You are here

ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᖓ: ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ ᐱᐅᓛᖑᓪᓗᓂ ᓴᐳᒻᒥᔪᓐᓇᖅᑖᑎᑦ

ᐊᒐᓯ 02, 2022

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᖓ: ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ ᐱᐅᓛᖑᓪᓗᓂ ᓴᐳᒻᒥᔪᓐᓇᖅᑖᑎᑦ

ᐋᒌᓯ ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᕆᖕᒪᒍ ᑲᓇᑕᒥ. ᐊᕐᕌᒍᑕᒫᑦ, ᐅᓇ ᑕᖅᑭᖅ ᐅᔾᔨᕐᓱᓕᕐᑎᑦᑎᕙᖕᒪᑦ ᓱᓕᔪᒥ ᑕᒪᒃᑯᐊ ᑲᐴᑎᑦ ᓴᐳᔾᔨᓯᒪᖕᒪᑕ ᒥᓕᐊᒐᓴᓂ ᐃᓅᓯᖕᓂᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓂᒃ ᐃᖅᑲᐃᓯᔪᒪᕗᑦ ᓇᖕᒥᓂᖅ−ᑲᒪᒋᑦᑎᐊᕐᓂᖅ ᐱᒻᒪᕆᐅᓂᖓᓂᒃ ᓄᕙᒡᔪᐊᕐᓇᖅ-19 ᓱᓕ ᐊᓂᒍᐊᓂᑦᑎᐊᒻᒪᕆᙱᓐᓂᖓᓂᒃ. ᐱᓪᓚᕆᐅᓂᖅᓴᐅᓕᖅᑐᖅ ᒫᓐᓇᐅᔪᒥᒃ ᖃᐅᔨᓗᓂ ᐋᓐᓂᐊᓕᕇᒃᑯᓰᑦ ᐊᑦᑕᕐᓇᙱᓐᓂᖏᓐᓂ ᐱᐅᓛᖑᓪᓗᑎᒃᓗ ᓴᐳᒻᒥᓗᓂ ᐱᕐᔪᐊᖅᑐᓄᑦ ᐋᓐᓂᐊᓄᑦ ᐋᓐᓂᐊᓪᓚᑦᑖᓄᓪᓗ, ᐃᓚᐅᓪᓗᓂ ᓄᕙᒡᔪᐊᕐᓇᖅ-19.  ᓄᓇᕗᒻᒥᐅᓕᒫᑦ ᐱᔪᓐᓇᕐᑐᑦ ᑲᐱᔭᐅᖁᔭᐅᕗᑦ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᐱᓯᔪᓐᓇᖅᓯᖕᒥᔪᑦ ᓄᑕᖅᑲᓂᒃ ᐅᑭᐅᓕᖕᓄᑦ ᑕᓪᓕᒪᓄᑦ ᑎᑭᓪᓗᒍ ᓄᕙᒡᔪᐊᕐᓇᖅ-19 ᐋᓐᓂᐊᕇᒃᑯᑎᒥᒃ ᐱᒋᐊᕈᑎᖃᕐᓗᑎᒃ ᐅᑭᐅᓕᖕᓂᒃ ᑎᓴᒪᓂᒃ, ᐊᒻᒪ ᓄᑕᖅᑲᓄᑦ ᐊᑦᑕᕐᓇᖅᑐᒦᑦᑐᓐᓇᖅᑐᓄᑦ ᓄᕙᒡᔪᐊᕐᓇᖅ-19 ᐋᓐᓂᐊᖅᑖᕐᓂᕈᑎᒃ.

ᐅᑯᐊ ᓄᑕᖅᑲᐃᑦ ᐋᓐᓂᐊᕇᒃᑯᑎᒧᑦ ᑲᐱᔭᐅᔪᓐᓇᖅᑐᑦ:

  • ᐅᑭᐅᓖᑦ ᑎᓴᒪᓂᒃ ᓄᑕᖅᑲᐃᑦ.
  • ᐊᑯᓐᓂᐊᓃᑦᑐᑦ ᐊᕐᕕᓂᓕᖕᓂᑦ ᑕᖅᑭᖃᖅᐸᑕ ᐊᒻᒪ ᐅᑭᐅᖃᖅᐸᑕ ᑎᓴᒪᓂᒃ:
    • ᐊᓐᓇᐅᒪᔾᔪᑎᖃᑦᑎᐊᙱᓐᓇᓱᒋᔭᐅᒃᐸᑕ;
    • ᐳᕙᒃᑯᑦ ᐋᓐᓂᐊᖃᕐᔪᐊᖅᐸᑕ;
    • ᐊᑯᓂᐅᔪᒃᑯᑦ ᐃᓅᓕᓴᐅᑎᓄᑦ ᓴᙱᒃᑎᒋᐊᕈᑎᓄᑦ ᑲᒪᒋᔭᐅᒋᐊᖃᖅᐸᑦ; ᐊᒻᒪᓗ/ᐅᕝᕙᓘᓐᓃᑦ
    • ᓯᐊᒻᒪᔭᑦᑐᒥᒃ ᐋᓐᓂᐊᕐᓘᑎᖃᖅᐸᑦ ᓄᖑᓴᖅᑕᐅᑲᑕᒡᓗᓂᓗ.

ᐊᒻᒪᑦᑕᐅᖅ ᓱᓕ, ᑭᖑᓪᓕᐊᓂᒃ ᐋᓐᓂᐊᕇᒃᑯᑎᒧᑦ ᑲᐱᔭᐅᔪᓐᓇᕐᔪᑦ ᓄᓇᕗᒻᒥᐅᑦ (ᑎᓴᒪᖓᓂᒃ ᑲᐱᔭᐅᓗᑎᒃ) ᑕᐃᒃᑯᓄᖓ ᐅᑭᐅᓕᖕᓄᑦ 18 ᐅᖓᑖᓄᓪᓗ ᓄᓇᕗᒻᒥ ᓄᓇᖃᖅᑐᓄᑦ. ᑖᓐᓇ ᓴᙱᓂᖅᓴᖅ ᑲᐴᑎᒃᑲᓐᓂᖅ ᐃᓄᖕᓄᑦ 18−ᓂᒃ ᐅᖓᑖᓂᓪᓗ ᐅᑭᐅᓕᖕᓄᑦ ᐊᑐᐃᓐᓇᐅᓂᐊᖅᐳᖅ ᐱᖓᔪᖓᓂ ᑲᐱᔭᐅᓚᐅᖅᑐᓄᑦ ᑕᖅᑭᑦ ᑎᓴᒪᑦ ᓇᑉᐸᖓᓂᓪᓗ ᐊᓂᒍᖅᑐᓂᑦ.

ᐱᖓᔪᖓᓂ ᑲᐴᑦ ᓄᑕᖅᑲᓄᑦ ᐊᑐᐃᓐᓇᐅᓂᐊᕐᒥᔪᖅ ᑕᓪᓕᒪᓂᒃ ᖁᓕᓪᓗ ᐊᑕᐅᓯᕐᒧᑦ ᑎᑭᓪᓗᒍ ᐅᑭᐅᓕᖕᓄᑦ ᑎᒥᒥᒍᑦ ᐱᓗᐊᙱᑦᑐᒥᑦ ᐱᕐᔪᐊᒥᓪᓘᓐᓃᑦ ᐊᓐᓇᐅᒪᔾᔪᑎᖃᑦᑎᐊᙱᑦᑐᓄᑦ, ᐱᓇᓱᐊᕈᓯᑦ ᑎᓴᒪᓂᑦ 8−ᓄᑦ ᑎᑭᓪᓗᒍ ᑐᒡᓕᐊᓂ ᑲᐱᔭᐅᓚᐅᖅᑐᓄᑦ. ᓴᙱᓂᖅᓴᒥᒃ ᑲᐴᑎᒃᑲᓐᓃᑦ (ᐱᖓᔪᖓᓂ ᑲᐴᑦ) ᓱᓕ ᐊᑐᐃᓐᓇᐅᓂᐊᖅᐳᑦ ᓄᓇᕗᒻᒥᐅᓕᒫᓄᑦ 12-ᒥᑦ ᐅᖓᑖᓂᓪᓗ ᐅᑭᐅᓕᖕᓄᑦ.

ᓄᕙᒡᔪᐊᕐᓇᖅ-19−ᒧᑦ ᑲᐴᑎᑦ ᓄᓇᕗᒥᐅᓕᒫᓄᑦ ᐅᑭᐅᓕᖕᓄᑦ ᑕᓪᓕᒪᓂᒃ ᐅᖓᑖᓂᒡᓗ ᒪᓂᒪᑎᑕᐅᖏᓐᓇᕐᓂᐊᖅᑐᑦ.

ᓄᓇᕐᔪᐊᒥ ᑲᒪᒋᔭᖃᖅᑎᓪᓗᒋᑦ ᓄᕙᒡᔪᐊᕐᓇᖅ-19−ᒥᑦ, ᐳᐃᒍᖅᑕᐃᓕᒋᔅᓯ ᖃᐅᔨᓇᓱᒡᓗᒋᑦ ᑲᐱᔭᐅᔾᔪᑎᒋᒋᐊᖃᖅᑕᓕᒫᑎᑦ ᒫᓐᓇᒧᑦ ᓈᒻᒪᖅᑰᑦᑎᒐᓗᐊᕐᒪᖔᑕ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᑐᐃᓐᓇᐅᑎᑦᑎᕙᒃᑐᑦ ᑲᐴᑎᓂᒃ ᓄᓇᕗᒻᒥᐅᓕᒫᓄᑦ ᐋᓐᓂᐊᕕᒐᓴᖏᓐᓂᒃ ᐅᕝᕙᓘᓃᑦ ᐅᖁᒪᐃᓐᓂᕐᓂᐊᕐᕕᒋᔭᐅᔪᐃᑦ ᑎᑎᕋᕐᕕᖏᓐᓂ. ᑲᐱᓯᖃᑦᑕᕐᓂᐅᔪᑦ ᓄᑕᕋᓛᓂᒃ, ᐃᓕᓐᓂᐊᕆᐅᖅᓴᔪᓂ, ᓄᑕᖅᑲᓂᒃ ᐃᓕᓐᓂᐊᖅᐸᒃᑐᓂᒃ ᐊᒻᒪᓗ ᐃᓐᓇᕐᓄᑦ ᑲᐱᓯᔾᔪᑕᐅᕙᒃᑐᑦ ᓴᐳᔾᔨᕙᖕᒪᑕ ᐋᓐᓂᐊᓕᕈᑕᐅᔪᓐᓇᖅᑐᓂᒃ ᑲᐴᑎᒧᑦ ᐋᓐᓂᐊᕇᒃᑯᑎᖃᕐᓂᖏᓐᓄᑦ ᖃᓄᐃᔾᔪᑕᐅᔪᓐᓇᖅᑐᑦ ᑎᒥᒧᑦ.

ᐅᖃᖃᑎᖃᕆᑦ ᐋᓐᓂᐊᕕᔅᓯᓐᓂᑦ ᓴᐳᑎᓯᒪᑦᑎᐊᕋᓗᐊᕆᐊᒃᓴᕐᓂᒃ ᐋᓐᓂᐊᕇᒃᑯᑎᓄᑦ ᑎᒥᕕᑦ ᖃᓄᐃᔾᔪᑎᒋᓕᕈᓐᓇᖅᑕᖏᓐᓄᑦ ᐋᓐᓂᐊᖅᑖᔾᔮᙱᓐᓇᕕᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca