ᐅᖃᓚᐅᑎᓯᐅᑏᑦ

You are here

ᐃᖅᑲᐃᓯᒋᐊᕈᑎ: ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᔪᑦ − ᑎᑭᕋᕐᔪᐊᕐᒥ

ᐊᒃᑐᐸ 15, 2018

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᑐᓴᖅᑎᑦᑎᔾᔪᑎ

ᑎᑭᕋᕐᔪᐊᖅ, ᓄᓇᕗᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᑭᕋᕐᔪᐊᕐᒥᐅᓕᒫᓂᒃ ᐃᖅᑲᐃᓯᔪᒪᕗᑦ ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓪᓗᑎᒃ ᐃᒥᓚᐅᙱᓐᓂᕐᒥᓂᒃ ᐅᖃᐅᓯᐅᒃᑲᓐᓚᐅᙱᓐᓂᖓᓂ.

ᑕᒪᓐᓇ ᐅᔾᔨᖅᓱᕈᑕᐅᕗᖅ ᐱᓪᓗᒍ ᖁᐱᕐᕈᐊᕐᔪᖃᕐᓂᖓ ᐃᒪᖃᐅᑎᖃᕐᕕᖓᓂ.

ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᑎᓪᓗᒋᑦ ᐃᒥᖅᑕᐅᓂᐊᖅᑐᓕᒫᑦ ᖃᓛᖅᑎᓯᒪᔭᕆᐊᖃᖅᐳᑦ 1-ᒥᓂᑦᒥᑦ ᑭᒡᓕᖃᖅᑐᒥᑦ.

ᐃᒪᓕᒫᑦᑎᐊᑦ ᖃᓛᖅᑎᑕᐅᔭᕆᐊᖃᓪᓚᕆᒃᐳᑦ ᐅᑯᓄᖓ ᐊᑐᖅᑕᐅᓂᐊᖅᑐᑦ:

  • ᐃᒥᕐᓂᐊᕐᓗᒍ;
  • ᐊᒫᒪᒃᑕᐅᓂᐊᖅᑐᓄᑦ ᓄᑕᕋᓛᓄᑦ;
  • ᐃᒥᒐᒃᓴᓕᐅᕐᓂᐊᕐᓗᓂ ᓂᓚᓕᐅᕐᓂᐊᕐᓗᓂᓗ;
  • ᓰᕐᓇᖅᑐᓂᒃ ᐱᕈᖅᑐᓂᒡᓗ ᐃᕐᕈᖅᑐᐃᓂᐊᕐᓗᓂ;
  • ᓂᖅᖠᐅᕐᓂᐊᕐᓗᓂ; ᐅᕝᕙᓘᓐᓃᑦ
  • ᑭᒍᑎᓯᐅᕐᓂᐊᕐᓗᓂ

ᐃᒥᕐᒥᑦ ᖃᓛᖅᑎᑦᑎᔪᓐᓇᖅᑐᑎᑦ ᐅᒃᑯᓯᖕᒧᑦ ᖃᑦᑕᕐᒧᓪᓘᓐᓃᑦ ᐃᒐᐅᑉ ᖄᖓᒍᑦ ᐅᕝᕙᓘᓐᓃᑦ ᑲᑉᐳᔾᔭᕆᐊᓕᖕᒧᑦ ᐆᓇᖅᓯᑦᑏᔾᔪᑎᒧᑦ ᐃᒻᒥᓂᒃ ᖃᒥᓲᖑᙱᑦᑐᒧᑦ. ᐃᒪᕐᒥᒃ ᖃᓛᖅᑎᑦᑎᑲᑕᖁᔭᐅᓂᖅ ᐅᑯᓂᖓᑐᐊᖅ ᐊᑐᕐᓗᓂ ᑎᑎᕋᖅᓯᒪᔪᓂᒃ ᖁᓛᓂ.

ᐃᓐᓇᐃᑦ, ᒪᒃᑯᒃᑐᑦ ᐊᒻᒪ ᐊᖏᓂᖅᓴᐃᑦ ᓄᑕᖅᑲᑦ ᐅᐊᓴᕈᓐᓇᖅᑐᑦ ᖁᓛᒍᑦ ᑯᕕᓲᒃᑯᑦ ᐊᑐᕐᓗᑎᒃ , ᐅᕕᓂᖕᓂᐊᕈᓐᓇᖅᑐᑦ ᐅᕝᕙᓘᓐᓃᑦ ᐅᐊᓴᕈᓐᓇᖅᑐᑦ ᐊᑐᕐᓗᑎᒃ ᑯᕕᔪᒥᑦ ᐃᒪᕐᒥᒃ, ᑭᓯᐊᓂ ᓂᐅᖅᑕᐃᓕᒪᓗᒍ. ᓄᑕᕋᓛᑦ, ᐱᓱᒋᐅᖅᑐᑦ ᐊᒻᒪ ᐃᓄᐃᑦ ᐋᓐᓂᐊᓖᑦ ᐊᓪᓚᕈᑎᓛᕐᒧᑦ ᐅᐊᓴᖅᑕᐅᓗᑎᒃ ᐄᓯᖁᓇᒋᑦ ᐃᒪᕐᒥᒃ.

ᐊᒡᒐᑎᑦ ᐅᐊᓴᐃᓐᓇᕈᓐᓇᖅᑕᑎᑦ ᑯᕕᔪᒧᑦ ᐃᒪᕐᒧᑦ. ᐊᒡᒐᑎᑦ ᐅᐊᓴᑦᑎᐊᕐᓗᒋᑦ ᐅᐊᓴᐅᑎᒧᑦ ᐃᒪᕐᒧᓪᓗ 20 ᑎᑦᑕᑯᓗᖕᓄᑦ.

ᓄᓇᓕᖕᓂ ᒐᕙᒪᒃᑯᓐᓂᓗ ᐱᔨᑦᑎᕋᖅᑎᒃᑯᑦ ᐃᓕᓯᓇᓱᒃᑐᑦ ᐊᑐᓚᐅᑲᖕᓂᐊᖅᑐᒥᒃ ᐃᒪᑦᑎᐊᕙᓕᐅᕈᑎᒥᒃ ᐋᖅᑭᒃᓯᒪᔪᖅ ᑕᒪᕐᒥᒃ ᖁᐱᕐᕈᐊᕐᔪᐃᑦ ᐲᔭᖁᓪᓗᒋᑦ. ᓄᑖᙳᕆᐊᖅᓯᒪᔪᓂᒃ ᑐᓴᖅᑎᑦᑎᔪᖃᖃᑦᑕᕐᓂᐊᖅᐳᖅ ᓄᓇᓕᖕᒥᐅᓄᑦ ᒪᓂᒪᓕᑐᐊᕌᖓᑕ.

ᑐᓴᕆᐊᒃᑲᓐᓂᕈᒪᒍᕕᑦ, ᓄᓇᓕᐅᔪᑦ ᐅᖃᓗᒍᓐᓇᖅᑐᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᐊᕙᑎᓕᕆᓂᕐᒧᑦ ᐋᓐᓂᐊᖃᕐᓇᙱᑦᑐᓕᕆᔨᖓᓄᑦ ᐅᕗᖓ 867-645-8071.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᒐᕕᓐ ᓴᑦᑕᓐ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
gsutton@gov.nu.ca