ᐅᖃᓚᐅᑎᓯᐅᑏᑦ

You are here

ᑭᒃᑯᑦ ᐱᖃᑦᑕᓪᓗᐊᖅᐸᑦ ᓴᐅᓂᖅᓯᐅᑎᓂᑦ?

ᑎᓯᐱᕆ 06, 2019

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑭᒃᑯᑦ ᐱᖃᑦᑕᓪᓗᐊᖅᐸᑦ ᓴᐅᓂᖅᓯᐅᑎᓂᑦ?

ᑭᒃᑯᑐᐃᓐᓇᐃᑦ ᓴᐅᓂᖅᓯᐅᑎᖃᕆᐊᖃᖅᑐᑦ ᓴᐅᓂᑦᑎᐊᕆᖕᓂᕐᒧᑦ ᑭᒍᑎᑦᑎᐊᕆᖕᓂᕐᒧᓪᓗ. ᐃᑲᔪᖅᐸᒃᑐ ᑎᒥᑦᑎᓐᓂ ᐱᕙᓪᓕᐊᓂᕐᒧᑦ ᐊᑐᕈᓐᓇᕐᓂᕐᒧᓪᓗ ᓴᐅᓂᒃᓴᕐᒥ, ᐃᑲᔪᖅᓱᐃᕙᒃᖢᓂᓗ ᐱᕈᖅᐸᓪᓕᐊᑦᑎᐊᕐᓂᕐᒥᒃ ᐱᕙᓪᓕᐊᓂᕐᒥᒡᓗ ᐊᒻᒪ ᖃᓂᒻᒪᒃᑖᙱᓐᓂᖅᓴᐅᓕᕐᓂᐊᕐᒪᑕ. ᓈᒪᒃᑐᓂ ᐊᐅᑦᑎᐊᕆᖕᓇᖅᑐᖅᑐᕐᓂᖅ ᐱᒻᒪᕆᐅᔪᖅ ᑭᒃᑯᑐᐃᓐᓇᕐᓄᑦ, ᐱᓗᐊᙳᐊᖅᖢᓂ ᓯᖓᐃᔪᓄᑦ, ᓄᑕᕋᓛᓄᑦ ᓄᑕᖅᑲᓄᓪᓗ.

ᓄᓇᕗᒻᒥ, ᓯᕿᓂᖅ ᐱᔾᔪᑎᑦᑎᐊᕙᐅᔪᖅ ᓴᐅᓂᑦᑎᐊᕆᖕᓂᖕᒧᑦ. ᓄᑕᕋᓛᑦ ᓄᑕᖅᑲᓪᓗ ᓴᐅᓂᖅᓯᐅᑎᑐᑦᑎᐊᖃᑦᑕᙱᑦᑐ, ᓴᐅᓂᕐᓗᓕᕐᕈᓐᓇᖅᑐᑦ, ᐋᓐᓂᐊᕐᓇᖅᑐᖅ ᓴᐅᓂᕐᓂ ᐊᕿᒡᓕᑎᑦᑎᔭᑦᑐᖅ ᐃᕿᑎᑦᑎᕙᒃᖢᓂᓗ. ᓴᐅᓂᖅᓯᐅᑎᑐᑦᑎᐊᕋᓗᐊᖕᒪᖔᑕ, ᑭᒃᑯᓕᒫᑦ ᐄᔭᒐᖃᖑᑦᑕᓪᓗᐊᖅᑐᑦ ᖃᐅᑕᒫᑦ:

  • ᓄᑕᖄᓛᑦ ᑐᖔᓂᑦ ᐅᑭᐅᓖᑦ ᒪᕐᕉᖕᓂᑦ ᒪᕐᕉᖕᓂᒃ ᑯᓯᕐᓯᕕᐅᖃᑦᑕᓪᓗᐊᖅᑐᑦ (800 IU) Baby Ddrops™−ᓂᑦ.
  • ᓇᔾᔨᔪᑦ ᓇᔾᔨᔪᖅᓯᐅᑎᑐᓪᓗᐊᖃᑦᑕᖅᑐᑦ ᐃᓚᖃᕐᓗᓂ 1000 IU ᓴᐅᓂᖅᓯᐅᑎᒥᑦ.
  • ᓄᑕᖅᑲᑦ ᒪᕐᕉᖕᓂᒃ 18−ᒧᑦ ᐅᑭᐅᓖᑦ ᐃᓐᓇᐃᓪᓗ ᐅᑭᐅᓖᑦ 50 ᐅᖓᑖᓄᑦ 400 IU ᓴᐅᓂᕐᓯᐅᑎᑐᖃᑦᑕᓪᓗᐊᖅᑐᑦ ᐊᒥᓲᓕᖓᔪᑎᒍᑦ ᐄᔭᒐᒃᑯᑦ.

ᓂᕿᑦᑎᐊᕙᑦ ᐊᐅᑦᑎᐊᕆᖕᓇᖅᑐᖃᖅᑐᑦ ᐃᓚᖃᖅᑐᑦ ᓂᕿᓪᓚᑦᑖᓂᒃ ᓲᕐᓗ ᐃᖃᓗᒃ, ᒪᒃᑖᖅ, ᑎᖕᒥᐊᑦ ᒪᓐᓂᖏᑦ ᐊᒻᒪ ᓱᕙᐃᑦ; ᓂᐅᕕᕐᕕᖕᒥᓪᓗ ᓂᐅᕕᖅᑕᐅᕙᒃᑐᑦ ᓲᕐᓗ ᐃᒻᒧᒃ, ᐃᖃᓗᒃ (ᐃᖃᓗᒃᐱᒃ, ᐃᖃᓗᕕᓃᑦ ᐊᒻᒪ ᐃᖃᓗᕋᓛᑦ ᐃᐳᐃᑦᑐᒦᑦᑐᑦ), ᒪᓐᓃᑦ, ᔫᒐᑦ (yoghurt) ᐃᓚᖃᖅᑐᖅ ᐊᐅᑦᑎᐊᕆᖕᓇᖅᑐᒥ ᐃᒻᒨᔮᖅᑑᖅᖂᔨᔪᓂᒡᓗ.

Baby Ddrops™ ᐊᑐᐃᓐᓇᐅᔪᑦ ᐊᕿᖃᙱᖦᖢᑎᒃ ᐋᓐᓂᐊᕕᓕᒫᓂᑦ. ᓄᓇᕗᒻᒥᑦ ᓇᓪᓕᐅᒃᑯᒫᖃᖏᑦᑐᓄᑦ ᐃᓅᓕᓴᖅᑕᐅᔭᕆᐊᓕᖕᓄᑦ ᐃᑲᔫᓯᐊᖅ ᐊᑭᓖᓲᑦ ᓴᐅᓂᕐᓯᐅᑎᓂᒃ ᑕᒪᐃᓐᓂᒃ ᐅᑯᐅᓕᖕᓄᑦ ᓇᔾᔨᔪᖅᓯᐅᑎᓂᒡᓗ ᐊᒥᓲᓕᖓᔪᓂᒡᓗ ᐄᔭᒐᓂ ᓄᑕᖅᑲᓄᑦ ᑎᑭᓪᓗᒍ 11 ᐅᑭᐅᓕᖕᓄᑦ.

ᑐᑭᓯᒋᐊᒃᑲᓐᓂᕈᒪᔪᑦ, ᐋᓐᓂᐊᕕᔅᓯᓐᓄᙵᐅᓗᑎᒃ ᖃᓄᐃᙱᑦᑎᐊᖕᓂᖕᒧᑦ ᐃᓅᓯᖃᖕᓂᖕᒧᑦ ᐃᑭᐊᖅᑭᕕᐊᓄᓪᓘᓐᓃᑦ ᐅᕙᓂ https://livehealthy.gov.nu.ca/iu.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
cpuglia@gov.nu.ca