ᐅᖃᓚᐅᑎᓯᐅᑏᑦ

You are here

ᓄᓇᕐᔪᐊᕐᒥ ᐱᖦᖤᙱᓴᕐᓇᒧᑦ ᐅᓪᓗᖓ 2020

ᓯᑎᐱᕆ 28, 2020

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓄᓇᕐᔪᐊᕐᒥ ᐱᖦᖤᙱᓴᕐᓇᒧᑦ ᐅᓪᓗᖓ 2020

ᓯᑎᐱᕆ 28−ᖑᓕᖅᐸᑦ ᓄᓇᕐᔪᐊᕐᒥ ᐱᖦᖤᙱᓴᕐᓇᒧᑦ ᐅᓪᓗᕆᔭᐅᓛᖅᑐᖅ. ᐱᖦᖤᙱᓴᕐᓇᖅ ᐊᑦᑕᕐᓇᖅᖢᓂ ᑭᓯᐊᓂ ᖃᓄᐃᑦᑐᓐᓃᕐᓇᖅᖢᓂ ᖁᐱᕐᕈᐊᕐᔫᕗᑦ ᐊᐃᑦᑐᕐᓘᑕᐅᔪᓐᓇᖅᖢᓂ ᓂᕐᔪᑎᓄᑦ ᐃᓄᖕᓄᓪᓗ. ᐊᒥᓱᑦ ᐆᒪᔪᑦ ᐱᖦᖤᙱᓴᕐᓇᖅᑐᒥᒃ ᐱᑕᖃᓲᑦ, ᐃᓚᒋᔭᐅᓪᓗᑎᑦ ᑎᕆᒐᓂᐊᑦ, ᐊᒪᕈᐃᑦ ᐊᒻᒪ ᕿᒻᒦᑦ. ᑖᓐᓇ ᐋᓐᓂᐊᖑᔪᖅ ᐊᐃᑦᑐᓪᓗᐃᓐᓇᖅᑐᖅ ᓯᐊᒻᒪᒃᐸᒃᑐᖅ ᓇᓪᓕᐊ ᐆᒪᔪᑦ ᑮᓯᔭᕌᖓᒥ, ᕿᓱᒃᓯᑉᐸᑦ, ᐊᓗᐱᖅᓯᒃᐸᓪᓗ ᐃᑭᒥᑦ. ᐊᑦᑕᕐᓇᓛᖑᔪᖅ ᓄᓇᕗᒻᒥ ᐃᓄᐃᑦ ᒪᓂᒪᓗᐊᕐᓂᖏᓐᓄᑦ ᐱᖦᖤᙱᓴᖅᐸᒃᑐᓄᑦ ᐃᒡᓗᒥᐅᖃᑎᒌᓂᒃ ᕿᒻᒥᕆᔭᐅᔪᒥᒃ.

ᐱᖦᖤᙱᓴᕐᓂᖅ ᐃᓅᓕᓴᐅᑎᖃᙱᑦᑐᖅ. ᐃᓄᖕᒥᒃ ᐱᖦᖤᙱᓴᖅᑐᒥᒃ ᖃᓄᐃᓕᓚᐅᔪᖃᓚᐅᖅᑎᓪᓗᒍ, ᑮᔭᐅᓐᓂᖅᐸᓪᓘᓐᓃᑦ ᐱᕕᒡᔪᐊᕈᑕᐅᔪᓐᓇᕐᒪᑦ. ᑲᐴᑎᒧᑦ ᑲᐱᔭᐅᔫᒐᓗᐊᑦ ᐃᓗᐊᖅᓴᐃᔨᒧᑦ ᑮᔭᐅᓵᖅᓯᒪᑎᓪᓗᒋᑦ ᐱᖦᖤᙱᓴᕐᓇᒧᑦ ᓄᖅᑲᕈᑕᐅᔪᓐᓇᖅᐳᖅ ᐊᓐᓇᒍᑎᒋᔪᓐᓇᕐᓗᒍᓗ.

ᑕᒪᑦᑕ ᓄᖅᑲᖅᑎᑦᑎᖃᑕᐅᔪᓐᓇᖅᐳᒍᑦ ᐱᖦᖤᖏᓴᕐᓂᕐᒥᒃ:
• ᐊᑦᑕᕐᓇᖅᑐᒧᐊᙱᓪᓗᑎᑦ; ᕿᒻᒥᓂᒃ ᑕᐸᓱᒃᐸᙱᓪᓗᑎᑦ.
• ᐃᐲᙶᖅᑐᑦ ᖃᒡᓕᑦᑕᐃᓕᓗᒋᑦ.
• ᓄᑕᖅᑲᑦ ᕿᒻᒦᑦ ᖃᓂᒋᔮᓃᑎᓪᓗᒋᑦ ᑲᒪᒋᑦᑎᐊᖅᐸᒡᓗᒋᑦ.
• ᑎᒍᐊᑦ ᑲᐱᔭᐅᑎᑉᐸᒡᓗᒍ ᓈᒻᒪᒃᓯᒑᖓᑦ.
• ᑎᒍᐊᖅᓯ ᐃᐱᖅᓯᒪᑎᑉᐸᒡᓗᒋᑦ ᐊᒃᖢᓇᐅᔭᕐᒧᑦ ᓄᖃᖅᓯᕋᓄᓪᓘᓃᑦ ᓯᓚᒦᓐᓂᖏᓐᓂᒃ.
• ᐋᓐᓂᐊᕕᖕᒧᑦ ᐃᕐᖐᓐᓇᖅ ᐅᖃᓗᒃᐸᒡᓗᓯ ᑮᔭᐅᓐᓂᕈᕕᑦ ᕿᓱᒃᑕᐅᓐᓂᕈᕕᓪᓘᓐᓃᑦ ᓂᕐᔪᑎᒧᑦ.

ᐃᓱᒫᓘᑎᖃᕈᔅᓯ ᓂᕐᔪᑎᒥᒃ ᐃᖅᓯᓇᖅᑐᒥᒃ ᐱᖦᖤᙱᓴᕋᓱᒋᓐᓈᓗᓯ, ᐆᒪᔪᕐᓂᐊᖅᑎᔅᓯᓐᓄ ᐅᖃᖅᐸᒡᓗᓯ. ᕿᒻᒥᕆᔭᐃᑦ ᑮᔭᐅᒃᐸᑦ ᓂᕐᔪᑎᒧᑦ, ᐅᖄᓚᕝᕕᒋᓗᒍ ᐊᕙᑎᒥᒃ ᐋᓐᓂᐊᖃᕐᓇᙱᑦᑐᓕᕆᔨᐅᔪᖅ ᐅᕝᕙᓘᓃᑦ ᒪᓕᒐᕋᓛᓕᕆᔨᐅᔪᖅ ᖃᓄᖅ ᐱᔭᕆᐊᖃᕐᒪᖔᖅᐱᑦ ᑐᑭᓯᕝᕕᒋᓇᓱᒡᓗᒍ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca