ᐅᖃᓚᐅᑎᓯᐅᑏᑦ

You are here

E. coli-ᒥ ᓱᕈᕐᓇᖅᑐᖃᑐᐃᓐᓇᕆᐊᓖᑦ ᐱᕈᖅᑐᕕᓂᕐᓂᑦ (romaine lettuce)

ᓄᕕᐱᕆ 23, 2018

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᐅᖃᐅᔾᔨᒋᐊᕐᓂᖅ

E. coli-ᒥ ᓱᕈᕐᓇᖅᑐᖃᑐᐃᓐᓇᕆᐊᓖᑦ ᐱᕈᖅᑐᕕᓂᕐᓂᑦ (romaine lettuce) 

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓄᓇᕗᒻᒥᐅᓕᒫᓂᒃ ᐅᖃᐅᔾᔨᕗᑦ ᑲᓇᑕᒥ ᓂᕿᓂᒃ ᖃᐅᔨᓴᖅᑎᖏᑦ ᖃᐅᔨᓴᕐᒪᑕ E. coli-ᒥᑦ ᓱᕈᕐᓇᖅᑐᖃᕐᓂᕋᖅᑕᐅᖏᓐᓇᖅᑐᓂᑦ ᐋᓐᑎᐅᕆᐅᒥᑦ, ᑯᐸᐃᖕᒥᑦ ᐊᒻᒪ ᓂᐅ ᐳᕋᓐᔅᕕᒃᒥᑦ ᐱᕈᖅᑐᕕᓂᕐᒥᑦ ᓂᕆᔪᖃᓚᐅᖅᑎᓪᓗᒍ ᖃᐅᔨᒪᔭᐅᙱᑦᑐᒥᑦ ᓂᐅᕐᕈᑎᒃᓴᓕᐅᖅᐸᒃᑐᓂᑦ ᐱᔭᐅᔪᕕᓂᕐᒥᑦ.

ᓯᖓᐃᔪᑦ, ᐃᓐᓇᐃᑦ ᐊᒻᒪ ᐃᓄᐃᑦ ᐊᓐᓇᐅᒪᔾᔪᑎᖃᑦᑎᐊᕈᓐᓃᖅᑐᑦ ᖁᐊᖅᓵᕐᓇᖅᑐᒦᓛᖑᕗᑦ ᐊᒻᒪ ᐅᔾᔨᖅᓱᑦᑎᐊᕐᓗᑎᒃ ᐊᓯᖔᙱᓐᓂᒃ ᐱᕈᖅᑐᕕᓂᕐᓂᒃ ᓂᕆᖃᑦᑕᖁᔭᐅᕗᑦ.

ᐱᕈᖅᑐᕕᓃᑦ (lettuce) ᐃᕐᕈᖅᑐᖅᑕᐅᓯᒪᙱᑦᑐᑦ ᐅᑯᐊᓗ ᐃᓗᐃᑦᑐᑦ ᐱᕈᖅᑐᕕᓂᑦ ᐴᖅᓯᒪᓪᓗᑎᒃ ᒪᑐᑦᑎᐊᖅᓯᒪᔪᒥᑦ ᓂᐅᕕᐊᒃᓴᐅᓲᑦ, ᑲᒪᒋᔭᐅᔭᕆᐊᖃᖅᐳᑦ ᐊᒻᒪ ᐃᕐᕈᖅᑐᖅᑕᐅᕙᒡᓗᑎᒃ ᐅᑯᐊ ᒪᓕᒡᓗᒋᑦ:

  • ᐱᕈᖅᑐᕕᓂᐅᑉ ᖄᖏᑦ ᐲᔭᕐᓗᒋᑦ.
  • ᐱᕈᖅᑐᕕᓂᖅ ᐴᖅᓯᒪᙱᑦᑐᖅ ᐃᕐᕈᖅᑐᕐᓗᒍ ᓂᒡᓕᓇᕈᔪᒃᑐᒧᑦ ᐃᒪᕐᒧᑦ ᑯᕕᑎᑦᑎᓗᑎᑦ. ᐃᒪᐅᑉ ᐊᓯᐊᓂᒃ ᐊᑐᕆᐊᖃᙱᑦᑐᑎᑦ, ᐃᒪᕐᒧᑦ ᐃᕐᕈᖅᑐᖅᖢᒋᑦ ᐱᕈᖅᑐᕕᓃᑦ ᓲᕐᓗ ᓴᓗᒻᒪᖅᓴᐅᑎᑐᑦ ᐱᐅᑎᒋᕗᑦ.
  • ᐃᕐᕈᖅᑐᐃᓐᓇᕐᓗᒍ ᑭᓯᐊᓂ ᓱᕈᕈᔫᔪᓐᓃᖅᐸᑦ.
  • ᐱᕈᖅᑐᕕᓂᖅ ᐃᒫᓃᑎᑦᑕᐃᓕᓗᒍ ᑕᑖᖅᑐᒧᑦ. ᐱᕈᖅᑐᕕᓂᖅ ᖁᐱᕐᕈᐊᕐᔪᖕᓂᑦ ᐅᐊᓴᕐᕕᖕᒥᙶᖅᑐᓂᑦ ᓱᕈᕈᓐᓇᕐᒪᑦ.
  • ᐱᕈᖅᑐᕕᓂᖅ ᖁᐊᒃᑯᕕᖕᒦᑎᑦᑐᓐᓇᖅᑐᖅ ᐅᓪᓗᓄᑦ 7−ᓄᑦ. ᐱᕈᖅᑐᕕᓂᖅ ᐃᒋᓪᓗᒍ ᐱᐅᔪᓐᓃᓕᖅᐸᑦ ᑲᔪᕈᔫᓕᖅᐸᓪᓘᓐᓃᑦ.
  • ᓂᕿᓕᐅᕈᑎᓕᒫᑦ, ᐊᓪᓕᕋᐃᑦ, ᐊᒡᒍᕐᕖᑦ ᐊᒻᒪ ᓂᕿᒧᑦ ᐴᑯᓗᐃᑦ ᐅᐊᓴᑦᑎᐊᕆᐊᓖᑦ ᐆᓇᔪᒃᑐᒧᑦ ᐃᒪᕐᒧᑦ ᐅᐊᓴᐅᑎᓕᖕᒧᑦ ᐱᕈᖅᑐᕕᓂᕐᒥᑦ ᑲᒪᓯᒋᐊᓚᐅᙱᑎᓪᓗᑎᑦ ᐊᒻᒪ ᑲᒫᓂᒃᑎᓪᓗᑎᑦ.

ᓂᕆᑐᐃᓐᓇᕆᐊᓖᑦ ᐱᕈᖅᑐᕕᓃᑦ ᒪᑐᑦᑎᐊᖅᓯᒪᔪᒧᑦ ᐴᖅᓯᒪᔪᑦ ᐊᒻᒪ ᓇᓗᓇᐃᖅᓯᒪᓪᓗᑎᒃ ᐅᐊᓴᖅᓯᒪᓂᖏᓐᓂᒃ, ᐅᐊᓴᖅᐸᒌᖅᓯᒪᓂᖏᓐᓂᒃ ᐅᕝᕙᓘᓐᓃᑦ ᐱᖓᓱᐃᖅᖢᑎᒃ ᐅᐊᓴᖅᓯᒪᓂᖏᓐᓂᒃ ᐅᐊᓴᖅᑕᐅᒃᑲᓐᓂᕆᐊᖃᙱᑦᑐᑦ. ᐱᕈᖅᑐᕕᓃᑦ ᖁᐊᒃᑯᕕᖕᒦᑎᑕᐅᖃᑦᑕᕆᐊᖃᕆᕗᑦ ᐊᒻᒪ ᐃᓱᓕᕝᕕᒃᓴᐅᑎᖓᑕ ᑐᖔᓂ ᐊᑐᖅᑕᐅᔭᕆᐊᓖᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᑲᓇᑕᒥ ᓂᕿᓂᒃ ᖃᐅᔨᓴᖅᑎᑦ ᐅᖄᓚᕝᕕᒋᔪᓐᓇᖅᐸᑎᑦ ᐅᕗᖓ 1-866-225-0709 ᖃᕆᓴᐅᔭᒃᑯᓪᓘᓐᓃᑦ ᑕᑯᒋᐊᕐᓗᒋᑦ ᐅᕗᖓ https://www.canada.ca/en/public-health/services/public-health-notices/2018/outbreak-ecoli-infections-linked-romaine-lettuce.html.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕌ ᐹᑐᓴᓐ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
spaterson@gov.nu.ca