕐᕙᐃᔪᑦ $3.25 ᒥᓕᐊᓐ ᓄᓇᓕᖕᓄᑦ ᐱᓕᕆᐊᖑᕙᓪᓕᐊᔪᒪᔪᓂᑦ

ᐃᖃᓗᐃᑦ, ᓄᓇᕗᑦ (ᔭᓄᐊᕆ 26, 2022) − ᒥᓂᔅᑕ ᐃᓄᓕᕆᔨᒃᑯᓐᓄᑦ, ᒪᓕᒐᓕᐅᖅᑎ ᒫᒡᒍᓚ ᓇᑲᓱᒃ, ᐅᓪᓗᒥ ᓇᓗᓇᐃᔭᐃᕗᖅ ᓴᓂᕐᕙᑦᑕᐅᔪᓂ $3.25 ᒥᓕᐊᓐ ᐃᑲᔪᖅᓱᕐᓗᒋᑦ ᐊᒃᑐᐃᓂᖅᐹᖑᓯᒪᖃᑕᐅᔪᑦ ᓄᓇᕗᒻᒥᐅᑦ ᒫᓐᓇᐅᔪᒥᑦ ᓄᕙᒡᔪᐊᕐᓇᖅ−19 ᐃᓄᒋᐊᓄᑦ ᖃᓂᒪᓐᓇᐅᑎᓪᓗᒍ.

"ᐃᓄᓕᕆᔨᒃᑯᑦ ᐃᓕᓴᖅᓯᐅᒪᔪᑦ ᓄᓇᓕᖕᓂᑦ ᐋᕿᒋᐊᕈᑕᐅᒪᔪᑦ ᐊᒃᑐᐊᓂᖃᓪᓚᕆᖕᒪᑦ ᐱᔪᓐᓃᖅᐹᓪᓕᖁᓪᓗᒋᑦ ᐊᔪᖅᓴᖃᑦᑕᕐᓂᖅ ᐊᒻᒪᓗ ᐱᕚᓪᓕᑎᑦᑎᓯᒪᕗᒍᑦ ᐃᓄᒋᐊᖕᓂᖏᑦ ᓄᓇᓕᖕᓂᑦ ᑲᑐᔾᔨᖃᑎᒌᖑᔪᑦ ᐱᕙᓪᓕᐊᑎᓪᓗᒋᑦ ᐊᒻᒪᓗ ᐊᑐᓕᖅᑎᑕᐅᓗᑎᒃ ᐱᓕᕆᐊᒃᓴᑦ ᐊᒃᑐᐊᓂᖅᐹᖑᓯᒪᖃᑕᐅᔪᑦ ᐃᓄᒋᐊᖕᓂᖏᑦ," ᐅᖃᖅᐳᖅ ᓇᑲᓱᒃ.

ᓂᕿᓄᑦ ᐊᔪᖅᓴᖃᑦᑕᕐᓂᖅ ᐊᑲᐅᖏᓕᐅᕈᑕᐅᓂᖅᐹᖑᖕᒪᑦ ᓄᓇᕗᒻᒥᑦ. ᐃᓄᒋᐊᖑᔪᑦ ᓄᓇᕗᒻᒥᑦ ᑳᖃᑦᑕᖅᑐᑦ ᐊᒻᒪᓗ ᐊᖏᒡᓕᒋᐊᕆᐊᓕᒃ ᓂᕿᑖᕈᓐᓇᐅᑏᑦ ᐃᒪᒌᖑᔪᓄᑦ. ᐃᓄᓕᕆᔨᒃᑯᑦ ᓴᓂᕐᕙᒃᓯᒃᑲᓐᓂᖅᓯᒪᔪᑦ $1.25 ᒥᓕᐊᓐᒥᑦ ᐊᑐᐃᓐᓇᐅᑎᑦᑎᓗᑎᒃ ᓄᓇᓕᖕᓄᑦ ᓂᕿᓄᑦ ᑲᑐᔾᔨᖃᑎᒌᓂᑦ ᐅᕝᕙᓘᓐᓃᑦ ᓄᓇᓖᑦ ᑮᓇᐅᔭᖃᖅᑎᑕᐅᓗᑎᒃ ᐃᑲᔪᖅᓱᐃᔪᓐᓇᖁᓪᓗᒋᑦ ᓂᕿᖃᖅᑎᑦᑎᓂᕐᒧᑦ ᐱᓕᕆᐊᕆᔭᐅᕙᓪᓕᐊᔪᒪᔪᑦ. ᑮᓇᐅᔭᖁᑎᑦ ᑐᓂᐅᖃᖅᑕᐅᓂᐊᖅᑐᑦ ᓄᓇᓕᖕᓄᑦ ᒪᓕᒡᓗᑎᑦ ᓄᓇᓕᖕᓂᑦ ᐱᔭᐅᔭᕆᐊᓖᑦ ᐃᓄᒋᐊᖕᓂᖏᓐᓄᓗ ᐃᑲᔪᖅᓱᕈᒪᓪᓗᒋᑦ.

ᐃᓄᓕᕆᔨᒃᑯᑦ ᐊᑐᐃᓐᓇᐅᑎᑦᑎᒻᒥᔪᑦ ᐃᓚᒋᐊᖅᑕᐅᓯᒪᔪᒥᑦ $1 ᒥᓕᐊᓐ Ikur’raq ᐃᒡᓗᕋᓛᓕᐅᑉᓂᑉᒧᑦ ᐱᓕᕆᐊᕐᓴᓂᑦ, ᓴᕿᑕᐅᓯᒪᔪᖅ ᐊᔪᖅᓴᕈᓐᓃᖅᐹᓪᓕᖅᑎᑦᑎᓇᓱᐊᕐᓂᕐᒧᑦ ᑲᑎᒪᕝᕕᖕᒥᑦ ᑲᑐᔾᔨᖃᑎᒌᖕᓂᕐᒧᑦ ᓄᓇᕗᑦ ᑐᙵᕕᒃ ᑎᒥᖓ ᐊᒻᒪᓗ ᓄᓇᓕᖕᓂᑦ ᑭᒡᒐᖅᑐᐃᔨᓄᑦ. ᐃᓄᓕᕆᔨᒃᑯᑦ ᐊᑐᐃᓐᓇᐅᑎᑦᑎᔪᑦ ᑮᓇᐅᔭᖁᑎᓂ  $40,000ᒥ ᑮᓇᐅᔭᓕᐅᕋᓱᐊᖏᑦᑐᓄᑦ ᑲᑐᔾᔨᖃᑎᒌᓄᑦ, ᐊᖑᓇᓱᒃᑐᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᓄᓇᓕᖕᓄᑦ ᐱᔾᔪᑎᒃᓴᓄᑦ ᐊᒻᒪᓗ ᑮᓇᐅᔭᖅ ᐱᔾᔪᑎᓖᑦ ᐃᒡᓗᕋᓛᓕᐅᕐᓂᕐᒧᑦ. ᐃᒡᓗᕋᓛᖑᔪᑦ ᐊᑐᐃᓐᓇᐅᑎᑦᑎᓂᐊᖅᑐᑦ ᐃᓂᒃᓴᖃᖅᑎᑦᑎᓂᕐᒧᑦ ᓄᓇᓕᖕᓂᖔᖅᑐᓂ ᐅᐸᓚᐅᑲᒍᓐᓇᖅᑕᒥᓄᑦ ᐊᒃᓱᕈᕐᓇᑦᑐᑰᖅᑕᐃᓕᒪᓕᕐᒧᑦ ᐃᓄᒋᐊᒃᑐᒦᐸᒃᑐᑦ ᐊᒻᒪᓗ ᐃᖏᕐᕋᖃᖏᑦᑐᓄᑦ. 

 

ᑭᖑᓪᓕᖅᐹᒥᑦ, ᑎᓴᒪᑦ ᑮᓇᐅᔭᓕᐅᕋᓱᐊᖏᑦᑐᑦ ᑲᑐᔾᔨᖃᑎᒌᑦ ᑐᓂᔭᐅᓯᒪᔪᑦ $250,000 ᐊᑐᓂ ᐱᔪᓐᓃᖅᐹᓪᓕᖁᓪᓗᒋᑦ ᐃᖏᕐᕋᓂᕆᔭᐅᔪᑦ ᑖᒃᑯᓄᖓ ᐱᔾᔪᑕᐅᔪᓄᑦ, ᐱᔪᓐᓇᖅᓯᖁᓪᓗᒋᑦ ᐱᓕᕆᐊᒃᓴᑦ ᑲᔪᓯᓂᖃᑦᑎᐊᕐᓂᕐᒧᑦ ᐃᓕᔭᐅᕙᓪᓕᐊᔭᕆᖃᕐᑐᓄᑦ. ᑖᒃᑯᐊ ᑲᑐᔾᔨᖃᑎᒌᖑᔪᑦ ᐱᖃᓯᐅᑎᔪᑦ ᑐᑭᓯᒋᐊᕐᕕᒃ, ᐃᓕᑕᖅᓯᓂᖅ, ᐃᓕᓴᖅᓯᕕᒃ, ᐊᒻᒪᓗ ᐃᒡᓴᒃᓯᒪᒋᑦ ᐃᓅᓯᕐᒥᑦ ᑲᑐᔾᔨᖃᑎᒌᖏᑦ.

###

ᑐᓴᒐᒃᓴᓕᕆᔨ ᖃᐅᔨᒋᐊᕐᕕᒃᐅᔪᓐᓇᖅᑐᖅ:

ᔫᑎ ᑑᑐᓪ ᐊᕙ
ᑐᑭᒧᐊᒃᑎᑦᑎᔨ ᐊᑐᐊᒐᓕᕆᓂᕐᒧᑦ
867-222-9309
Jdurdle-awa@gov.nu.ca