ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥᑦ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᖏᑦᑕ ᐅᓪᓗᖓ

ᓯᑎᐱᕆ 16, 2021

ᒐᕙᒪᒃᑯᓐᓂ ᑐᓴᒐᒃᓴᖅ

ᑲᓇᑕᓕᒫᒥᑦ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᖏᑦᑕ ᐅᓪᓗᖓ

ᓯᑦᑎᒻᕙ 16, 2021 ᓇᓪᓕᐅᓯᒪᔪᖅ 59-ᓄ ᐊᕐᕌᒍᓐᓄᑦ ᑲᓇᑕᓕᒫᒥᑦ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᖏᑦᑕ ᐅᓪᓗᖓ. ᓄᓇᕗᒻᒥ, ᑖᓐᓇ ᐅᓪᓗᕆᕙᐅᒃ ᖁᔭᓕᓂᖃᕐᓂᕐᒧᑦ ᓄᓇᓕᓐᓂ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔨᓄᑦ ᐃᑲᔫᑎᖃᓪᓚᕆᓐᓂᖏᓐᓄᓪᓗ ᐋᓐᓂᐊᖅᑐᓕᕆᓂᕐᒧᑦ ᐱᔨᑦᑎᕋᐅᑎᓄᑦ ᓄᓇᕘᓕᒫᒥ.

ᓄᓇᕗᑦ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᖏᑦ ᐊᑐᐃᓐᓇᐅᑎᑦᓯᖃᑦᑕᖅᑐᑦ ᐊᔾᔨᒌᖏᑦᑐᓂᑦ ᐱᔨᑦᓯᕋᐅᑎᓄᑦ ᐃᓚᒋᓗᒍ ᐋᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᕐᓂᕐᒧᑦ, ᐋᓐᓂᐊᖅᑐᓕᕆᓂᕐᒧᑦ ᐱᕚᓪᓕᑎᑦᓯᓂᕐᒧᑦ, ᐋᓐᓂᐊᖃᖅᑎᑦᓯᑕᐃᓕᒪᓂᕐᒧᓪᓗ ᓇᓕᒧᑎᑦᓯᓂᕐᒧᑦ ᐃᓄᐃᑦ ᑕᐅᑐᖅᑰᖅᑕᖏᓐᓂᒃ ᖃᓄᐃᖏᑦᓯᐊᕐᓂᕐᒧᑦ, ᑎᒥᐅᔪᖅ, ᐃᓱᒪᒃᑯᑦ, ᐃᓅᖃᑎᒌᑦᓯᐊᕐᓂᕐᒧᑦ, ᑕᕐᓂᒃᑯᓪᓗ ᑲᓲᑎᓯᒪᓂᕐᒧᑦ.

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔩᑦ ᓴᖅᑭᔮᖅᑎᑦᓯᖃᑦᑕᖅᑐᑦ ᐱᐅᔪᓂ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔾᔪᓯᕐᓂᑦ ᐅᔾᔨᕈᓱᑦᑎᑦᓯᓂᕐᒧᓪᓗ ᐊᔾᔨᒌᖏᑦᑐᓂᑦ ᐱᔾᔪᑕᐅᔪᓂᑦ ᐊᑐᖅᑕᐅᔪᓂ ᐃᒪᓐᓇ:

  • ᓂᕿᑦᓯᐊᕙᓕᕆᓂᖅ
  • ᑯᔭᓐᓂᒃᑯᑦ ᐋᓐᓂᐊᓕᕈᑕᐅᔪᓄᑦ.
  • ᓇᔾᔨᔪᓕᕆᓂᕐᒧᑦ ᐱᐊᕋᖅ ᖃᓄᐃᖏᑦᓯᐊᕐᓂᕐᒧᑦ.
  • ᐃᓱᒪᓕᕆᓂᕐᒧᑦ.
  • ᖃᓂᒃᑯᑦ ᖃᓄᐃᙱᑦᑎᐊᕐᓂᖅ.
  • ᓱᕐᕋᖕᓇᖅᑐᓂᒃ ᐊᑐᕐᓂᕐᒧᑦ ᐅᔾᔨᕈᓱᓐᓂᕐᒧᑦ.
  • ᐊᑦᑕᕐᓇᖅᑕᐃᓕᒪᓂᕐᒧᑦ ᐋᓐᓂᖅᑕᐃᓕᒪᓂᕐᒧᓪᓗ.
  • ᐊᓯᖏᑦ ᓴᖅᑭᐸᓪᓕᐊᔪᑦ ᐋᓐᓂᐊᖅᑐᓕᕆᓂᕐᒧᑦ ᐃᓱᒫᓘᑕᐅᔪᑦ ᓄᓇᓕᐅᔪᓂᑦ.

ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑭᒡᒐᖅᑐᐃᔨᖏᑦ ᐱᐅᓯᕚᓪᓕᖅᑎᑦᓯᖃᑦᑕᖅᑐᑦ ᐋᓐᓂᐊᖅᑐᓕᕆᓂᕐᒧᑦ ᓄᓇᕗᒻᒥᐅᓄᑦ ᐱᕙᓪᓕᐊᑎᑦᓯᓂᕐᒧᑦ, ᐊᑐᓕᖅᑎᑦᓯᓂᕐᒧᑦ, ᖃᐅᔨᓴᕐᓂᕐᒥᓪᓗ ᓇᓗᓇᐃᕈᑎᓂᒃ-ᑐᙵᕕᖃᕐᓂᕐᒧᑦ ᐋᓐᓂᐊᕐᕕᓐᓂᑦ ᐱᓕᕆᐊᑦᓴᓄᑦ ᐱᓕᕆᐊᖑᔪᒪᔪᓄᓪᓗ. ᑖᒃᑯᐊ ᐱᓕᕆᐊᑦ ᐃᓚᓕᐅᔾᔨᖃᑦᑕᖅᑐᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐱᔪᓐᓇᖅᑎᑦᓯᓕᕐᓂᕐᒧᓪᓗ ᓄᓇᕗᒻᒥᐅᓂᑦ ᖃᓄᐃᙱᑦᓯᐊᕐᓗᑎᒃ ᐃᓅᓯᖃᓕᒃᑲᓐᓂᕈᓐᓇᖁᓪᓗᒋᑦ.

ᒐᕙᒪᒃᑯᑦ ᓄᓇᕗᒻᒥ ᐅᐱᒍᓱᑦᑐᑦ ᐱᓕᕆᐊᖃᖏᓐᓇᕐᓂᖏᓐᓄᑦ ᓄᓇᕗᒻᒥ ᐋᓐᓂᐊᖅᑐᓕᕆᓂᕐᒧᑦ ᐱᓕᕆᔨᖏᓐᓂᒃ. ᐱᕕᖃᙳᐊᑕᖅᓯᓐᓇᕆᑦ ᓇᑯᕐᒦᕐᓂᕐᒧᑦ ᓄᓇᓕᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑭᒡᒐᖅᑐᐃᔨᓐᓂᑦ ᐱᓕᕆᐊᕆᖃᑦᑕᖅᓯᒪᔭᓕᒫᖏᓐᓄᑦ ᓄᓇᕘᓕᒫᒥ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca