ᐅᖃᓚᐅᑎᓯᐅᑏᑦ

You are here

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᖃᓱᔭᐅᔪᑦ ᑭᙵᕐᓂᑦ

ᐊᒃᑐᐸ 18, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᖃᓱᔭᐅᔪᑦ ᑭᙵᕐᓂᑦ

ᐃᖃᓗᐃᑦ, ᓄᓇᕗᑦ (ᐅᑐᐱᕆ 18, 2021) − ᓘᒃᑖᖅ ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐅᓪᓗᒥ ᑐᓴᖅᑎᑦᑎᖅᑲᐅᕗᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᖃᖅᑎᑕᐅᔪᑦ ᐊᒃᓱᕉᑕᐅᓗᐊᔾᔮᔪᓐᓃᕐᓂᖏᓐᓂᒃ ᑭᙵᕐᓂ.

“ᐱᓇᓱᐊᕈᓰᒃ ᒪᕐᕉᒃ ᐅᖓᑖᓃᓕᕐᑐᑦ ᑭᖑᓪᓕᕐᐹᒥ ᓄᕙᒡᔪᐊᕐᓇᖅ-19−ᖃᕐᑐᖅ ᑭᙵᕐᓂᑦ ᖃᓄᐃᑦᑐᓐᓃᓚᐅᕐᒪᑦ ᐅᓗᕆᐊᓇᓗᐊᕈᓐᓃᕐᖢᓂᓗ ᒫᓐᓇ ᖃᓱᓗᒋᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᒪᓕᒋᐊᓕᑦ ᓄᓇᓕᖕᓂᑦ,” ᐅᖃᖅᑲᐅᔪᖅ ᓘᒃᑖᖅ ᐹᑐᓴᓐ. “ᐃᖅᑲᐃᓯᔪᒪᓪᓗᒋᓪᓗᑦᑕᐅᖅ ᓄᓇᕗᒻᒥᐅᓕᒫᑦ ᒪᑐᐊᕐᓯᒪᔭᕆᐊᖃᓪᓚᕆᖕᓂᖏᓐᓂᑦ ᓄᓇᓕᓕᒫᓂᑦ.”

ᐱᒋᐊᕐᓗᓂ ᐅᑐᐱᕆ 19−ᒥᑦ:

  • ᑭᒡᓕᖃᕈᓐᓃᕐᑐᑦ ᐊᒥᓲᓂᖏᑦ ᐃᓄᐃᑦ ᓯᓚᒥᑦ ᑲᑎᓐᓂᐊᕐᓗᑎᒃ.
  • ᐃᓘᑉ ᐃᓗᐊᓂ ᑲᑎᙵᔪᑦ ᐅᓄᖅᓯᒋᐊᕐᓗᑎᒃ 15−ᓄᑦ ᐃᓄᖕᓄᑦ, ᐃᒡᓗᒥᐅᖃᑕᐅᔪᑦ ᐃᓚᐅᓗᑎᒃ.
  • ᐃᓪᓗᒥ ᑲᑎᙵᔪᑦ, ᑐᒃᓯᐊᕆᐊᕐᕕᐅᔪᓂᑦ, ᐱᙳᐊᕐᕕᐅᔪᓂᑦ, ᐃᖃᐃᓕᓴᕐᕕᐅᔪᓂᑦ, ᐊᒻᒪᓗ ᐳᐃᔾᔪᕋᕐᕖᑦ, ᐃᓚᒋᐊᕐᑐᑦ 100−ᓄᑦ ᐃᓄᖕᓄᑦ 75 ᐳᓴᓐᑎᒥᓪᓘᓐᓃᑦ ᐃᓄᒋᐊᒍᓐᓇᕐᑕᖓᓂ, ᓇᓕᐊᑐᐃᓐᓇᖅ ᐊᒥᓲᙱᓐᓂᕐᓴᖅ.
  • ᐅᖃᓕᒫᒐᖃᕐᕕᑦ, ᑕᑯᔭᒐᖃᕐᕕᑦ 25−ᓂᒃ ᐃᓄᖕᓂᒃ ᑕᕐᕆᔭᖅᑎᑦᑎᔪᓐᓇᖅᑐᑦ ᐅᕝᕙᓘᓐᓃᑦ 50% ᐃᓐᓄᒍᓐᓇᕐᓂᕆᔭᖓ ᒪᓕᒃᑕᐅᓗᓂ.
  • ᓇᒥᑐᐃᓐᓇᖅ ᐃᓄᒋᐊᒃᑐᒃᑯᕕᐅᔪᓂᑦ ᑲᑎᙵᓗᑎᑦ ᐳᓚᕋᑦᑎᖃᕆᐊᖃᕈᓐᓃᖅᑐᑦ, ᑲᑎᙵᓗᑎᑦ ᐃᖃᐃᓕᓴᕆᐊᖃᕈᓐᓃᖅᑐᑦ ᐅᕝᕙᓘᓐᓃᑦ ᐃᙱᓪᓗᑎᑦ.
  • ᐃᓕᒌᖑᔪᑦ ᕿᑎᒃᑎᑦ ᕿᑎᖃᑦᑕᕈᓐᓇᕐᓯᔪᑦ.
  • ᓂᕆᕝᕕᑦ ᐊᒻᒪᓗ ᓚᐃᓴᖃᖅᑎᑕᐅᔪᓪᓗ 75 ᐳᓴᓐᑎᒥ ᐃᓄᖃᕈᓐᓇᖅᓯᓗᑎᑦ.
  • ᐃᓅᓯᓕᕆᓂᕐᒧᑦ ᑲᑎᙵᔪᑦ ᑭᒡᓕᖓ 20 ᐃᓄᐃᑦ.
  • ᒥᕐᖑᐃᖅᓯᕐᕕᑦ ᐃᒡᓗᖁᑎᖏᑦ ᐅᒃᑯᐃᕈᓐᓇᕐᓯᔪᑦ.
  • ᑲᒪᒋᔭᐅᖏᓐᓇᖅᑐᒃᑯᕕᐅᔪᑦ ᐊᒻᒪᓗ ᐃᓐᓇᒃᑯᕖᑦ ᒪᕐᕉᓐᓂᒃ ᐅᒡᓚᖅᑎᖃᕈᓐᓇᕐᓗᑎᑦ; ᒪᑐᐊᖅᓯᒪᔭᕆᐊᓖᑦ ᑕᒪᕐᒥᒃ ᐅᒡᓚᖅᑎᐅᔪᑦ ᐅᑭᐅᓖᑦ ᑎᓴᒪᓂᒃ ᐅᖓᑖᓄᓪᓗ ᐃᓯᕈᓐᓇᖅᑐᑦ; ᖃᓂᒋᓂᖅᐹᖏᑦ ᐃᓚᒋᔭᖏᑦ ᑭᓯᐊᓂ.

ᑭᓇᑐᐃᓐᓇᖅ ᐱᕙᓪᓕᐊᓂᖃᖅᐸᑦ ᓄᕙᕐᔪᐊᕐᓇᖅ-19ᖃᕐᓂᕐᒧᑦ ᐅᖄᓚᖁᔭᐅᕗᑦ ᓄᕙᕐᔪᐊᕐᓇᒧᑦ ᐅᖄᓚᕝᕕᒻᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ ᖃᐅᔨᓴᖅᑕᐅᓂᕐᒧᑦ ᐃᓂᔅᓴᓕᐅᖁᓪᓗᒋᑦ ᐅᕝᕙᓘᓐᓃᑦ ᑐᓴᖅᑎᑦᑎᑲᐅᑎᒋᓗᑎᓪᓘᓐᓃᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᒻᒥᓂᖅ, ᐊᒻᒪᓗ ᐊᖏᕐᕋᓐᓂᒃ ᐃᓄᑑᔭᕆᐊᖃᓕᕐᓗᑎᑦ ᐅᓪᓗᓄᑦ 14ᓄᑦ.

ᓱᓕ ᑲᐱᔭᐅᓐᓇᖅᐳᖅ ᓄᓇᕘᓕᒫᒥ. ᐋᓐᓂᐊᕕᓯ ᐅᖃᓗᒡᕕᒋᓗᒍ ᐃᓂᒃᓴᓕᐅᕐᓗᑎᑦ ᐃᓯᑐᐃᓐᓇᕐᓗᑎᓪᓘᓐᓃᑦ ᐃᖃᓗᐃᑦ ᐅᖁᒪᐃᓐᓂᕐᓂᐊᕐᕕᖓᓄᑦ ᐱᓇᓱᐊᕈᓯᑕᒫᑦ Moderna-ᒧᑦ (ᐅᑭᐅᓕᖕᓄᑦ 18 ᐅᖓᑖᓄᓪᓗ) ᐱᖓᔪᐊᒃᑯᓪᓗ Pfizer (ᐅᑭᐅᓕᖕᓄᑦ 12-ᓂᑦ 17-ᒧᑦ).

ᐋᓐᓂᐊᓕᕇᒃᑯᑎᒧᑦ ᑲᐱᔭᐅᓯᒪᓗᓂ ᐱᐅᓂᖅᐹᖑᕗᖅ ᐃᓕᖕᓂᑦ, ᐃᓚᖕᓂᑦ ᐊᒻᒪᓗ ᓄᓇᓕᖕᓂ ᓴᐳᔾᔨᓯᒪᓇᓱᒡᓗᑎᑦ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca