ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᑲᑐᔾᔨᓪᓗᑎᒃ ᐱᓕᕆᓂᐊᕐᓂᕋᓚᐅᖅᐳᑦ ᐳᕙᒡᓗᖕᓇᒥᒃ ᓴᖅᑭᑦᑎᑦᑎᑦᑕᐃᓕᒪᓪᓗᑎᒃ ᓄᓇᕗᒻᒥ

ᐅᖃᐅᓯᒃᓴᑦ
ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᑲᑐᔾᔨᓪᓗᑎᒃ ᐱᓕᕆᓂᐊᕐᓂᕋᓚᐅᖅᐳᑦ ᐳᕙᒡᓗᖕᓇᒥᒃ ᓴᖅᑭᑦᑎᑦᑎᑦᑕᐃᓕᒪᓪᓗᑎᒃ ᓄᓇᕗᒻᒥ

ᐅᓪᓗᒥ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᔮᓐ ᒪᐃᓐ ᐊᒻᒪ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓ ᐊᓗᑭ ᑰᑦᑎᖅ ᓴᖅᑭᑦᑎᖅᑲᐅᕗᑦ ᐅᑯᓂᖓ ᑲᑐᔾᔨᖃᑎᒌᒍᑕᐅᓪᓗᑎᒃ ᐅᖃᐅᓯᒃᓴᓂᒃ.

"ᐃᓕᓴᕆᓪᓗᒍ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ, ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᐅᖃᓪᓚᖃᑎᖃᖅᑐᑦ ᐊᑕᐅᓯᕐᒥᒃ ᓂᐱᖃᖅᖢᑎᒃ ᐅᖃᐅᓯᖃᒃᑲᓐᓂᕈᒪᓪᓗᑎᒃ ᑲᑐᔾᔨᖃᑎᒌᒍᑕᐅᔪᒪᔪᒥᒃ ᐱᑕᖃᕈᓐᓃᖅᑎᑦᑎᔪᒪᓪᓗᑎᒃ ᐳᕙᒡᓗᖕᓇᒥᒃ ᓄᓇᕗᒻᒥ.

ᐊᕐᕌᓂ, ᓄᓇᕗᑦ ᒐᕙᒪᒃᑯᑦ ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᑎᓕᐅᓚᐅᖅᐳᑦ ᐳᕙᒡᓗᒃᑐᓂᒃ ᑐᓴᖅᑕᐅᔪᒃᓴᓂᒃ ᖃᐅᔨᒪᖃᑦᑕᐅᑎᓗᑎᒃ ᐊᖏᖃᑎᒌᒍᑎᒥᒃ ᐋᖅᑭᒃᓯᔾᔪᑕᐅᓂᐊᖅᑐᒥᒃ ᐱᓕᕆᐊᖑᓂᐊᖅᑐᒥᒃ ᐱᐅᓯᒋᐊᖅᑎᑦᑎᓂᐊᕐᓗᓂ ᐱᓕᕆᖃᑎᒌᖕᓂᕐᒥᒃ ᐱᓇᔪᒃᑕᐅᔪᓂᒃ ᑖᒃᑯᖕᓄᖓ ᒪᕐᕉᖕᓄᑦ ᑲᑐᔾᔨᖃᑎᒌᖕᓄᑦ ᐅᓇᑖᕆᓂᐊᕐᓗᒍ ᐳᕙᒡᓗᖕᓇᖅ. ᑖᓐᓇ ᐊᖏᖃᑎᒌᒍᑎ ᐱᕕᖃᖅᑎᑦᑎᓂᐊᖅᑐᖅ ᒐᕙᒪᒃᑯᓐᓂᑦ ᓄᓇᕗᒻᒥ ᓄᓇᕗᑦ ᑐᙵᕕᒃᑯᓐᓂᓪᓗ ᐱᓕᕆᖃᑎᒌᑦᑎᐊᓂᕐᒥᑦ ᒥᑭᒡᓕᕚᓪᓕᖅᑎᑦᑎᓂᕐᒥᑦ ᐳᕙᒡᓗᖕᓂᕐᒥᑦ ᐊᒃᑐᐃᓂᕐᒥᓪᓗ ᓄᓇᕗᒻᒥᐅᓄᑦ.

ᒥᒃᖠᒋᐊᖅᑎᓪᓗᒍ ᐱᑕᖃᕈᓐᓃᖅᑎᓪᓗᒍᓗ ᐳᕙᒡᓗᖕᓇᖅ ᓄᓇᕗᒻᒥ, ᑲᒪᒋᔭᐅᔭᕆᐊᓕᒃ ᑕᒪᐃᓐᓄᑦ ᐋᓐᓂᐊᕕᖕᒥ ᑲᒪᒋᔭᐅᔪᓄᑦ ᐆᒻᒪᕆᒃᑐᓄᑦ ᐊᒻᒪ ᓯᓂᒃᑐᓄᑦ ᐳᕙᒡᓗᒃᑐᓄᑦ, ᐊᒻᒪ ᐃᓅᖃᑎᒌᓄᑦ−ᒪᑭᒪᓇᓱᐊᕈᑎᓄᑦ ᖃᓄᐃᓕᖓᓃᑦ ᐱᕕᖃᖅᑎᑦᑎᔪᑦ ᐳᕙᒡᓗᐃᓐᓇᕐᓂᕐᒥᒃ ᓄᓇᓕᑦᑎᓐᓂ. ᓄᓇᕗᑦ ᒐᕙᒪᒃᑯᑦ ᑲᔪᓯᓂᐊᖅᑐᑦ ᐳᕙᒡᓗᒃᑐᓄᑦ ᐱᓕᕆᐊᒃᓴᓂᒃ ᐊᒻᒪ ᐱᔨᑦᑎᕋᐅᑎᓂᒃ, ᐊᒻᒪ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐊᑐᓕᖅᑎᑦᑎᕙᓪᓕᐊᖏᓐᓇᕐᓂᐊᖅᐳᑦ ᐃᓄᖕᓄᑦ−ᑐᕌᖓᔪᓂᒃ ᐱᓕᕆᐊᖑᕙᓪᓕᐊᔪᒪᔪᓂᒃ ᐃᑲᔪᖅᑐᐃᔾᔪᑎᒃᓴᓂᒃ ᖃᓄᐃᙱᑦᑎᐊᕈᓯᕐᓄᑦ ᐊᒻᒪ ᐃᓅᑦᑎᐊᕈᓯᕐᓄᑦ ᐃᓄᖕᓄᑦ, ᐃᓚᒌᓄᑦ ᐊᒻᒪ ᓄᓇᓕᖕᓄᑦ, ᐊᒻᒪ ᐱᓗᐊᖅᑐᒥᒃ ᑕᐃᒃᑯᓄᖓ ᐳᕙᒡᓗᒃᑐᓄᑦ ᒫᓐᓇ ᐊᒻᒪ ᑭᖑᓂᖔᑦᑎᓐᓂ.

ᐱᓕᕆᐊᒃᓴᖃᕐᔪᐊᖅᑐᒍᑦ, ᐱᓕᕆᖃᑎᒌᒡᓗᑕᓗ, ᐊᓂᒍᖅᑎᑦᑎᓂᐊᖅᐳᒍᑦ ᑐᕌᒐᕆᔭᑦᑎᓐᓂ ᐱᑕᖃᕈᓐᓃᖅᑎᓪᓗᒍ ᐳᕙᒡᓗᖕᓇᖅ ᓄᓇᕗᒻᒥ."

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᑦ:

ᑯᕆᔅ ᐴᒡᓕᐊ                                        ᑭᐊᕕᓐ ᖃᑉᓗᑦᓯᐊᖅ  
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ                      ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ                     ᓄᓇᕗᑦ ᑐᙵᕕᑦ ᑎᒥᖓᑦ
867-975-5949                               867-975-4900 / 1-888-646-0006
cpuglia@gov.nu.ca                          media@tunngavik.com