ᐅᖃᓚᐅᑎᓯᐅᑏᑦ

You are here

ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐱᓇᓱᐊᕈᓯᖅ ᐊᒻᒪᓗ ᓄᕙᒡᔪᐊᕐᓇᖅ-19

ᒪᐃ 03, 2021

ᒐᕙᒪᒃᑯᓐᓂᑦ ᐃᓄᓐᓄᑦ ᑐᓴᕋᑦᓴᖅ

ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐱᓇᓱᐊᕈᓯᖅ ᐊᒻᒪᓗ ᓄᕙᒡᔪᐊᕐᓇᖅ-19

ᐃᓱᒪᒃᑯᑦ ᖃᓄᐃᖏᑦᑎᐊᕐᓂᕐᒧᑦ ᐱᓇᓱᐊᕈᓯᖅ ᒪᐃ 3−ᒥᑦ 9-ᒨᕗᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᑎᓕᐅᕆᕗᑦ ᓄᓇᕗᒻᒥᐅᓂᒃ ᐱᕕᒃᓴᖃᖁᓪᓗᒋᑦ ᐃᓕᑦᑎᕙᓪᓕᐊᓂᕐᒧᑦ, ᐅᖃᖃᑎᖃᕐᓂᕐᒧᑦ ᐊᑕᖃᑎᖃᕐᓂᕐᒧᓪᓗ ᐱᖃᓐᓇᕆᔭᒥᓄᑦ, ᐃᓚᒥᓄᑦ ᐊᒻᒪᓗ ᐃᓐᓇᕐᓄᑦ ᐃᓱᒪᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒧᒃ ᖃᓄᐃᙱᓐᓂᕐᒧᓪᓗ.

ᑕᒪᓐᓇ ᐊᕐᕌᒍ ᐅᕙᑦᑎᓐᓂᒃ ᑕᑯᑎᑦᑎᕗᖅ ᐱᒻᒪᕆᐊᓘᓂᖓᓂᒃ ᐱᕕᒃᓴᖃᕐᓂᐊᕐᓗᓂ ᑕᐅᑐᒐᖃᓪᓗᐊᑕᕐᓗᓂ ᐃᓱᒪᒃᑯᑦ ᖃᓄᐃᖏᑦᑎᐊᕐᓂᑦᑎᓐᓂᒃ ᖃᓄᐃᙱᓐᓂᑦᑎᓐᓂᒡᓗ. ᐃᓱᒪᒃᑯᑦ ᖃᓄᐃᙱᑦᑎᐊᕌᖓᑦᑕ, ᐃᒃᐱᒋᔭᖃᕈᓐᓇᖅᐳᒍᑦ, ᐃᓱᒪᔪᓐᓇᖅᐳᒍᑦ ᐱᓕᕆᐊᖃᕈᓐᓇᖅᐳᒍᓪᓗ ᐅᕙᑦᑎᓐᓂᒃ ᐃᑲᔪᕐᓂᐊᖅᑐᑎᒍᑦ ᐊᑐᖅᑎᑦᑎᓂᕐᒥᒃ ᐊᓂᒍᖅᑎᓐᓇᓱᒋᐊᖃᖅᐸᒃᑐᓂᒃ ᑲᔪᓯᑎᑦᑎᓗᑕᓗ ᖁᕕᐊᓇᖅᑐᓂᒃ ᐃᓅᓯᕐᓂᒃ. ᐊᒻᒪᓗᑦᑕᐅᖅ ᐱᐅᓂᖅᓴᒃᑯᑦ ᐊᑐᕈᓐᓇᖅᐳᒍᑦ ᐊᓂᒍᖅᑎᓐᓇᓱᒋᐊᓕᖕᓂᒃ ᐱᐅᙱᑦᑐᓂᒡᓗ ᐊᑐᖅᑕᐅᕙᒃᑐᓂᒃ.

ᒫᓐᓇᐅᔪᒃᑯᑦ, ᐱᓕᕆᐊᒃᓴᑦᑎᑦᑎᓐᓂᒃ ᐱᓕᕆᐊᖃᖅᑐᐃᓐᓇᐅᕗᒍᑦ ᓄᓇᕗᑦ ᖁᐊᖅᓵᕐᓇᖅᑐᒦᖁᓇᒍ. ᑎᒥᒃᑯᑦ ᐅᖓᓯᒌᖃᑦᑕᕋᓗᐊᖅᑎᓪᓗᑕ, ᑲᔪᓯᑎᑦᑎᓂᖅ ᐃᓅᖃᑎᖕᓂᒃ ᑲᑎᙵᖃᑦᑕᐅᑎᓪᓗᒋᑦ ᐃᑲᔪᕈᓐᓇᖅᐳᑦ ᐊᓂᒍᐃᑎᑦᑎᓂᕐᒥᒃ ᐃᒃᐱᒋᔭᐅᔪᓂᒃ ᓇᓗᓇᕈᔪᖕᓂᕐᒥᒃ, ᐃᓄᑑᓂᕐᒥᒃ, ᑲᑉᐱᐊᓱᖕᓂᕐᒥᒡᓘᓐᓃᑦ ᐃᓛᑎᒍᑦ ᐊᑐᑐᐃᓐᓇᕆᐊᖃᖅᑕᑦᑎᓐᓂᒃ ᑕᐃᒪᐃᔾᔪᑎᖃᕐᓗᓂ ᓄᕙᒡᔪᐊᕐᓇᖅ-19−ᒧᑦ ᓄᓇᕐᔪᐊᓕᒫᒥ ᖃᓂᒪᓂᕆᔭᐅᔪᒥᒃ. ᐊᑕᖃᑎᖃᕈᓐᓇᖅᐳᒍᑦ ᐃᓄᖕᓂᒃ ᐃᒡᓗᒥᐅᑕᐅᖃᑎᒋᙱᑕᑦᑎᓐᓂᒃ ᐅᖃᖃᑎᒋᓗᒋᑦ ᐅᖄᓚᐅᑎᒃᑯᑦ, ᐊᑕᖃᑦᑕᐅᑎᓗᓂ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑯᑦ, ᐋᖅᑭᒃᓱᐃᓂᕐᒧᓪᓘᓐᓃᑦ ᐃᓅᖃᑎᑦᑎᓐᓂᒃ ᐅᖓᓯᒋᔭᑲᕋᓗᐊᕐᓗᑕ ᐳᓛᕆᐊᕐᓂᕐᓂᒃ, ᑕᒪᒃᑯᐊ ᑭᒃᑯᑐᐃᓐᓇᓂᒃ ᖃᓄᐃᙱᑎᑦᑎᓂᕐᒧᑦ ᐊᑐᖅᑕᐅᔪᑦ ᓄᓇᓕᑦᑎᓐᓂ ᑕᐃᒪᐃᑎᑦᑎᔪᓐᓇᖅᐸᑕ. ᐱᒻᒪᕆᐅᓂᖅᓴᐅᓕᖅᐳᖅ ᖃᖓᐅᓚᐅᕐᓂᖓᓂᑦ ᐱᓕᕆᓗᓂ ᐃᑲᔪᖅᑐᐃᖃᑦᑕᐅᑎᓂᐊᕐᓗᓂ.

ᐃᕝᕕᓪᓘᓐᓃᑦ ᑭᓇᒥᒡᓘᓐᓃᑦ ᖃᐅᔨᒪᔭᕐᓂᒃ ᐊᒃᓱᕈᖅᑐᖃᖅᐸᑦ, ᐳᐃᒍᖅᑕᐃᓕᒋᑦ ᐃᓄᑑᙱᓐᓂᕐᓂ. ᑭᓇᐅᓂᕐᓂᒃ ᖃᐅᔨᔭᐅᙱᒃᑲᓗᐊᕐᓗᑎᒃ ᐃᑲᔪᖅᑕᐅᓂᕐᒧᑦ, ᐅᑯᐊ ᖃᐅᔨᒋᐊᕐᕕᒋᓗᒋᑦ:

  • ᓄᓇᕗᒻᒥ ᑲᒪᑦᓯᐊᖅᑐᑦ ᐅᖃᓘᑎᖓᓄᑦ (ᐃᑲᕐᕋᓄᑦ 24−ᓄᑦ ᐅᖄᓚᕝᕕᒃᓴᖅ, ᐱᓇᓱᐊᕈᓯᓕᒫᖅ)
    • ᐅᖄᓚᓗᑎᑦ ᐅᕗᒐ, 867-979-3333 ᐊᑭᖃᙱᑦᑐᒧᓪᓘᓐᓃᑦ ᐅᕗᖓ, 1-800-265-3333
       
  • ᐊᒃᓱᕈᕐᓇᖅᑐᒃᑰᖅᑐᓄᑦ ᐱᔨᑦᑎᕋᐅᑎᑦ ᑲᓇᑕᒥ:
    • ᐅᖄᓚᓗᑎᒃ ᑎᑎᕋᕐᕕᒋᓗᒋᓪᓘᓐᓃᑦ ᐅᖄᓚᐅᑎᕋᓛᒃᑯᑦ ᐅᕗᖓ, 1-833-456-4566.
    • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.crisisservicescanada.ca.
       
  • Youthspace.ca.
    • ᐅᖃᓗᒡᓗᑎᑦ 1-833-456-4566−ᒧᑦ.
    • ᐅᖄᓚᐅᑎᒃᑯᑦ ᑎᑎᕋᕐᕕᒋᓗᒋᑦ ᐅᕗᖓ, 778-783-0177.
    • ᐃᑭᐊᖅᑭᕕᒃᑯᑦ ᐅᖃᖃᑎᖃᕈᓐᓇᕐᓂᖅ ᒪᓂᒪᕗᖅ ᐅᕙᓂ, www.youthspace.ca.
    • ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ ᐅᖃᐅᔾᔪᖅᑕᐅᓂᖅ ᒪᓂᒪᕗᖅ ᐅᕗᖓ ᐅᖄᓚᔪᖃᕐᓗᓂ, 250-478-8357−ᒧᑦ ᐅᕗᖓᓘᓐᓃᑦ ᐊᑭᓕᕆᐊᖃᙱᑦᑐᒧᑦ 1-866-478-8357.
       
  • ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ.
    • ᐅᖄᓚᔪᖃᕐᓗᓂ ᐅᕗᖓ 1-866-804-2782.
    • ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ: embracelife@inuusiq.com
    • ᑕᑯᔭᖅᑐᕐᓗᒍ ᐃᑭᐊᖅᑭᕕᒃ ᐅᓇ, www.inuusiq.com ᑐᓴᖅᑕᐅᒃᑲᓐᓂᒐᒃᓴᓄᑦ ᐃᑲᔪᖅᑐᖅᑕᐅᓂᕐᒧᓪᓗ.
       
  • ᓄᑕᖅᑲᓄᑦ ᐃᑲᔪᖅᑕᐅᕕᖕᒧᑦ ᐅᖃᓗᒡᕕᒃᓴᖅ
    • ᐅᖃᓗᒡᓗᑎᑦ 1-800-668-6868−ᒧᑦ.
    • ᑕᕝᕙᑲᐅᑎᒋ ᐅᖃᖃᑎᖃᕐᓂᖅ ᒪᓂᒪᕗᖅ ᐅᕙᓂ, kidshelpphone.ca
    • ᐅᖄᓚᐅᑎᕋᓛᒃᑯᑦ ᑎᑎᕋᕐᕕᒋᓗᒍ ᐅᓇ, 'CONNECT' ᐅᕗᖓ, 686868 ᑕᕝᕙᑲᐅᑎᒋ ᐅᖃᖃᑎᖃᕋᔭᕐᓂᕐᒥᒃ ᐅᖄᓚᐅᑎᕋᓛᒃᑯᓪᓘᓐᓃᑦ ᑎᑎᕋᕐᕕᒋᓗᒍ ᐅᓇ, ‘TALK’ ᐅᕗᖓ, 686868 ᑐᓴᖅᑎᑦᑎᔪᒪᓂᕐᒧᑦ ᐊᔪᕈᓐᓃᖅᓴᖅᓯᒪᔪᒥᒃ ᐊᑭᓕᖅᓱᖅᑕᐅᓇᓂ ᐱᓕᕆᕙᒃᑐᒥᒃ.

ᐃᕝᕕᑦ ᖃᐅᔨᒪᔭᕐᓂᒡᓘᓐᓃᑦ ᐊᒃᓱᕈᓐᓇᖅᑐᖅᓯᐅᒃᐸᑦ, ᐅᖄᓚᕝᕕᒋᓗᒋᑦ ᐸᓖᓯᒃᑯᑦ, ᓄᓇᔅᓯᓐᓂᓘᓐᓃᑦ ᐋᓐᓂᐊᕕᓕᐊᕐᕕᒃᓯ ᐅᐸᓘᒍ ᐋᓐᓂᐊᕕᓕᐊᓯᑲᐅᑎᒋᓗᑎᓪᓘᓐᓃᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑕᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca