ᐅᖃᓚᐅᑎᓯᐅᑏᑦ

You are here

ᑲᑎᒪᔨᐅᓂ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᓯᔩᑦ ᑲᑎᒪᔨᕋᓛᖏᑦ

ᐊᒐᓯ 11, 2021

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᑲᑎᒪᔨᐅᓂ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᓯᔩᑦ ᑲᑎᒪᔨᕋᓛᖏᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᕝᕕᖓ ᒪᕐᕉᓐᓂᒃ ᐱᓕᕆᔪᒪᓂᖃᑦᑎᐊᖅᑑᓐᓂᒃ ᑲᑎᒪᔨᐅᖃᑕᐅᓂᕐᒧᑦ ᐃᓚᒋᐅᔪᒪᔫᓐᓂᒃ ᕿᓂᖅᑐᑦ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᓇᓗᓇᐃᖅᔩᑦ ᑲᑎᒪᔨᓛᖏᑦ ᒪᕐᕉᓐᓄᒃ ᐅᑭᐅᓄᒃ ᑲᑎᒪᔨᐅᖃᑕᐅᒐᔭᖅᑑᓐᓂᒃ. ᑖᒃᑯᐊ ᑲᑎᒪᔨᕋᓛᑦ ᐱᓕᕆᐊᒃᓴᖃᖅᑎᑕᐅᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᒻᒪᕆᓐᓄᑦ ᐱᖁᔭᖅ ᕿᒥᕐᕈᔨᐅᖃᑦᑕᖅᑐᑦ ᐃᓱᒪᓕᐅᕈᑎᖃᖃᑦᑕᖅᑐᑦ ᓚᐃᓴᓐᓯᑖᕋᓲᑎᓄᑦ ᓄᑖᖑᕆᐊᕈᑎᓄᓪᓗ ᑐᔅᓯᕋᐅᑎᓂᒃ ᐋᓐᓂᖃᕐᓇᖏᑦᑐᓕᕆᓂᕐᒧᑦ ᐱᓕᕆᔨᒻᒪᕆᐅᔪᓂᑦ ᓄᓇᕗᒻᒥ.

ᑖᒃᑯᐊ ᑲᑎᒪᔨᕋᓛᑦ ᐊᑕᐅᓯᕐᒥᒃ ᑲᑎᒪᔨᒃᓴᖅᓯᐅᖅᐳᑦ ᓄᓇᓕᖃᖅᑎᐅᖃᑕᐅᔪᒥᑦ ᓄᓇᕗᑦ ᒐᕙᒪᒃᑯᓐᓂ ᐃᖅᑲᓇᐃᔭᖅᑎᐅᔪᒥᒃ ᐊᑕᐅᓯᕐᒥᓪᓗ ᓄᓇᖃᖅᑎᐅᖃᑕᐅᔪᒥᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐃᖅᑲᓇᐃᔭᖅᑎᐅᖏᑦᑐᒥᑦ ᐊᒻᒪᓗ ᓇᓪᓕᐊᓐᓂᑐᐃᓐᓇᖅ ᓄᓇᕗᑦ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑎᐅᖏᑦᑐᒥᑦ.

ᑖᒃᑯᐊ ᑲᑎᒪᔨᐅᓂᕐᒧᑦ ᐆᑦᑐᕐᓂᐊᖅᑐᑦ ᒪᓕᒐᐃᑦ ᐊᐅᓚᓂᕆᖃᑦᑕᖅᑕᖏᓐᓂᑦ ᐱᓕᕆᔾᔪᓯᖏᓐᓂᑦ ᐱᔪᒪᓂᖃᑦᑎᐊᕆᐊᖃᖅᑐᑦ ᐊᒻᒪᓗ ᐊᑐᐃᓐᓇᖃᑦᑕᕐᓗᓂ ᐃᑲᕐᕋᖅ ᐊᑕᐅᓯᖅ ᐅᕝᕙᓗ ᐃᑲᕐᕋᖅ ᐊᑕᐅᓯᖅ ᓇᑉᐸᖓᓗ ᐱᓇᓱᐊᕈᓰᒃ ᒪᕐᕉᒃ ᓈᒐᐃᑉᐸᑎᒃ ᕿᒥᕐᕈᖃᑕᐅᖃᑦᑕᕋᔭᕐᒪᑦ ᐅᖄᓚᐅᑎᒃᑯᑦ ᑲᑎᒪᓂᕐᒥᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ−ᐱᓕᕆᔨᕝᕕᖓᓐᓂᒃ ᖃᐅᔨᒪᓂᖃᕐᓗᓂ ᐊᑐᕐᓂᖃᕋᔭᖅᑐᖅ.

ᑕᐃᒃᑯᐊ ᐱᓇᓱᐊᖃᑕᐅᔪᒪᔪᑦ ᐃᖅᑲᓇᐃᔮᕆᓯᒪᔭᖏᑦ ᑎᑎᕋᖅᓯᒪᔪᖏᓐᓂᑦ ᑐᓂᓯᔭᕆᐊᓕᑦ ᐱᕕᖃᖅᑎᑕᐅᔪᑦ ᒪᑐᕝᕕᖃᖅᑐᓂ ᔪᓚᐃ 18, 2021 ᕚᕝᕗᓚ Hᐋᕐᕕ, ᐊᑎᓕᐅᖅᑕᐅᓯᒪᓕᖅᑎᑦᑎᔨ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐅᕗᖓ bharvey@gov.nu. ᐊᑉᐱᖅᑯᑏᑦ ᑐᕌᖅᑎᑕᐅᔪᓐᓇᖅᑐᑦ ᕚᕝᕗᓚ ᕼᐋᕕᒧᑦ ᐅᖄᓚᐅᑎᒃᑯᑦ ᐅᕗᖓ 867-982-7655.

ᐊᔾᔨᖏᓐᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᓕᕆᔨᒻᒪᕆᐅᓂᕐᒧᑦ ᐱᖁᔭᖅ ᑐᔅᓯᕌᕆᔭᐅᔪᓐᓇᖅᑐᑦ ᐊᒻᒪ ᐊᑐᐃᓐᓇᐅᑎᑕᐅᒻᒥᔪᑦ ᐅᕙᓂwww.nunavutlegislation.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca