ᐅᖃᓚᐅᑎᓯᐅᑏᑦ

You are here

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐃᖃᓗᓐᓂᑦ ᓄᖅᑲᖓᑎᑦᑎᒍᑕᐅᔪᑦ ᐃᓚᖏᑦ ᐊᑐᕈᓐᓃᖅᑎᑕᐅᔪᑦ, ᑭᓈᓗᒻᒥᑦ ᖃᐅᔨᓴᕐᓂᖅ ᐱᒋᐊᖅᑎᑕᐅᔪᖅ

ᔪᓚᐃ 14, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐃᖃᓗᓐᓂᑦ ᓄᖅᑲᖓᑎᑦᑎᒍᑕᐅᔪᑦ ᐃᓚᖏᑦ ᐊᑐᕈᓐᓃᖅᑎᑕᐅᔪᑦ, ᑭᓈᓗᒻᒥᑦ ᖃᐅᔨᓴᕐᓂᖅ ᐱᒋᐊᖅᑎᑕᐅᔪᖅ

ᓄᓇᕗᑦ (ᔪᓚᐃ 14, 2021) - ᐅᓪᓗᒥ, ᓘᒃᑖᖅ. ᒪᐃᑯ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᑐᓴᖅᑎᑦᑎᕗᖅ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐊᑐᖅᑕᐅᔪᑦ ᐃᖃᓗᓐᓂ ᓄᖅᑲᖓᑎᑦᑎᔾᔪᑕᐅᔪᓂᑦ ᐃᓚᖏᓐᓂᑦ ᐊᑐᕈᓐᓃᖅᑎᑦᑎᔪᖅ, ᐊᒻᒪᓗ ᐱᒋᐊᕐᓂᖓ ᑭᓈᓗᓕᕆᓂᕐᒥᑦ ᖃᐅᔨᓴᕐᓂᕐᒥᑦ ᐃᖃᓗᓐᓂᑦ ᐊᒻᒪᓗ ᑲᖏᖅᖠᓂᕐᒥᑦ.

"ᓄᑖᓂᑦ ᐋᓐᓂᐊᓕᖅᓯᒪᔪᖃᙱᒻᒪᑦ ᓄᕙᕐᔪᐊᕐᓇᖅ-19ᒧᑦ ᐃᖃᓗᓐᓂᑦ, ᐅᓗᕆᐊᓇᓗᐊᕈᓐᓃᕐᒪᑦ ᑖᒃᑯᐊ ᐃᓚᖏᑦ ᓄᖅᑲᖓᑎᑦᑎᔾᔪᑕᐅᓯᒪᔪᑦ ᐊᑐᕈᓐᓃᖅᑎᑕᐅᕙᓪᓕᐊᓗᑎᑦ ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ," ᐅᖃᖅᑐᖅ ᓗᑖᖅ. ᐹᑐᓴᓐ. "ᐱᒻᒪᕆᐅᕗᖅ ᐃᖅᑲᐅᒪᓗᑕ ᐃᖃᓗᓐᓂ ᓱᓕ ᐊᓂᒍᙱᒻᒪᑦ ᑕᒪᓐᓇ ᐋᓐᓂᐊᓂᐅᔪᖅ ᓯᐊᒻᒪᓐᓂᕆᓯᒪᔭᖓ, ᐊᒻᒪᓗ ᓄᓇᕗᒻᒥᐅᓕᒫᑦ ᑕᒪᕐᒥᑦᑎᐊᖅ ᓱᓕ ᐅᔾᔨᖅᓱᖅᑎᐊᖏᓐᓇᕆᐊᓖᑦ. ᒪᑐᐊᖅᓯᒪᔾᔪᑏᑦ ᐊᑐᖅᑕᐅᖏᓐᓇᕐᓗᑎᑦ ᓄᓇᓕᓕᒫᓂᑦ ᑖᓐᓇ ᓱᓕ ᐊᑐᖅᑕᐅᖏᓐᓇᕆᐊᖃᖅᑐᖅ ᐱᓗᐊᕈᓐᓃᖅᑎᑦᑎᓇᓱᐊᓂᕐᒧᑦ ᐱᑕᖃᑐᐃᓐᓇᕆᐊᖃᕐᓂᖓᓂᒃ ᐅᓗᕆᐊᓇᖅᑐᒦᖏᓐᓂᖅᓴᐅᖁᓪᓗᒋᑦ."

ᐃᖃᓗᓐᓂ, ᐱᒋᐊᕐᕕᒋᓗᒍ 12:01ᒥᑦ ᐅᓐᓄᐊᒃᑯᑦ ᑕᓪᓕᕐᒥᖅ ᔪᓚᐃ 16:

  • ᓯᓚᒥ ᑲᑎᙵᔪᑦ ᐃᓱᖃᕐᓗᑎᑦ ᐊᒦᓱᔪᓐᓇᕐᓂᖏᑦ 100−ᓄᑦ ᐃᓄᖕᓄᑦ ᐊᒥᓱᕈᕆᐊᖅᑕᐅᔪᖅ.
  • ᐃᓘᑉ ᐃᓗᐊᓂ ᑲᑎᙵᔪᑦ ᐅᓄᖅᓯᒋᐊᕐᓗᑎᒃ 15−ᓄᑦ ᐃᓄᖕᓄᑦ, ᐃᒡᓗᒥᐅᖃᑕᐅᔪᑦ ᐃᓚᐅᓗᑎᒃ.
  • ᐃᓪᓗᒥᑦ ᑲᑎᙵᔪᑦ, ᐃᓚᖃᖅᑐᑦ ᒪᑯᓂᖓ ᑐᔅᓯᐊᕐᕕᓐᓂᑦ, ᒫᓐᓇ 50−ᓂᑦ ᐃᓄᓐᓂᑦ ᐃᓄᖃᕈᓐᓇᖅᓯᔪᑦ ᐅᕝᕙᓗ 50%−ᖓᓂᑦ ᐃᓄᖃᕈᓐᓇᕐᓂᖓ, ᓇᓪᓕᐊᑐᐃᓐᓇᖅ ᖃᑦᑏᓐᓇᐅᓂᖅᓴᐅᑉᐸᑦ ᐊᑐᕐᓗᒍ.
  • ᓂᕆᕖᑦ ᐊᒻᒪᓗ ᓚᐃᓴᖃᖅᑎᐅᔪᑦ ᓱᕕᐅᔪᑦ ᒪᑐᐃᖓᒍᓐᓇᖅᓯᔪᑦ 50%−ᖑᓗᓂ ᐃᓄᖃᕈᓐᓇᕐᓂᖓᑕ ᐊᒥᓲᓂᖓ.
  • ᖃᓄᐃᓕᐅᖅᑕᐅᖃᑦᑕᖅᑐᑦ ᓚᐃᓴᖃᖅᑐᓄᑦ ᓱᕕᐅᔪᓄᑦ ᓲᕐᓄ ᐸᐃᒃᑳᑦ, ᑐᒐᕐᕖᑦ, ᐃᙱᖅᑐᑦ ᐊᒻᒪᓗ ᓂᔾᔭᐅᑎᓅᖅᑐᑦ ᐃᙱᑦᑐᑦ ᐱᔪᓐᓇᐅᑎᖅᑕᐅᔾᔮᖏᑦᑐᑦ.
  • ᑲᑎᙵᓗᑎᑦ ᐃᓅᓯᓕᕆᓂᕐᒧᑦ ᐃᑲᔪᖅᑕᐅᔪᑦ ᐱᔪᓐᓇᖅᑎᑕᐅᔪᑦ ᐃᓄᖃᕈᓐᓇᕐᓗᑎᑦ ᐃᓱᖃᕐᓗᒍ 20ᓂᑦ ᐃᓄᐃᑦ ᑲᑎᙱᓗᑎᑦ.
  • ᐃᖃᐃᓕᓴᕐᓂᕐᒧᑦ ᐃᓕᓐᓂᐊᖅᑐᑦ ᐱᔪᓐᓇᖅᑎᑕᐅᔪᑦ ᐃᓄᐃᑦ ᑲᑎᙵᔪᑦ ᐃᓱᖃᕐᓗᒍᑦ 10-ᓂᑦ.
  • ᑕᑯᔭᒐᖃᕐᕖᑦ, ᓴᓇᙳᐊᒐᖃᕐᕖᑦ ᐊᒻᒪᓗ ᐅᖃᓕᒫᒐᖃᕐᕖᑦ ᑲᑎᙵᓗᑎᑦ ᐃᓄᐃᑦ ᑕᑯᔭᖅᑐᖅᑎᑕᐅᔪᓐᓇᖅᑐᑦ.
  • ᑕᕐᕆᔭᕐᕖᑦ ᒪᑐᐃᖓᒍᓐᓇᖅᓯᒪᔪᑦ 50%−ᖓᓐᓂᑦ ᐃᓄᖃᕈᓐᓇᕐᓂᖓᑕ ᐊᒥᓲᓂᖏᑦ.
  • ᐃᓪᓘᑉ ᐃᓗᐊᓂ ᐱᙳᐊᖃᑦᑕᕈᓐᓇᖅᓯᔪᑦ. ᑖᓐᓇ ᐃᓚᓕᐅᑎᔭᐅᓯᒪᔪᖅ ᑭᓈᓗᓕᕆᓂᕐᒥᑦ ᖃᐅᔨᓴᕐᓂᖅ ᑖᓐᓇ ᓄᕙᕐᔪᐊᕐᓇᖅ-19ᒥᑦ ᐱᑕᖃᕐᒪᖔᖅ ᖃᐅᔨᓴᕈᑕᐅᓗᓂ ᓇᐅᑦᑎᖅᓱᖅᑕᐅᓂᐊᖅᑐᑦ ᕿᓚᒥᐅᓂᖅᓴᒃᑯᑦ ᐊᐅᓚᔾᔭᒋᐊᕈᑎᖃᕈᓐᓇᖁᓪᓗᒋᑦ ᐊᒻᒪᓗ ᐱᐅᓯᕚᓪᓕᖅᑎᑦᑎᒍᑕᐅᓗᓂ

ᓯᕗᓪᓕᕐᒥᑦ ᓄᕙᕐᔪᐊᕐᓇᖅ-19 ᐱᑕᖃᕐᓂᖓᓂᑦ ᖃᐅᔨᔾᔪᑕᐅᓗᓂ. ᑖᒃᑯᐊ ᖃᐅᔨᓴᕐᓂᐅᔪᑦ ᐱᓕᕆᐊᖑᖃᑦᑕᕐᓂᐊᖅᑐᑦ ᑲᔪᓯᔪᓐᓇᕐᒪᖔᑦ ᖃᐅᔨᔭᐅᓇᓱᐊᕐᓗᓂ ᑕᖅᑭᓄᑦ ᐱᖓᓱᓄᑦ ᐊᑐᖅᑕᐅᓗᓂ ᑲᖏᖅᖠᓂᕐᒥᑦ ᐊᒻᒪᓗ ᐃᖃᓗᓐᓂ, ᑖᒃᑯᓇᓂ ᑭᓈᓗᓕᕆᓂᕐᐅᕙᑦᑐᖅ ᖃᓄᐃᑦᑑᓂᖓᓄᑦ ᓄᓇᓖᓐᓂᒃ.

ᑭᓇᑐᐃᓐᓇᖅ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᑦ ᓄᕙᒡᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ, ᑐᓴᖅᑎᑦᑎᑲᐅᑎᒋᓗᑎᒡᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ, ᐊᓂᑦᑕᐃᓕᓯᑲᐅᑎᒋᓗᑎᒡᓗ ᐊᖏᕐᕋᒥᓂ ᐅᓪᓗᓄᑦ 14-ᓄᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ.

ᓄᑖᖑᓛᑦ ᑐᓴᒐᒃᓴᑦ ᑕᑯᔪᒪᒍᕕᒋᑦ, ᐅᑯᐊᓗ ᖃᔅᓯᐅᓂᖏᑦ ᐊᓂᒍᐃᔪᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᐱᖃᕐᓂᖏᓐᓂ ᓄᓇᓕᒃᑎᒍᑦ, ᐅᕗᙵᕐᓗᑎᑦ: www.gov.nu.ca

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca