ᐅᖃᓚᐅᑎᓯᐅᑏᑦ

ᓄᑖᓂᒃ ᐱᕙᓪᓕᐊᔪᓂᒃ ᓄᓇᕗᑦ ᒐᕙᒪᒃᑯᓐᓂ ᓄᕙᒡᔪᐊᕐᓇᖅ−19 ᒥᒃᓵᓄᑦ ᑕᑯᔪᒪᒍᕕᑦ ᖃᓄᐃᑉᐸᓪᓕᐊᓕᕐᓂᖏᓐᓂᒡᓗ ᐃᑭᐊᖅᑭᕕᑦᑎᓐᓂ. ᓄᕙᒡᔪᐊᕐᓇᖅ-19−ᒧᑦ ᐃᑲᔫᑎᒃᓴᑦ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᐳᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᒃᐱᖅᑐᒐᖓᓂ.

You are here

ᓄᓕᐊᕐᓂᖅ ᕿᑐᕐᖏᐅᕐᓂᕐᓗ ᖃᓄᐃᙱᑦᑎᐊᕐᓗᓂ ᐅᔾᔨᕈᓱᖕᓂᕐᒧᑦ ᐱᓇᓱᐊᕈᓯᖅ

ᕕᕝᕗᐊᓕ 10, 2020

ᕕᕗᐊᕆᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᔪᒪᕗᑦ ᓄᓇᕗᒥᐅᓂᒃ ᐱᒻᒪᕆᐅᓂᖓᓂᒃ ᓄᓕᐊᕐᓂᖅ ᐊᒻᒪ ᕿᑐᕐᖏᐅᕐᓂᖅ ᖃᓄᐃᙱᑦᑎᐊᕐᓂᖓᓂᒃ ᖃᓄᐃᙱᑦᑎᐊᕐᓗᓂ.

ᑕᒪᑐᒪᓂ ᐊᕐᕌᒍᒥ ᐱᓕᕆᐊᖑᓂᐊᖅᑐᖅ ᓄᓕᐊᕐᓂᖅ ᕿᑐᕐᖏᐅᕐᓂᕐᓗ ᖃᓄᐃᙱᑦᑎᐊᕐᓗᓂ ᐅᔾᔨᕈᓱᖕᓇᐅᓗᓂ ᐱᓇᓱᐊᕈᓯᕐᒥ ᑕᐃᒎᓯᖃᕐᓂᐊᖅᑐᖅ “ᓄᓕᐊᕐᓂᕐᒥᒃ ᐃᓕᓐᓂᐊᖅᑎᑕᐅᓪᓗᓂ ᖃᓄᐃᙱᑦᑎᐊᕐᓇᖅᐳᖅ.”  ᓄᓕᐊᕐᓂᕐᒧᑦ ᖃᓄᐃᙱᑦᑎᐊᕐᓗᓂ ᐃᓕᓐᓂᐊᕐᓂᖅ ᐱᒻᒪᕆᐊᓘᔪᖅ ᑲᙳᓇᕈᓐᓃᖅᐹᓪᓕᕈᑕᐅᓂᐊᕐᓗᓂ ᓇᔾᔨᔾᔭᐃᒃᑯᑎᑦ, ᓄᓕᐊᕐᓂᒃᑯᑦ ᖁᐱᕆᓯᒪᓃᑦ, ᓄᓗᐊᕐᓂᒃᑯᑦ ᖁᐱᕐᕆᓯᒪᓂᕐᒧᑦ ᖃᐅᔨᓴᖅᑕᐅᓃᑦ, ᐊᓯᖏᓪᓗ ᐊᑲᐃᓪᓕᐅᕈᑕᐅᓲᑦ ᓄᓕᐊᕐᓗᓂ ᖃᓄᐃᙱᑦᑎᐊᕈᓯᕐᒧᑦ.

ᐃᓗᐊᖅᓴᐃᔨᒧᑦ ᐅᖃᖃᑎᖃᕈᓐᓇᖅᐳᓯ ᓄᓇᔅᓯᓐᓂ ᓇᔾᔨᔾᔭᐃᒃᑯᑎᓂᒃ, ᑐᐊᕕᕐᓇᖅᑐᓂᒃ ᓇᔾᔨᔾᔭᐃᒃᑯᑎᓂᒃ ᐊᒻᒪ ᓄᓕᐊᕐᓂᕐᒥᒃ ᖃᓄᐃᙱᑦᑎᐊᕐᓗᓂ ᖃᐅᔨᓴᖅᑕᐅᓂᕐᒥᒃ. ᐋᖅᑭᒃᓯᖃᑕᐅᔪᓐᓇᖅᑐᓯ ᐊᑭᖃᙱᑦᑐᒥᒃ ᐊᒻᒪ ᖃᐅᔨᔭᐅᕈᓘᔭᕐᓇᙱᑦᑐᒥᒃ ᖃᐅᔨᓴᖅᑕᐅᔪᒪᒍᔅᓯ ᓄᓇᔅᓯᓐᓂ ᐋᓐᓂᐊᕕᖕᒥ.

ᖃᕆᑕᐅᔭᒃᑯᑦ ᐅᕗᙵᕈᓐᓇᖅᐳᓯ www.irespectmyself.ca ᖃᓄᐃᙱᑦᑎᐊᕐᓗᓂ ᓄᓕᐊᕐᓂᕐᒧᑦ ᐃᑲᔫᑎᒃᓴᓂᒃ ᐊᑐᐃᓐᓇᕈᖅᑎᑕᐅᔪᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᑕᑯᔪᒪᒍᔅᓯ. ᐅᕗᙵᕈᓐᓇᕐᒥᔪᓯ CheckUpProject Facebook−ᑯᑦ ᒪᒃᐱᒐᒃᓴᖅ ᑕᑯᔪᒪᒍᔅᓯ ᑎᑎᕋᖅᓯᒪᔪᓂᒃ, ᑐᑭᓯᒋᐊᒐᒃᓴᓂᒃ, ᐊᒻᒪ ᐃᑲᔫᑎᒃᓴᓂᒃ ᖃᓄᐃᙱᑦᑎᐊᕐᓗᓂ ᓄᓕᐊᕐᓂᕐᒥᒃ ᐊᒻᒪ ᖃᐅᔨᓴᖅᑕᐅᓂᕐᒥᒃ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
cpuglia@gov.nu.ca