ᐊᑕᐅᓯᕐᒥᒃ ᓄᑖᒥᒃ ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᓕᒻᒥᒃ ᓄᓇᕗᒻᒥ

ᐱᕙᓪᓕᐊᔪᖅ ᓴᖅᑭᑎᑕᐅᔪᖅ

ᐊᑕᐅᓯᕐᒥᒃ ᓄᑖᒥᒃ ᓇᓗᓇᐃᖅᑕᐅᔪᖃᖅᑐᖅ ᓄᕙᔾᔪᐊᕐᓇᖅ 19-ᓕᒻᒥᒃ ᓄᓇᕗᒻᒥ

ᐃᖃᓗᐃᑦ, ᓄᓇᕗᑦ (ᑎᓯᐱᕆ 1, 2020) − ᐅᓪᓗᒥ, ᓄᓇᕗᒻᒥ ᑲᑎᓕᒫᖅᑐᒋᑦ 93 ᓇᓗᓇᐃᖅᑕᐅᓯᒪᔪᑦ ᓄᕙᔾᔪᐊᕐᓇᖅᑐᖃᖅᑐᑦ ᑲᑎᓕᒫᖅᑐᒋᓪᓗ 89 ᖃᓄᐃᒍᓐᓃᖅᓯᒪᔪᑦ. ᐊᑕᐅᓯᕐᒥᒃ ᓄᑖᒥᒃ ᓇᓗᓇᐃᖅᑕᐅᓯᒪᔪᖃᖅᑐᖅ ᐊᕐᕕᐊᓂ, ᓄᓇᖓᓐᓂ ᑲᑎᓪᓗᒋᑦ ᓇᓗᓇᐃᖅᑕᐅᓯᒪᔪᑦ 76.

“ᖃᓱᔭᐅᕙᓪᓕᐊᑎᓪᓗᒋᑦ ᒪᓕᑦᑕᐅᒋᐊᓖᑦ ᐃᓚᖏᓐᓂ ᓄᓇᓕᓐᓂ ᐊᕕᑦᑐᖅᓯᒪᓂᐅᔪᓂᓗ ᖃᐅᑉᐸᑦ, ᐱᒻᒪᕆᐅᕗᖅ ᓱᓕ ᐊᑦᓱᕉᑎᖃᕆᐊᖃᕐᓂᕗᑦ ᒪᓕᓪᓗᒋᓪᓗ ᓄᑖᑦ ᒪᓕᑦᑕᐅᒋᐊᖃᖅᑎᑕᐅᔪᑦ,” ᐅᖃᖅᓯᒪᔪᖅ ᓘᑦᑖᖅ ᒪᐃᑯᓪ ᐸᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᖏᑦᑐᓕᕆᔨᒻᒪᕆᒃ. “ᑕᒪᓐᓇ ᐅᓪᓚᐅᑎᑯᑖᖅᑐᑎᑑᑦ ᐊᑯᓂᐅᓂᐊᖅᑐᖅ, ᕿᓚᒥᒃᑯᑦ ᐅᓪᓚᓵᕐᓂᐅᒍᓐᓇᙱᑦᑐᖅ ᖃᓄᐃᓕᒋᐊᕈᑎᒋᕙᑦᑕᕗᓪᓗ ᐅᓪᓚᒐᓚᐅᓂᐊᖅᑐᓂ, ᐱᓇᓱᐊᕈᓯᒐᓚᐅᓂᐊᖅᑐᓂ ᑕᖅᑭᒐᓚᐅᓂᐊᖅᑐᓂᓗ ᓇᓗᓇᐃᖅᓯᒍᑕᐅᓯᓛᖅᑐᑦ ᖃᓄᐃᓕᖓᒍᑎᖃᕐᓂᑎᓐᓄᑦ ᓄᕙᔾᔪᐊᕐᓇᖅ 19-ᒧᑦ ᓄᓇᕗᒻᒥ.”

ᑲᑎᔭᒥᓂᐅᔪᓂᒃ ᖃᐅᔨᓴᖅᐸᓪᓕᐊᖏᓐᓇᖅᑐᑦ ᐊᑦᑐᖅᑕᐅᓯᒪᔪᓕᒫᓂ ᓄᓇᓕᓐᓂ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᐃᖅᑲᓇᐃᔭᖅᑏᑦ ᖃᐅᔨᒋᐊᕐᕕᖃᐃᓐᓇᖅᑐᑦ ᑭᒃᑯᓕᒫᓂᒃ ᐊᓂᑦᑕᐃᓕᒋᐊᖃᖅᑎᑕᐅᔪᓂᒃ. ᓄᕕᐱᕆ 30-ᒧᓄᑦ, 213 ᖃᐅᔨᓴᖅᑕᐅᓯᒪᔪᑦ ᑲᖏᖅᖠᓂᕐᒥᒃ ᓄᕙᔾᔪᐊᕐᓇᖅᑐᖃᙱᑦᑐᑦ. ᐊᕐᕕᐊᓂ ᖃᐅᔨᓴᖅᑕᐅᓯᒪᔪᑦ 576 ᓄᕙᔾᔪᐊᕐᓇᖅᑐᖃᙱᑦᑐᑦ. ᖃᐅᔨᓴᖅᑕᐅᓯᒪᔪᑦ ᑎᑭᕋᕐᔪᐊᒥ 121 ᓄᕙᔾᔪᐊᕐᓇᖅᑐᖃᙱᑦᑐᑦ. ᖃᐅᔨᓴᖅᑕᐅᕙᓪᓕᐊᖏᓐᓇᖅᑐᑦ ᓴᓂᑭᓗᐊᕐᒥ.

ᑭᓇᑐᐃᓐᓇᖅ ᖃᓂᒋᔭᖃᖅᑐᒥᓂᐅᓱᕆᒍᓂ ᓄᕙᔾᔪᐊᕐᓇᖅ 19-ᓕᒻᒧᑦ ᐅᖄᓚᖁᔭᐅᔪᖅ ᓄᕙᔾᔪᐊᕐᓇᐅᑉ ᒥᑦᓵᓄᑦ ᐅᖃᓚᕕᒻᒧᑦ 1-888-975-8601 ᐊᑯᓐᓂᖏᓐᓂ 10 ᐅᓪᓛᓴᒃᑯᑦ ᐊᒻᒪᓗ 6 ᐅᓐᓄᓴᒃᑯᑦ, ᖃᐅᔨᒃᑲᐃᑦᓴᐅᑎᒋᓗᑎᓪᓘᓐᓃᑦ ᓄᓇᓕᓐᓂ ᐋᓐᓂᐊᕐᕕᖓᓄᑦ, ᐊᓂᑦᑕᐃᓕᑦᓴᐅᑎᒋᓕᕐᓗᑎᓪᓗ ᐊᖏᕐᕋᒥᓐᓂᒃ ᐅᓪᓗᓂᒃ 14-ᓂᒃ. ᐅᐸᒍᑎᑦᑕᐃᓕᓗᑎᒃ ᐋᓐᓂᐊᕐᕕᒻᒧᑦ.

ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐃᑲᔫᑎᑦᓴᐃᓪᓗ ᒥᑦᓵᓄᑦ ᓄᕙᔾᔪᐊᕐᓇᖅ 19 ᓄᓇᕗᒻᒥ, ᐅᕗᖓᕐᓗᑎᑦ: https://www.gov.nu.ca/health/information/covid-19-novel-coronavirus

ᓄᑖᖑᓂᖅᐹᓂᒃ ᑐᑭᓯᒋᐊᖃᑦᑕᕈᒪᒍᕕᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒪᓕᑦᑕᐅᒋᐊᓕᓐᓂᒃ, ᐅᕗᖓᕐᓗᑎᑦ: https://www.gov.nu.ca/health/information/nunavuts-path

ᑐᓴᖅᑎᑦᓯᒋᐊᓚᖓᔪᑦ ᐱᕙᓪᓕᐊᔪᓕᕆᔨᓂᒃ ᖃᐅᔨᒃᑲᐃᓕᖅᑲᑕ 11:00 ᐅᓪᓛᓴᒃᑯᑦ ᑲᓇᓐᓇᕐᒥ ᓯᕿᕐᖑᔭᖓᒍᑦ, ᐱᖓᑦᓯᕐᒥ, ᑎᓯᐱᕆ 2.

###

ᐱᕙᓪᓕᐊᔪᓂᑦ ᖃᐅᔨᒋᐊᕐᕕᒃᓴᖅ

ᑲᐃᑦ ᒪᒡᓚᐅᑦ
ᐱᕙᓪᓕᔪᓄᑦ ᑎᑎᕋᖅᑎ ᓯᕗᓕᖅᑎᒧᑦ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᓂᖕᓄᑦ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᓕᕆᕝᕕᖓ
867-975-5949
cpuglia@gov.nu.ca