ᔭᓄᐊᕆ 25-ᖑᓕᖅᐸᑦ ᐅᓪᓗᕆᔭᐅᓛᕐᒪᑦ ᖃᓪᓗᓈᑐᑦ ᑕᐃᒎᓯᖃᖅᖢᓂ 'Bell Let's Talk Day' ᑐᑭᖃᖅᑐᖅ 'Bell−ᑯᓐᓂ ᐅᓪᓗᕆᔭᐅᕗᖅ ᐅᖃᓪᓚᖃᑎᒌᒃᑕ'

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᔭᓄᐊᕆ 25-ᖑᓕᖅᐸᑦ ᐅᓪᓗᕆᔭᐅᓛᕐᒪᑦ ᖃᓪᓗᓈᑐᑦ ᑕᐃᒎᓯᖃᖅᖢᓂ 'Bell Let's Talk Day' ᑐᑭᖃᖅᑐᖅ 'Bell−ᑯᓐᓂ ᐅᓪᓗᕆᔭᐅᕗᖅ ᐅᖃᓪᓚᖃᑎᒌᒃᑕ'

ᐊᕐᕌᒍᑕᒫᑦ ᔭᓄᐊᕆᐅᓕᕌᖓᑦ, Bell−ᑯᓐᓂ ᐅᖃᓪᓚᖃᑎᒌᒃᑕ ᐅᓪᓗᖓᓂᒃ ᑎᓕᐅᕆᔾᔪᑕᐅᓪᓗᓂ ᑲᓇᑕᒥᐅᓕᒫᓄᑦ  ᐅᖃᖃᑎᒌᖁᔨᓪᓗᑎᒃ ᑲᓇᑕᒥᐅᑦ ᐃᑲᔪᕈᒪᓪᓗᒋᑦ ᓴᖅᑭᔮᖅᑎᑦᑎᒃᑲᓐᓂᖁᓪᓗᒋᑦ ᐃᓱᒪᔮᕈᑎᓖᑦ ᐃᓕᓐᓂᐊᕈᑎᖏᓐᓂᒃ, ᐅᔾᔨᕈᓱᒍᓐᓇᕐᓂᕐᒥᒃ ᐊᒻᒪᓗ ᑮᓇᐅᔭᖃᖅᑎᑦᑎᓂᕐᒥᒃ.

ᖃᐅᑕᒫᑦᑎᐊᖅ ᐅᖃᐅᓯᖃᕈᓐᓇᖅᐳᒍᑦ ᐃᓱᒪᑦᑎᒍᑦ ᐋᓐᓂᕈᑎᒋᓯᒪᔭᑦᑎᓐᓂ, ᐃᑲᔪᖅᐸᒡᓗᒋᑦ ᐱᖃᓐᓇᕆᔭᕗᑦ ᐃᓚᕗᓪᓗ, ᐃᓂᒃᓴᓕᐅᕐᓗᑕᓗ ᐃᓄᐃᑦ ᐅᖃᐅᓯᖃᕈᓐᓇᕐᓂᐊᕐᒪᑕ ᐊᑦᑕᕐᓇᖅᑐᒧᐊᙱᓪᓗᑎᒃ, ᐃᒃᐱᒋᔭᐅᑦᑎᐊᕐᓗᑎᒃ, ᐊᒻᒪᓗ ᐅᖃᐅᓯᕆᔭᖏᑦ ᑐᓴᖅᑕᐅᑦᑎᐊᕐᓗᑎᒃ.

ᐃᓄᑑᙱᑦᑐᑎᑦ ᐃᑲᔪᖅᑐᐃᔨᒃᓴᖃᑦᑎᐊᖅᖢᓂᓗ ᓄᓇᔅᓯᓐᓂ. ᐃᑲᔪᖅᑕᐅᔭᕆᐊᖃᕈᕕᑦ ᐃᑲᔪᖅᑕᐅᔭᕆᐊᓕᖕᒥᓪᓘᓐᓃᑦ ᖃᐅᔨᒪᒍᕕᑦ, ᐅᖃᓪᓚᖃᑎᖃᕆᑦ ᐱᖃᓐᓇᕆᔭᕐᓄᑦ, ᖃᑕᙳᑎᖕᓄᑦ, ᐃᓕᓴᐃᔨᒧᑦ, ᐃᓅᓯᓕᕆᔨᒧᑦ ᐅᕝᕙᓘᓐᓃᑦ ᐃᓐᓇᕐᒧᑦ. ᐋᓐᓂᐊᕐᕕᔅᓯᓐᓄᑦ ᐅᐸᒍᑎᓗᑎᑦ ᐃᓄᑑᖃᑎᖃᕐᓗᑎᑦ ᐃᓱᒪᓕᕆᔨᒥᒃ ᐊᒻᒪ ᐅᐃᕆᓯᒪᔪᓄᑦ ᐃᑲᔪᖅᑎᒥᒃ.

ᐃᑲᔪᖅᑕᐅᔪᒪᒍᕕᑦ, ᐅᑯᓄᖓ ᖃᐅᔨᒋᐊᕈᓐᓇᖅᐳᑎᑦ:

ᓄᓇᕗᑦ ᑲᒪᑦᓯᐊᖅᑐᑦ ᐅᖄᓚᕝᕕᖓᑦ (ᐃᓄᒃᑎᑐᑦ, ᖃᓪᓗᓈᑐᓪᓗ) 24−ᓄᑦ ᐃᑲᕋᓄᑦ, ᐱᓇᓱᐊᕈᓯᓕᒫᖅ) − ᐅᖄᓚᓗᑎᑦ 867-979-3333−ᒧᑦ ᐊᑭᖃᙱᑦᑐᒧᓪᓘᓐᓃᑦ 1-800-265-3333−ᒧᑦ.
ᒪᒥᓴᕐᓂᖅ ᐅᖃᓪᓚᖕᓂᒃᑯᑦ (ᖃᓪᓗᓈᑐᑦ) – ᖃᕆᑕᐅᔭᒃᑯᑦ ᐃᓅᓯᓕᕆᔭᐅᓂᖅ, ᐅᖃᓗᒡᓗᑎᑦ 1-888-648-0070 ᐃᕐᖐᓐᓈᖅᑕᐅᒃᑯᓪᓘᓐᓃᑦ ᐅᑯᓄᖓ ᑎᑎᕋᕐᓗᑎᒃ Healing@gov.nu.ca ᑐᑭᓯᒋᐊᒃᑲᓐᓂᕈᒪᒍᔅᓯ
ᐃᓅᓯᑦᑎᐊᕆᖕᓂᕐᒧᑦ ᐃᑲᔪᖅᑕᐅᕝᕕᒃ (ᓄᓇᕗᒻᒥ ᐃᓕᓴᕆᔭᐅᓯᒪᔪᓕᒫᑦ ᐅᖃᐅᓰᑦ ᐊᑐᖅᑕᐅᔪᓐᓇᖅᑐᑦ) − ᐃᑲᕐᕋᓄᑦ 24−ᓄᑦ, ᐱᓇᓱᐊᕈᓯᓕᒫᖅ)− ᐊᑭᖃᙱᑦᑐᖅ ᐅᖄᓚᕝᕕᐅᔪᓐᓇᖅᑐᖅ 1-855-242-3310.
ᐊᒃᓱᕈᕐᓇᖅᑐᓕᕆᔩᑦ ᑲᓇᑕᒥ (ᖃᓪᓗᓈᑐᑦ, ᐅᐃᕖᑐᑦ) − ᖃᕋᓴᐅᔭᒃᑯᑦ ᑎᑎᕋᖃᑦᑕᐅᑎᔪᓐᓇᖅᑐᑦ www.crisisservicescanada.ca−ᒧᑦ, ᐊᑭᖃᙱᑦᑐᒧᑦ ᐅᖄᓚᔪᓐᓇᖅᑐᑦ ᐅᖄᓚᐅᑎᕋᓛᒃᑯᓪᓘᓐᓃᑦ ᑎᑎᕋᕐᓗᑎᑦ 1-833-456-4566−ᒧᑦ.
ᓄᑕᖅᑲᓄᑦ ᐃᑲᔪᖅᑕᐅᔭᕆᐊᓕᖕᓄᑦ ᐅᖄᓚᕝᕕᒃ (ᖃᓪᓗᓈᑐᑦ, ᐅᐃᕕᑐᑦ) − ᐅᖄᓚᔪᓐᓇᖅᑐᑦ 1-800-668-6868, ᐊᑕᐅᑦᑎᒃᑯᑦ ᐅᖃᓪᓚᖃᑎᖃᕈᓐᓇᖅᐳᑎᑦ ᐃᕐᖐᓐᓈᖅᑕᐅᒃᑯᑦ ᐅᕗᖓ  www.kidshelpphone.ca, ᐅᖄᓚᐅᑎᕋᓛᒃᑯᓪᓗ ᑎᑎᕋᖃᑎᖃᕈᓐᓇᕆᓪᓗᑎᑦ ᐅᑯᐊ ᓇᕿᑦᑕᕐᓗᒋᑦ ‘TALK’ 686868−ᒧᑦ.

ᐃᓱᒪᔮᕈᑎᖃᕐᓂᖅ ᐋᓐᓂᐊᕈᑎᖃᕐᓂᕐᓘᓐᓃᑦ ᐅᕙᑦᑎᓐᓂᒃ ᐊᒃᑐᐃᓗᒃᑖᕐᒪᑕ. ᑐᑭᓯᒋᐊᒃᑲᓐᓂᕈᒪᒍᕕᑦ Bell-ᑯᑦ ᐅᖃᓪᓚᓚᐅᖅᑕᒥ ᐊᒻᒪ ᖃᓄᖅ ᐃᓚᒋᔭᐅᓕᕈᓐᓇᕐᒪᖔᖅᐱᑦ, ᑕᑯᒋᐊᕈᓐᓇᖅᐸᑦ letstalk.bell.ca.

###

ᑐᓴᒐᒃᓴᓂᑦ ᖃᐅᔨᒋᐊᕐᕕᒃᓴᖅ:

ᕕᒃᑑᕆᐊ ᒧᐊᒐᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
vmorgan2@gov.nu.ca