ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐃᓕᓴᖅᓯᓂᖅ ᐋᓐᓂᐊᓯᐅᑎᓄᑦ ᐱᓇᓱᐊᕈᓯᖓᓂᒃ ᑲᓇᑕᓕᒫᒥᑦ

ᒪᐃ 11, 2021

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᓄᓇᕗᒻᒥ ᐃᓕᓴᖅᓯᓂᖅ ᐋᓐᓂᐊᓯᐅᑎᓄᑦ ᐱᓇᓱᐊᕈᓯᖓᓂᒃ ᑲᓇᑕᓕᒫᒥᑦ

ᒪᐃ 10−ᒥᑦ 16−ᒧᑦ ᐃᓕᓴᕆᔭᐅᓯᒪᕗᖅ ᑲᓇᑕᓕᒫᒥ ᐃᓗᐊᖅᓴᐃᔨᓄᑦ ᐱᓇᓱᐊᕈᓯᒋᔭᐅᓂᖓᓂᒃ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᒻᒪᕆᐅᓂᖓᓂᒃ ᐃᓗᐊᖅᓴᐃᔩᑦ ᐱᓕᕆᐊᕆᕙᒃᑕᖏᓐᓂᒃ ᐊᒻᒪᓗ ᐊᒃᓱᕉᑎᖃᖅᐸᖕᓂᖏᓐᓂᒃ ᓄᓇᕗᒻᒦᑦᑐᓄᑦ ᐃᓕᓴᖅᓯᓯᒪᔪᐃᑦ.

ᑎᓕᔭᐅᓂᕆᔭᑦᑎᓐᓄᑦ ᐊᖏᖅᓯᒪᕗᒍᑦ ᐅᑭᐅᖑᔪᒥ ᐱᓇᓱᐊᕈᓯᖃᕐᓇᖅᑎᓪᓗᒍ ᐃᓕᖅᑯᓯᕆᔭᐅᓂᐊᖅᑐᖅ. ᓄᓇᕗᒻᒥ ᐃᓗᐊᖅᓴᐃᔨᐅᔪᑦ ᐅᑭᐅᑦᑎᓐᓂ ᐃᓕᖅᑯᓯᐅᔪᒥᒃ ᐊᖏᕈᑎᖃᖅᓯᒪᖕᒪᑕ ᖃᐅᑕᒫᕐᓗ ᐱᓕᕇᓐᓇᖅᖢᑎᒃ ᐅᓗᕆᐊᓱᙱᖦᖢᑎᒃ ᐱᓇᔪᐊᕇᓐᓇᖅᖢᓂᔾᔪᒡᓗ ᓄᓇᕗᒻᒥᐅᑦ ᐋᓐᓂᐊᖅᑐᖁᑎᖏᓐᓂᒃ ᑲᒪᒋᔭᖃᓕᕌᖓᒥᒃ.

ᓄᓇᖅᔪᐊᓕᒫᒥ ᓄᕙᒡᔪᐊᕐᓇᖅ-19 ᐋᓐᓂᐊᕈᑕᐅᑲᑕᒃᑎᓪᓗᒍ ᓇᓗᓇᕈᓐᓃᖅᑎᑦᑎᓯᒪᖕᒪᑦ ᐃᓗᐊᖅᓴᐃᔩᑦ ᖃᓄᑎᒋ ᐱᒻᒪᕆᐅᑎᒋᓂᖏᓐᓂᒃ ᑖᓐᓇ ᑲᒪᒋᔭᖓ ᒪᒥᓐᓇᓱᐊᕐᓂᕐᒥᓂᒃ ᐊᑐᖅᐸᓪᓕᐊᑎᓪᓗᒍ. ᑕᐃᒪ ᓯᕗᓪᓕᐅᓪᓗᑎᒃ ᑐᕝᕕᐅᖅᑳᖃᑦᑕᖅᑎᓪᓗᒋᑦ ᐋᓐᓂᐊᖅᑐᓄᑦ, ᓄᓇᕗᒻᒥ ᐃᓗᐊᖅᓴᐃᔩᑦ ᐋᖅᑭᒋᐊᒃᑲᓐᓂᕆᐊᖃᖅᓯᒪᖕᒪᑕ ᑕᕝᕙᙵᑦᑕᐃᓐᓇᖅ ᐱᓕᕆᐊᒥᓂᒃ ᑕᒪᐃᓐᓂᓕᒫᖅ ᓄᓇᕗᒻᒥᐅᑦ ᐊᑦᑕᕐᓇᖅᑐᒦᖁᓇᒋᑦ ᐋᓐᓂᐊᓕᖁᓇᒋᓪᓗ. ᐊᔾᔨᒌᙱᑦᑐᑎᒍᑦ ᐃᑲᔫᑎᖃᖃᑦᑕᖅᓯᒪᓂᖏᓐᓄᑦ ᐋᓐᓂᐊᕐᓈᓗᒃ ᐊᐅᓚᑕᐅᔪᓐᓇᕈᑎᒋᕙᐅᒃ, ᑲᒪᒋᔭᖃᕈᓐᓇᐅᑎᒋᓪᓗᓂᐅᒃ, ᐊᒻᒪᓗ ᐊᓂᒍᐃᕙᓪᓕᐊᓂᕐᒧᑦ ᐅᐸᓗᖓᐃᔭᕈᓐᓇᐅᑎᒋᔭᐅᓂᐊᕆᓪᓗᓂ ᓴᖅᑭᑦᑐᖃᕌᖓᑦ ᓇᒥ.

ᓄᕙᒡᔪᐊᕐᓇᐅᒐᓗᐊᖅᐸᑦ ᐊᓯᐊᖑᒐᓗᐊᖅᐸᓪᓘᓃᑦ ᐋᓐᓂᐊᖅᑐᓂᒃ ᒪᒥᑦᑎᓇᓱᐊᕐᓂᖏᑦ ᐱᒻᒪᕆᐊᓘᑎᓪᓗᒍ ᓄᓇᕗᒻᒥᐅᑦ ᑲᒪᒋᔭᐅᓂᖏᑦᑎᒍᑦ ᖁᕝᕙᓯᒃᑑᓪᓗᓂ, ᓄᓇᕗᒻᒥᐅᑦ ᐃᓗᐊᖅᓴᐃᔩᑦ ᐊᖏᖅᓯᒪᓂᖃᖅᐳᑦ ᑲᒪᒋᔭᖃᕐᓂᕐᒥᒃ.

ᐃᓗᐊᖅᓴᐃᔨᓄᑦ ᐱᓇᓱᐊᕈᓯᕆᑎᓪᓗᓂᐅᒃ, ᐊᑏ ᖁᔭᓕᓯᒪᓂᕐᓂᒃ ᓇᓗᓇᐃᕐᓂᐊᖅᐳᑎᑦ ᐃᓗᐊᖅᓴᐃᔨᒧᑦ ᐊᒻᒪ ᑲᔪᖏᖅᓴᒃᑲᓐᓂᕐᓗᒋᑦ ᓄᓇᔅᓯᓐᓂ ᐱᓕᕆᐊᖃᑦᑎᐊᕐᓂᖏᓐᓄᑦ.

ᖃᐅᔨᒃᑲᓐᓂᕈᒪᒍᕕᑦ ᐃᓗᐊᖅᓴᐃᔩᑦ ᓄᓇᕗᒻᒥᐅᑦ ᒥᒃᓵᓄᑦ ᑕᑯᒋᐊᕈᓐᓇᖅᑕᐃᑦ ᐅᓇ: http://www.nunavutnurses.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca