ᐅᖃᓚᐅᑎᓯᐅᑏᑦ

You are here

ᑲᖏᖅᖠᓂᕐᒥ ᓈᖑᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ

ᐊᒃᑐᐸ 19, 2021

ᐃᓄᖕᓄᑦ ᑐᓴᖅᑎᑦᑎᔾᔪᑎ ᐋᓐᓂᐊᕕᖕᒥ

ᑲᖏᖅᖠᓂᕐᒥ ᓈᖑᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᖏᖅᖠᓂᕐᒥᐅᓂᒃ ᐅᖃᐅᔨᒋᐊᖅᑐᑦ ᐃᓄᐃᑦ ᓈᖑᑲᑕᓕᕐᒪᑕ ᓄᓇᓕᖕᓂ. ᑕᐃᒪᐃᒐᔪᙱᑦᑐᑦ ᒫᓐᓇᒃᑯᑦ ᐊᕐᕌᒍᒥᑦ. ᓈᙳᓐᓇᖅᑐᖅ ᐊᐃᑦᑐᕐᓘᑕᐅᓴᕋᐃᑦᑐᖅ ᐃᓄᖕᒥᑦ ᐃᓄᖕᒧᑦ, ᓄᓇᓕᖕᓂᓗ ᓱᒃᑲᓕᔪᒥᑦ ᐊᐃᑦᑐᕐᓘᑕᐅᔪᓐᓇᕆᓪᓗᓂ. ᐃᒪᐃᖃᑦᑕᖅᑐᑦ ᒥᕆᐊᙳᑲᑕᒃᖢᑎᒃ, ᒥᕆᐊᑲᑕᒃᖢᑎᒃ, ᐊᕿᑦᑐᖅᓱᑲᑕᒃᖢᑎᒃ, ᓈᙳᑲᑕᒃᖢᑎᒃ, ᐆᓇᑲᑕᒃᖢᑎᒡᓗ.

ᐃᒪᓐᓇ ᐊᐃᑦᑐᕐᓗᐃᑦᑕᐃᓕᒪᔪᓐᓇᖅᐳᓯ:

  • ᐊᒡᒐᑎᑦ ᐅᐊᓴᕋᔪᒡᓗᒋᑦ, ᐱᓗᐊᖅᑐᒥ ᓂᖅᖠᐅᕐᓂᐊᓵᖅᑎᓪᓗᑎᑦ ᐊᒻᒪ ᓄᑕᕋᓛᒥᒃ ᖁᐃᖏᓕᓴᖅᓯᐊᓂᒃᑯᕕᑦ.
  • ᑕᖃᐃᖅᓯᕐᓗᑎᑦ ᐃᒥᑲᑕᒡᓗᑎᓪᓗ (ᐃᒥᒐᑲᑕᙱᓪᓗᑎᑦ, ᐆᒻᒪᕆᖕᓇᖅᑐᓂᒃ ᓂᐅᖅᑲᙱᓪᓗᑎᑦ, ᐊᓯᖏᓐᓂᓪᓗ ᓱᑲᖃᓗᐊᖅᑐᓂᒃ).
  • ᑭᐳᐃᑦ ᖄᖏᑦ, ᐹ ᑎᒍᓕᖏᑦ ᐊᒻᒪ ᐊᓇᕐᕖᑦ ᓴᓗᒪᑏᓐᓇᖅᐸᒡᓗᒋᑦ ᐆᓇᖅᑐᒧᑦ ᖃᐳᐊᓕᖕᒧᑦ.
  • ᐃᓄᖕᓄᑦ ᖃᓂᒪᔪᓄᑦ ᐅᐸᒋᐊᖃᙱᓪᓗᑎᑦ ᐅᐸᒃᐸᙱᓪᓗᑎᑦ.

ᓄᑕᕋᑯᓗᐃᑦ ᐊᒡᒐᖏᑦ ᐅᐊᓴᖅᑎᑉᐸᒡᓗᒋᑦ, ᐊᒻᒪ ᐱᙳᐊᖏᑦ ᐊᓪᓚᖅᑐᑦᑎᐊᖅᐸᒡᓗᒋᑦ ᐊᓯᖏᓐᓂᒃ ᐊᓪᓚᖅᑐᐃᓕᕌᖓᕕᑦ.

ᑭᓇᑐᐃᓐᓇᖅ ᐋᓐᓂᐊᑲᑕᒃᑐᖅ ᐊᖏᕐᕋᖅᓯᒪᑲᑕᖁᔭᐅᕗᖅ, ᑕᖃᐃᖅᓯᕐᓗᓂ ᐊᒻᒪ ᐃᒥᑦᑎᐊᑲᑕᒡᓗᓂ. ᒥᕆᐊᖅᓴᑲᑕᒃᑐᑦ ᐊᒻᒪ ᐊᕿᑦᑐᖅᓱᑲᑕᒃᑐᑦ ᓂᕿᓕᐅᑲᑕᒋᐊᖃᙱᑦᑐᖅ ᖃᑕᙳᑎᖏᓐᓄᑦ ᐊᐃᑦᑐᕐᓗᐃᖁᓇᒋᑦ. ᐊᓐᓄᕌᑦ ᐊᓯᖏᓪᓗ ᐅᐊᓴᒐᒃᓴᐃᑦ ᐆᓇᖅᑐᒧᑦ ᐅᐊᓴᖃᑦᑕᕐᓗᒋᑦ ᐊᒻᒪ ᐆᓇᖅᑐᒧᑦ ᐸᓂᖅᓯᖅᐸᒡᓗᒋᑦ. ᐳᐃᒍᖅᑕᐃᓕᒋᑦ, ᓄᑕᕋᓛᒥᒃ ᑯᓂᒃᓴᑲᑕᒡᓗᓂ ᐊᒃᑐᖅᓯᑲᑕᒡᓗᓂᓗ ᐊᐃᑦᑐᕐᓗᐃᓐᓇᕐᒪᑦ ᖃᓂᒪᓐᓇᒥ. ᖃᓄᐃᙱᑎᓐᓇᓱᒍᓐᓇᖅᑕᑎᑦ ᖃᓂᒪᓕᕈᕕᑦ ᑎᒍᑲᑕᙱᓪᓗᒋᑦ.

ᖃᓂᒪᔪᑦ ᐊᖏᕐᕋᒥᓂ ᑲᒪᒋᔭᐅᔪᓐᓇᖅᐳᑦ ᑭᓯᐊᓂ ᖃᓂᒪᓗᐊᓕᖅᐸᑦ ᓴᙲᓗᐊᓕᕐᓗᓂᓗ ᐊᒻᒪ ᑎᒥᖓ ᐃᒪᖃᙱᓗᐊᓕᕈᓂ. ᐃᓄᐃᑦ ᐋᓐᓂᐊᓗᐊᓕᖅᑐᑦ ᐋᓐᓂᐊᕕᖕᒧᑦ ᖃᐅᔨᒋᐊᕆᐊᖃᖅᐳᑦ ᐃᖢᐊᖅᓴᐃᔨᒥᓄᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca