ᓄᓇᕗᑦ ᒐᕙᒪᒃᑯᖏᑦ ᓇᓗᓇᐃᕐᓯᕗᖅ ᒫᑦᓯ 24 ᓄᓇᕐᔪᐊᒥ ᐳᕙᒡᓗᖕᓂᖕᒧᑦ ᐅᓪᓗᖓᓂ

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᓄᓇᕗᑦ ᒐᕙᒪᒃᑯᖏᑦ ᓇᓗᓇᐃᕐᓯᕗᖅ ᒫᑦᓯ 24 ᓄᓇᕐᔪᐊᒥ ᐳᕙᒡᓗᖕᓂᖕᒧᑦ ᐅᓪᓗᖓᓂ

ᐃᖃᓗᐃᑦ, ᓄᓇᕗᑦ (ᒫᑦᓯ 24, 2022) – ᐅᓪᓗᒥ, ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᔮᓐ ᒪᐃᓐ ᓇᓗᓇᐃᕐᓯᕗᖅ ᒫᑦᓯ 24, ᓄᓇᕐᔪᐊᒥ ᐳᕙᒡᓗᖕᓂᖕᒧᑦ ᐅᓪᓗᖓᓂ ᐱᓕᕆᖃᑎᖃᕐᖢᑎᒃ ᓄᓇᕗᑦ ᑐᙵᕕᒃᑯᓐᓂᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂᑦ.

“ᐳᕙᒡᓗᖕᓂᖅ ᓱᓕ ᐋᓐᓂᐊᕐᑕᐃᓕᒪᓂᖕᒧᑦ ᐃᓱᒫᓘᑎᐅᖕᒪᑦ ᓄᓇᕗᒻᒥᑦ," ᐅᖃᕐᑐᖅ ᒥᓂᔅᑕ ᒪᐃᓐ. “ᐊᓕᐊᓇᐃᒍᓱᒃᐳᖓ ᑲᑐᔾᔨᖃᑎᒋᓗᒋ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᑦ ᓇᓗᓇᐃᕐᓯᓗᑕ ᓄᓇᕐᔪᐊᒥ ᐳᕙᒡᓗᖕᓂᖕᒧᑦ ᐅᓪᓗᖓᓂ ᓄᓇᕗᒻᒥᑦ. ᓇᓗᓇᐃᕐᓯᓂᖅ ᐃᓕᓴᕐᓯᓂᒃᑲᓐᓂᐅᕗᖅ ᐱᓕᕆᐊᖑᔪᓂ ᓄᓇᕗᑦ ᒐᕙᒪᒃᑯᖏᓐᓄ, ᐱᓕᕆᖃᑎᕗᓪᓗ ᓄᓇᕗᑦ ᑐᙵᕕᒃᑯᓐᓂᑦ ᐊᒻᒪᓗ ᒐᕙᒪᑐᖃᒃᑯᓐᓂ ᑲᔪᓯᑎᓪᓗᒍ, ᓄᖅᑲᖅᑎᓐᓇᓱᒃᓗᒍ ᐳᕙᒡᓗᖕᓂᖅ.”

ᐱᓕᕆᓇᓱᒃᖢᑕ ᐳᕙᒡᓗᖃᙱᑦᑐᒥ ᓄᓇᕗᒻᒥᑦ ᐊᒥᓱᓂ−ᑐᑦᑕᕕᖕᓂᑦ ᐊᒻᒪᓗ ᐊᔾᔨᒌᙱᑦᑑᑎᓂ−ᐱᓕᕆᕝᕕᖕᓂ ᐱᓇᔪᒃᐳᐃᑦ ᐱᐅᓯᕚᓪᓕᕋᓱᒃᖢᒋᑦ ᐱᔾᔪᑕᐅᓲᓂ ᐋᓐᓂᐊᕐᑕᐃᓕᒪᓂᖕᒧᑦ, ᐃᓚᖃᕐᖢᓂ ᐱᐅᓯᕚᓪᓕᕐᓗᒋ ᐃᒡᓗᐃᑦ, ᓂᕿᒃᓴᖃᑦᑎᐊᓕᕐᓗᑎᒃ, ᐱᕙᓪᓕᐊᓕᕐᓗᑎᒃ ᐊᑐᕈᓐᓇᐃᓐᓇᕐᓗᑎᒃᓗ ᖃᐅᔨᓴᕐᑕᐅᓂᖕᒧᑦ ᐃᓅᓕᓴᕐᑕᐅᓂᖕᒧᓪᓗ. ᐳᕙᓪᓗᓂ ᐃᓅᓕᓴᕐᑕᐅᔪᓐᓇᕐᑐᖅ ᐱᑕᖃᕈᓐᓃᖅᑎᑕᐅᓗᓂᓗ ᖁᐱᕐᕈᓄᑦ ᑐᖁᓴᐅᑎᓄᑦ ᐄᔭᒐᕐᓄᑦ. ᐃᒃᐱᒍᓱᒃᑯᕕᑦ ᐋᓐᓂᐊᕈᑕᐅᖃᑦᑕᖅᑐᖅᓂ ᖃᐅᔨᒪᔭᕐᓂᒡᓘᓐᓃᑦ ᐳᕙᒡᓗᖕᓇᖅᑐᒥ, ᐅᖄᓚᕕᒋᓗᒋᑦ ᓄᓇᑦᓯᓐᓂᑦ ᐋᓐᓂᐊᕕᒃ ᐅᖃᐅᔾᔪᖅᓱᐃᓇᔭᖅᑐᑦ ᐱᐅᓛᒃᑯᑦ ᐱᓕᕆᓂᕆᔪᓐᓇᖅᑕᕐᓂᒃ. ᑐᑭᓯᒋᐊᒃᑲᓐᓂᕈᒪᒍᕕᑦ ᖃᓄᐃᑉᐸᖕᓂᐅᔪᓂ, ᐅᕗᙵᐅᓗᑎᑦ https://www.gov.nu.ca/health/information/tuberculosis.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5949
cpuglia@gov.nu.ca