ᐅᖃᓚᐅᑎᓯᐅᑏᑦ

You are here

ᐃᕐᓂᓱᒃᓰᕙᒃᑐᑦ ᐱᔨᑦᑎᕋᖅᑎᖏᑦ ᓄᖅᑲᖓᑎᑕᐅᓚᐅᑲᒃᑐᑦ ᑲᖏᖅᖠᓂᕐᒥ, ᓯᖓᐃᔪᑦ ᓱᓕ ᑲᒪᒋᔭᐅᖃᑦᑕᕐᓂᐊᖅᑐᑦ

ᐊᒐᓯ 04, 2020

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐃᕐᓂᓱᒃᓰᕙᒃᑐᑦ ᐱᔨᑦᑎᕋᖅᑎᖏᑦ ᓄᖅᑲᖓᑎᑕᐅᓚᐅᑲᒃᑐᑦ ᑲᖏᖅᖠᓂᕐᒥ, ᓯᖓᐃᔪᑦ ᓱᓕ ᑲᒪᒋᔭᐅᖃᑦᑕᕐᓂᐊᖅᑐᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓯᖓᐃᔪᓂᑦ ᑐᓴᖁᔨᕗᑦ ᑭᕙᓪᓕᕐᒥᐅᓂᑦ ᐃᕐᓂᓱᒃᓰᕙᒃᑐᑦ ᐊᓯᔾᔨᖅᓯᒪᓕᕐᒪᑕ ᑲᖏᖅᖠᓂᕐᒥ, ᐃᕐᓂᓱᒃᓰᔨᒃᓴᓂᒃ ᐃᖅᑲᓇᐃᔭᖅᑎᒃᓴᖅᓯᐅᖅᑐᑦ ᐊᔪᕐᓇᖅᑐᖅᓯᐅᕐᓂᖏᓐᓄᑦ ᓄᓇᕗᒻᒥ ᑲᓇᑕᓕᒫᒥᓗ.
ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ, ᑲᖏᖅᖠᓂᕐᒥ ᐃᕐᓂᓱᒃᓰᕙᒃᑐᑦ ᓄᖅᑲᖓᑎᑕᐅᓚᐅᑲᒃᑐᑦ ᐃᖅᑲᓇᐃᔭᖅᑎᖃᑦᑎᐊᓕᕈᑎᒃ ᑭᓯᐊᓂ.

ᑲᖏᖅᖠᓂᕐᒥ ᐃᕐᓂᓱᒃᓰᔨᒃᓴᖃᙱᓐᓂᖓᓄᑦ, ᓯᖓᐃᔪᑦ ᑭᕙᓪᓕᕐᒥᐅᑦ ᖃᐅᔨᓴᖅᑕᐅᓚᐅᕐᓗᑎᒃ, ᐊᑦᑕᕐᓇᙱᓐᓂᖅᐹᒥᒃ ᒪᓕᒡᓗᑎᒃ, ᐃᖃᓗᖕᓄᑦ ᐅᐃᓂᐹᒡᒧᓪᓘᓐᓃᑦ ᐃᕐᓂᔭᖅᑐᖅᑎᑕᐅᖃᑦᑕᕐᓂᐊᖅᑐᑦ.

ᓯᖓᐃᔪᑦ ᑲᒪᒋᔭᐅᖃᑦᑕᐃᓐᓇᕐᓂᐊᖅᑐᑦ ᐊᒻᒪ ᓘᒃᑖᓂᒃ ᐃᑲᔪᖅᑎᒃᓴᒃᑲᓐᓂᕐᓂᒃ ᐊᒻᒪᓗ ᓯᖓᐃᔪᓕᕆᔨᓂᑦ ᕿᑭᖅᑕᓂ ᐋᓐᓂᐊᕕᐊᓗᖕᒥ ᐃᑲᔪᖅᑎᖃᖃᑦᑕᕐᓂᐊᖅᖢᑎᒃ ᓯᖓᐃᔪᑦ ᑲᒪᒋᔭᐅᑎᓪᓗᒋᑦ ᑲᖏᖅᖠᓂᕐᒥ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᕐᓂᓱᒃᓰᕕᖕᒥ ᓯᖓᐃᔪᓂᑦ/ᐃᓅᓵᖅᑐᓂᑦ ᐋᓐᓂᐊᕐᕕᖕᒥ ᐱᔨᑦᑎᕋᑦᑎᐊᕈᒪᓪᓚᕆᒃᐳᑦ ᓄᓇᕗᒻᒥ ᒫᓐᓇᓗ ᖃᓄᖅᑑᕈᑎᒃᓴᓂᒃ ᕿᒥᕐᕈᕙᓪᓕᐊᓪᓗᑎᒃ ᐃᕐᓂᓱᒃᓰᔨᒃᓴᓂᒃ ᐃᖅᑲᓇᐃᔭᖅᑎᒃᓴᖅᓯᐅᕐᓗᑎᒃ ᐃᖅᑲᓇᐃᔭᖅᑎᖃᐃᓐᓇᕐᓗᑎᒡᓗ ᐃᕐᓂᓱᒃᓰᕝᕕᒃᑕᖃᓕᒃᑲᓐᓂᖁᓪᓗᒍ ᕿᓚᒻᒥᐅᓂᖅᐹᒃᑯᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca