ᐅᖃᓚᐅᑎᓯᐅᑏᑦ

You are here

ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᑎᑭᕋᕐᔪᐊᕐᒥ

ᓯᑎᐱᕆ 26, 2018

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᑎᑭᕋᕐᔪᐊᕐᒥ

ᐃᖃᓗᐃᑦ, ᓄᓇᕗᑦ (ᓯᑎᐱᕆ 26, 2018) - ᓄᓇᓕᓕᒫᓂᑦ ᐳᕙᒡᓗᓕᖅᑎᑦᑎᑦᑕᐃᓕᒪᓂᕐᒧᑦ ᖃᐅᔨᓴᑲᑕᖕᓂᐊᖅᑐᑦ ᐅᑐᐱᕆᐅᓕᖅᐸᑦ ᑎᑭᕋᕐᔪᐊᕐᒥ.

“ᐃᓱᒪᓕᐅᕆᑦᑎᐊᕆᐊᖃᕋᑦᑕ ᐊᒻᒪ ᕿᒥᕐᕈᓗᑕ ᓄᑖᓂᒃ ᐱᓕᕆᐊᒃᓴᓂᒃ ᐳᕙᒡᓗᖕᓇᖅ ᐱᑕᖃᕈᓐᓃᖁᓪᓗᒍ ᓄᓇᕗᒻᒥ,” ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᔪᐊᔾ ᕼᐃᒃᔅ ᐅᖃᖅᑐᖅ. ᐃᓕᔾᔪᑕᐅᓚᐅᖅᑐᑦ ᐳᕙᒡᓗᖕᓇᒥᑦ ᐱᓕᕆᑎᓪᓗᒋᑦ ᐋᓐᓂᐊᕕᖕᒥ ᕿᑭᖅᑕᕐᔪᐊᕐᒥ ᐊᑑᑎᖃᓪᓚᕆᓚᐅᖅᐳᑦ. ᑲᔪᓯᕙᓪᓕᐊᑎᓪᓗᑕ, ᑖᓐᓇ ᐃᓚᒋᔭᐅᑐᐃᓐᓇᖅᐳᖅ ᐅᓄᖅᑐᓄᑦ ᐱᔭᒃᓴᓄᑦ ᐊᖏᖅᓯᒪᓂᖏᓐᓂᒃ ᑕᑯᒃᓴᐅᑎᑦᑎᔪᓂᑦ ᓄᓇᓕᖕᓂ, ᒐᕙᒪᑐᖃᒃᑯᓐᓂ, ᐊᒻᒪ ᐃᓄᐃᑦ ᑲᑐᔾᔨᖃᑎᒌᓂᑦ ᑭᒃᑯᓕᒫᓄᑦ ᑐᕌᒐᖏᓐᓂᒃ ᑲᔪᓯᑎᑦᑎᖁᓪᓗᒋᑦ.”

ᑎᑭᕋᕐᔪᐊᖅ ᓂᕈᐊᖅᑕᐅᓚᐅᖅᐳᖅ ᑭᖑᓪᓕᕐᒥ ᖃᐅᔨᓴᕐᕕᐅᓂᐊᓕᖅᖢᓂ ᓄᓇᓕᖕᓂ ᐊᔾᔨᒌᙱᑦᑐᓂᑦ ᐱᔾᔪᑕᐅᔪᓂᑦ ᐅᑯᓂᖓᓗ; ᓄᓇᓖᑦ ᐊᐅᓚᔪᓐᓇᐅᑎᖏᑦ.

ᐃᒡᓗᒥᐅᖃᑎᒌᑦ ᖃᐅᔨᓴᖅᑕᐅᖃᑦᑕᕐᓂᐊᖅᐳᑦ ᐅᑐᐱᕆ 22, 2018-ᒥ ᐱᒋᐊᕐᓗᑎᒃ. ᖃᐅᔨᓴᖅᑕᐅᔪᑦ ᐊᐅᓚᑕᐅᓂᐊᕋᓱᒋᔭᐅᔪᑦ ᐱᓇᓱᐊᕈᓯᕐᓄᑦ 5-ᒥᑦ −6−ᒧᑦ ᑎᑭᓪᓗᒍ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᑲᔪᖅᑐᖅᑕᐅᓂᐊᖅᐳᑦ ᖃᐅᔨᓴᕐᓂᓕᒫᖏᓐᓂ ᐊᑐᒐᒃᓴᖏᓐᓂᒃ ᐅᖁᒪᐃᓐᓂᕐᓂᐊᕐᕕᒃᑯᑦ ᑐᑦᑕᕐᕕᖏᓐᓂ ᑲᓇᑕᒥ ᐊᓯᖏᓐᓂᒡᓗ ᐱᓕᕆᖃᑎᒋᔭᐅᔪᓂᑦ, ᑲᑐᔾᔨᖃᑎᒌᓂᑦ ᐊᒻᒪ ᐋᓐᓂᐊᕐᕕᖕᒥ ᐃᖅᑲᓇᐃᔭᖅᑎᖏᓐᓂᒃ ᐱᓕᕆᐊᖑᔭᕆᐊᖃᓪᓚᕆᒃᑐᑦ ᐃᓐᓄᒃᑕᐅᖁᓪᓗᒋᑦ.

ᑐᑭᓯᒋᐊᒃᑲᓐᓂᕈᑎᒃᓴᐃᑦ ᓴᖅᑭᑕᐅᓂᐊᖅᐳᑦ ᓄᓇᓕᖕᓄᑦ ᓇᓚᐅᑎᒃᑯᑦ ᐅᖃᐅᓯᐅᓗᑎᒃ ᐊᒻᒪ ᑎᑭᕋᕐᔪᐊᕐᒥ ᕼᐋᒪᓚᒃᑯᓐᓂ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓇᐃᑏᓐ ᐴᑎ
ᓴᒐᒃᓴᓕᕆᓂᕐᒧᑦ ᐊᐅᓚᑦᓯᔨ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
npurdy@gov.nu.ca

ᐃᑲᔫᑎᒃᓴᒃᑲᓐᓃᑦ:

ᐳᕙᒡᓗᖕᓂᕐᒧᑦ ᐅᕕᓂᒃᑯᑦ ᖃᐅᔨᓴᖅᑕᐅᔪᓄᑦ ᐅᖃᓕᒫᒐᒃᓴᖅ
ᐳᕙᒡᓗᖕᓂᕐᒧᑦ ᐊᑐᖅᓯᒪᔪᑦ ᑎᑎᕋᖅᓯᒪᔪᑦ