ᐅᖃᓚᐅᑎᓯᐅᑏᑦ

You are here

ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᖓ: ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ ᐱᐅᓛᖑᓪᓗᓂ ᓴᐳᒻᒥᔪᓐᓇᖅᑖᑎᑦ

ᐊᒐᓯ 04, 2021

ᑭᒃᑯᓕᒫᓄᑦ ᑐᓴᒐᒃᓴᖅ

ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᖓ: ᓄᕙᒡᔪᐊᕐᓇᖅ-19 ᐋᓐᓂᐊᓕᕇᒃᑯᑎ ᐱᐅᓛᖑᓪᓗᓂ ᓴᐳᒻᒥᔪᓐᓇᖅᑖᑎᑦ

ᐋᒌᓯ ᑲᓇᑕᓕᒫᒥ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐅᔾᔨᖅᓴᑦᑎᐊᕐᓂᕐᒥ ᑕᖅᑭᕆᖕᒪᒍ ᑲᓇᑕᒥ. ᐊᕐᕌᒍᑕᒫᑦ, ᐅᓇ ᑕᖅᑭᖅ ᐅᔾᔨᕐᓱᓕᕐᑎᑦᑎᕙᖕᒪᑦ ᓱᓕᔪᒥ ᑕᒪᒃᑯᐊ ᑲᐴᑎᑦ ᓴᐳᔾᔨᓯᒪᖕᒪᑕ ᒥᓕᐊᒐᓴᓂ ᐃᓅᓯᖕᓂᑦ. ᑕᒪᑐᒪᓂ ᐊᕐᕌᒍᒥᑦ, ᑲᓇᑕᓗ ᓄᓇᕗᓪᓗ ᑲᔪᓰᓐᓇᕐᐳᑦ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒻᒪᓯᒃᑰᕐᖢᑎᒃ, ᐱᒻᒪᕆᐅᓗᐊᕐᐳᖅ ᐃᓕᓴᕆᓗᒍ ᑲᐴᑎᑦ ᐊᑦᑕᕐᓇᙱᒻᒪᑕ, ᐊᑐᕐᖢᑎᒃᓗ ᐊᒻᒪᓗ, ᐊᒥᓱᓂ ᐋᓐᓂᐊᓄ ᐃᓚᐅᓪᓗᓂ ᓄᕙᒡᔪᐊᕐᓇᖅ-19, ᐱᐅᓛᖅ ᓴᐳᑎᔾᔪᑎᒃ ᖃᓂᒻᒪᓯᒻᒪᕆᐊᓗᖕᒥᑦ.

ᓄᓇᕗᒻᒥᐅᓕᒫᑦ ᐱᔪᓐᓇᕐᑐᑦ ᑲᐱᔭᐅᖁᔭᐅᕗᑦ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ. ᒫᓐᓇᐅᔪᖅ, ᑲᐱᔭᐅᕖᑦ ᓴᖅᑭᑉᐸᓪᓕᐊᔪᑦ ᓄᓇᕗᒻᒥᑦ ᑭᓇᑐᐃᓐᓇᒧᑦ ᐅᑭᐅᓕᑦ 12 ᐅᖓᑖᓄᓪᓗ. ᐅᐸᓚᐅᙱᒃᑯᕕᑦ, ᓱᓕ ᐱᕕᒃᓴᓕᒃ. ᐋᓐᓂᐊᕐᕕᔅᓯᓐᓄ ᐅᖃᓗᑐᐃᓐᓇᕐᓗᓯ ᐃᓂᒃᓴᓕᐅᕈᒪᒍᔅᓯ. ᐃᖃᓗᖕᓂᑦ, ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᐊ ᐃᓯᑐᐃᓐᓇᕐᕕᒃᓴᐅᓕᕐᑐᑦ ᑲᐱᔭᐅᔭᕐᑐᕐᓗᓂ ᒪᑑᓇᒥ (ᐅᑭᐅᓕᑦ 18 ᐅᖓᑖᓄᓪᓗ) ᓇᒡᒐᔾᔭᒥ ᐅᓪᓗᑐᐃᓐᓇᒧᑦ, ᐊᒻᒪᓗ ᕙᐃᓱᒧ (ᐅᑭᐅᓕᑦ 12−ᒥᑦ 17−ᒧᑦ) ᐱᖓᔪᐊᓐᓂᑦ 9:30 ᒥᑦ 11:30−ᒧᑦ ᐅᓪᓛᒃᑯᑦ ᐊᒻᒪᓗ 1:15−ᒥᑦ 4:30−ᒧᑦ ᐅᓐᓄᒃᓴᒃᑯᑦ.

ᐅᑯᐊ ᑕᒡᕙ ᐃᓚᖏᑦ ᐃᑲᔫᑎᔪᓐᓇᕐᑐᑦ ᓯᐊᒻᒪᒃᑕᐃᓕᑎᓪᓗᒍ ᓄᕙᒡᔪᐊᕐᓇᖅ-19 ᐊᓯᖏᓪᓗ ᐳᕙᖕᓄᑦ ᖃᓂᒻᒪᓯᕐᓄᑦ:

  • ᖁᐃᖅᓱᖅᐸᒡᓗᓯ ᑕᒋᐅᒃᐸᒡᓗᓯᓗ ᑕᓕᔅᓯᓐᓄᑦ.
  • ᐊᒡᒐᑎᑦ ᐅᐊᓴᑦᑎᐊᖃᑦᑕᕐᓗᒋᑦ.
  • ᐊᖏᕐᕋᖅᓯᒪᑐᐃᓐᓇᕐᓗᑎᑦ ᖃᓂᒪᒍᕕᑦ.
  • ᓯᒡᒐᓕᐊᒥᑦ ᐊᒥᖅᑳᖃᑦᑕᙱᓪᓗᓯ, ᓂᐅᖅᑲᒐᑦ ᓂᕆᔾᔪᑎᓂᓪᓘᓐᓃᑦ.
  • ᓴᓗᒻᒪᖅᓴᕆᐊᓖᑦ ᓴᓗᒻᒪᖅᓴᕋᔪᒡᓗᒋᑦ.

ᓄᓇᕐᔪᐊᒥ ᐱᓕᕆᐊᖃᓪᓚᕆᒃᑎᓪᓗᒋᑦ ᓄᕙᒡᔪᐊᕐᓇᖅ-19−ᒥᑦ, ᐱᒻᒪᕆᐅᔪᖅ ᓱᓕ ᑲᐱᔭᐅᔭᕆᐊᓕᓕᒫᑦ ᐱᓗᒋᑦ ᐅᓪᓗᒥᒧᑦ. ᐅᖃᖃᑎᒋᓗᒍ ᓄᓇᓕᔅᓯᓐᓂ ᐋᓐᓂᐊᕕᒃ ᐱᖁᓪᓗᒍ ᑕᒪᒃᑮᓄᑦ ᓴᐳᒻᒥᔭᐅᓗᑎᑦ ᐋᓐᓂᐊᓕᕇᒃᑯᓯᕐᒧᑦ ᐱᑦᑕᐃᓕᒪᔾᔪᑎ ᐋᓐᓂᐊᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca