ᐅᖃᓚᐅᑎᓯᐅᑏᑦ

You are here

ᒪᕐᕉᖕᓂ ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᑲᖏᖅᖠᓂᖕᒥᑦ

ᐄᐳᕈ 24, 2021

ᐱᕙᓪᓕᐊᔪᑦ ᓴᖅᑭᑕᑦ

ᒪᕐᕉᖕᓂ ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᑲᖏᖅᖠᓂᖕᒥᑦ

ᐃᖃᓗᐃᑦ, ᓄᓇᕗᑦ (ᐊᐃᕆᓕ 26, 2021) − ᓘᒃᑖᖅ.ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᓇᓗᓇᐃᕐᓯᖅᑲᐅᕗᖅ ᓄᕙᒡᔪᐊᕐᓇᖅ-19−ᖃᕐᑐᓂᑦ ᑲᖏᖅᖠᓂᖕᒥᑦ. ᑕᒪᖕᒥᒃ ᐊᒃᑐᐊᔫᒃ ᐃᖃᓗᖕᓂᑦ ᓄᕙᒡᔪᐊᖃᓕᖅᑐᓄᑦ. ᑖᒃᑯᐊᒃ ᑲᖏᖅᖠᓂᖕᒧᑦ ᒥᓚᐅᕐᑑᒃ ᐅᓐᓄᒃ ᑲᓇᐃᑎᐊᓐ ᓄᐊᑦ ᖃᖓᑕᓲᖓᓂ 239. ᓄᓇᕗᑦ ᒫᓐᓇ ᑲᑎᖦᖢᒋᑦ 41−ᓂᑦ ᓄᕙᒡᔪᐊᕐᓇᖃᓕᕐᑐᑦ; 35 ᐃᖃᓗᖕᓂᑦ, ᑎᓴᒪᑦ ᑭᙵᕐᓂᑦ ᒪᕐᕉᒃᓗ ᑲᖏᖅᖠᓂᖕᒥᑦ. ᑕᓪᓕᒪᓂ ᓄᑖᓂ ᐱᑕᖃᓕᕐᑐᖅ ᐱᖓᓱᓪᓗ ᖃᓄᐃᑦᑐᓐᓃᖅᑐᑦ ᐃᖃᓗᖕᓂᑦ, ᐊᓯᔾᔨᖅᑐᖃᕋᓂᓗ ᑭᙵᕐᓂᑦ.

"ᑕᒪᕐᒥᒃ ᑖᒃᑯᐊ ᐃᓄᐃᑦ ᐃᓄᑑᑎᑕᐅᔪᑦ ᐊᒻᒪ ᖃᓄᐃᙱᑦᑐᑦ.' ᐃᓄᐃᑦ ᓇᓗᓇᐃᕐᑕᐅᓚᐅᕐᑐᑦ ᑲᑎᙵᓚᐅᕐᓂᖏᓐᓂᑦ ᓄᕙᒡᔪᐊᕐᓇᖅ-19−ᓕᖕᓂᑦ ᑭᓯᐊᓂ ᖃᖓᑕᓲᖅ ᐊᐅᓪᓚᕐᓯᒪᓕᕐᑎᓪᓗᒍ ᐃᖃᓗᖕᓂᑦ. ᐊᑲᐅᓚᐅᕐᐳᖅ, ᑎᑭᒻᒪᑕ ᑲᖏᖅᖠᓂᖕᒧᑦ, ᓇᓂᔭᐅᓚᐅᖅᐴᒃ ᐊᓐᓂᐊᓯᐅᑎᓕᕆᔨᒃᑯᓐᓂᑦ, ᖃᐅᔨᓴᖅᑕᐅᓪᓗᑎᒃ ᐃᓄᑑᑎᑕᐅᓕᕐᖢᑎᒃᓗ,” ᐅᖃᓚᐅᕐᑐᖅ ᓘᒃᑖᖅ ᐹᑐᓴᓐ. “ᖁᐱᕐᕈᐊᕐᔪᒃ ᓯᐊᒻᒪᓚᐅᕐᑐᖅ ᐃᖃᓗᖕᓂᑦ, ᑭᓯᐊᓂᓕ ᓇᓗᓇᐃᕐᑕᐅᓪᓗᓂ ᑲᖏᖅᖠᓂᖕᒥᑦ. ᑕᐃᒪᐃᒻᒪᑦ, ᐊᑦᑕᕐᓇᓗᐊᙱᑦᑐᖅ ᑲᖏᖅᖠᓂᖕᒥᐅᑕᓄᑦ ᒫᓐᓇᐅᔪᖅ, ᑭᓯᐊᓂᓕ ᐃᓄᐃᑦ ᒪᓖᓐᓇᕆᐊᖃᖅᑐᑦ ᑕᒪᐃᓐᓂᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ.”

ᐅᖃᕐᓯᒪᓪᓗᓂ ᓄᓇᕗᑦ ᒐᕙᒪᒃᖏᑦᑕ ᑐᓴᖅᑎᑦᑎᔾᔪᑎᖓᓂᑦ ᖃᓂᑕᖃᑐᐃᓐᓇᕆᐊᖃᕐᑐᕕᓂᖕᓂᑦ ᐅᓪᓛᖑᔪᖅ, ᒪᓕᒃᖢᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᑎᓕᐅᕆᔾᔪᓂᑦ, ᐃᓄᓕᒫᑦ ᐃᖃᓗᖕᓂᙶᕐᑐᑦ ᐃᓄᑐᐊᖑᔭᕆᐊᐊᓕᑦ ᐅᓪᓗᓄᑦ 14−ᓄᑦ ᓄᓇᒥᓄᐊᕈᑎᒃ. ᐃᑭᒪᓚᐅᕐᑐᑦ ᖃᖓᑕᓲᕐᒥᑦ 239 ᑲᖏᖅᖠᓂᖕᒥᑦ ᔭᓗᓇᐃᕝᒥᓪᓘᓐᓃᑦ ᐊᑦᑕᕐᓇᕐᓂᕋᖅᑕᐅᙱᑦᑐᑦ.

“ᓄᓇᕗᒻᒥᐅᑦ, ᐱᒋᐊᓪᓚᓪᓗᐊᓕᕐᑐᑦ ᒫᓐᓇ, ᑲᔪᖏᖅᓱᖅᐸᒃᑲ ᒪᓕᑦᑎᐊᕕᒃᔪᐊᕐᓗᑎᒃ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒃᑕᐅᔭᕆᐊᓕᖕᓂᑦ. ᐱᕐᔪᐊᒻᒪᕆᐊᓘᔪᑦ ᐅᕙᑦᑎᓐᓄᑦ ᓯᐊᒻᒪᒃᑎᑦᑎᑕᐃᓕᒪᓂᕐ ᓄᕙᒡᔪᐊᕐᓇᖅ-19−ᒥᑦ ᓄᓇᕗᒻᒥᑦ,” ᐅᖃᓚᐅᕐᑐᖅ ᓯᕗᓕᖅᑎ ᔫ ᓴᕕᑲᑖᖅ. “ᐅᓗᕆᐊᓇᖅᑐᒃᑰᕐᑕᐃᓕᒋᑦ, ᑲᒪᑦᑎᐊᕐᓗᑎ ᐱᓕᕆᔭᒃᓴᐃᓪᓗ ᐱᓕᕆᓗᒍ ᓄᓇᓕᕗᑦ ᐊᑦᑕᖕᓇᖅᑐᒦᖁᓇᒍ. ᑕᐃᒪᙵᓕᒫᖅ−ᒪᑐᐊᖃᑦᑕᕐᓗᓯ, ᐊᒡᒐᓯ ᐅᐊᓴᖃᑦᑕᕐᓗᒋᑦ, ᐅᖓᓯᒌᑦᑎᐊᕐᐸᒃᓗᓯ, ᐊᐃᓯᒪᔪᓐᓇᕐᓂᓕᒫᔅᓯᓐᓂ ᐊᐃᓯᒪᕙᒃᓗᓯ, ᑲᐱᔭᐅᓗᓯᓗ. ᐊᑦᑕᕐᓇᖅᑐᒦᑦᑕᐃᓕᒋᑦ."

ᑭᓇᑐᐃᓐᓇᑦᑎᐊᑦ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ−19-ᓕᖕᒧᑦ ᐅᖄᓚᖁᔭᐅᕗᖅ ᓄᕙᕐᔪᐊᕐᓇᒧᑦ−ᐅᖄᓚᕝᕕᒃᓴᒧᑦ ᐅᕗᖓ 1-888-975-8601 10−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐊᓂᑦᑕᐃᓕᒪᓯᑲᐅᑎᒋᓗᓂᓗ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.

ᓄᑖᙳᕆᐊᖅᓯᒪᔪᓂᒃ ᐱᑎᑦᑎᔪᖃᕐᓂᐊᖅᐳᖅ ᐱᕙᓪᓕᐊᔪᓄᑦ ᑐᓴᖅᑎᑦᑎᔪᖃᓕᖅᐸᑦ 26−ᒥ ᐅᓪᓗᒥ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓᑎᒍᑦ

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᕐᒧᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca