ᐅᖃᓚᐅᑎᓯᐅᑏᑦ

You are here

ᐊᕐᕕᓂᓕᖕᓂᑦ ᓄᑖᓂᑦ ᓄᕙᒃᔪᐊᕐᓇᖅ-19−ᒧᑦ ᐱᑕᖃᓕᕐᐳᖅ ᐊᕐᕕᐊᓂ

ᕕᕝᕗᐊᓕ 18, 2021

ᐱᕙᓪᓕᐊᔪᑦ ᓴᖅᑭᑎᑕᐅᔪᑦ

ᐊᕐᕕᓂᓕᖕᓂᑦ ᓄᑖᓂᑦ ᓄᕙᒃᔪᐊᕐᓇᖅ-19−ᒧᑦ ᐱᑕᖃᓕᕐᐳᖅ ᐊᕐᕕᐊᓂ

ᐃᖃᓗᐃᑦ, ᓄᓇᕗᑦ (ᕕᕗᐊᕆ 18, 2021) – ᐅᓪᓗᒥ, ᓄᓇᕗᑦ ᐊᕐᕕᓂᓕᖕᓂᑦ ᓄᑖᓂᒃ ᐱᖃᖅᑐᖃᖅᐳᖅ ᓄᕙᒡᔪᐊᕐᓇᖅ-19. 27-ᖑᔪᑦ ᓇᓗᓇᐃᖅᑕᐅᓯᒪᔪᑦ ᓄᕙᒃᔪᐊᓕᖅᑐᑦ ᓄᓇᕗᒻᒥ, ᑕᒪᕐᒥᒃᓗ ᐊᕐᕕᐊᒦᖦᖢᑎᒃ.

“ᑐᑭᓯᐅᒪᔪᖓ ᖃᓄᑎᒋ ᐊᒃᓱᕈᕐᓇᕐᓂᖓ ᖃᔅᓯᐊᕐᔪᑦ ᑕᖅᑭᕆᓵᖅᑕᑦᑎᓐᓂ ᐱᓵᖅᑐᖅ ᐊᕐᕕᐅᒥᐅᓄᑦ ᖃᐅᔨᒪᓪᓗᖓᓗ ᖁᕝᕙᕆᐊᕐᓂᖓ ᐱᖃᓕᖅᑐᓂ ᒫᓐᓇᓵᖅ ᓄᒫᓇᕐᓂᖓᓂᒃ,” ᐅᖃᖅᑐᖅ ‘ᓗᒃ’ᑕᖅ ᒪᐃᑯᓪ ᐹᑐᓴᓐ, ᓄᓇᕘᑉ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖓ. “ᖃᐅᔨᒪᖕᒥᔪᖓ ᐱᓕᕆᕐᔪᐊᖏᓐᓇᕈᑦᑕ, ᑲᒪᒋᕐᔪᐊᕐᓗᒍ ᑭᒃᑯᑐᐃᓐᓇᕐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖃᓄᐃᑉᐸᓪᓕᐊᓂᕆᔭᐅᓯᒪᔪᑦ ᐊᖏᕐᕋᖅᓯᒪᓗᓯᓗ, ᓄᖅᑲᖅᑎᑦᑐᓐᓇᖅᑕᕗᑦ ᓯᐊᒻᒪᔭᓐᓂᖓ ᓄᕙᒃᔪᐊᕐᓇᖅ−19. ᓄᓇᕗᒻᒥᐅᑦ, ᐱᕕᖃᓚᐅᕈᕕᑦ ᐋᓐᓂᐊᓕᕇᒃᑯᓯᓕᖅᑕᐅᓂᕐᒧᑦ ᐱᓚᐅᙱᓪᓗᑎᓪᓗ ᓱᓕ, ᐃᓂᒃᓴᓕᐅᕆᑦ ᓄᓇᓕᔅᓯᓐᓂ ᐋᓐᓂᐊᕕᖕᒧᑦ. ᑕᒪᓐᓴ ᐱᐅᓛᖑᓪᓗᓂ ᓴᐳᒻᒥᔾᔪᑎᒋᔪᓐᓇᖅᑕᕗᑦ ᒫᓐᓇᐅᔪᖅ.”

ᑖᒃᑯᐊ ᑕᒪᕐᒥᒃ ᖃᓄᐃᙱᑦᑐᑦ, ᐅᐸᒃᑕᐅᑦᑕᐃᓕᒪᓪᓗᑎᒃᓗ ᐊᖏᕐᕋᖏᓐᓂ ᑲᑎᙵᖃᑎᒋᔭᐅᓚᐅᖅᑐᓪᓗ ᓱᓕ ᖃᐅᔨᓴᖅᑕᐅᕙᓪᓕᐊᓪᓗᑎᒃ. ᕕᕗᐊᕆ 18−ᒥ ᐱᒋᐊᖅᖢᓂ, ᐊᕐᕕᐊᕐᒥ ᖃᐅᔨᓴᖅᑕᐅᔪᑦ 2124−ᖑᔪᑦ ᐱᑕᖃᙱᓐᓂᕋᖅᑕᐅᔪᓂᒃ ᓴᖅᑭᑎᑦᑎᕗᑦ ᖃᐅᔨᓴᖅᑕᐅᔾᔪᑎᖏᑦ.

ᓄᓇᕘᑉ ᑐᐊᕕᕐᓇᖅᑐᓕᕆᔨᒃᑯᑦ ᓱᓕ ᐃᑲᔪᖅᑐᑦ ᓄᓇᓕᖕᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᓕᕆᔨᖏᓐᓂᒃ. ᓱᓕ ᐊᕐᕕᐊᓕᐊᖅᑐᖃᕆᐊᖃᙱᑦᑐᖅ ᐊᕐᕕᐊᓂᓪᓗ ᐊᐅᓪᓚᖅᑐᖃᕆᐊᖃᙱᖦᖢᓂ, ᑭᓯᐊᓂ ᑐᐊᕕᕐᓇᖅᑐᖃᖅᐸᑦ ᐱᔭᕆᐊᖃᓪᓚᕆᑦᑐᖃᕐᐸᓪᓘᓐᓃᑦ.

ᐊᕐᕕᐊᕐᒥᐅᑦ ᓄᕙᒃᔪᐊᕐᓇᖅ−19-ᒧᑦ ᑲᐱᔭᐅᔪᒪᔪᑦ ᐋᓐᓂᐊᕕᖕᒧᑦ ᐅᖄᓚᔪᓐᓇᖅᐳᑦ ᐃᓂᒃᓴᓕᐅᕈᒪᓗᑎᒃ. ᒫᓐᓇᒧᑦ ᑎᑭᖦᖢᒍ, 6850 ᓄᓇᕗᒻᒥᐅᑦ ᐊᑕᐅᓯᕐᒥᒃ ᑲᐱᔭᐅᓯᒪᓕᖅᐳᑦ ᒫᑐᓇ ᑲᐴᑎᒧᑦ. ᑲᐱᓯᑲᑕᖕᓂᐊᖅᑐᑦ ᑕᒫᓂ ᐅᑭᐅᖅᑕᖅᑐᒥ ᓱᓕ ᑲᔪᓯᕗᑦ.

ᐊᒻᒪᓗᑦᑕᐅᖅ, ᓄᓇᕗᒻᒥᐅᑦ ᒥᓂᔅᑕᖓᑦ ᐋᓐᓂᐊᖃᕐᑕᐃᓕᒪᔪᓕᕆᓂᕐᒧᑦ ᓗᐋᓐ ᖁᓱᒐᖅ ᐅᖓᕙᕆᐊᖅᑎᑦᑎᕗᖅ ᐅᑭᐅᖅᑕᖅᑐᒥ ᐊᕕᒃᓯᒪᓂᐅᑉ ᐋᓐᓂᐊᖅᑕᐃᓕᒪᔪᓕᕆᓂᕐᒧᑦ ᑭᒃᑯᑐᐃᓐᓇᕐᓄᑦ ᑐᐊᕕᕐᓇᖅᑐᖁᑖᓂᒃ ᒫᑦᓯ 4, 2021−ᖑᕋᓱᖕᓂᖓᓂ.

ᑭᓇᑐᐃᓐᓇᑦᑎᐊᑦ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ−19-ᓕᖕᒧᑦ ᐅᖄᓚᖁᔭᐅᕗᖅ ᓄᕙᕐᔪᐊᕐᓇᒧᑦ−ᐅᖄᓚᕝᕕᒃᓴᒧᑦ ᐅᕗᖓ 1-888-975-8601 10:00−ᒥᑦ ᐅᓪᓛᒃᑯᑦ ᐱᒋᐊᕐᓗᓂ 6:00−ᒧᐊᕋᓱᖕᓂᖓᓄᑦ ᐅᓐᓄᒃᑯᑦ. ᕿᑭᖅᑖᓗᖕᒥᐅᑦ ᖃᐅᔨᓴᐅᑎᖓ ᒪᓕᒡᓗᒍ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓂ, ᐊᓂᑦᑕᐃᓕᒪᓯᑲᐅᑎᒋᓗᓂᓗ ᐅᓪᓗᓄᑦ 14−ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca/health/information/covid-19-novel-coronavirus.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ ᒫᓐᓇᓗ ᐋᓐᓂᐊᖅᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ, ᐅᕗᙵᕐᓗᓯ: https://www.gov.nu.ca/health/information/nunavuts-path

ᓄᑖᖑᓛᑦ ᑐᓴᒐᒃᓴᐃᑦ ᑕᑯᔪᒪᒍᕕᒋᑦ ᓄᓇᕗᒻᒥ ᓄᕙᒡᔪᐊᕐᓇᖅ−19 ᐋᓐᓂᐊᓕᕇᒃᑯᑎᒧᑦ ᐱᓕᕆᐊᖑᔪᓄᑦ, ᐅᕗᙵᕐᓗᑎᑦ www.gov.nu.ca/health/information/covid-19-vaccination

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑲᐃᑦ ᒪᒡᓚᐅᑦ
ᐱᕙᓪᓕᐊᔪᓄᑦ ᑎᑎᕋᖅᑎ ᓯᕗᓕᖅᑎ ᓴᕕᑲᑖᕐᒧᑦ
867-975-5059
cmacleod@gov.nu.ca

ᑕᐃᓇᕋᐃ ᓴᒧᕕᐅᓪ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5712
dsommerville1@gov.nu.ca