ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᕆᔭᐅᕙᒃᑯᒥᑦ ᐅᔾᔨᖅᓴᑦᑎᐊᕐᓂᕐᒧᑦ ᑕᕿᖅ

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᕆᔭᐅᕙᒃᑯᒥᑦ ᐅᔾᔨᖅᓴᑦᑎᐊᕐᓂᕐᒧᑦ ᑕᕿᖅ

ᒫᔾᔨ ᑲᓇᑕᓕᒫᒥᑦ ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᕆᔭᐅᕙᒃᑯᑐᒥᑦ ᐅᔾᔨᖅᓴᑦᑎᐊᕐᓂᕐᒧᑦ ᑕᕿᕆᔭᐅᕗᖅ. ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᖃᕐᓂᖅ ᐊᒃᑐᐊᓂᖃᕐᐳᖅ ᓂᕆᔭᑦᑎᓐᓂ ᑎᒥᒧᐊᖅᑎᕆᓂᕐᒧᑦ ᑕᐃᔭᐅᕙᒃᑐᖅ ᐃᖅᖢᐊᒃᑯᑦ ᐅᕝᕙᓗᓐᓃᑦ ᐃᓇᓗᐊᒃᑯᑦ ᐋᓐᓂᐊᖅ ᐅᕝᕙᓘᓐᓃᑦ ᐱᕈᖅᑐᖃᓕᖅᐸᑦ. ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᕆᔭᐅᕙᒃᑐᖅ ᐱᔪᓐᓃᖅᐹᓪᓕᖅᑎᑕᐅᔪᓐᓇᖅᑐᖅ ᖃᐅᔨᓴᖅᑕᐅᒐᔪᖕᓂᒃᑯᑦ ᐊᒻᒪᓗ ᐱᔪᓐᓃᖅᑎᑕᐅᔪᓐᓇᖅᖢᓂ ᖃᐅᔭᐅᓵᓕᒃᐸᑦ.

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᕙᓪᓕᐊᑎᑦᑎᔪᑦ ᐋᕿᒃᓱᖅᓯᒪᔪᒥᑦ ᖃᐅᔨᓴᖅᑕᐅᓂᕐᒧᑦ ᐱᓕᕆᐊᕐᒥᑦ ᖃᐅᔨᔭᐅᓵᓕᔪᓐᓇᕐᒪᑕ ᐅᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦᐋᓐᓂᐊᖃᕐᓂᕐᒧᑦ. ᖃᐅᔨᓴᖅᑕᐅᓂᖅ ᐃᑲᔫᑎᒋᔭᐅᔪᓐᓇᖅᑐᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᖃᐅᔨᓴᖅᑕᐅᔾᔪᑎᓂ ᐊᓐᓂᐊᖃᕐᕆᐊᒃᓴᖓᓂ ᖃᐅᔨᓇᓱᖕᓂᕐᒧᑦ ᐋᓐᓂᐊᖃᑦᑕᖏᒃᑲᓗᐊᖅᐸᑦ ᐅᕝᕙᓘᓐᓃᑦ ᖃᐅᔨᔾᔪᑕᐅᔪᓐᓇᖅᑐᓂᒃ.

ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᖃᕐᓂᕐᒧᑦ ᖃᐅᔨᓴᖅᑕᐅᓂᖅ ᐊᑐᓕᖁᔭᐅᔪᖅ ᑖᒃᑯᓄᖓ ᐅᑭᐅᓕᖕᓄᑦ 50ᒥᑦ 74ᒧᑦ ᐊᒻᒪᓗ ᐱᓕᕆᐊᕆᔭᐅᔪᓐᓇᖅᖢᓂ ᒪᕐᕉᒃ ᐅᑭᐅᑦ ᐅᓂᒍᕌᖓᒥᑦ. ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᖃᐅᔨᓴᖅᑕᐅᓂᖅ ᐱᓕᕆᐊᕆᔭᐅᔪᓐᓇᖅᑐᖅ ᐊᖏᕐᕋᖓᓐᓂ ᐊᒻᒪᓗ ᖃᖓᑐᐃᓐᓇᖅ ᐊᑐᕐᓗᓂ ᐊᔪᕐᓇᖏᑦᑐᒥ ᖃᐅᔨᓴᖅᑕᐅᔾᔪᑎᒥᑦ. ᐱᔭᕆᐊᖃᖏᑦᑐᑎᑦ ᓂᕆᑦᑕᐃᓕᓂᕐᒥᑦ ᐅᕝᕙᓘᓐᓃᑦ ᓂᕆᔭᕆᐊᖃᖃᑦᑕᖅᑐᓂᒃ ᐅᕝᕙᓘᓐᓃᑦ ᐄᔭᒐᕆᐊᖃᕐᓂᖅ ᖃᐅᔨᓴᖅᑕᐅᓂᕐᒧᑦ. 

ᐃᖅᖢᒃᑯᑦ ᐅᕝᕙᓗᓐᓃᑦ ᐃᓇᓗᐊᒃᑯᑦ ᐊᓐᓂᐊᖃᕆᐊᒃᓴᖓᓂ ᖃᐅᔨᓴᖅᑕᐅᓂᖅ ᐃᓅᓯᕐᒥᑦ ᓴᐳᔾᔨᔪᓐᓇᖅᑐᖅ. ᐱᔪᒥᓴᐃᕗᒍᑦ ᓄᓇᕗᒻᒥᐅᓂ ᖃᐅᔨᒋᐊᖁᔨᕗᒍᑦ ᐋᓐᓂᐊᕐᕕᒡᙳᓐᓄ ᓇᓗᓇᐃᔭᐃᓗᑎᑦ ᖃᐅᔨᓴᖅᑕᐅᔭᕆᐊᖃᕐᒪᖔ ᐊᒻᒪᓗ ᑐᑭᓯᒋᐊᒃᑲᓐᓂᕐᓗᑎᑦ ᐃᖅᖢᐊᒃᑯᑦ ᐅᕝᕙᓘᓐᓃᑦ ᐃᓇᓗᐊᒃᑯᑦ ᐋᓐᓂᐊᖃᕐᓂᕐᒥᑦ. 

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑖᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca