ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ

ᒫᑦᓯ 24 ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᕆᕙᐅᒃ. ᐊᕐᕌᒍᑕᒫᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᓕᓴᕆᔭᖃᖅᐸᒃᐳᑦ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐃᓚᒋᔭᐅᓪᓗᓂ ᐅᔾᔨᕐᓇᖅᓯᑎᑦᑎᕙᓪᓕᐊᖏᓐᓇᕐᓂᕐᒥᒃ.

ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ ᐱᔾᔪᑕᐅᓂᐊᖅᑐᖅ − ᐄ!  ᓄᖅᑲᖅᑎᑦᑐᓐᓇᖅᑕᕗᑦ ᐳᕙᒡᓗᖕᓂᖅ − ᑐᓴᖅᑎᑦᑎᔾᔪᑎᐅᔪᖅ ᓂᕆᐅᖕᓂᖃᕐᓂᕐᒧᑦ ᖃᓄᐃᓕᐅᕆᐊᖁᔨᓂᕐᒧᓪᓗ. ᐳᕙᒡᓗᖕᓇᖅ ᓱᓕ ᐊᐃᑦᑐᕐᓘᑕᐅᖃᑦᑕᖅᐳᖅ ᓄᓇᕐᔪᐊᓕᒫᕐᒥᑲᓴᒃ. ᑕᒪᑐᒪᓂ ᐊᕐᕌᒍᒥ, ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓ ᑐᒃᓯᕋᖅᐳᑦ ᐱᕚᓪᓕᖅᓯᒪᔪᒥᒃ ᑮᓇᐅᔭᓕᐅᕈᑎᒃᓴᓂᒃ ᐊᒻᒪ ᖃᔅᓯᑲᓪᓚᖕᓂ ᐱᓕᕆᔨᓂᒃ ᐱᓕᕆᖃᑎᒌᓂᒃ ᐃᑲᔫᑕᐅᓗᑎᒃ ᐳᕙᒡᓗᖕᓇᖅ ᓄᖅᑲᖁᓪᓗᒍ.

ᑕᒪᑐᒪᓂ ᐊᕐᕌᒍᒥ ᓄᓇᕐᔪᐊᕐᒥ ᐳᕙᒡᓗᖕᓇᐅᑉ ᐅᓪᓗᖓᓂ, ᓴᙱᔫᓪᓗᓂ ᐊᒻᒪ ᐳᕙᒡᓗᖕᓇᙱᖦᖢᓂ ᐱᓕᕆᐊᖑᑎᑕᐅᔪᒥᑦ  ᐃᓕᓐᓂᐊᖅᑎᑦᑏᓐᓇᖅᑐᑦ ᓄᓇᕗᒥᐅᓂᒃ ᐳᕙᒡᓗᖕᓇᐅᑉ ᒥᒃᓵᓄᑦ, ᐃᓕᓐᓂᐊᖅᑎᑕᐅᓪᓗᑎᒃ ᑲᒪᒋᔭᐅᓂᕐᒥᒃ ᐊᒻᒪ ᐱᑦᑕᐃᓕᑎᑦᑎᓂᕐᒥᒃ ᐊᒻᒪ ᐊᔪᕐᓇᙱᓐᓂᖅᓴᓂᒃ ᓄᑕᖅᑲᓄᑦ ᑐᕌᖓᔪᓂᒃ.

ᐱᒋᐊᖅᑎᑦᑎᒋᑦ ᓄᓇᔅᓯᓐᓂ ᓴᙱᔫᑎᑦᑎᑦᑎᐊᕋᓱᒡᓗᑎᑦ ᐳᕙᒡᓗᙱᓪᓗᑎᓪᓗ, ᐋᓐᓂᐊᕐᕕᔅᓯᓐᓄᑦ ᑕᑯᔭᐅᕝᕕᒃᓴᓕᐅᕐᓗᑎᑦ ᖃᐅᔨᓴᖅᑕᐅᔪᒪᓗᑎᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐳᕙᒡᓗᖕᓇᐅᑉ ᒥᒃᓵᓄᑦ, ᑕᑯᒋᐊᕐᓗᑎᑦ ᐅᕗᖓ https://gov.nu.ca/iu/aanniaqangnanngittulirijikku/information/puvaglungn....

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca