ᐅᖃᓚᐅᑎᓯᐅᑏᑦ

You are here

ᐊᓂᖅᓵᖅᑐᕐᓂᒃᑯᑦ ᐋᓐᓂᐊᕆᔭᐅᕙᒃᑐᖅ ᐊᖏᒡᓕᕙᓪᓕᐊᕗᖅ ᑕᐃᒪᐃᔾᔪᑎᖃᖅᖢᓂ ᓄᕙᒡᔪᐊᕐᓇᖅᓯᓯᒪᓕᕐᓂᖓᓂᒃ

ᒫᑦᓯ 04, 2019

ᐃᓄᐃᑦ ᖃᓄᐃᙱᑦᑎᐊᖁᓪᓗᒋᑦ ᐅᖃᐅᔾᔨᒋᐊᕐᓂᖅ

ᐊᓂᖅᓵᖅᑐᕐᓂᒃᑯᑦ ᐋᓐᓂᐊᕆᔭᐅᕙᒃᑐᖅ ᐊᖏᒡᓕᕙᓪᓕᐊᕗᖅ ᑕᐃᒪᐃᔾᔪᑎᖃᖅᖢᓂ ᓄᕙᒡᔪᐊᕐᓇᖅᓯᓯᒪᓕᕐᓂᖓᓂᒃ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᔾᔨᖅᓱᖁᔨᕗᑦ ᓄᓇᕗᒻᒥᐅᓂᒃ ᐊᖏᒡᓕᒋᐊᖅᓯᒪᔪᖃᓕᕐᓂᖓᓂᒃ ᓄᓇᕘᓕᒫᒥ ᐊᓂᖅᓵᖅᑐᕐᓂᒃᑯᑦ ᐋᓐᓂᐊᕐᓂᕆᔭᐅᕙᒃᑐᖅ, ᑕᒪᓐᓇᓗ ᑕᐃᒪᐃᔾᔪᑎᖃᖅᑐᒃᓴᐅᓪᓗᓂ ᓄᕙᒡᔪᐊᕐᓇᖅᑐᒧᑦ.

ᓄᕙᒡᔪᐊᓕᕈᕕᑦ, ᐅᑯᓂᖓ ᖃᐅᔨᔾᔪᑕᐅᔪᓐᓇᖅᑐᓂᒃ ᐱᓯᒪᑐᐃᓐᓇᕆᐊᖃᖅᐳᓯᑎᑦ:

  • ᐆᓇᕐᓗᑎᑦ ᖁᐃᖅᓱᑲᑕᒡᓗᑎᓪᓗ;
  • ᑲᒃᑭᓕᑲᑕᒡᓗᑎᑦ;
  • ᐃᒡᒋᐊᕐᓗᒡᓗᑎᑦ;
  • ᓴᐅᓂᙳᓗᑎᑦ;
  • ᑕᖃᖓᖅᑰᔨᓗᑎᑦ; ᐅᕝᕙᓘᓐᓃᑦ
  • ᓂᕆᔪᒪᑦᑎᐊᑲᑕᙱᓪᓗᑎᑦ.

ᐊᑐᖅᓯᒪᒍᕕᑦ ᓇᓕᐊᖕᓂᑐᐃᓐᓇᖅ ᖁᓛᓃᑦᑐᓂᒃ, ᐃᒥᒐᔪᒃᐸᒡᓗᑎᒃ ᐊᖏᔪᒥᒃ ᐃᒪᕐᒥᒃ, ᐃᒥᒐᕐᒥᑦ, ᑕᖃᐃᖅᓯᖅᐸᒡᓗᑎᓪᓗ. ᐆᓇᕐᓃᑦ, ᓴᐅᓂᙳᓃᑦ ᐃᒃᐱᒋᔭᑎᓪᓗ ᑲᒪᒋᔭᐅᔪᓐᓇᖅᐳᑦ ᐄᓯᓗᑎᑦ Tylenol−ᒥᒃ Advil−ᒥᒡᓘᓐᓃᑦ ᐋᓐᓂᐊᕐᕕᔅᓯᓐᓄᙵᐅᓗᑎᑦ ᐋᓐᓂᐊᕈᑎᒋᔭᑎᑦ ᐱᕙᓪᓕᐊᑐᐃᓐᓇᖅᐸᑕ.

ᖃᓂᒪᓐᓇᐅᔪᖅ ᐃᓱᒪᒋᔭᐅᑦᑎᐊᓪᓚᕆᒋᐊᖃᖅᐳᖅ. ᐅᑯᐊ ᑕᕝᕙ ᐊᑐᖅᑕᐅᔪᓐᓇᖅᑐᑦ ᓯᐊᒻᒪᒃᑎᑦᑕᐃᓕᒪᔪᒪᓗᒍ ᑕᒪᓐᓇ ᓄᕙᒡᔪᐊᕐᓇᖅᑐᖅ:

  • ᐊᒡᒐᑎᑦ ᐅᐊᓴᐃᓐᓇᐅᔭᕐᓗᒋᑦ ᐆᓇᔪᒃᑐᒧᑦ ᐃᒪᕐᒧᑦ ᐅᐊᓴᐅᑎᖃᖅᐸᒡᓗᑎᓪᓗ.
  • ᖃᓃᑦ ᒪᑐᕙᒡᓗᒍ ᖁᐃᖅᓱᓕᕌᖓᕕᑦ.
  • ᐊᐃᓯᒪᓗᑎᑦ ᐳᕙᒃᑯᑦ ᐋᓐᓂᐊᕈᕕᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐋᓐᓂᐊᓯᐅᑎᔅᓯᓐᓄᑦ ᐊᐱᖅᓱᕆᐊᖅᑐᕐᓗᑎᑦ ᓄᓇᔅᓯᓐᓂᑦ ᐋᓐᓂᐊᕕᖕᒧᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓴᐃᕋ ᐋᕐᓯᓅ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
sarsenault@gov.nu.ca